‘എന്താ വീണ്ടും അവൾക്ക് വേണ്ടി വക്കാലത്തു പറയാനാണോ ഇവിടോട്ട് വന്നത്…? ആണെങ്കിൽ വിട്ടോ.. എനിക്ക് വേറെ പണി ഉണ്ട്..’
‘വക്കാലത്തു പറയാൻ ഒന്നുമല്ല. അവളെ ഇനി ഉപദ്രവിക്കരുത് എന്ന് പറയാനാണ് വന്നത്. അവൾ ഇപ്പോൾ ക്ലാസ്സിൽ കയറിയിട്ടുണ്ട്.. ഇനിയും ഇവിടെ പഠിക്കും. അത് നിന്നെ ബാധിക്കുന്ന കാര്യമല്ല..’
ഞാൻ വളരെ ശാന്തമായാണ് സംസാരിച്ചത്. മാക്സിമം ആളുകൾ ശ്രദ്ധിക്കാത്ത ഒരിടത്തു നിന്നായിരുന്നു ഞങ്ങളുടെ സംസാരം
‘ആഹാ ഭീഷണി ആയാണോ വരവ്. എങ്കിൽ ഒന്ന് കാണണമല്ലോ അവളിവിടെ പഠിക്കുന്നത്.. നീ ലക്ഷ്മി ആരാണെന്ന് കണ്ടിട്ടില്ല. അവൾക്കറിയാം.. അവളോട് ഒന്ന് ചോദിച്ചു നോക്ക്..’
ലക്ഷ്മി വല്ലാതെ എന്നോട് തട്ടി കയറി. ഞാൻ വളരെ സൗമ്യനായി ചിരിച്ചു കൊണ്ട് പറഞ്ഞു
‘ലക്ഷ്മി ആരാണെന്ന് ഒക്കെ ഞാൻ ഇന്നലെ വിശദമായി കണ്ടതാണ്..’
അത് പറഞ്ഞു ഞാൻ പോക്കറ്റിൽ നിന്നും അവളുടെ ഫോൺ എടുത്തു അവളെ കാണിച്ചു. ഫോൺ കവർ ഇല്ലാത്തതിനാൽ ലക്ഷ്മിക്ക് പെട്ടന്ന് ഫോൺ മനസിലായില്ല. ലോക്ക് സ്ക്രീൻ ഓൺ ആക്കി കാണിച്ചപ്പോൾ ആണ് അത് തന്റെ ഫോൺ ആണെന്ന് അവൾക്ക് മനസിലായത്. അവൾ പെട്ടന്ന് സ്വന്തം പോക്കറ്റിൽ ഇരുന്ന ഞാൻ ഇന്നലെ കൊണ്ട് വച്ച ഫോൺ എടുത്തു നോക്കി. എന്തോ തിരിമറി നടന്നത് അവൾ മനസിലാക്കി..
‘എന്റെ ഫോൺ… ഇതെങ്ങനെ…’
കാര്യം മനസിലാകാതെ അവൾ ഫോണിന് വേണ്ടി കൈ നീട്ടി. ഞാൻ ആ സമയം ഫോണിരുന്ന കൈ പിന്നിലേക്ക് വലിച്ചു
‘നീ എന്താ ഇന്നലെ ചോദിച്ചത് ഞാൻ വലിയ ദാദ ആണോന്ന്….? അതേടി ഇവിടുത്തെ ഏറ്റവും വലിയ ദാദ തന്നെ ആണെന്ന് കൂട്ടിക്കോ..! നിന്നെ പോലുള്ള വാണാലിനെ ഒക്കെ വെല്ലുവിളിക്കുന്നതേ എനിക്ക് കുറച്ചിലാണ്, എന്നാലും പറയുവാ.. ഇനി മോൾ എന്റടുത്തു നിന്റെ ഷോ ഇറക്കിയാൽ ഞാൻ വേറെ എന്തൊക്കെ ആയിരുന്നു എന്ന് കൂടി നീ അറിയും..’
ആ ഡയലോഗ് ഞാൻ പ്രിപയർ ചെയ്തു വന്നു അടിച്ചതാണ് ഒരു പഞ്ചിന് വേണ്ടി. സംഭവം കുറച്ചു ബോർ ആണേലും അതവളെ വല്ലാതെ ചൊടിപ്പിച്ചു
‘ഡോ എന്റെ ഫോൺ തരാൻ.. കളിക്കല്ലേ.. ഞാൻ എന്താ ചെയ്യാൻ പോണേന്ന് താൻ കണ്ടോ..’
ബലമായി എന്നിൽ നിന്നും ഫോൺ വാങ്ങാൻ കഴിയില്ല എന്ന് മനസിലാക്കി ലക്ഷ്മി പറഞ്ഞു.
