” സിനി, റൂബനും നിന്റെ കൂടെ വരട്ടെ, അവനും ഇതൊരു ലേണിംഗ് എക്സ്പീരിയൻസ് ആകുമല്ലോ. അവന്റെ പ്രൊഫൈലിൽ കണ്ടതായി ഓർക്കുന്നു ലാപ്രോ സർജറി സബ്ജക്റ്റിൽ നല്ല താല്പര്യമുണ്ടെന്ന്… ” ഫിലിപ്പ് തന്റെ ഐപാഡിൽ നോക്കി കെണ്ട് തന്നെ പറഞ്ഞു.
സിനി ഒന്ന് ആലോചിച്ചു. ” ഓക്കേ ഫിലിപ്പ്… ഐ വിൽ ആസ്ക്ക് ഹിമ് ടു കം വിത്ത് മീ… ”
അന്ന് സിനി ഒരു നേവി ബ്ലൂവിൽ തീരെ ചെറിയ വൈറ്റ് സ്ട്രൈബ്സുള്ള ലേഡീസ് ഫോർമൽ ബ്ലേസറും അതിന്റെ തന്നെ പാന്റും വൈറ്റ് കോട്ടൺ ഷർട്ടും ലോവേസ്റ്റിൽ ഇൻസൈഡ് ചെയ്ത് മുടി പോണി ടെയിൽ പെക്കി ഒതുക്കി കെട്ടി, മിനിമൽ മേക്കപ്പിൽ അവൾ ഒരു ഇന്റർനാഷണൽ കോർപ്പറേറ്റ് ലുക്കിലായിരുന്നു. റൂബൻ അവളെ കണ്ടപ്പോൾ ഒരു നിമിഷം നോക്കി നിന്നുപോയി. അവൻ ഒരു ലൈറ്റ് ബ്ലൂവിൽ ചെറിയ വൈറ്റ് ലൈനുകളുള്ള ഷർട്ടും നേവി ബ്ലൂ പാന്റുമാണ് ധരിച്ചിരുന്നത്…
” മാം, ഈ ലുക്കിൽ ഒരു ഡോക്ടറേക്കാൾ ഉപരി ഒരു ടോപ്പ് ബിസ്സിനസ് എക്സിക്യൂട്ടീവിനെപ്പോലെയുണ്ട്… ” കാറിലേക്ക് കയറുന്നതിനിടയിൽ റൂബൻ പറഞ്ഞു.
സിനി അതൊരു പുഞ്ചിരിയോടെ സ്വീകരിച്ചു.
ദുബായ്-അബുദാബി ഹൈവേയിലൂടെ ക്യൂ ഫൈവ് കുതിച്ചു പാഞ്ഞു. സിനി ഡ്രൈവ് ചെയ്യുമ്പോൾ റൂബൻ വളരെ ആവേശത്തോടെ ഓരോ മെഡിക്കൽ ജേണലുകളെക്കുറിച്ചും സംസാരിച്ചു കൊണ്ടിരുന്നു.
ലൈസൻസ് ഇല്ലാത്തതുകൊണ്ട് ഡ്രൈവിംഗ് സീറ്റിൽ ഇരിക്കാൻ കഴിയില്ലെങ്കിലും, സിനിയുടെ ഡ്രൈവിംഗ് സ്റ്റൈലിനെ അവൻ പ്രശംസിച്ചു.
“ റൂബൻ ലൈസൻസിന് അപ്ലൈ ചെയ്തില്ലേ…? “
“ പ്രോസസ്സിഗ് നടക്കുന്നു മാം… “ അവൻ പുഞ്ചിരിച്ചു.
