അത് തന്നെ ആയിരുന്നു ശരിയെന്നു ഇഷാനിയുടെ കണ്ണുകളിൽ എനിക്കിപ്പോൾ കാണാൻ കഴിഞ്ഞു. വലിയൊരു മഴ പെയ്തൊഴിഞ്ഞ പോലെ ഉണ്ടായിരുന്നു അവളുടെ മുഖം അപ്പോൾ. നടന്ന സംഭവം ഒന്നും കൃത്യമായി അവളോട് പറഞ്ഞില്ല എങ്കിലും രാത്രി വീട്ടിൽ കയറി ഫോൺ എടുത്തത് ആണെന്ന് എനിക്ക് സമ്മതിച്ചു കൊടുക്കേണ്ടി വന്നു. അത് കേട്ടതും അന്തം വിട്ടു വായിൽ കൈ വച്ചു ഇഷാനി. അവിടെ വച്ചു പിടിക്കപ്പെട്ടാൽ ഉണ്ടാകുന്ന ഭവിഷ്യത്തിനെ പറ്റി ഒക്കെ അവൾ എനിക്ക് പറഞ്ഞു തന്നു. അതെല്ലാം അറിഞ്ഞിട്ട് തന്നെ ആണ് ഞാൻ ആ കൃത്യത്തിന് മുതിർന്നത് എന്ന് കേട്ടപ്പോൾ അവൾ വല്ലാതായി.
‘ചേട്ടൻ എന്റെ ഇവിടുത്തെ ഗാർഡിയൻ എയ്ഞ്ചൽ ആണല്ലോ..’
‘ചേട്ടൻ അല്ല.. നീ.. അത് മതി..’.
അവളുടെ പുകഴ്ത്തലിനു ഞാൻ മറുപടി കൊടുത്തു
‘ഞാൻ അത് ആ ദേഷ്യത്തിൽ വിളിച്ചത് അല്ലെ. അത് മനസിൽ വക്കല്ലേ..’
‘മനസിൽ വച്ചതല്ല. ഞാൻ നിന്നോട് നേരത്തെ പറയാൻ ഇരുന്നതാ.. ചേട്ടൻ വിളിയേക്കാൾ അടുപ്പം നീ, എടാ എന്നൊക്കെ വിളിക്കുമ്പോ ആണ്..’
‘ചേട്ടൻ എന്നേക്കാൾ എത്ര വയസിനു മൂത്തത് ആണ്. എന്നിട്ട് ഞാൻ ഡാ എന്ന് വിളിക്കണോ..’
‘പ്രായം അല്ല ഇവിടെ വിഷയം. നമ്മൾ ഒരു ക്ലാസ്സിൽ അല്ലെ പഠിക്കുന്നെ. അപ്പോൾ ഈ ചേട്ടൻ വിളിയേക്കാൾ നല്ലത് പേരോ നീയെന്നോ ഒക്കെ വിളിക്കുന്ന ആണ്..’
‘എന്നിട്ട് ശ്രുതി ഇപ്പോളും ചേട്ടാ എന്നല്ലേ വിളിക്കുന്നത്..?
ശ്രുതിയെ പോലെ ആണോ നീ എനിക്ക്.. അത് പറയാൻ പക്ഷെ എനിക്ക് പറ്റിയില്ല. അവൾ ശ്രുതിയേ വച്ച സ്‌ഥിതിക്ക് കൃഷ്ണയേ പകരം വച്ചു ചെക്ക് ചെയ്യാമെന്ന് ഞാൻ കരുതി.
‘ ശ്രുതി എന്റെ സിസ്സി അല്ലെ. കൃഷ്ണ എന്നെ നേരത്തെ ചേട്ടാ എന്ന് വിളിച്ചു നടന്നതാ. ഇപ്പോൾ കണ്ടോ കൂടുതൽ കമ്പനി ആയപ്പോ എടാ പോടാ എന്നായി.. അതാണ് എനിക്കും ഇഷ്ടം..’
കൃഷ്ണയേ പറ്റി ഞാൻ പറഞ്ഞത് അവൾക്ക് കൊണ്ടിട്ടുണ്ടാകും.
‘ശ്രുതി മാത്രമേ ചേട്ടന്റെ സിസ്റ്റർ ഉള്ളു. ഞാൻ പെങ്ങളല്ല..?
വളരെ വിദഗ്ദമായി ഇഷാനി എനിക്ക് മുന്നിൽ ഒരു കുരുക്കിട്ടു. ഞാനതിൽ എങ്ങനെ വീഴുമെന്നറിയാൻ അവൾ താല്പര്യത്തോടെ എന്റെ മറുപടിക്കായി നോക്കി
‘തല്ക്കാലം ഇവിടെ എനിക്ക് ഒരു പെങ്ങൾ മതിയെന്ന് തോന്നി. അന്ന് അടി നടന്നു ഷർട്ട് കീറി ഒരു പരുവം ആയ അന്ന് ആ ഒരു പെങ്ങളെ എന്റെ അടുത്ത് ഓടി വന്നുള്ളൂ. വേറെ ആരും വന്നില്ല..’