‘നീ ഒരുണ്ടയും ചെയ്യില്ല. നീ പോലുമറിയാതെ നിന്റെ ഫോൺ എടുക്കാൻ അറിയാമെങ്കിൽ നിന്നെ നിലയ്ക്ക് നിർത്താനും എനിക്കറിയാം..’
ഞാൻ കൈ ചൂണ്ടി ശബ്ദം കൂട്ടി പറഞ്ഞു. ലക്ഷ്മി പെട്ടന്ന് ഒന്ന് ഒതുങ്ങിയത് പോലെ എനിക്ക് തോന്നി.
‘നമുക്ക് കാണാം..’
ദേഷ്യത്തിൽ അത് പറഞ്ഞിട്ട് ലക്ഷ്മി തിരിഞ്ഞു നടന്നു. എനിക്കെങ്ങനെ ഫോൺ കിട്ടി എന്നാകും അവളുടെ ചിന്ത മുഴുവൻ ഇപ്പോൾ. അവൾ ശരിക്കൊന്ന് അന്വേഷിച്ചാൽ രാത്രി ഞാൻ വീട്ടിൽ കയറിയത് അറിയാൻ പറ്റും. ഈ വാശിയോടെ ഇവളെ മടക്കി വിടുന്നത് ശരിയല്ല.
‘കാണും. ഞാൻ മാത്രം അല്ല. ഈ കോളേജ് മുഴുവൻ..’
എന്റെ ആ വാക്കുകൾ കേട്ട് ലക്ഷ്മി ഒന്ന് നടുങ്ങി. ഞാൻ എന്താണ് ഉദ്ദേശിച്ചത് എന്ന് അവൾക്ക് മനസിലായി. അവൾ തിരിഞ്ഞു എന്റെ നേരെ നോക്കി
‘എന്ത് കാണുമെന്ന്.. താൻ എന്താ പറഞ്ഞത് ഇപ്പോൾ..’
പേടി കൊണ്ടാണോ ദേഷ്യം കൊണ്ടാണോ അവൾ വല്ലാതെ വിറയ്ക്കുന്നുണ്ടായിരുന്നു
‘ആ പിക് ഒക്കെ ആർക്ക് കൊടുക്കാൻ നീ എടുത്തതാ.. മറ്റേ പയ്യനാ..? നിന്റെ ലവർക്ക്..?
‘ഏത് പിക്..?
ലക്ഷ്മിയുടെ വിറയൽ ശരീരത്തിൽ മാത്രമല്ല വാക്കുകളിലും എത്തി
‘മൂന്നാല് ബിക്കിനിയും ടോപ് ലെസ്സും ഒക്കെ ഇല്ലായിരുന്നോ അത്..! ഡീലിറ്റ് ചെയ്താലും അതൊക്കെ നമുക്ക് പൊക്കാൻ പറ്റും..’
‘ഡോ… ‘
അമർഷത്തോടെ അവൾ എനിക്ക് അടുത്തേക്ക് നടന്നു വന്നു
‘ചൂടാവല്ലേ.. നിന്റെ ഇതിലും ചൂടൻ കണ്ടിട്ടാണ് ഞാൻ ഇപ്പോൾ നിൽക്കുന്നത്.. സത്യം പറയാമല്ലോ നീ എന്നെ ഞെട്ടിച്ചു…’
സ്വകാര്യം പോലെ അവളുടെ ചെവിയിൽ ഒരു അശ്ലീലച്ചുവയിൽ ഞാനത് പറഞ്ഞതും ലക്ഷ്മിയുടെ കൈ എന്റെ കരണത്തിന് നേരെ പാഞ്ഞു വന്നതും ഒരുമിച്ചായിരുന്നു.. പെറപ്പ് പറയുമ്പോ പെട കിട്ടുമെന്ന് ബോധ്യം ഉള്ളത് കൊണ്ട് തന്നെ അത് ഞാൻ ഊഹിച്ചിരുന്നു. അവളുടെ കൈയ്യേ എന്റെ കരണത്ത് തൊടാൻ പറ്റുന്നതിന് മുന്നേ തന്നെ ഞാൻ എന്റെ കൈക്കുള്ളിൽ ആക്കി.
