” ഏയ്… ഇല്ല മേരി… ഞാൻ… ഞാൻ ഡോക്ടർ റൂബനുമായി ആ സിസേറിയൻ കേസിന്റെ റിപ്പോർട്ട് ഡിസ്കസ് ചെയ്യുകയായിരുന്നു. എന്താ പ്രശ്നം?” സിനി പരമാവധി ശാന്തത അഭിനയിക്കാൻ ശ്രമിച്ചു.
മേരി പതുക്കെ മുറിക്കുള്ളിലേക്ക് ഒന്ന് നോക്കി. അവിടെ റൂബൻ അതീവ ഗൗരവത്തിൽ ഫയൽ നോക്കി ഇരിക്കുന്നു. പക്ഷേ മുറിയിലെ വായുവിൽ അപ്പോഴും പടർന്നു നിന്നിരുന്ന ആ ഒരു ‘മണം’… ഒരു പുരുഷനും സ്ത്രീയും തമ്മിലുള്ള ആ ലഹരിയുടെ ഗന്ധം മേരി തിരിച്ചറിയുമോ എന്ന ഒരു ഭയം സിനിക്കുണ്ടായി…
” പേഷ്യന്റിന് അമിതമായ ബ്ലീഡിങ് ഉണ്ട് മാഡം. ഒന്ന് വരണം… ” മേരിയുടെ സ്വരത്തിൽ ഒരു പ്രത്യേക ഗൗരവം ഉണ്ടായിരുന്നു…
” ശരി മേരി… ഞാൻ ഇപ്പോൾ വരാം… ” സിനി പറഞ്ഞു.
” റൂബൻ…! മേരിക്ക് സംശയം തോന്നി.. ദൈവമേ… ഇനി എന്ത് ചെയ്യും? അവൾ കഴിഞ്ഞ പത്ത് വർഷമായി എന്റെ കൂടെയുള്ളതാണ്… ” സിനി തലയിൽ കൈവെച്ചു.
റൂബൻ അവളുടെ തോളിൽ കൈവെച്ചു. ” പേടിക്കണ്ട സിനീ.. സംശയം വന്നാൽ അതൊക്കെ നമുക്ക് മാറ്റാമെന്നേ… ഇപ്പോ നമുക്ക് പേഷ്യന്റിനെ നോക്കാം… കം… “
സിനി തന്റെ വസ്ത്രങ്ങൾ ശരിയാക്കി.
സിനിയും റൂബനും വാർഡിലേക്ക് നടക്കുമ്പോൾ മേരി അവിടെ പേഷ്യന്റിനെ നോക്കുകയായിരുന്നു. സിനി ചെന്ന് പേഷ്യന്റിനെ പരിശോധിച്ചു. ഇടയ്ക്ക് മേരിയുടെ കണ്ണുകൾ സിനിയുടെ വിറയ്ക്കുന്ന കൈകളിൽ ഉടക്കുന്നുണ്ടായിരുന്നു…
തിരികെ കാബിനിലേക്ക് നടക്കുമ്പോൾ സിനി അല്പം അസ്വസ്തയായിരുന്നു…
” റൂബൻ… നീ എന്നെ ഒരു ഭ്രാന്തിയാക്കുകയാണ്. ഫിലിപ്പിന്റെയും ഫെലിക്സിന്റെയും ഫിയയുടെയുമൊക്കെ മുഖത്ത് നോക്കുമ്പോൾ കുറ്റബോധം കൊണ്ട് എനിക്ക്…. “ സിനി പാതിയിൽ നിർത്തി…
റൂബൻ ഒന്ന് ചിരിച്ചു. ” അതൊക്കെ നമുക്ക് നോക്കാം സിനീ. ഇപ്പോൾ നീ സ്വസ്ഥമായി ഒന്ന് ഉറങ്ങാൻ നോക്കൂ… ”
റൂബൻ പുറത്തേക്ക് പോയിക്കഴിഞ്ഞിട്ടും സിനി ആ കസേരയിൽ തന്നെ ഇരുന്നു. തന്റെ ശരീരത്തിൽ ഇപ്പോഴും അവന്റെ സ്പർശനത്തിന്റെ ചൂടുണ്ട്. ആ മൂക്കുത്തിയുടെ തിളക്കത്തിൽ അവൾ തന്റെ മുഖം കണ്ണാടിയിൽ നോക്കി. സ്വർണ്ണക്കൂടിന്റെ അഴികൾ ഇപ്പോൾ പൂർണ്ണമായും തകർന്നു വീണിരിക്കുന്നു. അവൾ ആ അപകടകരമായ പ്രണയത്തിന്റെ ആഴങ്ങളിലേക്ക് പൂർണ്ണമായും താഴ്ന്നു പോയിക്കഴിഞ്ഞിരുന്നു.
