ഞാൻ സത്യത്തിൽ അതൊരു ഡബിൾ മീനിങ് ആണ് ഉദ്ദേശിച്ചത്. സെക്സിൽ പങ്കാളിയെ തൃപ്തിപ്പെടുത്തുന്നതിൽ സുഖം കണ്ടെത്തുന്ന ആളുകൾ ആണ് ഗീവേർസ്.. പക്ഷെ അതൊന്നും ഇഷാനിക്ക് മനസിലായില്ല
‘ഇനി ഇപ്പൊ എന്റെ കയ്യിൽ നിന്ന് വെറുതെ വാങ്ങാനുള്ള ബുദ്ധിമുട്ട് ആണേൽ നീ കടം ആണെന്ന് കരുതിയാൽ പോരേ.. നിനക്ക് പൈസ ഉണ്ടാകുന്ന കാലത്ത് തിരികെ തന്നാൽ മതി. എനിക്ക് തിരിച്ചു വേണോന്ന് നിർബന്ധവുമില്ല..’
‘എന്നാലും അർജുൻ.. ഇത് ശരിയാവില്ലടാ..’
‘ആകുമെടാ.. നീ തല്ക്കാലം ഈ മാല കൊണ്ട് നിന്റെ ചേച്ചിക്ക് കൊടുത്തിട്ട് അവൾക്ക് കൊടുക്കാൻ വച്ചിരുന്ന സ്നേഹം എനിക്ക് താ..’
ഞാനത് അവളുടെ കണ്ണിൽ നോക്കി ഇമ ചിമ്മാതെ ആണ് പറഞ്ഞത്.. അവളുടെ തൊണ്ടക്കുഴിയിൽ ഉമിനീർ ഇറങ്ങുന്നത് ഞാൻ കണ്ടു.. അവളുടെ ചുണ്ടുകൾ വിറയ്ക്കുന്നു.. ഞാൻ ചോദിച്ചത് അവളുടെ ഹൃദയം ആണെന്ന് അവൾക്ക് മനസിലായി.. കയ്യിൽ കവറിൽ സ്വർണമാലയുമായി എന്നെ നോക്കി അനങ്ങാതെ നിൽക്കുന്ന അവളെ കണ്ടു ഞാൻ പൊട്ടിച്ചിരിച്ചു..
‘ഞാനൊരു തമാശ പറഞ്ഞതാ ഇഷ മോളെ.. നീ ഇത് നിന്റെ സമ്മാനം ആയി അവൾക്ക് കൊടുക്ക്. അവൾക്ക് എന്ത് സന്തോഷം ആകും.. അതല്ലേ ഇപ്പൊ വലുത്..’
ഞാൻ സംസാരം മാറ്റിയപ്പോൾ ശ്വാസം വീണ ഇഷാനി പെട്ടന്ന് മറുത്തൊന്നും പറയാതെ എന്റെ മുന്നിൽ നിന്നും പോയി. മണ്ഡപത്തിൽ താലി കെട്ട് സമയത്ത് ഇഷാനി തന്നെ അവളുടെ കഴുത്തിൽ ആ മാല ധരിപ്പിച്ചു.. കല്യാണം അടിപൊളി ആയി നടന്നു. ഞാനൊരു കല്യാണം കൂടിയിട്ട് ഒരുപാടായി എന്ന് തോന്നുന്നു. വൈകിട്ട് തിരിച്ചു പോകാൻ ഞാൻ റെഡി ആകുമ്പോളാണ് രവിയച്ഛൻ ഇഷാനിയോട് രണ്ട് ദിവസം നിന്നിട്ട് പോകാമെന്നു പറഞ്ഞത്. ദൈവമേ ഞാൻ അപ്പൊ തന്നെ തിരിച്ചു പോകേണ്ടി വരുമോ. പക്ഷെ അതുണ്ടായില്ല.. ക്ലാസ്സ്‌ ഉണ്ടെന്നും പിന്നെ എന്തൊക്കെയോ ഉണ്ടെന്നും പറഞ്ഞു ഇഷാനി എന്റെ ഒപ്പം തന്നെ വന്നു. വീട്ടിൽ നിന്ന് ഇറങ്ങുമ്പോ അവളെന്റെ തോളിൽ മാത്രമേ കൈ വച്ചിരുന്നുള്ളു.. പൂക്കുട കഴിഞ്ഞു കുറച്ചു ദൂരം ചെന്നപ്പോൾ ആ കൈ പതിയെ എന്റെ വയറിലൂടെ കെട്ടിപ്പിടിച്ചു, ഞാൻ പറയാതെ തന്നെ..
