“എടി മോളെ, എന്തൊക്കെയാ നീ ഈ പറയുന്നേ.. എനിക്ക് നിന്നോടുള്ള സ്നേഹമൊന്നും കുറഞ്ഞിട്ടില്ല, നിന്നെ മറന്നിട്ടുമില്ല. പക്ഷേ നിനക്കുവേണ്ടി ഞാൻ കൂടുതൽ സമയം ചിലവാകാത്തത് തെറ്റ് തന്നേയ—”
“അപ്പൊ അച്ചാച്ചൻ സോറി പറഞ്ഞെ, പണ്ട് എപ്പോഴും പറയാറുള്ളത് പോലെ പറയണം.” ജെസ്സി ചിണുങ്ങിക്കൊണ്ട് പറഞ്ഞു.
“സോറി, സോറി, സോറി… എന്റെ മോളോട് സോറി. ഈ അച്ചാച്ചൻ എന്റെ മോളെ സങ്കടപ്പെടുത്തിയതിന് കോടാനുകോടി സോറി. എന്റെ പഞ്ചാര കുട്ടിയെ ഒഴിവാക്കി നടന്നതിന് ഈ പ്രപഞ്ചത്തിലുള്ള നക്ഷത്രങ്ങളുടെ എണ്ണത്തേക്കാളും കൂടുതൽ സോറി. ഇനി വിഷമിക്കരുത്, കേട്ടല്ലോ.” ഞാൻ എന്റെ വിഷമം മറച്ച് പറഞ്ഞു. പെട്ടന്ന് എന്റെ കണ്ണുകൾ നിറയുകയും ചെയ്തു.
ഉടനെ ജെസ്സി ചിരിച്ചു. “ഓക്കെ, ഓക്കെ, ഇനി അച്ചാച്ചൻ വെറുതെ വിഷമിക്കേണ്ട, സ്നേഹം കുറഞ്ഞിട്ടില്ലെന്ന് ഇപ്പൊ എനിക്ക് മനസ്സിലായി.” ജെസ്സി കുസൃതിയോടെ ചിണുങ്ങി ചിരിച്ചു. “പിന്നേ വേദനയൊക്കെ മാറിയോ അച്ചാച്ച?” ഒടുവില് കുസൃതിയും ചിരിയും മതിയാക്കി അവള് വിഷമത്തോടെ ചോദിച്ചു.
“അതൊക്കെ മാറി മോളെ. നമ്മുടെ ടീച്ചർ രണ്ട് പ്രാവശ്യം ഉഴിഞ്ഞു തടവിയപ്പൊ എല്ലാം ഓക്കെയായി. നി വിഷമിക്കേണ്ട.” ഞാൻ അവളെ ആശ്വസിപ്പിച്ചു.
“ഹ്മ്, നിത്യ ടീച്ചർക്ക് ഉഴിച്ചില് അറിയാവുന്നത് കൊണ്ട് ഭാഗ്യമായി. എന്തായാലും അച്ചാച്ചൻ 3,4 ദിവസം കൂടി അവിടെ റസ്റ്റ് എടുത്തിട്ട് മാത്രം ആ യാത്ര ചെയ്താൽ മതി.” ജെസ്സി ഉപദേശിച്ചു.
“ശെരിക്കും ഞാൻ ഓക്കെയാണ് മോളെ. പിന്നെ ഞങ്ങൾ രണ്ട് ദിവസത്തെ ടൂർ പോകാൻ തീരുമാനിച്ചു. ഇന്നു രാത്രി സ്റ്റാര്ട്ട് ചെയ്യും. മൂന്നാർ, ഊട്ടി, കൊടൈക്കാനൽ ഒക്കെ കറങ്ങി വരാന പ്ലാൻ.”
“എന്റെ അച്ചാചാ, ഈ വേദനയൊക്കെ വച്ചിട്ട് ഈ ടൂർ വേണോ..?” ജെസ്സി പെട്ടന്ന് വിഷമിച്ച് പിണങ്ങി ചോദിച്ചു.
“വേദനയൊക്കെ ശെരിക്കും മാറി മോളെ. ഇപ്പൊ എനിക്ക് പ്രശ്നമില്ല.”
