റൂബൻ പതുക്കെ ചിരിച്ചു. ” മാഡം, വെറുതെയല്ല. ആ ജേണലിലെ മാഡത്തിന്റെ കണ്ടെത്തലുകൾ എന്നെ ഒരുപാട് ഇൻസ്പയർ ചെയ്തിട്ടുണ്ട്. പ്രത്യേകിച്ച് ലാപ്രോസ്കോപ്പിക് മൈോമെക്ടമിയിലെ മാഡത്തിന്റെ ആ പ്രിസിഷൻ. അന്ന് ആർട്ടിക്കിൾ വായിക്കുമ്പോൾ ഞാൻ കരുതിയതേയില്ല ഒരു ദിവസം അതേ ഡോക്ടറുടെ കൂടെ എനിക്ക് വർക്ക് ചെയ്യാൻ പറ്റുമെന്ന്… ”
സിനിയുടെ ഉള്ളിൽ ഒരു ചെറിയ അഭിമാനം തോന്നി. ഹോസ്പിറ്റലിൽ എല്ലാവരും അവളെ ബഹുമാനിക്കാറുണ്ട്, പക്ഷേ അവളുടെ പഠനങ്ങളെയും പ്രയത്നത്തെയും ഇത്രയും ആഴത്തിൽ ഒരാൾ മനസ്സിലാക്കുന്നത് അവൾക്ക് പുത്തൻ അനുഭവമായിരുന്നു…
” ഗ്രേറ്റ് റൂബൻ… ആൾമോസ്റ്റ് എല്ലാ ജൂനിയേഴ്സും സർജറി കണ്ടു പഠിക്കാൻ മാത്രമേ ശ്രമിക്കാറുള്ളൂ, അതിന്റെ പിന്നിലെ തിയറിയും റിസർച്ചും ആരും ശ്രദ്ധിക്കാറില്ല… ബൈദവേ നമുക്ക് ആ പ്രോട്ടോക്കോൾ തന്നെ ഫോളോ ചെയ്യാം… ” സിനി പറഞ്ഞു.
അന്ന് ഉച്ചയ്ക്ക് ലഞ്ച് ബ്രേക്കിന് സിനി കഫറ്റീരിയയിൽ ഇരിക്കുമ്പോൾ റൂബൻ തന്റെ കോഫിയുമായി അങ്ങോട്ട് വന്നു. ” മാം, ഇവിടെ ഇരുന്നോട്ടെ…? ”
” യാ ഇരിക്കൂ… ”
ഫെലിക്സ് അടുത്ത മാസം വരുന്നുണ്ടല്ലോ,” റൂബൻ ചോദിച്ചു..
” യാ… വീ ആർ പ്ലാനിഗ് ഫോർ എ ലണ്ടൺ ട്രിപ്പ്… “
“ ദാറ്റ്സ് ഗ്രേറ്റ്… “
അപ്പോഴാണ് ഫിലിപ്പിന്റെ കോൾ വന്നത്. സിനി ഫോൺ എടുത്തു.
” സിനി, ഇന്ന് വൈകുന്നേരം ആ വില്ലയുടെ പേപ്പർ വർക്ക്സ് തീർക്കാൻ ലോയർ വരുന്നുണ്ട്. നീ നേരത്തെ എത്തണം. നമുക്ക് ഒരുമിച്ച് സൈൻ ചെയ്യണം… ” ഫിലിപ്പിന്റെ ശബ്ദത്തിൽ ആ പഴയ ബിസിനസ്സ് ഗൗരവം മാത്രം…
” ഫിലിപ്പ്, ഇന്ന് എനിക്ക് ഒരു പേഷ്യന്റ് കൂടി ഉണ്ട്. ഒരു എമർജൻസി സിസേറിയൻ വരാൻ സാധ്യതയുണ്ട്. ക്യാന്യൂ മാനേജ് ഇറ്റ്…? ഞാൻ അത് കഴിഞ്ഞ് വന്നാൽ പോരെ…? ”
” നോ സിനി, രണ്ടുപേരും വേണമെന്നാ പുള്ളിക്കാരൻ പറഞ്ഞേ. നീ വർക്ക് ഒന്ന് അഡ്ജസ്റ്റ് ചെയ്യൂ… ” ഫിലിപ്പ് ഫോൺ കട്ട് ചെയ്തു…
സിനി ദീർഘമായി ശ്വാസം വിട്ടു. റൂബൻ എല്ലാം കേൾക്കുന്നുണ്ടായിരുന്നു.
