ഇവന്റെ സ്വഭാവം വച്ച് നോക്കുമ്പോ, തല തിരിച്ചാണ് ഇവന് കഥ പറയുന്നതെന്ന് ഞാൻ ഊഹിച്ചു. ഇവന്റെ മുതലാളിയുടെ ഭാര്യയേയും ലേഡി സ്റ്റാഫ്സിനേയും ഒക്കെ ഇവൻ തന്നെയാവും വശീകരിക്കാൻ ശ്രമിച്ചിട്ടുണ്ടാവുക. ഒരു സംശയവുമില്ല.
പിന്നേ ഇവിടത്തെ മറ്റ് ആണ് സ്റ്റാഫ്സ് ആരും തന്നെ നല്ലവരല്ല പോലും, മുതലാളി പോലും ടീച്ചറേയും മിസ്സിനേയും വളച്ച് എന്തെങ്കിലും ചെയ്യാൻ ശ്രമിക്കും പോലും…. അതുകൊണ്ട് എന്ത് ആവശ്യം വന്നാലും വേറെ ആരുടെയും അടുത്തേക്ക് പോകാതെ അവനെ മാത്രം ആശ്രയിച്ചാൽ മതിയെന്ന് അവന് പറഞ്ഞത് കേട്ട് എന്റെ തലയ്ക്കകത്ത് പ്രഷർ കേറി എന്റെ തല പൊളിഞ്ഞത് പോലെയായി.
ഇവന്റെ സ്വഭാവം വച്ച് നോക്കിയാൽ ഇവനെ ഒഴികെ മറ്റുള്ള എല്ലാവരെയും കണ്ണുമടച്ച് വിശ്വസിക്കാന് കഴിയുമെന്ന് ഞാൻ ഉറപ്പിച്ചു. ഇവന്റെ ഈ ഭ്രാന്തിനെ വിചാരിച്ച് ഈ റിസോര്ട്ടിലുള്ള സകല സ്റ്റാഫ്സ്സിനേയും, കസ്റ്റമറേയും, അവന്റെ ആ മുതലാളിയോടും ഭാര്യയോട് പോലും എനിക്ക് സഹതാപം തോന്നി പോയി.
പുണ്യാളന്മാരേ…. ആ പാവങ്ങളേയൊക്കെ ഇവനിൽ നിന്നും രക്ഷിക്കണേ..!! ജീവിതത്തിൽ ആദ്യമായി ഞാൻ എന്റെ മനസ്സിനകത്ത് മനസ്സുരുകി പ്രാര്ത്ഥിച്ചു പോയി.
ഇടക്കിടക്ക് ടീച്ചറും മിസ്സും എന്നെ തിരിഞ്ഞു നോക്കുന്നുണ്ടായിരുന്നു. എന്റെ മുഖത്ത് ഉണ്ടായിരുന്ന ദേഷ്യവും അസൂയയുമൊക്കെ കണ്ടിട്ട് അവര്ക്ക് ശെരിക്കും ഹരം കേറുന്നുണ്ടെന്ന് അവരുടെ കണ്ണുകളിൽ നിന്നും എനിക്ക് മനസ്സിലാവുന്നുണ്ടായിരുന്നു.
പക്ഷേ പരദൂഷണം ഒന്നും ഇഷ്ടമില്ലാത്ത മിസ്സും ടീച്ചറും എന്തുകൊണ്ട് അവന്റെ വൃത്തികേട് സഹിക്കുന്നു എന്ന് എത്ര ചിന്തിച്ചിട്ടും എനിക്ക് മനസ്സിലായില്ല. അവർ എല്ലാം കേട്ടുകൊണ്ട് അവന്റെ കൂടെ നടന്നു. അവന്റെ പുളുവടി കേട്ട് ബോടിക്കുന്നത് പോലെ ടീച്ചർ ഇടക്കിടക്ക് മൊബൈലില് എന്തൊക്കെയോ ചെയ്യുന്നതും ഞാൻ ശ്രദ്ധിച്ചു.
