എന്റെ ഡോക്ടറൂട്ടി – 29 6അടിപൊളി 

“”…ഓ.! ഇവർടെയൊക്കെ കാലംകഴിയുമ്പൊ അച്ചൂന്റെമക്കള് വളർന്നോളും… പിന്നവരെ അടുക്കളേൽക്കേറ്റീട്ടാണേലും അവളുതിന്നും..!!”””_ മീനാക്ഷിയ്ക്കു ഞാൻ മറുപടികൊടുത്തതും, അച്ചുപാഞ്ഞുവന്നെന്റെ കഴുത്തിനു കുത്തിപ്പിടിച്ചു… കൂടെ,

“”…എന്റെ കൊച്ചുങ്ങളെ
പറയുന്നോടാ പട്ടീ..??”””_ ന്നൊരുചോദ്യവും… പിന്നെയാരൊക്കെയോ ചേർന്ന് പിടിച്ചുമാറ്റുവായ്രുന്നു… ഇല്ലേൽ കണ്ണിനൊപ്പം ഉയിരൂടെ പുറത്തുവന്നേനെ…

“”…അതുവിട്..!!”””_ ചേച്ചിയച്ചൂനെ മാറ്റിനിർത്തിയിട്ട് കൂട്ടിച്ചേർത്തു;

“”…എടീ മീനൂ…
നീയടുക്കളേലൊന്നും കേറണ്ടടീ…
അതിനല്ലേയിവനുള്ളത്…
നമ്മക്കിവനെ അടുക്കളേക്കേറ്റാം… ഇവനാവുമ്പൊ കാര്യങ്ങളൊക്കെ അറികേംചെയ്യാം..!!”””

“”…ഉവ്വ.! എന്നെക്കേറ്റീട്ടു
തിന്നതുവാ..!!”””

“”…അതേ… സിദ്ധൂനെക്കേറ്റീട്ട് തിന്നാന്നുവെച്ചാൽ അവൻ ചാണകത്തില് പഞ്ചാരയും ഏലയ്ക്കാപൊടിയുമിട്ട് പായസവാന്നുംപറഞ്ഞ് കൊണ്ടേത്തരും..!!”””_ ചേച്ചീടച്ഛൻ തമാശരൂപേണ പറഞ്ഞതും,

“”…അതെന്താച്ഛാ പറഞ്ഞപ്പൊരു ദീർഘനിശ്വാസം..?? സീതാമ്മ പച്ചപായസം മിക്സീലടിച്ചുതന്നേ തന്നിട്ടിരുന്നേ..??”””_ ജോക്കുട്ടൻ കൊളുത്തി… അതോടെ പുള്ളിസൈഡായി… അപ്പോഴാണ് മാമനുംശ്രീയും മാറിനിന്നെന്തോപറഞ്ഞു ചിരിച്ചതുകാണുന്നത്…

“”…എന്താടാ മോനേ..??”””_ അച്ഛനാണുതിരക്കീത്… അതിനവൻ ഒന്നൂല്ലെന്നുപറഞ്ഞെങ്കിലും പുള്ളിപിന്നേം ചോദിച്ചു…

“”…അല്ല… ആ അങ്കിളിനോട് കുറച്ചുനേരം പുറത്തിറങ്ങി നിൽക്കുവാണേൽ നല്ല കാറ്റുകിട്ടിപ്പോയേനേന്ന് പറയുവായ്രുന്നു..!!”””_ ശ്രീയതുപറഞ്ഞതും മീനാക്ഷിയും ജോക്കുട്ടനും അച്ചുവുംകൂടൊറ്റച്ചിരി… ഞാനാണേൽ പല്ലിറുമ്മിക്കൊണ്ടവനെയൊരു
നോട്ടം…

“”…അതെന്താ..?? ഇവിടെ ഫാനുണ്ടല്ലോ..?? പിന്നെന്താ..??”””_ ജോക്കുട്ടന്റമ്മ ചുറ്റുംനോക്കി…

“”…അതല്ല… അങ്കിളുനിന്ന് ചീയുന്നകണ്ടിട്ടവൻ പറഞ്ഞതാ..!!”””_ ഞാനൊന്നുവിശദീകരിച്ചതും ബാക്കിയുള്ളോരുകൂടി ചിരിയ്ക്കാൻതുടങ്ങി… അതോടെ ചേച്ചീടച്ഛനെയറിലുമായി…