തിരിച്ചു പോക്കിൽ മുളങ്കൂട്ടങ്ങളുടെയും അതിന് മുന്നിൽ വിരിച്ചിട്ട പുൽ മൈതാനങ്ങളുടെയുമൊക്കെ ഭംഗിയിൽ മനം മയങ്ങി ഞങ്ങൾ ഒരിടത്ത് കുറച്ചു നേരം നിന്നു. നല്ല കാറ്റുള്ള വഴിയിൽ അരികിലൊരു കലുങ്കിൽ കയറി ഇഷാനി ഇരുന്നു. അവളുടെ അറ്റം ഒരല്പം ചുരുണ്ട കറുത്ത മുടിയിഴകൾ അവിടുത്തെ കാറ്റിൽ പാറിക്കളിച്ചു. അവളെന്നെ നോക്കി എന്തോ പ്രതീക്ഷിച്ചിരിക്കുന്നത് പോലെ എനിക്ക് തോന്നി.. ഒരുപക്ഷെ ഇന്ന് അമ്പലത്തിൽ വച്ചു കളിയായി പറഞ്ഞത് കാര്യമായി ഒന്നൂടെ പറയാനാണോ.. ഹൃദയത്തിന്റെ ഒരു പാതി എന്നോട് ഇതാണ് അവസരം എന്ന് പറഞ്ഞു..
ഇപ്പൊ പറയണം, ഉള്ളിൽ ഉള്ളതെല്ലാം ഇപ്പൊ പറയണം.. എന്നാൽ ഹൃദയത്തിന്റെ മറ്റേ പാതി എന്നോട് അരുതെന്ന് പറഞ്ഞു.. അവളെനിക്കൊരു സുഹൃത്താണ്.. കൂടി പോയാൽ ക്രഷ്.. അതിനപ്പുറം ഒന്നുമില്ല.. മനസിന്റെ ഈ വടംവലി മുറുകി ഒരു പക്ഷം വിജയിക്കുന്നതിന് മുന്നേ ഇഷാനി എന്നോട് വന്നു യാത്ര തുടരാമെന്ന് പറഞ്ഞു.. ഇങ്ങോട്ടുള്ള യാത്ര പോലെ അത്ര സംഭവംബഹുലം ഒന്നും അല്ലായിരുന്നു അങ്ങോട്ടുള്ള മടക്കയാത്ര.. അവളെ വീടിന് മുന്നിൽ ഇറക്കിയപ്പോൾ ഇരുട്ടിയിരുന്നു.. പോകുന്നതിന് മുമ്പ് അവൾക്ക് എന്തോ എന്നോട് പറയണം എന്ന പോലെ ഉണ്ടായിരുന്നു. പക്ഷെ പറയാൻ അവൾക്കും സാധിച്ചില്ല..പരസ്പരം പറയേണ്ടത് പറയാതെ അന്ന് ഞങ്ങൾ ബൈ പറഞ്ഞു പിരിഞ്ഞു..
അടുത്ത ദിവസം ക്ലാസ്സിന് പോകാൻ തയ്യാറാകുന്നതിന് മുമ്പാണ് എനിക്കൊരു കഴപ്പ് തോന്നിയത്.- താടി മീശ ഒന്ന് ഒതുക്കുക എന്നതായിരുന്നു പ്രസ്തുത കഴപ്പ്. അത്ര കാട് പിടിച്ചു വളർന്നിട്ടില്ല എങ്കിലും ഒന്ന് വെടിപ്പാകാം എന്ന് കരുതി.. ഈ താടിയും മീശയും കനം കുറയ്ക്കുമ്പോ എവിടെ നിർത്തണം എന്ന് നമുക്ക് ഒരിക്കലും പറയാൻ പറ്റില്ല. ഒന്നൂടെ മിനുക്കിയാൽ ലുക്ക്‌ ആകുമെന്ന ചിന്തയിൽ നമ്മൾ വീണ്ടും മുറിക്കും. അത് തന്നെ എനിക്കും പറ്റി.. ക്‌ളീൻ ഷേവ് ഒന്നും ആയില്ലെങ്കിലും മുഖത്തെ നല്ലൊരു ശതമാനം താടിയും മീശയും എനിക്ക് നഷ്ടമായി. ഇപ്പൊ ഇത് കണ്ടു ആരെങ്കിലും നല്ലത് പറയുമായിരുന്നു എങ്കിൽ അതെന്റെ അമ്മ ആയിരിക്കും….!
എന്തായാലും കോളേജിൽ ചെന്നപ്പോൾ മുതൽ ഓരോ വാണങ്ങളുടെ ഇളി കാണാൻ പറ്റി. കളഞ്ഞാൽ രണ്ടാഴ്ച കൊണ്ട് തിരിച്ചു വരുന്ന പൂട പോയതിനാണോ കുണ്ണകളെ ഈ ഇളി എന്ന് ഞാൻ മനസ്സിൽ ചോദിച്ചു.
