അവസാനം ഫ്രണ്ട്സിൽ ജനാർദ്ദനെക്കണ്ട് ശ്രീനിവാസൻ ചിരിയ്ക്കുന്നതുപോലുള്ള എന്റെ ചിരികണ്ടുപൊളിഞ്ഞ കാർന്നോർ പിന്നവിടെനിന്നില്ല…
ചവിട്ടിക്കുലുക്കി ഇറങ്ങിയെങ്ങോട്ടോ ഒറ്റപ്പോക്ക്…
നീ എന്നെയൂക്കാനായി ലോറിയ്ക്കാളെ ഇറക്കിയല്ലേടാന്നായ്രിയ്ക്കും പുള്ളീടെമനസ്സിൽ.!
എന്നാലപ്പോഴെല്ലാം ഒന്നുനിർത്തെടാന്ന മട്ടിൽ മീനാക്ഷിയെന്നെ നുള്ളുവേം പിച്ചുവേമൊക്കെ ചെയ്യുന്നുണ്ടായ്രുന്നു…
“”…കണ്ടോ… അങ്കിളുപോയി… വല്ലാവശ്യോണ്ടായ്രുന്നോ നെനക്ക്..??”””_ അതിനിടയിൽ ചേച്ചിയെന്നെ കുറ്റപ്പെടുത്തുകേം ചെയ്തു…
അതിന്,
“”…ചേച്ചിയൊന്നു മിണ്ടാണ്ടിരി ചേച്ചീ… അതൊക്കെയിങ്ങു വന്നോളും… അല്ലേത്തന്നെ ഓന്തോടിയാൽ എവടെവരെ പോവാനാ..??”””_ എന്നുംപറഞ്ഞ് ചേച്ചിയെ സമാധാനിപ്പിച്ചശേഷം തോരനരിയാനായി ക്യാബേജ് കയ്യിലെടുത്തു…
അപ്പോഴേയ്ക്കും ജോക്കുട്ടൻ പാഞ്ഞുപറത്തി അവന്റച്ഛന്റടുക്കലെത്തി…
“”…നിങ്ങക്കിതെന്നാത്തിന്റെ കഴപ്പാണ് മനുഷ്യാ..?? അയ്യാളുനടത്തുന്ന കല്യാണത്തിന് കെട്ടിയൊരുങ്ങി വന്നിട്ട് അങ്ങേരോടെ തല്ലുണ്ടാക്കാൻ..?? നല്ല തല്ലവിടെ നാട്ടിൽ കിട്ടില്ലേ..?? ദേ… കുടുംബക്കാരെ പറയിപ്പിച്ചാലെന്റെ വിധംമാറും… പറഞ്ഞേക്കാം..!!”””_ അവന്റപ്പോഴത്തെ ഭാവംമാറ്റം കണ്ടപ്പോൾ നേരത്തെയവൻ വിഷയംമാറ്റാൻ വേണ്ടിയാണ് അങ്ങനൊരു ഡയലോഗടിച്ചതെന്നുപോലും ഞാൻ സംശയിച്ചുപോയി…
“”…നീയൊന്നു പോടാ… ഇത്രേംപേരുടെ മുന്നെവെച്ച് ഇവനെയിങ്ങനെ ആക്ഷേപിയ്ക്കുമ്പോൾ ഞാനെന്നാ വായുംപൊളിച്ച് നോക്കിനിൽക്കണോ..?? അതിനെന്നെക്കൊണ്ട് പറ്റൂല… ഒന്നൂല്ലേലും അവനെന്നെ അച്ഛാന്നാ വിളിയ്ക്കുന്നെ..!!”””_ മറുപടിയായി പുള്ളീടെ ഒരൊറ്റ ഡയലോഗ്…
അതുമതിയായ്രുന്നു; ജോക്കുട്ടന്റെ വായടയാനും മറ്റുള്ളവരുടെ വാ പൊളിയാനും…
“”…എനിയ്ക്ക് നീയുമിവനും ഒരുപോലെ തന്നെയാ… എന്റെ കുഞ്ഞുങ്ങളുടെ നെഞ്ചുകലങ്ങുന്നത് നോക്കിനിൽക്കാനുള്ള ചങ്കുറപ്പൊന്നും എനിയ്ക്കില്ല… അതിനിനി രണ്ടുപറയാനാണേലും രണ്ടു പൊട്ടിയ്ക്കാനാണേലും എനിയ്ക്കു മടിയുമില്ല..!!”””_ സ്വന്തംമോൻപോലും തന്നെ മനസ്സിലാക്കിയില്ലല്ലോന്ന വ്യസനവും ചവിട്ടിമെതിച്ച് പുള്ളി പുറത്തേയ്ക്കു നടക്കുമ്പോൾ അതുവരെ ഓളംവെട്ടിക്കൊണ്ടിരുന്ന അടുക്കള, തേങ്ങ ചുരണ്ടുന്നതിന്റെയും പാത്രങ്ങളിൽ തവികൊണ്ടിളക്കുന്നതിന്റേയും ശബ്ദങ്ങളാൽ മാത്രമൊതുങ്ങി…
തമ്മിൽത്തമ്മിൽ മിണ്ടുന്നതുപോയിട്ട് ആരും പരസ്പരമൊന്നു നോക്കുന്നുകൂടിയില്ല…
എന്നാലെനിയ്ക്കുമാത്രം അതായ്രുന്നില്ലവസ്ഥ;
അന്നേരമത്രയും എന്തോ വെട്ടിപ്പിടിച്ചെടുത്ത ആനന്ദത്തിന്റെനിറവിൽ ആറാടുകയായ്രുന്നു ഞാൻ…
അന്ന് കാർന്നോരോട് തല്ലുപിടിച്ചിട്ടാണ് തക്കുടൂന്റെ പിറന്നാളിന് ഇടുക്കിയിൽ പോയതെങ്കിലെന്ത്..??