കോൺഫറൻസ് ഹാളിൽ എത്തിയപ്പോൾ സിനിയുടെ കൂടെയുള്ള ആ ‘യുവ ഡോക്ടറെ’ പലരും കൗതുകത്തോടെ നോക്കി. പ്രത്യേകിച്ച് അവിടുത്തെ ജൂനിയർ ലേഡി ഡോക്ടർമാർ. സിനിയുടെ വ്യക്തിത്വവും റൂബന്റെ ആ ഒരു ‘ചാർമിംഗ്’ ലുക്കും അവർക്കിടയിൽ ഒരു പ്രത്യേക ശ്രദ്ധ പിടിച്ചുപറ്റി…
സെഷൻ തുടങ്ങിയപ്പോൾ ഒരു പ്രത്യേക കേസ് സ്റ്റഡിയെക്കുറിച്ച് ചർച്ച വന്നു. പ്രശസ്തരായ പല സീനിയർ ഡോക്ടർമാരും അഭിപ്രായങ്ങൾ പറഞ്ഞു കൊണ്ടിരിക്കെ, റൂബൻ വളരെ വിനീതമായി തന്റെ കൈ പൊക്കി. സിനി ഒന്ന് അമ്പരന്നു. ‘ഇവൻ എന്ത് പറയാനാണ്?’ എന്ന് അവൾ കരുതി…
സിനിയുടെ അനുവാദത്തോടെ മൈക്ക് കയ്യിലെടുത്ത റൂബൻ, ഏറ്റവും പുതിയ ഒരു ജർമ്മൻ മെഡിക്കൽ റിസർച്ചിനെ ഉദ്ധരിച്ചുകൊണ്ട് വളരെ പക്വതയോടെ സംസാരിച്ചു തുടങ്ങി. സങ്കീർണ്ണമായ ഒരു ഗൈനക്കോളജിക്കൽ സർജറിയിലെ പുതിയ സാധ്യതകളെക്കുറിച്ച് അവൻ വിശദീകരിച്ചപ്പോൾ ഹാളിലെ വമ്പൻ ഡോക്ടർമാർ പോലും നിശബ്ദരായി അത് കേട്ടിരുന്നു…
സിനി ആശ്ചര്യത്തോടെ അവനെ നോക്കി. തന്റെ കൂടെയുള്ള ഈ ജൂനിയർ ഇത്രയും അറിവുള്ളവനാണെന്ന് അവൾ അറിഞ്ഞിരുന്നില്ല. സെഷൻ കഴിഞ്ഞപ്പോൾ പല സീനിയർ ഡോക്ടർമാരും റൂബന്റെ അടുത്ത് വന്ന് കൈ കൊടുത്തു…
“ ഡോക്ടർ കപ്പിൾസാണെന്നു തോന്നുന്നു. ല്ലേ…? “
സിനിയുടെ തൊട്ടു പിന്നിലിരുന്ന ഒരു ജൂനിയർ ലേഡി ഡോക്ടർ കൂടെയുള്ള ആളോട് ചോദിക്കുന്നത് സിനി അതിന്റെ ഇടയിലൂടെ ഒരു ചെവിയാലെ കേട്ടു…
“ യാ മെയ്ഡ് ഫോർ ഈച്ച് അതർ… “ ബോത്ത് ലുക്കിക്ക് നൈസ്… ചെറിയൊരു അസൂയ തോന്നുന്നുണ്ടല്ലേ…? “
“ മ്മ്മ് യാ… അല്ലേൽ നോക്കാരുന്നു… “ അവൾ ചിരിക്കണതു സിനി കേട്ടു… പക്ഷേ തിരിഞ്ഞു നോക്കിയില്ലാ.
“ ഷീ ഈസ് ലക്കി ടു ഹാവ് ഹിമ്… “ മറ്റേയാളും ചെറിയൊരു നെടുവീർപ്പോടെ പറയണതും സിനി ശ്രദ്ധിച്ചു…
അവളിലൂടെ ഒരേ സമയം ഒരു അമ്പരപ്പും ചെറിയൊരു പുഞ്ചിരിയും കടന്നു പോയി…
” മാം, ഞാൻ വല്ലാതെ ബോറടിപ്പിച്ചോ…? ” റൂബൻ അടുത്ത് വന്ന് പതിയെ ചോദിച്ചു.
” നെവർ റൂബൻ. ഐ ആം റിയലി പ്രൗഡ് ഓഫ് യൂ മൈ ഡിയർ. യുവർ പ്രസന്റേഷൻ സ്കിൽ അത്ഭുതകരമാണ്. നോക്കൂ, ആ ജൂനിയർ ഡോക്ടർമാരൊക്കെ നിന്നെ നോക്കി അസൂയപ്പെടുന്നുണ്ട്… ” സിനി ചുറ്റുമുള്ള ലേഡി ഡോക്ടർമാരെ നോക്കി ചിരിച്ചു കൊണ്ട് പതിയെ അവനു മാത്രം കേൾക്കാൻ പാകത്തിനു പറഞ്ഞു.
റൂബൻ ഒന്ന് ചിരിച്ചു. ” അവർ അസൂയപ്പെടുന്നത് എന്നെ കണ്ടിട്ടല്ല മാം, മാമിന്റെ കൂടെ നിൽക്കാൻ എനിക്ക് കിട്ടിയ ഈ ഭാഗ്യം കണ്ടിട്ടാണ്… ”