‘ഇപ്പോളാണ് ഇവൻ ശരിക്കും ഊക്കി ഭായ് ആയത്…’
രാഹുൽ കള്ളമൈരൻ ഈ അവസരം അങ്ങ് മുതലെടുക്കുവായിരുന്നു. കോളേജ് മൊത്തം ഞാൻ റോക്കി ഭായ് ആണെങ്കിലും ഇവനും ആഷിക്കും എന്നെ ഊക്കി ഭായ് എന്നാണ് വിളിക്കുന്നത്. രണ്ട് മൈരന്മാരും ഏതോ കോമഡി പടം കണ്ടത് പോലെ എന്റെ മോന്ത കണ്ടു വൻ ഇളി. എന്തായാലും ക്ലാസ്സിൽ കുറച്ചെങ്കിലും എന്റെ പുതിയ ഗെറ്റപ്പിനെ കൊള്ളാമെന്നു പറഞ്ഞത് കൃഷ്ണ ആണ്..
‘ഇത് ഇവരൊന്നും കളിയാക്കുന്ന പോലെ അത്ര മോശം ഒന്നുമല്ല. ഇവർ പെട്ടന്ന് നിന്നെ ഇങ്ങനെ കണ്ടത് കൊണ്ടാണ്..’
അവളെന്റെ മുഖത്ത് വിരലോടിച്ചു കൊണ്ട് പറഞ്ഞു.. ആ സമയത്താണ് ഇഷാനി ക്ലാസിലേക്ക് കയറി വരുന്നത്. എന്റെ മോന്തായം കണ്ടു അവൾ പൊട്ടിച്ചിരിക്കുമെന്നാണ് ഞാൻ കരുതിയത്. പക്ഷെ അവളുടെ മുഖം കടന്നൽ കുത്തിയ പോലെ വീർത്തിരിക്കുന്നു. അതിനിപ്പോ എന്താ സംഭവിച്ചത്.. ഓ കൃഷ്ണയുടെ കൈ എന്റെ മുഖത്ത് ആണല്ലോ.. ഇഷാനി മിക്കപ്പോഴും എന്നോട് പിണങ്ങുന്നതും അടി കൂടുന്നതും കൃഷ്ണ എന്റെ അടുത്ത് ഒരുപാട് സ്വാതന്ത്ര്യം എടുക്കുമ്പോ ആണ്.. എന്നാൽ ആ കാരണം പറഞ്ഞല്ല അവൾ വഴക്കിടുന്നത്.. അതിന് പ്രത്യേകം ഒരു കാരണം എപ്പോളും അവൾക്ക് വീണു കിട്ടും. പക്ഷെ അവളുടെ ദേഷ്യം കൃഷ്ണ ആയി അടുത്തിഴപഴകിയത് തന്നെ. ഇപ്പൊ മുഖത്ത് തലോടിയതിനും പിണങ്ങാൻ അവൾക്കൊരു കാരണം കിട്ടി. ഒരു അടിക്കേസ്..
ലഞ്ച് ബ്രേക്കിന്റെ സമയത്താണ് “അടി” എന്ന് എല്ലാവരും വിളിച്ചു പറയുന്നത് ഇഷാനി കേട്ടത്. അവളെങ്ങോട്ട് ശ്രദ്ധ കൊടുക്കാൻ പോയില്ല. അടി ഉണ്ടാക്കുന്നതും അത് കാണുന്നതും അവൾക്ക് താല്പര്യമില്ല. എന്നാൽ അത് കാണാൻ കൂടി നിന്നവർ ആരോ രാഹുലിന്റെ പേര് പറഞ്ഞപ്പോൾ ആണ് അവളുടെ ശ്രദ്ധി മാറിയത്.. രാഹുലിന് എന്തെങ്കിലും പറ്റിയോ എന്നറിയാൻ അവൾ ക്ലാസ്സിന് വെളിയിൽ ഇറങ്ങി. ഞങ്ങളുടെ ക്ലാസ്സിന് പുറത്ത് രണ്ടാം നിലയിൽ നിന്ന് നോക്കിയാൽ തന്നെ കോളേജിന്റെ നടുത്തളം കാണാം. അവിടെ ആണ് പ്രശ്നം നടക്കുന്നത്.. ഏതോ സീനിയർ ആണ് രാഹുൽ ആയി വഴക്കുണ്ടാകുന്നത്.. എന്നാൽ അടി പിടി ആയിട്ടില്ല. രണ്ട് പേരും അങ്ങോട്ടും ഇങ്ങോട്ടും തള്ളി നിൽക്കുവാണ്. ഇഷാനി അതിനിടയിലും അർജുനെ ആണ് നോക്കിയത്. രാഹുലിന് പ്രശ്നം വന്നാൽ അവിടെ എവിടെ ഉണ്ടെങ്കിലും അർജുൻ വന്നെത്തും എന്ന് അവൾക്കറിയാം. അവളുടെ ഊഹം പോലെ ആളുകളെ വകഞ്ഞു മാറ്റി അർജുൻ അവിടേക്ക് ഓടി അടുക്കുന്നത് ഇഷാനി കണ്ടു. ദൈവമേ അടി ഒന്നും ഉണ്ടാകല്ലേ.. ഇഷാനി മനസ്സിൽ പ്രാർഥിച്ചു..
