‘അന്നത്തെ പ്രശ്നം ഓർത്തണേൽ മിസ്റ്റേക്ക് എന്റെ ഭാഗത്തും ഉണ്ടല്ലോ.. അത് അറിയാൻ വന്നതാ..’
‘അതൊന്നുമല്ല..’
അവൾ പറഞ്ഞു
‘നിന്നെ ഇങ്ങനെ മൂഡോഫ് ആയി കാണാറില്ല.. അതോണ്ട് ചോദിച്ചതാ..’
ലക്ഷ്മിക്ക് തന്റെ ഉള്ളിൽ ഉള്ളത് ആരോടെങ്കിലും പറയണം എന്ന് തോന്നി.
‘ഞാൻ ബ്രേക്കപ്പ് ആകാൻ പോകുവാ..’
അവൾ ശബ്ദം താഴ്ത്തി പറഞ്ഞു.
അപ്പോൾ അതാണ് ഇവളുടെ വിഷമത്തിന് കാരണം.. അല്ലാതെ ഞാൻ അല്ല. അർജുന് ആശ്വാസം ആയി.
‘എന്താണ് വീട്ടിൽ എന്തെങ്കിലും പ്രശ്നം…?
ഞാൻ അവളോട് ചോദിച്ചു
‘അതൊന്നുമല്ല.. അവൻ എന്നെ ചീറ്റ് ചെയ്യുവാണ് എന്ന് തോന്നി..’
‘ചീറ്റ് ചെയ്യുവാ എന്ന് തോന്നിയത് അല്ലെ.. ചീറ്റ് ചെയ്തോന്ന് ഉറപ്പില്ലല്ലോ..?
‘അവൻ ശരിക്കും എന്നെ പറ്റിക്കുവാ.. അവന് വേറൊരു പെണ്ണുമായി കണക്ഷൻ ഉണ്ട്. പക്ഷെ എന്റെ അടുത്ത് അത് സമ്മതിച്ചു തരുന്നില്ല. എന്റെ ഫ്രണ്ട് അവനെയും ആ പെണ്ണിനേയും ഒരിടത്തു വച്ചു കണ്ടതാണ്..’
‘നീ ഏതോ ഫ്രണ്ട് പറയുന്ന കേട്ടത് വച്ചു മാത്രം അവനെ അവിശ്വസിക്കരുത്..’
‘അവൾ എന്റെ അടുത്ത് കള്ളത്തരം പറയണ്ട കാര്യമില്ല.. അത് സത്യം ആണ്..’
‘എങ്കിലും എന്തെങ്കിലും തെളിവ് ഇല്ലാതെ നീ അത് പൂർണമായി വിശ്വസിക്കരുത്..’
അവളോട് ഞാൻ പറഞ്ഞു. കുറച്ചു നേരം ഒന്നും മിണ്ടാതെ ഇരുന്നതിന് ശേഷം അവൾ എന്നോട് മടിച്ചു കൊണ്ട് ചോദിച്ചു
‘നിനക്ക് എന്നെ ഹെല്പ് ചെയ്യാൻ പറ്റുമോ..?
‘എന്ത് ഹെല്പ് ആണ് നിനക്ക് വേണ്ടത്..?
അവളെന്താണ് ചോദിക്കുന്നത് എന്നോർത്ത് എനിക്ക് സംശയം ആയി. അവളുടെ മനസ്സ് ആകെ കുഴഞ്ഞ് മറിഞ്ഞു കിടക്കുവാണ്. അല്ലെങ്കിൽ എന്നോട് ഹെല്പ് ചോദിക്കില്ല.
‘അവന്റെ ഇൻസ്റ്റ എനിക്ക് ഒന്ന് ഹാക്ക് ചെയ്തു തരുമോ..? നീ അന്ന് എന്റെ ഫോൺ ഹാക്ക് ചെയ്തില്ലേ..?
ഞാൻ അവളുടെ ഫോൺ ഹാക്ക് ഒന്നും ചെയ്തിട്ടില്ലായിരുന്നു. എന്നാണേലും അവളെന്നെ ഒരു ഹാക്കർ ആയാണ് കരുതിയിരിക്കുന്നത്. അതങ്ങനെ തന്നെ ഇരിക്കട്ടെ എന്ന് ഞാൻ കരുതി.
