” മമ്മി… ഇങ്ങോട്ട് ഇരിക്കൂ. ഞങ്ങൾ ഒരു ട്രിപ്പിനെക്കുറിച്ച് പ്ലാൻ ചെയ്യുകയായിരുന്നു… ” ഫെലിക്സ് ആവേശത്തോടെ പറഞ്ഞു.
” എന്ത് ട്രിപ്പ്…? ” സിനി ചോദിച്ചു…
” ഹാത്തയിലെ (Hatta) മൗണ്ടെയ്ന്ലേക്ക് ഒരു ചെറിയ ഡ്രൈവ്. നെക്സ്റ്റ് സാറ്റർടെ… പപ്പയോടും ഞാൻ പറഞ്ഞു… പപ്പയ്ക്ക് അന്ന് വലിയ തിരക്കില്ലെങ്കിൽ വരാമെന്ന് സമ്മദിച്ചു… റൂബൻ ചേട്ടന്റെ പുതിയ കാറിൽ നമുക്ക് എല്ലാവർക്കും കൂടി പോകാം… ” ഫെലിക്സ് പറഞ്ഞു.
സിനി റൂബനെ നോക്കി. അവന്റെ കണ്ണുകളിൽ ഒരു വല്ലാത്ത തിളക്കം. അവൻ പതുക്കെ മേശയ്ക്ക് താഴെ സിനിയുടെ കാലിൽ തന്റെ ഷൂ കൊണ്ട് ഒന്ന് മുട്ടി…
” മാം… ഒരു ചേഞ്ച് എല്ലാവർക്കും നല്ലതല്ലേ…? ഫെലിക്സിനും ഫിയയ്ക്കും അത് വലിയൊരു റിലാക്സേഷൻ ആയിരിക്കും… ” റൂബൻ വളരെ നോർമൽ ആയി പറഞ്ഞു.
സിനിയുടെ ഉള്ളിൽ ഒരു വെള്ളിടി വെട്ടി. ‘ഫിലിപ്പിന്റെ കൂടെ റൂബന്റെ കാറിൽ ഒരു യാത്ര…!’ ഇത് വലിയൊരു റിസ്ക് ആണെന്ന് അവൾക്ക് തോന്നി…
എങ്കിലും ഫെലിക്സിന്റെ ആവേശം കണ്ടപ്പോൾ അവൾക്ക് വേണ്ടെന്ന് വെക്കാൻ കഴിഞ്ഞില്ല.
” ശരി… നോക്കാം. പപ്പയുടെ തിരക്ക് കൂടി നോക്കിയിട്ട് തീരുമാനിക്കാം… ” സിനി പറഞ്ഞു.
ശനിയാഴ്ച പുലർച്ചെ തന്നെ അവർ ഹത്തയിലേക്ക് തിരിച്ചു. റൂബന്റെ പുതിയ ഔഡിയിൽ ഫിലിപ്പും സിനിയും പിന്നിലെ സീറ്റിലും, റൂബനും ഫെലിക്സും മുന്നിലെ സീറ്റിലുമായിരുന്നു യാത്ര. ഫിയ പഠിത്തത്തിന്റെ തിരക്ക് കാരണം വന്നില്ല…
യാത്രയ്ക്കിടയിൽ ഫിലിപ്പും റൂബനും തമ്മിൽ ഹോസ്പിറ്റലിലെ പുതിയ ഡിജിറ്റൽ സർജറി സിസ്റ്റത്തെക്കുറിച്ച് സംസാരിച്ചു കൊണ്ടിരുന്നു. ഫെലിക്സ് പാട്ടുകൾ മാറി മാറി പ്ലേ ചെയ്തുകൊണ്ടിരുന്നു…
” റൂബൻ… നിനക്ക് നല്ല ഡ്രൈവിംഗ് സെൻസ് ഉണ്ട്. നല്ല സ്മൂത്ത് ആയിട്ടാണ് നീ വണ്ടി ഓടിക്കുന്നത്,” ഫിലിപ്പ് അഭിനന്ദിച്ചു.
