നിത്യ ടീച്ചർക്ക് മരുന്ന് ചെടികളുടെ കാര്യത്തിൽ അത്യാവശ്യം നല്ല അറിവൊക്കേയുണ്ട്. കൂടാതെ, പല സാഹചര്യങ്ങളിലായി എന്റെ ചില നിർദ്ദേശങ്ങൾ വ്യക്തമായി മനസ്സിലാക്കി സ്വീകരിച്ച് എന്നെ സഹായിച്ചിട്ടുമുണ്ട്. എന്റെ മനസ്സ് ഇതൊക്കെ നേരത്തെ അറിഞ്ഞിരുനനത് കൊണ്ടാവും ടീച്ചർ പോലും അറിയാതെ ഞാൻ ടീച്ചറെ പല സാഹചര്യങ്ങളിലും പരീക്ഷിച്ച് നോക്കിയത്.
അതുകൊണ്ട് എന്റെ ചില രഹസ്യ മരുന്നുകൾ ഉണ്ടാക്കാനുള്ള കുറിപ്പും നിര്ദേശങ്ങളും ഞാൻ സമയാസമയത്ത് കൊടുക്കുകയാണെങ്കിൽ ടീച്ചർക്ക് അതിനെ ഉണ്ടാക്കിയെടുക്കാൻ കഴിയുമെന്ന വിശ്വസം എനിക്കുണ്ട്. ശേഷം ലാബില് തയ്യാറാക്കുന്ന പുതിയ മരുന്നുകളിൽ എങ്ങനെ ചേര്ക്കണമെന്ന നിര്ദേശങ്ങളും പറഞ്ഞു കൊടുക്കുകയാണെങ്കിൽ അതും ടീച്ചർ വൃത്തിയായി ചെയ്തിരിക്കും. അപ്പൊ പിന്നെ എന്റെ കുറെ ജോലി ഭാരം കുറയുകയും ചെയ്യും.
ടീച്ചർക്ക് എന്നെ പലതരത്തിലും സഹായിക്കാൻ കഴിയും. പക്ഷേ ആദ്യം . ചില കോഴ്സുകളും, പിന്നെ എന്റെ ചില ട്രെയിനിങ്ങും കൊടുത്താല് ടീച്ചറെ എന്റെ ലാബുകളുടെ എല്ലാം ഹെഡ്ഡായി തന്നെ നിയമിക്കാനും കഴിഞ്ഞേക്കും.
“എനിക്ക് മടുപ്പും തോന്നില്ല, ജിനു.” ടീച്ചറിന്റെ ആ വാക്കുകളാണ് എന്നെ എന്റെ ചിന്തകളിൽ നിന്നും ഉണര്ത്തിയത്. “ഞാൻ നിന്റെ കൂടെ ജോലി ചെയ്യുന്നതിൽ ദുഃഖിക്കുകയുമില്ല.” ടീച്ചർ തറപ്പിച്ചു പറഞ്ഞു. “ഇനിയെങ്കിലും എന്നെ നിന്റെ കൂടെ കൂടി ജോലി തരുമോ ഇല്ലയോന്ന് മാത്രം പറ ജിനു.” ടീച്ചർ വെപ്രാളം കൂടി സംസാരിച്ചു.
“ചേച്ചിക്ക് പ്രശ്നമൊന്നുമില്ലെങ്കിൽ എനിക്ക് ഓക്കേയാണ്. തീര്ച്ചയായും ചേച്ചിക്ക് ജോലി കിട്ടും.” ഞാൻ ഉറപ്പ് കൊടുത്തു.
“വാവ്… താങ്ക്സ് ഡാ കുട്ടാ. എന്തായാലും നിന്റെ ഈ യാത്ര കഴിയട്ടെ. അപ്പോഴേക്കും ഞാൻ എല്ലാം ഒന്നുകൂടി തീരുമാനിച്ച ശേഷം വ്യക്തമായി പറയാം. ഓക്കേയല്ലേ..?” ടീച്ചർ ചോദിച്ചു.
“എനിക്ക് ഓക്കെ.” ഞാൻ പറഞ്ഞു.
