” പോടാാാ… ” സിനി അവന്റെ തോളിൽ അടിച്ചു.
അവർ ഹോട്ടലിന് പുറത്തിറങ്ങി. ലണ്ടനിലെ രാത്രിയിലെ ദീപാലങ്കാരങ്ങൾ അവർക്ക് മുന്നിൽ വിരിഞ്ഞു. തണുത്ത കാറ്റിൽ അവർ പരസ്പരം ചേർന്ന് നടന്നു. ടാക്സി വിളിച്ച് അവർ തെംസ് നദിക്കരയിലെത്തി…
” സിനീ… നോക്ക് ലണ്ടൻ ഐ… ” റൂബൻ വിരൽ ചൂണ്ടി…
തിളങ്ങുന്ന ആ വലിയ ചക്രത്തിന് മുന്നിൽ നിന്ന് അവർ ഫോട്ടോകൾ എടുത്തു. അവിടെയുള്ള ഒരു ചെറിയ കഫേയിൽ നിന്ന് അവർ ചൂടുള്ള ഹോട്ട് ചോക്ലേറ്റ് കുടിച്ചു…
” ഈ നിമിഷം… ഇത് എന്നും എന്റെ കൂടെ ഉണ്ടാവണം റൂബൻ… ” സിനി അവന്റെ കയ്യിൽ പിടിച്ചു…
” ഇതിലും വലിയ നിമിഷങ്ങൾ നമുക്ക് മുന്നിലുണ്ട് സിനീ… നീ കൂടെയുണ്ടെങ്കിൽ ഈ ലോകം മുഴുവൻ നമ്മുടേതാണ്… ”
രാത്രിയുടെ യാമങ്ങളിൽ അവർ ലണ്ടനിലെ തെരുവുകളിലൂടെ പ്രണയിച്ചു നടന്നു. ആരും തങ്ങളെ ശ്രദ്ധിക്കുന്നില്ലെന്ന തിരിച്ചറിവ് അവർക്ക് വലിയൊരു സ്വാതന്ത്ര്യം നൽകി. ഒടുവിൽ രാത്രി പത്തു മണിയോടെ അവർ തിരികെ ഹോട്ടലിലേക്ക് നടന്നു…
പക്ഷേ, ഹോട്ടലിന്റെ റിസപ്ഷനിൽ എത്തുന്നതിനു തെട്ടു മുന്നേ തന്നെ സിനിയുടെ ഫോൺ ബെല്ലടിച്ചു. സ്ക്രീനിൽ തെളിഞ്ഞ പേര് കണ്ടപ്പോൾ സിനിയുടെ മുഖത്തെ ആവേശം പെട്ടെന്ന് മാഞ്ഞു…
“ ഫിലിപ്പ്… “
അവൾ റൂബനെ നോക്കി. റൂബന്റെ മുഖത്തും ഒരു ചെറിയ ഗൗരവം നിഴലിച്ചു. സിനി ഫോൺ അറ്റൻഡ് ചെയ്തു…
” ഹലോ ഫിലിപ്പ്.. .” അവൾ സ്വരത്തിൽ ഒരു ആത്മവിശ്വാസം വരുത്താൻ ശ്രമിച്ചു…
” സിനി… ഞാൻ നിന്നേ കുറേ വിളിച്ചാരുന്നല്ലോ… എടുത്തില്ലാ… നിങ്ങൾ എവിടെയാ…? ഞാൻ അയച്ച മെസ്സേജും കണ്ടില്ലേ…? ” ഫിലിപ്പിന്റെ ശബ്ദത്തിൽ ഒരു ചെറിയ ഉത്കണ്ഠയുണ്ടായിരുന്നു…
” സോറി ഫിലിപ്പ്… സൈലന്റ് മോഡിലായിരുന്നു. ഞങ്ങൾ ഇപ്പോൾ ഹോട്ടലിൽ തിരിച്ചെത്തിയതേയുള്ളൂ… ”
” ഓക്കെ… റൂബൻ കൂടെയുണ്ടല്ലോ അല്ലേ…? എനിക്ക് അവനോട് ഒരു കാര്യം സംസാരിക്കാനുണ്ട്. അവന് പുതിയ ഹോസ്പിറ്റലിന്റെ ചില ബ്ലൂപ്രിന്റുകൾ ഞാൻ മെയിൽ ചെയ്തിട്ടുണ്ട്. അതൊന്നു നോക്കാൻ പറയണം… ”
സിനി ഫോൺ റൂബന് നൽകി. റൂബൻ വളരെ പ്രൊഫഷണലായി ഫിലിപ്പിനോട് സംസാരിച്ചു. ആ സംസാരം കേട്ടപ്പോൾ സിനിക്ക് അത്ഭുതം തോന്നി. കുറച്ചു മുമ്പ് തന്റെ ശരീരത്തെ ഇത്രയധികം ആവേശത്തോടെ കീഴടക്കിയ ആളാണോ ഈ സംസാരിക്കുന്നത് എന്ന് അവൾക്ക് വിശ്വസിക്കാൻ കഴിഞ്ഞില്ല…
ഫിലിപ്പിന്റെ കോൾ കഴിഞ്ഞ് റൂബൻ സിനിയെ നോക്കി കണ്ണ് ചിമ്മി.