‘നമ്മൾ അന്ന് കമ്പനി അല്ലായിരുന്നല്ലോ..’
ഒരു സങ്കടത്തോടെ ഇഷാനി പറഞ്ഞു
‘ശ്രുതി ആയി അതിന് അപ്പോൾ എനിക്ക് ഒരു കമ്പനിയും ഇല്ലായിരുന്നു. തലേദിവസം നൂനുവിന്റെ അടുത്ത് നിന്നും രക്ഷിച്ച പരിചയം എങ്കിലും നമ്മൾ തമ്മിൽ ഉണ്ടായിരുന്നു..’
‘സമ്മതിച്ചു.. എനിക്ക് സ്നേഹമില്ല. അതല്ലേ പറഞ്ഞു വരുന്നത്..’
പരിഭവത്തോടെ ഇഷാനി നീങ്ങി ഇരുന്നു
‘അയ്യോ അങ്ങനെ ആര് പറഞ്ഞു. ഇഷാനി മോളില്ലേ ആര് എനിക്ക് അസൈമെന്റ് എഴുതി തരുമായിരുന്നു, ആരെനിക്ക് കൈ വയ്യാതായപ്പോ നോട്ട് എഴുതി തരുമായിരുന്നു..’
ഞാൻ അവളോട് ചേർന്നിരുന്നു അവളുടെ മുടിയിൽ ചുമ്മാ തമാശക്ക് പിടിച്ചു വലിച്ചു. ഇടയ്ക്കു അങ്ങനെ ചെയ്യുന്നത് എന്റെ ഒരു വിനോദമായിരുന്നു. പെട്ടന്നാണ് എന്തോ ഓർത്തിട്ട് എന്ന പോലെ ഇഷാനി ചാടി എണീറ്റത്..
‘അയ്യോ ഞാൻ ഒരു കാര്യം മറന്നു.. എന്റെ കൂടെ വാ..’
അവൾ കാര്യം പറഞ്ഞില്ല. ഞങ്ങൾ രണ്ടും കൂടെ പണി കഴിയാത്ത കോളേജിലെ ഒരു ഒഴിഞ്ഞ ബിൽഡിങ്ങിന്റെ അരികിലെത്തി. ഇവിടെ സാധാരണ പിള്ളേർ വലിക്കാനും വായിൽ കൊടുക്കാനും ഒക്കെ ആണ് വരുന്നത്. ഇഷാനി വലിക്കാനല്ല, ഇനി എനിക്ക് എടുത്തു തരാൻ വെല്ലോം…?
ഛെ ഞാൻ എന്തൊക്കെ ആണ് ചിന്തിച്ചു കൂട്ടുന്നത്. എന്നാലും ഈ ആളൊഴിഞ്ഞ കെട്ടിടത്തിൽ ഞാനുമായി ഇപ്പോൾ വരേണ്ട കാര്യം എന്താണ്.. ഒരുപക്ഷെ ഉമ്മ വല്ലോം തരാൻ ആയിരിക്കുമോ.. തലച്ചോറിന് പകരം വീണ്ടും ഞാൻ അണ്ടി കൊണ്ട് ചിന്തിക്കാൻ തുടങ്ങി. ഞാനിപ്പോ ഇവൾക്ക് വേണ്ടി ചെയ്തതിന് ഒരു കിസ്സ് ഒക്കെ തരാം. ഇഷാനിക്ക് എന്നോട് ഒരു താല്പര്യം ഉള്ളത് പോലെ ഒക്കെ കുറച്ചു നാളായി എനിക്ക് തോന്നിയിരുന്നു. അപ്പോൾ ഇത് കിസ്സ് തന്നെ. ഞങ്ങൾ ആ കെട്ടിടത്തിന്റെ സൈഡിൽ ഉള്ള ചെറിയ ഒരു മുറിയുടെ അടുത്തെത്തി. എന്തൊക്കെയോ സാധനങ്ങൾ അടുക്കി വച്ചു പൂട്ടി കിടക്കുന്ന മുറിയാണ്. ഇഷാനി മെല്ലെ അതിന്റെ ജനൽ തുറന്ന് കൈ ഉള്ളിലേക്ക് ഇട്ടു. അവളുടെ കൈകളിലേക്ക് നൂനു ചാടി കയറിയപ്പോൾ ആണ് ഇവിടെ വന്നത് നൂനുവിന് വേണ്ടി ആണെന്ന് മനസിലായത്. ഒടിഞ്ഞ ജനലഴികൾ ആയത് കൊണ്ട് നൂനുവിന് കടന്നു പോരാനുള്ള വീതി ആ വിടവിൽ ഉണ്ടായിരുന്നു. എന്തായാലും ഉമ്മ കിട്ടുമെന്ന് വിചാരിച്ചത് കിട്ടി. എനിക്കല്ല ആ പട്ടിക്ക് ആണ് ഉമ്മ കിട്ടിയത്. പ്രശ്നം ഉണ്ടാക്കിയ അതിന് ഉമ്മയും പ്രശ്നം സോൾവ് ആക്കിയ എനിക്കൊരു തൊലിഞ്ഞ താങ്ക്സും. കോപ്പ്.. കുറച്ചു സമയത്തിനുള്ളിൽ കെട്ടിയ മനക്കോട്ടെ നിലം പതിച്ചത് എന്നെ നിരാശയിൽ ആഴ്ത്തി.