“എടാ ജിനു, നീ നല്ലപോലെ ചിന്തിച്ച ശേഷം മാത്രം അവള്ക്ക് വാക്ക് കൊടുക്ക്. എടുത്തുചാടി ഒന്നും പറയരുത്. കാരണം അവള്ക്ക് കോളേജിൽ നിന്നും നല്ല സാലറിയാണ് കിട്ടിക്കൊണ്ടിരിക്കുന്നത്. ജോലി റിസൈൻ ചെയ്താല് പിന്നെ പെൻഷൻ കിട്ടുകയുമില്ല, അറിയാലോ. മറ്റ് ആനുകൂല്യങ്ങളും നഷ്ടമാകും. അപ്പോ പിന്നെ ഇതൊക്കെ നഷ്ടപ്പെടുത്തി വരുന്ന നിത്യക്ക് പേരിന് വേണ്ടി മാത്രം ഏതെങ്കിലും ജോലി കൊടുക്കാതെ നല്ല ജോലിയും നല്ല ശമ്പളം തന്നെ നിനക്ക് കൊടുക്കാൻ കഴിയുമോ…?” ഗോള്ഡ മിസ്സ് ഓപ്പണായി കാര്യങ്ങൾ സംസാരിച്ചു.
“എന്റെ ഗോള്ഡേച്ചി, ഒരു പ്ലാനുമില്ലാതെ, കാര്യമായി ചിന്തിക്കാതെ ആര്ക്കും ഞാൻ ജോലി കൊടുക്കാറില്ല. അതുകൊണ്ട് ഗോള്ഡേച്ചി പേടിക്കേണ്ട. എന്റെ ലാബിനെ അത്ര നിസ്സാരമായിട്ടും നിങ്ങൾ രണ്ടാളും കാണരുത്. ഇന്ത്യയുടെ പല സംസ്ഥാനങ്ങളിലായി മൊത്തം 17 ലാബുകളാണ് എനിക്കുള്ളത്. എന്റെ രഹസ്യ കൂട്ടുകളടങ്ങിയ മരുന്നുകള്ക്ക് എത്ര ഡിമാന്റ് ഉണ്ടെന്ന് നിങ്ങള്ക്കറിയീല്ല. ഇന്ത്യയിൽ മാത്രമല്ല എന്റെ മരുന്നുകള്ക്ക് ഡിമാന്റുള്ളത്, വിദേശ രാജ്യങ്ങളിലും എന്റെ മരുന്നുകളെ ഞാൻ എക്സ്പോർ ചെയ്യുന്നുണ്ട്. അതിനായി ലൈസൻസോട് കൂടിയ കമ്പനികളും എനിക്കുണ്ട്. മാസാമാസം കോടികളുടെ മരുന്നുകളാണ് ഞാൻ എക്സ്പോർട്ട് ചെയ്യുന്നത്. അങ്ങനെയുള്ള മരുന്നുകള് ഉണ്ടാക്കുന്ന ആ ലാബുകളിലാണ് നിത്യേച്ചിക്ക് താൽപര്യമുണ്കെങ്കിൽ ജോലി കൊടുക്കാൻ ഞാൻ തീരുമാനിച്ചിരിക്കുന്നത്. പക്ഷേ ജോലി അത്ര എളുപ്പമായിരിക്കില്ല, കാരണം എന്റെ 17 ലാബുകളിലും ആവശ്യം അനുസരിച്ച് ചേച്ചിക്ക് പോകേണ്ടി വരും, ഫോണിലൂടെ ഞാൻ കൊടുക്കുന്ന നിർദ്ദേശങ്ങൾ അതുപോലെ പാലിച്ച് ആരുടെയും സഹായമില്ലാതെ ഒറ്റക്ക് തന്നെ എന്റെ രഹസ്യ കൂട്ടുകൾ ഉണ്ടാക്കേണ്ടി വരും. പിന്നെ എന്റെ നിര്ദേശ പ്രകാരം പരീക്ഷിച്ച് ഞാൻ പറയുന്നത് പോലെ പുതിയതായി ഉണ്ടാക്കുന്ന മരുന്നുകളിൽ ചേര്ക്കേണ്ടതുമാണ്. എന്നാൽ സാലറി കാര്യത്തിൽ കുറഞ്ഞു പോകുമെന്ന് ചേച്ചിക്ക് ഒട്ടും പേടിക്കേണ്ടി വരില്ല.” ഞാൻ വിശദീകരിച്ചു.