റോക്കി 2
Rocky Part 2 | author : Sathyaki
[ Previous Part ] [ www.kambi.pw ]
കണ്ണീർ വീഴ്ത്താതെ, ഉള്ളിൽ കരഞ്ഞു കൊണ്ട് തിരിഞ്ഞു നോക്കാതെ ഇഷാനി നടന്നു. ഇനി എന്ത് എന്ന ചിന്ത അവളുടെ മനസ്സിൽ ഒരു ഗില്ലറ്റിൻ വാൾ പോലെ വന്നു പതിക്കാൻ തുടങ്ങി. കോളേജ് ഗേറ്റ് പിന്നിട്ട് കുറച്ചു ദൂരം നടന്നപ്പോളാണ് ദൂരെ നിന്നും അർജുൻ ബൈക്കിൽ വരുന്നത് ഇഷാനി കണ്ടത്. തന്നെ കണ്ടിട്ടും ഇഷാനി വിളിക്കാതെ പോകുന്നത് കണ്ടു അർജുന് അത്ഭുതം ആയി. ബൈക്ക് വഴിയുടെ സൈഡിൽ ഒതുക്കി വച്ചു അർജുൻ ഇഷാനിയുടെ പിന്നാലെ ഓടി ചെന്നു.
‘നീ എന്താ ഒരു മൈൻഡ് ഇല്ലാതെ പോകുന്നത്.. ഇതെവിടേക്ക് പോകുവാ ബാഗും തൂക്കി ഇപ്പോൾ..?
എന്റെ ചോദ്യം അത്ര അടുത്ത് നിന്നിട്ടും അവൾ കേട്ടില്ല എന്ന മാതിരി നടന്നു.
‘അവൾ പിന്നെയും വന്നു വല്ലതും പറഞ്ഞോ..?
ലക്ഷ്മി എന്തെങ്കിലും പ്രശ്നം ഉണ്ടാക്കി കാണണമെന്ന് അർജുന് തോന്നി. പരമാവധി നേരത്തെ എത്തണം എന്ന് അർജുൻ കരുതിയത് ആണ്. പക്ഷെ എല്ലാം ഒന്ന് റെഡി ആക്കിയപ്പോ ഇത്രയും സമയം എടുത്തു പോയി
‘ഇഷാനി നീ എങ്ങോട്ടാ ഈ പോകുന്നെ.. എന്തെങ്കിലും ഒന്ന് പറ..’
ഞാൻ അവളുടെ കയ്യിൽ കയറി പിടിച്ചു അവളെ നിർത്തി. അവൾ എന്റെ മുഖത്ത് പോലും നോക്കുന്നില്ല. അവളുടെ കണ്ണുകൾ ആകെ കലങ്ങി ഇരിക്കുന്നു. വീണ്ടും ഞാൻ കാര്യം അന്വേഷിച്ചപ്പോൾ ദേഷ്യത്തോടെ അവൾ എന്നെ നോക്കി
‘നീ എന്നോട് നാളെ കോളേജിൽ വരണം എന്ന് പറഞ്ഞു എന്നെ ഇവിടെ വരുത്തിയിട്ട് എവിടെ പോയി കിടക്കുവായിരുന്നു.. ഞാൻ വിളിച്ചാൽ ഒന്ന് എടുത്തു കാര്യം പറയാൻ പോലും നിനക്ക് സൗകര്യം ഇല്ലായിരുന്നല്ലോ..’
ഇഷാനി വല്ലാതെ പൊട്ടിത്തെറിച്ചു. ഇത്രയും നാൾ എന്നെ ചേട്ടാ എന്നല്ലാതെ ഒന്നും വിളിക്കാഞ്ഞ അവളുടെ വായിൽ നിന്ന് “നീ” എന്നൊക്കെ വരാൻ തുടങ്ങി. മറ്റേതെങ്കിലും സാഹചര്യത്തിൽ ആയിരുന്നു അവൾ വിളിച്ചത് എങ്കിൽ കേൾക്കാൻ ഒരു സുഖം ഉണ്ടായിരുന്നു. ഇതൊരുമാതിരി ഞാൻ അവളെ ചതിച്ചു കടന്നു കളഞ്ഞു എന്ന പോലെ ആണ് അവളുടെ സംസാരം. വഴിയിൽ ഉള്ളവർ എല്ലാം ഞാൻ അവളോട് എന്തോ തെറ്റ് ചെയ്തു എന്ന രീതിയിൽ ആയി നോട്ടം. ഞാൻ പതിയെ ആളുകളുടെ ശ്രദ്ധ കിട്ടാത്ത ഒരിടത്തേക്ക് പതിയെ അവളെ മാറ്റി നിർത്തി.
