” മമ്മി… ഇതെന്താ ഇത്ര ലേറ്റ് ആയത്? പപ്പ ഷാർജയിൽ നിന്ന് തിരിച്ചു വന്നു, മമ്മിയെ അന്വേഷിച്ചു… ” ഫെലിക്സ് ചോദിച്ചു.
സിനി പതറാതെ നോർമൽ ആകാൻ ശ്രമിച്ചു.
” അതെടാ… ഒരു സെമിനാർ ഉണ്ടായിരുന്നു. അതാ വൈകിയത്… ”
അന്ന് രാത്രി ഡിന്നർ ടേബിളിൽ ഇരിക്കുമ്പോൾ ഫിലിപ്പ് വല്ലാതെ നിശബ്ദനായിരുന്നു. അയാൾ സിനിയെ ഇടയ്ക്കിടെ നോക്കുന്നുണ്ടായിരുന്നു.
” സിനി… നിന്റെ സെമിനാർ എവിടെയായിരുന്നു? ” ഫിലിപ്പ് പെട്ടെന്ന് ചോദിച്ചു.
സിനി ഒന്ന് ഞെട്ടി. ” അത്… അത് ദുബായ് ഹെൽത്ത് സിറ്റിയിൽ ആയിരുന്നു ഫിലിപ്പ്. എന്തു പറ്റി…? ”
” ഒന്നുമില്ല. ഞാൻ അങ്ങോട്ടൊന്ന് വിളിച്ചിരുന്നു, നിന്നെ കിട്ടിയില്ല. നിന്റെ ഫോൺ സ്വിച്ച് ഓഫ് ആയിരുന്നു… ” ഫിലിപ്പിന്റെ ശബ്ദത്തിൽ ഒരു ചെറിയ സംശയം നിഴലിച്ചിരുന്നു.
സിനിയുടെ ഉള്ളിൽ ഒരു മിന്നൽ പിണർ കടന്നു പോയി. ” ആഹ്… അവിടെ റേഞ്ച് കുറവായിരുന്നു. ചാർജ് തീരാറായപ്പോൾ ഞാൻ ഓഫ് ചെയ്തു വെച്ചതാണ്… ”
അവൾ വേഗം ഭക്ഷണം കഴിച്ചു എഴുന്നേറ്റു. തന്റെ കള്ളങ്ങൾ പതുക്കെ പുറത്തു വരുമോ എന്ന ഭയം അവളിൽ നിറഞ്ഞു. പക്ഷേ അതേ സമയം, റൂബനോടൊപ്പം ചിലവഴിച്ച ആ നിമിഷങ്ങൾ നൽകിയ ആനന്ദം അവളെ സന്തോഷിപ്പിക്കുകയും ചെയ്തു…
റൂബന്റെ മെസ്സേജ് വന്നു: ” സിനീ ഇന്ന് ആ കാറിൽ നിങ്ങൾ എന്റെ കൂടെ ഇരുന്നത്… ലോകത്തിലെ ഏറ്റവും വലിയ സന്തോഷമായിരുന്നു. ഐ മിസ്സ് യൂ… ലവ് യൂ ലൈക്ക് എനിത്തിംഗ്…. ”
സിനി ആ മെസ്സേജ് വായിച്ച് ഭയത്തോടെ ബെഡിലേക്ക് കിടന്നു….
അടുത്ത ഏതാനും ദിവസങ്ങൾ സിനിയെ സംബന്ധിച്ചിടത്തോളം ഒരു അഗ്നിപരീക്ഷയായിരുന്നു. വീട്ടിലെത്തുമ്പോൾ അവൾ ഒരു ‘പെർഫെക്റ്റ്’ ഭാര്യയും അമ്മയുമായി അഭിനയിക്കുന്നു. പക്ഷേ ഹോസ്പിറ്റലിൽ എത്തുമ്പോൾ അവൾ റൂബന്റെ പ്രണയത്തിന് മുന്നിൽ നിസ്സഹായയാകുന്നു.