” സീ… നോ ടെൻഷൻ. ഞാൻ പറഞ്ഞില്ലേ… എല്ലാം പ്ലാൻ ചെയ്ത പോലെ നടക്കും… ”
അവർ ലിഫ്റ്റിലേക്ക് കയറി. വീണ്ടും ആ നാല് ചുവരുകൾക്കുള്ളിലേക്ക്, തങ്ങളുടെ മാത്രമായ ലോകത്തേക്ക്… ലണ്ടനിലെ ആ പ്രണയമഴ ഇനിയും പെയ്യാൻ ബാക്കിയുണ്ടായിരുന്നു…
ലണ്ടനിലെ ആ മഞ്ഞുകാലം സിനിക്കും റൂബനും ഒരു പുതിയ ജീവിതം തന്നെയായിരുന്നു. ട്രെയിനിംഗ് കഴിഞ്ഞാൽ അവർ ലണ്ടനിലെ തിരക്കേറിയ തെരുവുകളിലേക്ക് ഇറങ്ങും. അവിടെ അവർ ഡോക്ടർ സിനിയോ ജൂനിയർ ഡോക്ടർ റൂബനോ ആയിരുന്നില്ല; മറിച്ച് ലോകം മറന്നു പ്രണയിക്കുന്ന രണ്ടു സഞ്ചാരികൾ മാത്രമായിരുന്നു.
ഹൈഡ് പാർക്കിലെ വിന്റർ വണ്ടർലാൻഡിൽ അവർ കൈകോർത്തു നടന്നു. കയ്യിൽ വലിയൊരു കോട്ടൺ കാൻഡിയുമായി കുട്ടികളെപ്പോലെ ചിരിക്കുന്ന സിനിയെ നോക്കി റൂബൻ നിന്നു…
” സിനീ… നിന്നെ ഇങ്ങനെ കാണാനാണ് എനിക്ക് ഏറ്റവും ഇഷ്ടം. ആ ഹോസ്പിറ്റലിലെ ഗൗരവമൊക്കെ എവിടെപ്പോയി…? ” റൂബൻ അവളുടെ തോളിലൂടെ കൈയ്യിട്ടു ചേർത്തുപിടിച്ചു…
” അതൊക്കെ ദുബായ് എയർപോർട്ടിൽ ഉപേക്ഷിച്ചടാ… ഇവിടെ ഞാൻ വെറുമൊരു സിനിയാണ്. നിന്റെ മാത്രം സിനി…! ” അവൾ അവന്റെ നെഞ്ചിലേക്ക് ചാഞ്ഞു. ആ തണുപ്പിലും റൂബന്റെ ശ്വാസത്തിന്റെ ചൂട് അവൾക്ക് സുഖം നൽകി…
അവർ അവിടെയുള്ള വലിയ ജയിന്റ് വീലിൽ കയറി. ലണ്ടൻ നഗരത്തിന്റെ രാത്രിദൃശ്യം ഉയരത്തിൽ നിന്നു കാണുമ്പോൾ സിനി റൂബനെ മുറുക്കെ കെട്ടിപ്പിടിച്ചു…
ആ ഉയരത്തിൽ, ആകാശത്തോട് ചേർന്ന് നിൽക്കുമ്പോൾ അവൾ അവന്റെ ചുണ്ടുകളിൽ ആഴത്തിൽ ചുംബിച്ചു. ചുറ്റുമുള്ള ലോകമോ ആളുകളോ ഒന്നും അവർക്ക് ഒരു തടസ്സമായില്ല…
…………………………………………………………………………