‘രാവിലെ വിളിച്ചപ്പോൾ ഞാൻ പറഞ്ഞ അല്ലെ കോളേജിൽ വന്നോളാൻ. പിന്നെ നീ വിളിച്ചപ്പോ എല്ലാം ഞാൻ കുറച്ചു ബിസി ആയി പോയി..’
‘നിനക്ക് കോൾ എടുത്തു ഒന്ന് സംസാരിക്കാൻ എന്ത് ടൈം വേണം അർജുൻ..? ഞാൻ അന്ന് നിന്റെ കോൾ എടുക്കാഞ്ഞതിന്റെ ദേഷ്യം ഇങ്ങനെ തീർത്ത അല്ലെ നീ..?
സ്ട്രൈക്ക്ന്റെ അന്ന് എന്റെ കോൾ അവൾ എടുക്കാഞ്ഞ കാര്യമാണ് അവൾ പറയുന്നത്. ഞാൻ അതൊന്നും മനസ്സിൽ ചിന്തിച്ചിട്ട് കൂടിയില്ല.
‘നീ കുറച്ചു കൂൾ ആകു. വാ നമുക്കൊരു വെള്ളം കുടിച്ചിട്ട് സംസാരിക്കാം..’
ഞാൻ അവളെ അനുനയിപ്പിക്കാൻ ശ്രമിച്ചു
‘എനിക്ക് നിന്റെ വെള്ളവും വേണ്ട ഒന്നും വേണ്ട…’
അവൾ എന്റെ അടുത്ത് നിന്ന് പോകാൻ നോക്കിയപ്പോൾ ഞാൻ വീണ്ടും അവളുടെ കയ്യിൽ കയറി പിടിച്ചു.ദേഷ്യത്തിൽ ആ കൈ തട്ടി മാറ്റാൻ അവൾ ശ്രമിച്ചു
‘വിട്.. എന്റെ കയ്യീന്ന് വിടാൻ..’
‘ഒന്ന് അടങ്ങ്‌ നീ ഇഷാനി.. എന്താ ഇപ്പോൾ ഉണ്ടായേ എന്ന് പറ. ലക്ഷ്മി നിന്നെ വെല്ലോം ചെയ്തോ..? അവളെ കണ്ടോ നീ..?
‘കണ്ടു. കണക്കിന് കിട്ടുകയും ചെയ്തു.. വൈകിട്ട് എന്റെ ഫോട്ടോ ഇവിടെ ബാനർ അടിച്ചു വയ്ക്കുമെന്നാ അവൾ പറഞ്ഞത്.. എല്ലാം നീ കാരണമാ..’
ഇഷാനിയുടെ ശബ്ദം ശരിക്കും ഇടറി. ഉള്ളിൽ അവൾ കരയുന്നത് വാക്കുകളിൽ അറിയാൻ പറ്റി.
‘അങ്ങനെ പറഞ്ഞോ അവൾ.. അതിന് ചാൻസ് ഇല്ലല്ലോ..?
ഞാൻ ഒരെത്തും പിടിയും കിട്ടാത്ത പോലെ നിന്നു. എന്റെ നിൽപ്പ് കണ്ടു ഇഷാനിക്ക് ദേഷ്യം കൂടി. എന്റെ നെഞ്ചിൽ കൈ ചുരുട്ടി രണ്ട് ഇടി വച്ചു തന്നു അവൾ. എന്നെ അതൊട്ടും വേദനിപ്പിച്ചില്ല എങ്കിലും അവളുടെ ദേഷ്യം ശമിക്കട്ടെ എന്ന് കരുതി ഞാൻ അവളെ തടഞ്ഞില്ല.