‘വോ… വോ.. വോ.. ഒന്ന് അടങ്ങ്‌.. നീ അടിക്കാൻ നോക്കിയത് ഒക്കെ ന്യായം തന്നെ. പക്ഷെ ഇതിലും വലിയ ചെറ്റത്തരം നിന്റെ അക്കൗണ്ടിൽ കിടക്കുന്ന കൊണ്ട് ഇത് വാങ്ങാൻ എനിക്ക് ശകലം ബുദ്ധിമുട്ട് ഉണ്ട്…’
ഞാൻ അവളുടെ കൈ ബലമായി മുറുക്കി പിടിച്ചു. ലക്ഷ്മി എന്റെ അടുക്കൽ നിന്ന് കൈ വിടുവിക്കാൻ ഇളകി
‘ നീ എന്നെ ബ്ലാക്ക് മെയിൽ ചെയ്തു അങ്ങ് ഉലത്താമെന്ന് കരുതണ്ട.. നീ നിന്നെ കൊണ്ട് ചെയ്യാവുന്നത് അങ്ങ് ചെയ്യൂ.. രണ്ട് പിക് ഇറങ്ങിയെന്ന് വച്ചു ഞാൻ സൂയിസൈഡ് ഒന്നും ചെയ്യാൻ പോകില്ല.. ഇപ്പോൾ ഏത് ചെറ്റക്കും ഉണ്ടാക്കാവുന്നതേ ഉള്ളു ആരുടെ ന്യൂഡ് വേണമെങ്കിലും..’
‘ഏ ഐ (ആർട്ടിഫിഷ്യൽ ഇന്റലിജെൻസ് ) ആണെന്നും മോർഫ് ആണെന്നുമൊക്കെ പറഞ്ഞു നിനക്ക് പിടിച്ചു നിൽക്കാം.. സത്യം ആണ്.. പക്ഷെ നീ ആണെന്ന് എനിക്ക് തെളിയിക്കാൻ അതിലും എളുപ്പമാണ്. നിന്റെ കയ്യിലെ ടാറ്റൂ ഉണ്ട് ആ പിക്കിൽ. മിറർ സെൽഫി എടുത്ത സ്‌ഥലത്തു വച്ചു നീ ഒരുപാട് നോർമൽ പിക്സ് ഇൻസ്റ്റയിൽ ഇട്ടിട്ടുണ്ട്.. അതൊക്കെ വച്ചു ഈസി ആയി എനിക്ക് നീ ആണെന്ന് പ്രൂവ് ചെയ്യാവുന്നതേ ഉള്ളു..’
എന്റെ മറുപടി കേട്ട് ലക്ഷ്മി ഒന്ന് അടങ്ങി. അവളുടെ കണ്ണുകളിൽ ഭയം ഞാൻ അറിഞ്ഞു.
‘മാത്രം അല്ല നീ ഏതെങ്കിലും ഒരു വീട്ടിലെ കുട്ടി അല്ലല്ലോ. നിങ്ങളൊക്കെ വലിയ സ്റ്റാർസ് അല്ലെ. പ്രശസ്ത സിനിമ നടിയുടെ അനിയത്തി എന്ന പേര് കൂടെ ഉണ്ടെങ്കിൽ ഈ ചിത്രം ഒക്കെ വലിയ സെൻസേഷൻ ആകും.. ചിലപ്പോൾ ഇത്രയും സിനിമയിലൂടെ നിന്റെ ചേച്ചി ഉണ്ടാക്കിയതിലും ഫേമസ് ആകും നീ..’
ക്രൂരമായ ആ തമാശ ഞാൻ അവളുടെ മുഖത്ത് നോക്കി തന്നെ പറഞ്ഞു. അവളുടെ സകല പ്രതിരോധവും വീണു കഴിഞ്ഞിരുന്നു. അതിന് വേണ്ടി തന്നെ ആയിരുന്നു ഞാൻ ഇത്രയും കടന്ന് പെരുമാറിയത്
‘ഇനി മേലാൽ നീയോ നിന്റെ കൂട്ടുകാരികളോ ഏതെങ്കിലും ഒരുത്തി ഇഷാനിയുടെ മെക്കിട്ട് കേറാൻ വന്നു എന്ന് ഞാൻ അറിഞ്ഞാൽ…..!
ഞാൻ മുഴുവിപ്പിച്ചില്ല.. അത്രയും കേട്ടപ്പോൾ തന്നെ ലക്ഷ്മിയുടെ കണ്ണിൽ നിന്നും കണ്ണ് നീർ പൊടിഞ്ഞു. ഞാൻ ഇപ്പോൾ കാണിച്ച പ്രകടനത്തിന് ഒരുമാതിരി പെണ്ണുങ്ങൾ ഒക്കെ കരയും. എന്നാലും ഇവൾ പിടിച്ചു നിൽക്കുമെന്നായിരുന്നു ഞാൻ കരുതിയത്. അത് തെറ്റി. സത്യത്തിൽ കരയുന്ന കണ്ടപ്പോ ഒരു പാവമൊക്കെ തോന്നിയെങ്കിലും ഞാനത് പുറമെ കാണിക്കാൻ പോയില്ല..