‘ഇവനെ കാണാൻ ആണോ ഇവിടെ നമ്മൾ വന്നത്..’
എന്തോ പ്രതീക്ഷയിൽ ഞാൻ വീണ്ടും ചോദിച്ചു
‘ആന്നെ.. ഇന്നലെ ഞാൻ ആരും കാണാതെ ഇവിടെ കൊണ്ട് പൂട്ടിയതാ ഇവനെ. അവളുമാർ കണ്ടിരുന്നേൽ എന്തെങ്കിലും ചെയ്തേനെ പാവത്തിനെ.. വല്ലതും കഴിച്ചിട്ടുണ്ടാകുമോ ഇന്നലെ തൊട്ട്..’
അവൾ നൂനുവിന്റെ തലയിൽ തലോടി കൊണ്ട് പറഞ്ഞു.
‘നീ എന്നാൽ ഇവൻ ബിസ്കറ്റ് വെല്ലോം വാങ്ങി കൊടുക്ക്. എനിക്കൊരാളെ കാണാനുണ്ട്..’
അത് പറഞ്ഞു ഞാൻ തിരിഞ്ഞു നടന്നു
‘ഡാ..’
പെട്ടന്ന് തന്നെ പിറകിൽ നിന്നും ഇഷാനിയുടെ വിളി വന്നു. ഞെട്ടി ഞാനൊന്ന് തിരിഞ്ഞു നോക്കി
‘സോറി.. ഞാൻ ചുമ്മാ ഒന്ന് ട്രൈ ചെയ്തു നോക്കിയതാ ഈ എടാ പോടാ വിളി..’
കണ്ണിറുക്കി ചിരിച്ചു കൊണ്ട് ഇഷാനി പറഞ്ഞു.
‘ചേട്ടന്റെ ജൂനിയർ കൊച്ചിന്റെ പ്രണയം എന്തായി..? അവളോട് പറഞ്ഞോ ഇഷ്ടം ആണെന്ന്..?
‘ഏത് ജൂനിയർ കൊച്ചു..?
എനിക്ക് പെട്ടന്ന് aa വിഷയം മനസ്സിൽ വന്നില്ല..
‘ഇയാളെ പ്രൊപ്പോസ് ചെയ്ത ഒരാളെ ഇഷ്ടം ഉണ്ടന്ന് എന്നോട് പറഞ്ഞില്ലേ.. അതിനോട് ഇഷ്ടം ആണെന്ന് പറഞ്ഞോ എന്ന്..?
ഓ അപ്പോൾ ഇത്രയും പ്രശ്നത്തിന് ഇടയിലും അവൾക്ക് ഇത് ഓർമ ഉണ്ടായിരുന്നു. ഞാൻ ഇന്നലെ അതൊരു തമാശക്ക് പറഞ്ഞതാണ്.
‘ഹേയ് ഇല്ല. അത് ഞാൻ വെറുതെ പറഞ്ഞതല്ലേ.. നീ സീരിയസ് ആണെന്ന് കരുതിയോ..?
അത് കേട്ട് അവൾ മെല്ലെ ഒന്ന് ചിരിച്ചു. അപ്പോളേക്കും ലഞ്ച് ബ്രേക്ക് കഴിഞ്ഞ ബെല്ലടിച്ചത് കൊണ്ട് ഇഷാനി പെട്ടന്ന് തന്നെ ക്ലാസ്സിലേക്ക് പോയി. ഞാൻ പോയത് നേരെ ലക്ഷ്മിയുടെ ഡിപ്പാർട്മെന്റ്ലേക്കാണ്. അവിടെ തന്നെ കൂട്ടുകാരുടെ നടുവിൽ അവൾ ഇരിപ്പുണ്ടായിരുന്നു. പേർസണൽ ആയി സംസാരിക്കാൻ ഉണ്ടെന്ന് പറഞ്ഞു ഞാൻ അവളെ തനിച്ചു ഒരിടത്തേക്ക് വിളിച്ചു