എന്നെ കൂടുതൽ അസൂയപ്പെടുത്തി കാണാന് ആഗ്രഹിച്ചത് പോലെയാണ് അവന് അവരുടെ കൈയിലും തോളിലും ഒക്കെ തൊടുമ്പോ അവർ എതിർപ്പ് കാണിക്കാതെ അവന്റെ ഒപ്പം നടന്നത്. ഒടുവില് അവന്റെ പുളുവടി കേട്ട് മടുത്തത് പോലെ ഒടുവില് മിസ്സും ടീച്ചറും അങ്ങോട്ട് കേറി അവനോട് ഇവിടെയുള്ള ടൂറിസ്റ്റ് സ്പോട്ടുകളേ കുറിച്ച് വിശദമായി ചോദിച്ച് മനസ്സിലാക്കാൻ തുടങ്ങി.
ഒടുവില് ഞങ്ങൾ നടന്നു നടന്ന് ഓഫീസിൽ നിന്നും വളരെ അകലേയായി സ്ഥിതി ചെയ്യുന്ന, ഞങ്ങൾ ബുക്ക് ചെയ്ത ആ റിസോര്ട്ട് സ്യൂട്ടിന്റെ മുന്നില് എത്തിപ്പെട്ടു. അപ്പോഴാണ് എനിക്ക് സമാധാനമായത്.
അരുൺ കൈയിൽ പിടിച്ചിരുന്നു ബാഗ് രണ്ടും താഴെ വച്ചിട്ട് അവന് കൊണ്ടുവന്ന ചാവി കൊണ്ടുപോയി സ്യൂട്ടിന്റൈ ആ ഗ്ളാസ് ഡോറിനെ അവന് തുറന്നു. ഞാൻ പോയി ടീച്ചറും മിസ്സിന്റെയും അടുത്തായി നിന്നു.
അവന് തുറന്ന ശേഷം തിരികെ വന്നു. അപ്പോ അവന്റെ കൈയിൽ നിന്നും ചാവി വാങ്ങിക്കാനായി ഞാൻ എന്റെ കൈ നീട്ടി.
പക്ഷേ അവൻ എന്റെ കൈ അവഗണിച്ചു കൊണ്ട് കാമം നിറഞ്ഞ കണ്ണുകളോടെ അവന് മിസ്സിന്റെയും ടീച്ചറിന്റേയും മുഖത്തും ദേഹത്തുമൊക്കെ മാറിമാറി നോക്കി. ശേഷം, അവരിൽ ആരുടെ കൈയിൽ ചാവി കൊടുക്കുമെന്ന് തീരുമാനിക്കാന് കഴിയാത്ത പോലെ അവന് ഒന്ന് നിന്നു. ഒടുവില് അവന് ഗോള്ഡ മിസ്സിന്റെ നേര്ക്ക് ചാവി നീട്ടി. മിസ്സ് ആ ചാവി വാങ്ങിച്ചു. ഉടനെ ആ സ്പര്ശത്തിൽ നിന്നും അവന് സുഖം കിട്ടിയത് പോലെ അവന് ഒരു കൂസലുമില്ലാതെ കണ്ണുകൾ കുറുക്കി സുഖിച്ചു നിന്നു.
അവന് പോകാതെ അവിടേ തന്നെ നിന്നുകൊണ്ട് ടീച്ചറെയും മിസ്സിനേയും കാമം നിറഞ്ഞ കണ്ണുകളോടെ വിഴുങ്ങുന്നത് പോലെ മാറിമാറി നോക്കി.
എനിക്ക് ദേഷ്യവും അസൂയയും കേറി ഭ്രാന്ത് പിടിക്കുന്നു പോലെയായി. എന്റെ കണ്ണുകൾ കോപത്തിൽ കത്തി ജ്വലിച്ചു, അസൂയ കാരണം എന്റെ ശ്വാസം പോലും ചുട്ടു പൊള്ളുന്ന പോലെയായി. മനസ്സിൽ ഭയങ്കര ദേഷ്യവും സങ്കടവും നിറഞ്ഞ് അവനെ തൊഴിക്കാനും തോന്നി. പക്ഷേ അത് കൂടിപോകുമെന്ന് മനസ്സിലായപ്പോള് എനിക്ക് സഹിക്കാൻ കഴിയാതെ അവനെ എന്തോ മോശമായ വാക്കുകൾ കൊണ്ട് അഭിഷേകം ചെയ്യാൻ ഞാൻ ഒരുമ്പെട്ടു.