” താങ്ക്യൂ സർ. മാം ആണ് എന്നെ ഇതിന് ഒരുപാട് സപ്പോർട്ട് ചെയ്തത്… ” റൂബൻ കണ്ണാടിയിലൂടെ പുറകിലെ സീറ്റിലിരുന്ന സിനിയെ നോക്കി ഒന്ന് പുഞ്ചിരിച്ചു.
സിനി ജനാലയിലൂടെ പുറത്തെ കുന്നുകളിലേക്ക് നോക്കി ഇരുന്നു. അവളുടെ ഹൃദയം പടപടാ മിടിക്കുകയായിരുന്നു. ഫിലിപ്പിന്റെ തൊട്ടടുത്തിരിക്കുമ്പോഴും റൂബന്റെ ഓരോ നോട്ടവും അവളിൽ മിന്നൽ പോലെ പടരുന്നു…
ഹത്തയിലെ ഡാമിന് (Hatta Dam) സമീപം അവർ വണ്ടി നിർത്തി. നീല കലർന്ന പച്ച വെള്ളവും ചുറ്റുമുള്ള ചാരനിറത്തിലുള്ള കുന്നുകളും വല്ലാത്തൊരു ഭംഗി നൽകി…
ഫെലിക്സും ഫിലിപ്പും പതുക്കെ വെള്ളത്തിനടുത്തേക്ക് നടന്നു. റൂബനും സിനിയും അല്പം പിന്നിലായി…
” സിനീ… നോക്കൂ. ഇതാണ് ഞാൻ ആഗ്രഹിച്ചത്. എല്ലാവരുടെയും മുന്നിൽ വെച്ച് നമുക്ക് ഇങ്ങനെ ഒന്നിച്ചു നടക്കാൻ പറ്റുന്നത് എത്ര വലിയ സന്തോഷമാണ്… ” റൂബൻ പതുക്കെ അവളോട് മന്ത്രിച്ചു.
” റൂബൻ… പ്ലീസ്. ഫിലിപ്പ് തൊട്ടുമുന്നിലുണ്ട്. നീ ഇങ്ങനെ റിസ്ക് എടുക്കരുത്… ” സിനി പരിഭ്രമത്തോടെ ചുറ്റും നോക്കി.
” പേടിക്കണ്ട സിനീ. നോക്കൂ… അവിടെ പപ്പയും മകനും അവരുടെ ലോകത്താണ്. ഇവിടെ നമ്മൾ നമ്മുടെ ലോകത്തും… ” റൂബൻ പതുക്കെ സിനിയുടെ കയ്യിലെ വിരലുകൾ കൊണ്ട് തന്റെ വിരലുകൾ ഒന്ന് തൊട്ടു.
ആ നിമിഷം സിനി തന്റെ മൂക്കുത്തിയിൽ പതുക്കെ തൊട്ടു. കാറ്റിൽ അവളുടെ മുടിയിഴകൾ മുഖത്തേക്ക് വീണപ്പോൾ റൂബൻ അത് നീക്കി വെക്കാൻ കൈ ഉയർത്തി…
” സിനി…? ” ഫിലിപ്പ് പെട്ടെന്ന് തിരിഞ്ഞു നോക്കി വിളിച്ചു.
റൂബൻ തന്റെ കൈ പെട്ടെന്ന് താഴ്ത്തി… കൈയ്യിലിരുന്ന വാട്ടർ ബോട്ടിൽ സിനിക്ക് നേരെ നീട്ടി. ” മാം… വെള്ളം വേണോ എന്ന് ചോദിക്കുകയായിരുന്നു സർ… ”
ഫിലിപ്പ് പതുക്കെ അവരുടെ അടുത്തേക്ക് നടന്നു വന്നു. അയാളുടെ കണ്ണുകളിൽ ഒരു നിഗൂഢമായ ഭാവമുണ്ടായിരുന്നു. അയാൾ സിനിയുടെ തോളിൽ കൈ വെച്ചു.
” സിനീ… നമുക്ക് കുറച്ചു നേരം അവിടെ ഇരുന്നിട്ട് പോകാം. റൂബൻ, നീ ആ ബാക്ക് സീറ്റിലിരുന്ന ക്യാമറ ഒന്ന് എടുത്തേ. നമുക്കൊരു ഫാമിലി ഫോട്ടോ എടുക്കാം… ”