കണ്ണാടിയിൽ സ്വന്തം പ്രതിബിംബത്തെ നോക്കുമ്പോൾ അവൾക്ക് തന്നെ അവളെ തിരിച്ചറിയാൻ കഴിയാത്തതുപോലെ തോന്നി. കണ്ണുകളിലെ ആ വന്യമായ തിളക്കം, വിറയ്ക്കുന്ന ചുണ്ടുകൾ…
” ദൈവമേ… ഞാൻ എങ്ങോട്ടാണ് പോകുന്നത്…? ” അവൾ പതുക്കെ മന്ത്രിച്ചു.
അവൾ പതുക്കെ പുറത്തേക്ക് ഇറങ്ങി. കോറിഡോറിൽ നഴ്സ് മേരി ചാർട്ടുമായി വരുന്നുണ്ടായിരുന്നു. സിനി പെട്ടെന്ന് മുഖം തിരിച്ച് ഗൗരവം നടിച്ചു…
” മാഡം, ബെഡ് നമ്പർ 108-ലെ പേഷ്യന്റ് ഇപ്പോൾ സ്റ്റേബിൾ ആണ്… ” മേരി പറഞ്ഞു.
” ശരി മേരി… ഞാൻ ഒന്ന് റൗണ്ട്സ് കൂടി കഴിഞ്ഞു പൊയ്ക്കോളാം… ” സിനി വേഗത്തിൽ നടന്നു. അവളുടെ നടത്തത്തിൽ പഴയ ആ ഉറപ്പില്ലായിരുന്നു…
അന്ന് രാത്രി വില്ലയിലെത്തിയപ്പോൾ ഫിലിപ്പ് സ്വീകരണമുറിയിൽ ഇരുന്നു ലാപ്ടോപ്പിൽ എന്തോ നോക്കുകയായിരുന്നു. സിനി അകത്തേക്ക് കയറിയതും അയാൾ തലയുയർത്തി അവളെ നോക്കി. ആ നോട്ടം സിനിയുടെ ഉള്ളിൽ ഒരു കൊള്ളിയാൻ പോലെ പാഞ്ഞുപോയി…
” സിനീ… നീ ഇന്ന് വല്ലാതെ വൈകിയല്ലോ. ഫോൺ സ്വിച്ച് ഓഫ് ആയിരുന്നു… ” ഫിലിപ്പിന്റെ ശബ്ദം ശാന്തമായിരുന്നു, പക്ഷേ അതിൽ ഒരുതരം ഗൗരവമുണ്ടായിരുന്നു…
” അത്… ഒരു എമർജൻസി കേസ് ഉണ്ടായിരുന്നു ഫിലിപ്പ്. ചാർജ് തീർന്നു ഓഫ് ആയതാകും… ” സിനി ബാഗ് സോഫയിലേക്ക് ഇട്ട് അടുക്കളയിലേക്ക് നടന്നു…
ഫിലിപ്പ് പതുക്കെ അവളുടെ പിന്നാലെ വന്നു. അടുക്കളയുടെ വാതിക്കൽ ചാരി നിന്ന് അയാൾ അവളെ ഒന്നു നിരീക്ഷിച്ചു…
” നിനക്ക് വല്ലാതെ ക്ഷീണമുണ്ടല്ലോ സിനീ… പിന്നെ… എന്തു പറ്റി ഒരു മാറ്റം പോലെ… ” അയാൾ അവളുടെ അടുത്തേക്ക് വന്നു.
സിനി വെള്ളം കുടിക്കുന്നതിനിടയിൽ ഒന്ന് ഞെട്ടി. ഫിലിപ്പ് അവളുടെ തോളിൽ കൈ വെച്ചു. വർഷങ്ങളായി അയാൾ തന്നെ തൊടുമ്പോൾ തോന്നാത്ത ഒരുതരം അസ്വസ്ഥത അവൾക്ക് ഇപ്പോൾ തോന്നി…