‘ഞങ്ങൾ ഇത് വഴി പോയപ്പോൾ നിന്റെ ബൈക്ക് ഇരിക്കുന്ന കണ്ട് നിർത്തിയതാ. അപ്പോളാ നിന്നെ കണ്ടത് ഇവിടെ..’
അയാൾ എന്നോട് സംസാരിക്കുന്നത് കണ്ടപ്പോൾ ഞങ്ങൾ നേരത്തെ പരിചയമുള്ളവർ ആണെന്നും ഇപ്പോൾ കാണിച്ച കലിപ്പൊക്കെ തന്നെ പറ്റിക്കാൻ ചെയ്തത് ആണെന്നും ഇഷാനിക്ക് മനസിലായി. ഒരു ചമ്മലോടെ ഇഷാനി അവരെ നോക്കിയപ്പോൾ ഞാൻ അവളുടെ തോളിനു മേലെ രണ്ട് കയ്യും വച്ചു അവളെ മഹാന് പരിചയപ്പെടുത്തി
‘ഇത് ഇഷാനി.. എന്റെ ഫ്രണ്ട് ആണ്..’
‘ഫ്രണ്ട് ആൾ കൊള്ളാമല്ലോ… നിനക്ക് വേണ്ടി കുറെ അടി ഇവൾ വാങ്ങിച്ചു കൂട്ടുമല്ലോ..’
മഹാൻ ചിരിച്ചു കൊണ്ട് പറഞ്ഞു.. ഞങ്ങളുടെ സംസാരം നീണ്ടു പോയപ്പോൾ മഹാനെ ഞാൻ അവൾക്ക് പരിചയപ്പെടുത്തിയില്ലെന്ന് എനിക്ക് ഓർമ വന്നു
‘ഞാൻ മറന്നു.. ഇത് മഹാൻ.. എന്റെ സ്വന്തം..’
ബന്ധത്തിന്റെ കണക്ക് പറഞ്ഞാൽ ഒരു അകന്ന ബന്ധത്തിന് അപ്പുറം ഒന്നുമില്ല അർജുന് മഹാനോട്. പക്ഷെ അതിനുമപ്പുറം തന്നെ സ്വന്തം എന്നാണ് അർജുൻ പരിചയപ്പെടുത്തിയത് എന്നോർത്തപ്പോൾ മഹാന്റെ കണ്ണ് ഒന്ന് നനഞ്ഞു. അന്നുമിന്നും മറ്റൊരു കുടുംബമില്ലാത്തവന് സ്വന്തം എന്ന് പറയാൻ എന്നും അർജുനും കുടുംബവും ഉണ്ടായിരുന്നുള്ളു
‘നിനക്ക് ഇപ്പോളും മനസിലായില്ലേ.. എടി ഇതാണ് കോളേജിൽ എന്നെ റോക്കി ആക്കിയ മഹാൻ…. അന്ന് തോക്ക് കൊണ്ട് ബഹളം ഉണ്ടാക്കിയില്ലേ… ആ മഹാൻ..’
മഹാൻ എന്ന് പറയുന്നത് ഞാൻ പുള്ളിയെ വിശേഷിപ്പിച്ചത് ആണെന്ന് ഇഷാനി ആദ്യം കരുതി. അവർ പോയി കഴിഞ്ഞു എന്റെ കൈ പിടിച്ചു തിരിക്കാൻ ഇഷാനി ഒരു വിഫലശ്രമം നടത്തി. അവളുടെ ആരോഗ്യത്തിന് അത് നടക്കുന്ന കാര്യമല്ല
‘എടാ… പട്ടി.. തെണ്ടി… ഞാൻ പേടിച്ചു ബോധം പോയേനെ കുറച്ചു മുന്നേ.. ഇനി എന്നെ ഇങ്ങനെ പറ്റിച്ചാൽ നിന്നെ കാണിച്ചു തരാം..’