എന്തിനുമേതിനും ഓടിപ്പിടിച്ചുചെല്ലാൻ.. എന്റെ സങ്കടംകേൾക്കാൻ.. ഇന്നെനിയ്ക്കൊരു കുടുംബമുണ്ട്…
എന്നെ ആരൊക്കെയോ ആയി നെഞ്ചിൽ പ്രതിഷ്ഠിച്ചൊരു കുടുംബം.!
ഓർക്കുമ്പോൾ ഞാനറിയാതെന്റെ കണ്ണുനനയാൻ തുടങ്ങി…
“”…ഇപ്പ രണ്ടിനും സമാധാനമായല്ലോ..?? എല്ലാരുമെന്ത് സന്തോഷത്തോടെയിരുന്നതാ… നശിപ്പിച്ചു… നിങ്ങക്കിതെന്തോന്നിന്റെ സൂക്കേടായ്രുന്നെടാ..?? നേരോംകാലോം നോക്കാതെ വർത്താനംപറയുന്നൊരു തന്തേം അതിനുപറ്റിയൊരു മോനും..!!”””_ അവിയലിളക്കിയ തവി സ്ലാബിന്മേൽ വെച്ചിട്ട് ജോക്കുട്ടന്റമ്മ അവന്റെനേർക്കു ചാടി…
എന്നാലതിന്,
“”…പിന്നിവനെക്കുറിച്ച് തോന്ന്യാസം പറയുമ്പോ നമ്മള് നോക്കിനിയ്ക്കണോ..?? കാര്യമിവന്റെ തന്തയൊക്കെത്തന്നാ… എന്നാലും കാണിയ്ക്കുന്നേനും പറയുന്നേനുമൊരു പരിധിയില്ലേ..??”””_ ന്നൊരു ചോദ്യമായ്രുന്നവൻ…
ശേഷം പിന്നേയുമിരുന്ന് തേങ്ങചിരണ്ടാൻ തുടങ്ങിയപ്പോൾ,
…ഏഹ്.! അപ്പൊ ഇവനല്ലേയിപ്പൊ ഇതുമ്പറഞ്ഞിവന്റെ തന്തേനെ തെറിപറഞ്ഞത്..??
ശെരിയ്ക്കും ഇവന്റെ കെട്യോളെക്കാൾ വട്ടിവനാണോ..??
അതോ ആ പെണ്ണുംപിള്ളേടെ വട്ട് പകർന്നതോ..??
എന്നുംചിന്തിച്ച് ഞാനൊന്നും മനസ്സിലാവാണ്ട് തിരിഞ്ഞുംമറിഞ്ഞും നോക്കുമ്പോൾ മാമനും ശ്രീയ്ക്കുമൊക്കെ എന്റതേഭാവം…
Unexpected surprise aanello bro… Waiting aaynu. Nannaytund ee part. Nalla samayameduthaan vaychu therthathu😍. Enthoru feelaa vaykumbo❤️ oroo variyum vaykumbo aa scns okke imaginationlot varunnu😍😍. Kothi theerathapole onnude vaykaan thonuvaa ith🥹 mikkavarum njn by heart aakum ith😅. Adutha partin vendi waiting aanu🤍 pettannu varum enn predheshikunnu🤍🤍✨✨✨
ഇത് ഒരു സർപ്രൈസ് ആയിപ്പോയി.കണ്ണത്തെ അയ്പോ ഞൻ വിചാരിച്ചത് നീർത്തി എന്നാണ്.അടിപൊള്ളി അയയുണ്ട്.വെയിറ്റിംഗ് ഫോർ നെക്സ്ട് പാർട്ട് ✨🌸