…ഇങ്ങനെപോയാലിങ്ങേര്
കീത്തൂനൊരു ഭീഷണിയാകാനും ചാൻസുണ്ട്..!!_ എന്റെ മനസ്സുപറഞ്ഞു…

അങ്ങനോരോന്നുപറഞ്ഞു നിൽക്കുമ്പോഴേയ്ക്കും വെള്ളമെത്തി… കിട്ടിയഗിഫ്റ്റ് കനത്തതായതുകൊണ്ടാണോ ആവോ വാട്ടവെള്ളത്തിനുപകരം ടാങ്കോമറ്റോ കലക്കിയാണ് കൊണ്ടുകൊടുത്തത്… എല്ലാവരും അതുംകുടിച്ചിരിയ്ക്കുമ്പോഴാണ്
തക്കുടു എന്റെകയ്യിലിരുന്ന് ചേച്ചിയെനോക്കിയെന്തോ അവന്റെഭാഷയിൽപ്പറഞ്ഞു ബഹളംവെച്ചത്… അതുകണ്ടതും ചേച്ചി, കയ്യിലിരുന്ന ഗ്ലാസ്സുയർത്തി വേണോന്നുംചോദിച്ചോണ്ട് ആ വെള്ളവുമായി ഞങ്ങൾടടുത്തേയ്ക്കുവന്നു… ചേച്ചിയടുത്തെത്തീതും അവനങ്ങോട്ടുചാഞ്ഞു… എന്നിട്ടു ചേച്ചീടെ കയ്യിലിരുന്നവെള്ളം എത്തിപ്പിടിച്ച് വായിലേയ്ക്കുചായ്ച്ചു… കുറേയങ്ങു കുടിച്ചിറക്കി…

“”… ആഹാ.! നല്ലോണം പരവേശമെടുത്തൂന്ന് തോന്നുന്നല്ലോ ചെക്കന്..??”””_ അവന്റെ വെള്ളംകുടികണ്ട് സീതാന്റിചോദിച്ചു… അതിന്,

“”…ആ.! കൊറച്ചു ദാഹിച്ചോട്ടേ… നേരത്തേ കുടിയ്ക്കാൻകൊടുത്തപ്പൊ അവനു തന്തേടെകൂടിരുന്ന് വണ്ടിയോടിയ്ക്കാനായ്രുന്നൂ വെപ്രാളം… അങ്ങനെചത്തോനെ ഇങ്ങനെയേമൂടുന്നുള്ളൂ… അല്ലപിന്നെ..!!”””_ എന്നായ്രുന്നൂ ചേച്ചിയുടെമറുപടി… എന്നാലപ്പോഴും തക്കുടുസെർ ഗ്ലാസ്സീന്നു പിടിവിട്ടിട്ടുണ്ടായ്രുന്നില്ല…

“”…അല്ല… എനിയ്ക്കറിയാമ്പാടില്ലാഞ്ഞിട്ടു ചോദിയ്ക്കുവാ.. നിങ്ങളുശെരിയ്ക്കും സൈക്കോയാണോ പെണ്ണുമ്പിള്ളേ..?? അതോ, ഇതിനെവിടേലും കിടന്നുകിട്ടീതാണോ..?? അല്ല… ഇത്രേംദുഷ്ടത്തരം ഈക്കെളവീടെ മനസ്സിൽമാത്രേ ഞാങ്കണ്ടിട്ടുള്ളു… അതോണ്ട് ചോദിച്ചതാ… ഒന്നൂല്ലേലും സ്വന്തംകുഞ്ഞല്ലേ..??”””_ നിവർത്തിയില്ലാണ്ട് ഞാൻ ചോദിച്ചുപോയി…

“”…കൊച്ചാണേലും തന്തയാണേലും അവനോന്റെരീതിയ്ക്കു നിൽക്കണം… ഇല്ലേലിതല്ല… ഇതിലപ്പുറോംകിട്ടും..!!”””_ ചേച്ചീടെമറുപടി…

“”…ആഹ്.! നല്ല ബെസ്റ്റ്തള്ള… ശോ.! ഇതുപോലൊന്നൂടൊണ്ടായ്രുന്നെങ്കി കൊറിയയ്ക്കു കൊണ്ടോയി കിങ്ജോങ്ങണ്ണന് കെട്ടിച്ചു കൊടുക്കായ്രുന്നു… അങ്ങേരെങ്കിലും സ്വന്തംതെറ്റ് തിരിച്ചറിഞ്ഞേനെ..!!”””_ ഞാൻതിരിച്ചടിച്ചു… അതിന്,