കൈ തിരിയുന്നില്ല എന്ന് കണ്ട് അവൾ കൈ വിട്ടു. ഞാൻ അപ്പോളാണ് അവൾ എനിക്ക് വേണ്ടി അടി വാങ്ങാൻ മുന്നിൽ കയറി നിന്നതിനെ പറ്റി ചിന്തിച്ചത്.. അത് വീണ്ടും മനസ്സിൽ കണ്ടപ്പോൾ ഒരു കുളിർ…
പിറ്റേന്ന് ക്ലാസ്സിൽ വച്ചു കൃഷ്ണ എന്നോട് വീണ്ടും സോറി പറഞ്ഞു വന്നു. എനിക്ക് അവളോട് ദേഷ്യം ഒന്നും ഇല്ലാഞ്ഞത് കൊണ്ട് ഞാൻ പിണക്കമില്ല എന്ന് പറഞ്ഞു. അവളോട് വീണ്ടും മിണ്ടി തുടങ്ങിയപ്പോൾ ഞാൻ നൈസ് ആയി ലക്ഷ്മിയെ ഇപ്പോൾ കാണുന്നില്ലല്ലോ എന്ന് അവളോട് ചോദിച്ചു. അവൾക്ക് വയ്യ എന്ന് കൃഷ്ണ എനിക്ക് മറുപടി തന്നെങ്കിലും കുറച്ചു കഴിഞ്ഞു ആരോടും പറയരുത് എന്ന് പ്രോമിസ് ചെയ്തിട്ട് അവളെന്നോട് കാര്യം പറഞ്ഞു. ലക്ഷ്മി ബ്രേക്കപ്പ് ആയി.. അതാണ് കുറച്ചു ദിവസം ആയി അവൾക്ക് മൂഡോഫ്. മിക്കപ്പോഴും കരച്ചിൽ ആണ്. ഒരു ചെക്കൻ പോയപ്പോൾ കരഞ്ഞു ഇരിക്കുന്ന ലക്ഷ്മിയെ എനിക്ക് സങ്കൽപ്പിക്കാൻ പ്രയാസം ആയിരുന്നു.
അന്ന് വൈകിട്ട് ഞാനും ഇഷാനിയും വരാന്തയിൽ സംസാരിച്ചു ഇരിക്കുമ്പോളാണ് രേണു ഞങ്ങളുടെ അടുത്തേക്ക് വന്നത്.
‘ഡാ അടുത്ത പീരീഡ് ഒരു ക്വിസ് മത്സരം ഉണ്ട്. ക്ലാസ്സിൽ താല്പര്യം ഉള്ളവർ ഉണ്ടേൽ ഹോളിലേക്ക് വരാൻ പറ..’
‘എനിക്ക് താല്പര്യമുണ്ട്..’
ഞാൻ സ്വന്തം ചുണ്ടിൽ തൊട്ടൊണ്ട് തമാശക്ക് പറഞ്ഞു
‘അയ്യടാ ഭയങ്കര തമാശ.. കുറച്ചു വിവരം ഉള്ള ആരെങ്കിലും ഉണ്ടെങ്കിൽ വിട്.. ഇവിടുന്ന് ജയിച്ചാൽ വേറെ കോളേജിൽ പോയി മത്സരിക്കാം. ക്യാഷ് പ്രൈസ് ഒക്കെ ഉണ്ടെന്ന് പറ..’
‘അതെന്താ എനിക്ക് ഇതിനൊന്നും വിവരമില്ലേ.. രേണു നമ്മൾ ഒരുമിച്ച് പഠിച്ചപ്പോൾ എല്ലാം സാമൂഹ്യശാസ്ത്രത്തിനും ഗണിതത്തിനും മലയാളത്തിനുമെല്ലാം ഞാൻ ആയിരുന്നു മികച്ചവൻ..’
ഞാൻ തമാശയുടെ ചുവയിൽ പറഞ്ഞു
‘ബാക്കി ഒക്കെ ഞാൻ അല്ലെ..’
അവൾ മറുപടി തന്നു അതെ പോലെ
‘അല്ല ബാക്കി ഒക്കെ നമ്മൾ ടൈ ആയിരുന്നു..’
‘ഓ സമ്മതിച്ചു.. എങ്കിൽ നീ ചെന്നു ഫസ്റ്റ് വാങ്ങിക്ക്.. ഇഷാനി നീ പോണുണ്ടോ.. ജയിച്ചാൽ പത്രത്തിൽ ഒക്കെ ഫോട്ടോ വരും മിക്കവാറും..’