‘എല്ലാം നീ കാരണമാ.. ഞാൻ ഇന്ന് വരില്ലായിരുന്നു. നീ കാരണമാ ഇവിടെ വന്നെ. അവളുടെ ദേഷ്യവും കൂടിയത്.. ഇനി എന്റെ ഫോട്ടോ ഇവിടെ എല്ലാം ഒട്ടിക്കുമ്പോ കണ്ടോ ശരിക്കും. നിനക്ക് അതാണല്ലോ വേണ്ടേ…’
ഇഷാനിയുടെ മുഖം സങ്കടം കൊണ്ടും ദേഷ്യം കൊണ്ടുമൊക്കെ ചുവന്നു വന്നു. എന്നെ തള്ളി മാറ്റിയിട്ടു അവൾ തിരിച്ചു നടന്നു.
‘നീ എന്താ ഇങ്ങനെ ഒക്കെ പറയുന്നേ.. നീ എന്നെ അങ്ങനെ ആണോ കണ്ടിരിക്കുന്നെ..? നിന്റെ ന്യൂഡ് കാണാൻ ആണേൽ എനിക്ക് അവൾ ഒട്ടിക്കുന്ന ഒന്നും നോക്കി ഇരിക്കണ്ടല്ലോ ഈ ഫോൺ ഓപ്പൺ ചെയ്തു നോക്കിയാൽ പോരായിരുന്നോ..’
എന്റെ ആ പറച്ചിൽ കേട്ട് അവൾ നടത്തം നിർത്തി. സംശയത്തോടെ അവൾ എന്നെ തിരിഞ്ഞു നോക്കി
‘എന്താ ഇപ്പോൾ പറഞ്ഞത്..?
‘നിന്റെ ന്യൂഡ് കാണാൻ ആണേൽ എനിക്ക് ഈ ഫോൺ തുറന്നു നോക്കിയാൽ പോരേ എന്ന്..’
പറഞ്ഞത് തന്നെ ഞാൻ വീണ്ടും ആവർത്തിച്ചു. ഒപ്പം പാന്റിന്റെ പോക്കറ്റിൽ നിന്നും ഒരു ഫോണും എടുത്തു. ആ ഫോൺ കണ്ടിട്ടും ഇഷാനിക്ക് കാരണം മനസിലായില്ല. അവൾ എന്റെ അടുക്കലേക്ക് വന്നു. ഞാൻ ആ ഫോൺ അവളുടെ കയ്യിൽ വച്ചു കൊടുത്തു. ഇഷാനി അതിന്റെ സ്വിച്ചിൽ അമർത്തിയപ്പോൾ ഫോണിന്റെ ലോക്ക് സ്ക്രീൻ തെളിഞ്ഞു വന്നു. അത് ലക്ഷ്മിയുടെ ചിത്രം ആയിരുന്നു..
‘ഇത്.. ഇത്.. അവളുടെ ഫോൺ ആണോ…? ഇതെങ്ങനെ..?
ഇഷാനിയുടെ കയ്യിൽ നിന്നും ഞാൻ ഫോൺ തട്ടിപ്പറിച്ചു വാങ്ങി. ഒരു കൃത്രിമ ദേഷ്യം ഞാൻ മുഖത്ത് വരുത്തി
‘എന്നെ എന്തൊക്കെ ആണ് പറഞ്ഞത് ഇപ്പോൾ. ഇത്രയും ഒക്കെ ചെയ്തിട്ട് അവസാനം പറയാവുന്ന മോശം തന്നെ എന്നെക്കുറിച്ച് നീ പറഞ്ഞു.. കൊള്ളാം..’
‘അയ്യോ.. ഞാനാകെ ടെൻഷൻ ആയി.. എന്നോട് വരാൻ പറഞ്ഞിട്ട് ചേട്ടൻ വരാതെ ഇരുന്നപ്പോൾ കൊല്ലാനുള്ള ദേഷ്യം തോന്നി എനിക്ക്.. അതാണ്.. സോറി.. ആ ദേഷ്യത്തിൽ എന്തെങ്കിലും പറഞ്ഞേൽ ക്ഷമിക്ക്.. ശരിക്കും സോറി..’