” മാം, ഇഫ് യു ട്രസ്റ്റ് മീ, ആ കേസ് ഞാൻ നോക്കിക്കോളാം… മാം പൊയ്ക്കോളൂ… എന്തെങ്കിലും എമർജൻസി ഉണ്ടെങ്കിൽ ഞാൻ ഉടനെ വിളിക്കാം… ” റൂബൻ വളരെ ശാന്തമായി പറഞ്ഞു.
സിനി അവന്റെ കണ്ണുകളിലേക്ക് നോക്കി. ആ നോട്ടത്തിൽ ഒരു വലിയ ആത്മവിശ്വാസമുണ്ടായിരുന്നു… തന്റെ തിരക്കുകൾക്കിടയിൽ തന്റെ പ്രൊഫഷനെ ബാധിക്കാതെ സഹായിക്കാൻ ഒരാൾ ഉണ്ടെന്നത് അവൾക്ക് വലിയൊരു ആശ്വാസമായി തോന്നി…
” ഓക്കേ റൂബൻ… ഐ ട്രസ്റ്റ് യൂ… ബട്ട് ബ്രീച്ച് പ്രസന്റേഷൻ ആണെങ്കിൽ എന്നെ വിളിക്കണം… ”
“യാ ഷുവർ മാം… ”
വൈകുന്നേരം വില്ലയിൽ എത്തിയപ്പോൾ ഫിലിപ്പ് വായനമുറിയിൽ ഫയലുകളുമായി ഇരിക്കുകയായിരുന്നു.
സിനി ചെന്ന് പേപ്പറിൽ ഒപ്പിട്ടു കൊടുത്തു…
” സിനി, നീ എന്താ ഇത്ര വൈകിയത്…? ഞാൻ എത്ര തവണ വിളിച്ചു… ” ഫിലിപ്പ് ഒരല്പം ദേഷ്യത്തിൽ ചോദിച്ചു.
” ഒരു സർജറി ഉണ്ടായിരുന്നു ഫിലിപ്പ്… അത് കഴിഞ്ഞ് ആ കേസ് ജൂനിയറിനെ ഏല്പിച്ചിട്ടാണ് ഞാൻ വന്നത്. ”
പിന്നെ ഫിലിപ്പ് ഒന്നും മിണ്ടിയില്ല. അയാൾ വീണ്ടും ലാപ്ടോപ്പിലേക്ക് തിരിഞ്ഞു.
രാത്രി ഉറങ്ങാൻ കിടക്കുമ്പോൾ സിനി റൂബന്റെ മെസ്സേജ് നോക്കി. പേഷ്യന്റ് സ്റ്റേബിൾ ആണെന്നും, സർജറി വിജയകരമായി റൂബൻ അസിസ്റ്റ് ചെയ്തെന്നും ഉള്ള ഡീറ്റെയിൽഡ് റിപ്പോർട്ട്.
അവസാനം അവൻ ഇങ്ങനെ കൂടി ചേർത്തു:
“മാം, കുടുംബകാര്യങ്ങളും ബിസിനസ്സും ഒക്കെ ഇമ്പോർട്ടന്റ് ആണ്. ബട്ട് അവർ ഹോസ്പിറ്റൽ ആന്റ് വി ആൾസോ നീട് യുവർ സപ്പോർട്ട്… ദ്റ്റ്സ് ആൾസോ ഇമ്പോർട്ടന്റ്… ഗുഡ് നൈറ്റ് മാം… ”
ഫിലിപ്പിന്റെ തണുത്ത പ്രതികരണത്തേക്കാൾ റൂബന്റെ ആ ഒരു വരി മെസ്സേജ് അവളുടെ ഉള്ളിൽ ഒരു പ്രത്യേക ഊർജ്ജം നൽകി. അവൾ ലൈറ്റ് ഓഫ് ചെയ്തു. ഇരുട്ടിൽ അവളുടെ ചുണ്ടിൽ ഒരു നേർത്ത പുഞ്ചിരി വിരിഞ്ഞു…
ദിവസങ്ങൾ നിമിഷങ്ങൾ പോലെ കടന്നു പോയി… അല്ലെങ്കിലും മിഡിലീസ്റ്റിന്റെ പ്രത്യേകതയാണത് ദിവസങ്ങളും മാസങ്ങളും പോകുന്നതു അറിയുകേയില്ലാ…..