“ശെരിക്കും മാറിയോ? സത്യം പറ അച്ചാച്ച..!”
“സത്യം, ഏറെകുറെ മാറി.”
“എന്ന സാരല്ല. അച്ചാച്ചൻ പൊയ്ക്കോ.” ജെസ്സി സമ്മതിച്ചു. “പിന്നേ അവരും പാവമല്ലേ അച്ചാച്ച. അവരുടെ ഫാമിലിയൊക്കെ കളഞ്ഞിട്ട്, അധികം ഫ്രണ്ട്സ് ഇല്ലാതെ, എൻജോയ്മെന്റ് ഇല്ലാതെ, ഓൾമോസ്റ്റ് ഒറ്റപ്പെട്ട ജീവിതമല്ലേ അവർ രണ്ടുപേരും ജീവിക്കുന്നേ..! ഇങ്ങനെ ജീവിച്ചാ മനസ്സ് പോലും മുരടിച്ചു പോകും. അതുകൊണ്ട് ഇതുപോലെ സമയം കിട്ടുമ്പോ അച്ചാച്ചൻ അവരെ ന്യൂ പ്ലേസിലൊക്കെ ടൂർ കൊണ്ടു പോണേ.” ജെസ്സി സങ്കടപ്പെട്ട് പറഞ്ഞു.
അവൾ സങ്കടം പറയുന്നത് കൊണ്ട് അവളുടെ ശബ്ദം നല്ലതുപോലെ താഴ്ന്നു പോയിരുന്നു. അതുകൊണ്ട് ഞാൻ മൊബൈൽ എന്റെ ചെവിക്ക് അടുത്തായിട്ടാണ് പിടിച്ചത്.
“കൊണ്ടുപോകാം മോളെ.” ഞാനും സമ്മതിച്ചു.
“അച്ചാച്ച….!!” പെട്ടന്ന് എന്തോ മനസ്സിലാക്കിയ പോലെ ജെസ്സി ധൃതിയില് ഉറക്കെ വിളിച്ചുകൂവി.
“യോ… എന്റെ അടുത്ത ചെവിയും പൊട്ടി.” പെട്ടന്ന് മൊബൈൽ നീക്കി പിടിച്ചിട്ട് എന്റെ രണ്ടാമത്തെ ചെവിയും ഞാൻ തടവി.
“ചെവി പൊട്ടിയത് അവിടെ നിക്കട്ടെ, ആദ്യം ഞാൻ ചോദിക്കുന്നതിന് സത്യം മാത്രമെ പറയാവു.” ജെസ്സി ഭയങ്കര സീരിയസ്സായി ഡിമാന്റ് ചെയ്തു.
അപ്പോ ഞാൻ ശെരിക്കും ഭയന്നു പോയി. പുണ്യാളന്മാരേ, മിസ്സിനോടും ടീച്ചറോടും എനിക്കുള്ള ഇഷ്ടത്തെ കുറിച്ച് ജെസ്സിക്ക് സംശയം വല്ലതും തോന്നി തുടങ്ങിയോ..!! ഞാൻ പെട്ടന്ന് തല പുകഞ്ഞ് എന്തൊക്കെയോ ആലോചിച്ചു കൂട്ടി.
“സത്യം പറ അച്ചാച്ച, ഊട്ടിയും കൊടൈക്കാനലും ആരാ സെലക്റ്റ് ചെയ്തത്, അച്ചാച്ചൻ തന്നെയല്ലേ..?”
അവളുടെ ചോദ്യം കേട്ട് എന്റെ വെപ്രാളം പെട്ടന്ന് മാറി. ഹോ.. അപ്പോ അതായിരുന്നില്ലേ കാര്യം.
“യേയ് ഞാനല്ല ആ സ്ഥലങ്ങള് സെലക്ട് ചെയ്തത്, അവരാണ്. അവർ രണ്ടുപേരും രണ്ട് സ്ഥലമ പറഞ്ഞത്, അപ്പൊപിന്നെ രണ്ട് സ്ഥലത്തും പോകാമെന്ന് ഞാൻ പറഞ്ഞെന്നത് നേരാണ്.”