ഇഷാനിയുടെ മുഖം ഇപ്പോളാണ് ഒന്ന് തെളിഞ്ഞത്.
‘നീ ഇപ്പോൾ എന്താ എന്നെ വിളിച്ചത്..?
‘ചേട്ടാ എന്ന്..’
ഇഷാനി ഒരു സംശയത്തോടെ മെല്ലെ പറഞ്ഞു
‘ഫ…! ഇത്രയും നേരം എവിടെ പോയിരുന്നു നിന്റെ ചോട്ടാ വിളി..’
ഞാൻ ചുമ്മാ ഒന്ന് ചൂടായി അവളോട്
‘സോറി…’
അവൾ ചുണ്ടിന്റെ കോണിൽ ഒരു മന്ദഹാസം വരുത്തി എന്റെ കയ്യിൽ പിടിച്ചു. ഞാൻ ആ കൈ ബലമായി വിടുവിച്ചു തിരിച്ചു കോളേജിലേക്ക് നടന്നു. ഇഷാനി എന്റെ പുറകെ ഓടി വന്നു. ഞാൻ നല്ല വേഗത്തിൽ നടന്നു. എന്റെ ഒപ്പം എത്താൻ അവൾക്ക് ചെറുതായി ഓടേണ്ടി വന്നു. എന്റെ മുഖത്ത് ഒരു ചെറിയ ചിരി വന്നു പോയി. അത് ഇഷാനി കണ്ടു. എനിക്ക് അവളോട് ശരിക്കും ദേഷ്യം ഒന്നുമില്ല എന്ന് അവൾക്ക് മനസിലായി. ഞാൻ തിരിച്ചു ബൈക്ക് വച്ച സ്‌ഥലത്തു എത്തി. ബൈക്കിൽ കയറി അവളെ മൈൻഡ് ആക്കാതെ ഞാൻ വണ്ടിയൊടിച്ചു കോളേജിലേക്ക് പോയി. ആ പ്രവൃത്തി അവളെ ചെറുതായ് വേദനിപ്പിച്ചിരിക്കണം. അവൾ പതിയെ നടന്നു കോളേജിൽ എത്തിയപ്പോൾ ഞാൻ ബൈക്ക് പാർക്ക്‌ ചെയ്യുന്ന ബദാം മരത്തണലിൽ അവളെയും കാത്ത് ഒരു ചെറു പുഞ്ചിരിയോടെ ഇരിപ്പുണ്ടായിരുന്നു. ഇഷാനി വന്നു എന്നോട് ചേർന്നിരുന്നു. അവളുടെ ശരീരത്തിലെ ഗന്ധം എന്നെ സത്യം പറഞ്ഞാൽ മൂഡ് ആക്കി. എന്റെ പുറകെ ചെറുതായ് ഓടിയത് കൊണ്ട് ഇഷാനി കുറച്ചു വിയർത്തിട്ടുമുണ്ടായിരുന്നു. ആ ഗന്ധവും അവളുടെ വിയർത്ത മുഖവും കഴുത്തും ഒക്കെ എന്റെ കാമ ഹോർമോൺകളെ വിളിച്ചുണർത്തി. അവളറിയാതെ ഞാൻ ശരിക്കും അവളെ ആസ്വദിച്ചു. എന്ത് രസമാണീ പണ്ടാരത്തെ കാണാൻ..!! ഞാൻ മനസിൽ അവൾക്കൊരു കടിയുമ്മ കൊടുത്തു കൊണ്ട് പറഞ്ഞു. എന്റെ ചിന്ത മനസിലാക്കിയത് പോലെ അവളെന്നെ കുസൃതിയോടെ നോക്കി. മനസിനെ നിയന്ത്രിച്ചു പോക്കറ്റിൽ നിന്നും ലക്ഷ്മിയുടെ ഫോൺ ഓണാക്കി ഗാല്ലറി തുറന്നു ഞാൻ ആ ഫോൺ ഇഷാനിയുടെ കയ്യിൽ കൊടുത്തു.