ജുമൈറയിലെ വില്ലയിൽ സിനി തന്റെ ഒരുക്കം കഴിഞ്ഞു കണ്ണാടിക്ക് മുന്നിൽ നിന്നു. കടും പിങ്ക് നിറത്തിലുള്ള ഒരു ഡിസൈനർ സ്യൂട്ടായിരുന്നു അവളുടെ വേഷം. സ്ലീവ്ലെസ്സ് ആയതുകൊണ്ട് തന്നെ അവളുടെ വെളുത്തു മിനുസമുള്ള കൈകൾക്ക് ആ ഡ്രസ്സ് വല്ലാത്തൊരു ആഴം നൽകി…
ഫിലിപ്പ് നേരത്തെ തന്നെ തന്റെ ലാൻഡ് റോവറിൽ ഹോസ്പിറ്റലിലേക്ക് തിരിച്ചു. അയാൾക്ക് ഇന്ന് ഒരു ഇന്റർനാഷണൽ സർജന്മാരുടെ മീറ്റിംഗ് ഉള്ളതുകൊണ്ട് പുലർച്ചെ തന്നെ ഇറങ്ങേണ്ടി വന്നു. സിനി തന്റെ ക്യൂ ഫൈവ് എടുത്ത് പതുക്കെ പാർക്കിംഗിൽ നിന്ന് പുറത്തേക്ക് ഇറങ്ങി…
അന്നത്തെ മീറ്റിഗിൽ സിനി തന്റെ യൂണിറ്റിലെ റെസിഡന്റ് ഡോക്ടറായി റൂബനെ പ്രൊമോട്ട് ചെയ്യാൻ അവൾ ശുപാർശ നൽകി…
” സിനി… ഇത് കുറച്ചു നേരത്തെയായിപ്പോയില്ലേ…? അവൻ ജോയിൻ ചെയ്തിട്ട് അധികം നാളായില്ലല്ലോ… ” ഫിലിപ്പ് തന്റെ ക്യാബിനിൽ വെച്ച് ചോദിച്ചു.
” അവന്റെ ടാലന്റ് നമ്മൾ ഉപയോഗിക്കണം ഫിലിപ്പ്. ആ കോൺഫറൻസിൽ അവൻ കാണിച്ച പ്രകടനം നീ കണ്ടതല്ലേ…? ” സിനി വളരെ കോൺഫിഡന്റ് ആയി പറഞ്ഞു…
ഫിലിപ്പ് ഒന്ന് ആലോചിച്ചു. ” ശരി… നിനക്ക് അതാണ് തോന്നുന്നതെങ്കിൽ അങ്ങനെ ആകട്ടെ. പക്ഷേ മറ്റുള്ളവർ എന്ത് പറയും എന്നുകൂടി നോക്കണം… ”
സിനി പുറത്തിറങ്ങിയപ്പോൾ ഗൈനക്കോളജി വിഭാഗത്തിലെ മറ്റ് ഡോക്ടർമാർക്കിടയിൽ പിറുപിറുപ്പുകൾ തുടങ്ങിയിരുന്നു…
” ഈ റൂബന് എന്താ ഇത്ര പ്രത്യേകത…? ഡോക്ടർ സിനി അവനെ വല്ലാതെ സപ്പോർട്ട് ചെയ്യുന്നുണ്ടല്ലോ… ” സീനിയർ ഡോക്ടർ സുനിത മറ്റൊരു നേഴ്സിനോട് പറയുന്നത് സിനി കേട്ടു…
സിനി അത് കാര്യമാക്കിയില്ല. പക്ഷേ റൂബൻ അവളുടെ ക്യാബിനിലേക്ക് വന്നപ്പോൾ അവന്റെ മുഖത്ത് ഒരു പ്രത്യേക ഗൗരവമുണ്ടായിരുന്നു…
” താങ്ക്സ് മാം… ഈ പ്രമോഷൻ എനിക്ക് ഒരുപാട് വലിയ ഉത്തരവാദിത്തമാണ് നൽകുന്നത്. പ്രത്യേകിച്ച് മാമിനോടുള്ള എന്റെ കടമ… ” അവൻ വാതിലടച്ചു കൊണ്ട് പറഞ്ഞു…
അവൻ അവളുടെ അടുത്തേക്ക് വന്നു ഒരു റോസ് പൂവ് അവളുടെ ടേബിളിൽ വെച്ചു…
” ഇത് എന്തിനാ റൂബൻ…? ”
” ഇതിന് മാമിന്റെ ഗന്ധമാണ്. ഇന്ന് വൈകുന്നേരം നമുക്ക് ഒന്ന് പുറത്തു പോകണം. ഫെലിക്സ് ഇല്ലാതെ… ” അവൻ അവളുടെ കൈകൾ തന്റെ കൈക്കുള്ളിലാക്കി പതുക്കെ അമർത്തി…