” പക്ഷേ സർ, എനിക്ക് സിനി മാമിന്റെ അണ്ടറിൽ ഇനിയും ഒരുപാട് കാര്യങ്ങൾ പഠിക്കാനുണ്ട്. ഗൈനക് ഡിപ്പാർട്ട്മെന്റ് വിട്ടു വരുന്നത് എനിക്ക് അല്പം വിഷമമുള്ള കാര്യമാണ്… ” റൂബൻ വളരെ തന്ത്രപരമായി പറഞ്ഞു…
ഫിലിപ്പ് ചിരിച്ചു. ” നീ പൂർണ്ണമായും അങ്ങോട്ട് മാറണ്ട റൂബൻ. വീക്കെൻഡുകളിൽ നീ അവിടെ പോയി കാര്യങ്ങൾ മാനേജ് ചെയ്താൽ മതി. ബാക്കി സമയം നിനക്ക് ഇവിടെ സിനിയുടെ കൂടെത്തന്നെ തുടരാം… നിന്റെ ട്രാവൽ കാര്യങ്ങൾക്കായുള്ള അറേഞ്ചമെന്റ്സൊക്കെ നമുക്ക് ചെയ്യാം… “
റൂബൻ സിനിയെ നോക്കി ഒന്ന് കണ്ണുചിമ്മി.
ഫിലിപ്പ് പോലും അറിയാതെ തങ്ങൾക്ക് ഒരുമിച്ച് യാത്ര ചെയ്യാനുള്ള അവസരങ്ങൾ കൂടി തുറന്നു കിട്ടുകയാണെന്ന് അവനു മനസ്സിലായി…
” ശരി സർ… സർ ഇത്രയും വിശ്വസിക്കുന്ന സ്ഥിതിക്ക് ഞാൻ റെഡിയാണ്… ” റൂബൻ കൈ കൊടുത്തു.
അവർ പുറത്തിറങ്ങിയപ്പോൾ ഹോസ്പിറ്റൽ ഇടനാഴിയിൽ വെച്ച് റൂബൻ സിനിയുടെ അടുത്തേക്ക് നീങ്ങി നടന്നു. ” മാം കണ്ടോ… ഫിലിപ്പ് സർ തന്നെ നമുക്ക് വഴികൾ തുറന്നു തരുന്നു. ഇനി അബുദബിയിൽ എല്ലാ കാര്യത്തിനും നമ്മൾ രണ്ടുപേരും മാത്രമായിരിക്കും… ”
സിനി ഒന്ന് ചുറ്റും നോക്കി. ” റൂബൻ… ഫിലിപ്പ് നിന്നെ ഒരുപാട് വിശ്വസിക്കുന്നുണ്ട്. അത് ഓർക്കുമ്പോൾ എനിക്ക് പേടിയാകുന്നു. നമ്മൾ ആളെ ചതിക്കുകയല്ലേ…? ”
റൂബൻ നിന്നു. അവൻ സിനിയുടെ കണ്ണുകളിലേക്ക് ഉറ്റുനോക്കി. ” സിനീ… സ്നേഹത്തിനു ചതിയും വഞ്ചനയുമൊന്നൂല്ല… ജസ്റ്റ് ലവ് ആന്റ് ലവ് മേക്കിഗ്… ഓക്കേ… അതുകൊണ്ട് ഈ പ്രോജക്റ്റ് നമുക്ക് പ്രയോജനപ്പെടുത്താം… ദാറ്റ്സിറ്റ്… ”
സിനി പിന്നെ ഒന്നും മിണ്ടിയില്ല…
…………………………………………………………………………
ABUDHABI…
അബുദാബിയിലെ പുതിയ ഹോസ്പിറ്റൽ സൈറ്റിൽ വെച്ച് ഫിലിപ്പും സിനിയും റൂബനും ആ പ്രോജക്റ്റിന്റെ അവസാന വട്ട ചർച്ചയിലായിരുന്നു. അബുദാബിയിലെ തിരക്കേറിയ ഒരു ഏരിയയിൽ
ഗൈനക്കോളജിയും ഓർത്തോപീഡിക്സും മാത്രം സ്പെഷ്യലൈസ് ചെയ്ത ഒരു ബുട്ടിക് ഹോസ്പിറ്റൽ എന്നതായിരുന്നു ഫിലിപ്പിന്റെ ലക്ഷ്യം…