‘പണി ആകുമോ…?
ഞാൻ സംശയത്തോടെ ചോദിച്ചു
‘പണി ഒന്നും ആകില്ല. എനിക്ക് ഒന്ന് ഉറപ്പിക്കാൻ ആണ്.. അവനിപ്പോ പാസ്സ്വേർഡ് ചേഞ്ച് ആക്കിയത് കൊണ്ട് എനിക്ക് കേറാൻ പറ്റുന്നില്ല..’
‘ഞാൻ ശ്രമിക്കാം.. എന്റെ ഒരു ഫ്രണ്ട് ആണ് എന്നെ ഹെല്പ് ചെയ്തത്. അവനോട് ഞാൻ പറയാം..’
‘അയാളെ വിശ്വസിക്കാമോ..?
ലക്ഷ്മി ഒരു സംശയത്തോടെ എന്നോട് ചോദിച്ചു
‘വിശ്വസിക്കാം..’
ഞാൻ ഉറപ്പോടെ പറഞ്ഞു
‘എങ്കിൽ ഇപ്പോൾ പോകാം അങ്ങോട്ട്..’
‘ഇപ്പോളെയോ.. ഞാൻ അവനോട് ആദ്യം കാര്യം പറയട്ടെ. അവന്റെ സൗകര്യം കൂടി നോക്കി ഞാൻ ടൈം പറയാം..’
അത് കേട്ടതും ലക്ഷ്മിയുടെ മുഖം പിന്നെയും മ്ലാനമായി.
‘അത് ഓർത്തോർത്തു എന്റെ തല പെരുത്തിട്ടാണ്.. ഒത്തിരി വെയിറ്റ് ചെയ്യാൻ എനിക്ക് വയ്യാ.. പ്ലീസ്.. പെട്ടന്ന് ഇതൊന്ന് സെറ്റ് ആക്കാമോ..?
ലക്ഷ്മി എന്നോട് കൊച്ചു പിള്ളേരെ പോലെ വാശി പിടിച്ചു സംസാരിച്ചു. അവളുടെ സംസാരം കേട്ടപ്പോൾ തന്നെ അവൾ വല്ലാതെ മൈൻഡ് ഔട്ട് ആണ് ഇത് കാരണം എന്ന് എനിക്ക് തോന്നി. കാർത്തിക്കിനെ വിളിച്ചു സംസാരിച്ചപ്പോൾ നാളെ കഴിഞ്ഞു വരാനാണ് പറഞ്ഞത്. അത് തന്നെ ലക്ഷ്മിക്ക് ഒരുപാട് കൂടുതൽ ആണെന്ന പോലെ തോന്നി. എങ്കിലും അവൾ സമ്മതിച്ചു.
അന്ന് നേരം വെളുക്കുന്നതിന് മുമ്പ് തന്നെ അവൾ തള്ളിക്കയറി എന്റെ വീടിന് മുന്നിൽ വന്നു. അവളെയും കൂട്ടി കാർത്തിക്കിന്റെ വീട്ടിൽ ചെന്നപ്പോൾ അവൻ എണീറ്റിട്ടു കൂടി ഉണ്ടായിരുന്നില്ല. എന്റെ കൂടെ ലക്ഷ്മിയെ കണ്ട് അവൻ ഒരു സംശയത്തോടെ നോക്കി. അവളുടെ ഫോൺ ആണ് ഓപ്പൺ ആക്കാൻ ഞാൻ നേരത്തെ ഇവിടെ കൊണ്ട് വന്നത് എന്ന് അവന് മനസിലായില്ല എന്ന് തോന്നുന്നു
‘ആൾ ലോഗിൻ ചെയ്യാൻ യൂസ് ചെയ്യുന്ന മെയിൽ ഐഡി അറിയുമോ..?
‘അറിയാം..’
ലക്ഷ്മി ആവേശത്തോടെ പറഞ്ഞു. പിന്നെയും കുറച്ചു ഡീറ്റെയിൽസ് അവൻ ചോദിച്ചു. അതൊക്കെ കേട്ടപ്പോൾ അവൾക്കൊരു സംശയം തോന്നി