” റൂബൻ, ഇവിടെ ഗൈനക്ക് ഡിപ്പാർട്ട്മെന്റ് നീയും സിനിയും കൂടി മാറി മാറി ഹാൻഡിൽ ചെയ്യണം. ഓർത്തോ സെക്ഷൻ ഞാനും നോക്കും, കൂടെ എന്റെ ഒരു ജൂനിയർ ഡോക്ടറെ കൂടി ഞാൻ അങ്ങോട്ട് അലോക്കേറ്റ് ചെയ്തിട്ടുണ്ട്. പക്ഷേ, ഇതിന്റെ മൊത്തം ഉത്തരവാദിത്തം, അതായത് അസിസ്സ്റ്റന്റ് മെഡിക്കൽ ഡയറക്ടർ എന്ന പദവി അത് നിനക്കായിരിക്കും… ” ഫിലിപ്പ് റൂബന്റെ തോളിൽ തട്ടി പറഞ്ഞു…
റൂബൻ ഞെട്ടിപ്പോയി… “ സർ ഐ ആമ് ജസ്റ്റെ ജൂനിയർ… സർ എന്നെ ഇത്രയും വിശ്വസിക്കുന്നത്… ” റൂബൻ പാതിയിൽ നിർത്തി സിനിയെ ഒന്ന് നോക്കി…
ഫിലിപ്പിന്റെ കണ്ണുകളിൽ റൂബനോടുള്ളത് വെറുമൊരു ഡോക്ടറോടുള്ള വിശ്വാസമല്ല, മറിച്ച് തന്റെ കുടുംബത്തിലെ ഒരാളോടെന്ന പോലെയുള്ള പരിഗണനയായിരുന്നു…
” എനിക്ക് നിന്നെ വിശ്വാസമാണ് റൂബൻ…
ഫെലിക്സിനെപ്പോലെ തന്നെയാണ് നീയും എനിക്ക്. നീ ഈ ഹോസ്പിറ്റലിന്റെ കാര്യങ്ങൾ നോക്കിയാൽ എനിക്ക് ദുബായിലെ ബിസിനസ്സിൽ കൂടുതൽ ശ്രദ്ധിക്കാൻ പറ്റും… ” ഫിലിപ്പ് അത് പറഞ്ഞു കൊണ്ട് എൻജിനീയർമാരുടെ അടുത്തേക്ക് നീങ്ങി…
അബുദാബി പ്രോജക്റ്റ് റൂബന്റെ ജീവിതത്തിലെ ഏറ്റവും തിരക്കുള്ള കാലഘട്ടമായിരുന്നു. ഫിലിപ്പ് ഏൽപ്പിച്ച ഉത്തരവാദിത്തം അവൻ അങ്ങേയറ്റം ഗൗരവത്തോടെയാണ് കണ്ടത്. ആഴ്ചയിൽ മൂന്ന് ദിവസമെങ്കിലും റൂബൻ അബുദാബിയിലേക്ക് പോകും. ചിലപ്പോൾ സിനിയും കൂടെയുണ്ടാകും, ഗൈനക് ലാബിന്റെയും ലേബർ വാർഡിന്റെയും ഡിസൈനിംഗും എക്യുപ്മെന്റ്സ് ഓർഡർ ചെയ്യാനുമായി…
തിരിച്ചു ദുബായിലേക്ക് വരുമ്പോഴുള്ള ആ രണ്ട് മണിക്കൂർ ഡ്രൈവ് അവർക്കിടയിലെ ഏറ്റവും മനോഹരമായ സമയമായിരുന്നു…
” സിനീ… ഇത്രയും തിരക്കിലും ഈ യാത്രകളാണ് എനിക്കിപ്പോ ഏറ്റവും ഇഷ്ടം. നീ കൂടെയുണ്ടെല്ലോ… റൂബൻ സ്റ്റിയറിംഗിൽ വിരലുകൾ താളം പിടിച്ചു പറഞ്ഞു.
സിനി ജനാലയിലൂടെ മണൽക്കാടുകളിലേക്ക് നോക്കി ഇരുന്നു. ” റൂബൻ, നീ ഈ പ്രോജക്റ്റ് വളരെ സ്മാർട്ടായിട്ടാണ് കൊണ്ടുപോകുന്നത്. ഫിലിപ്പ് എപ്പോഴും നിന്നെപ്പറ്റിയാ പറയുന്നത്. അയാൾക്ക് നിന്നിലുള്ള വിശ്വാസം ഇപ്പോൾ വളരെ കൂടുതലാണ്… ”