“അത്ര കൊണ്ട് കഴിഞ്ഞില്ല ധ്വനി. ടീച്ചറും മിസ്സും നിന്നോട് സംസാരിക്കണമെന്നും പറഞ്ഞിട്ടുണ്ട്.” പുഞ്ചിരിയോടെ ഞാൻ പറഞ്ഞു.
“ആണോ..!! എപ്പോഴാണ് അവരോട് എനിക്ക് സംസാരിക്കാൻ കഴിയുക…?” അവൾ ആകാംഷയോടെ ചൊദിച്ചു. “എന്നാലും അവരോടുള്ള നിന്റെ ആ ബന്ധം…. വല്ലാത്ത ഒന്ന് തന്നെയ.” അവള് എന്നെ കളിയാക്കി പറഞ്ഞു.
അതിന് മറുപടിയായി ഞാൻ ഒന്ന് പുഞ്ചിരിക്കുകയാണ് ചെയ്തത്.
“അവർ തിരക്കിലാണ്. ഫ്രീയാകുമ്പോ ഇങ്ങോട്ട് വിളിക്കുമെന്ന് അവർ പറഞ്ഞിട്ടുണ്ട്. അപ്പൊ നിനക്ക് സംസാരിക്കാം.”
“ശെരി, ഓക്കെ. എനിക്ക് എന്ത് ജോലി തരാനാ നിന്റെ പ്ലാൻ.” അവള് ആകാംഷയോടെ ചോദിച്ചു.
“തല്കാലം ജോലി ഒന്നും ചെയ്യണ്ട.” ഞാൻ പറഞ്ഞപ്പോ അവള് മുഖം ചുളിച്ചു.
“അതെന്താ, ഇപ്പൊ ജോലി ഒഴിവൊന്നുമില്ലേ..?” അവള് നിരാശപ്പെട്ടു.
“ഒഴിവൊക്കെയുണ്ട്. പക്ഷെ എന്റെ പ്ലാൻ വേറെയാണ്.”
“എന്ത് പ്ലാൻ..?” സംശയത്തോടെ അവള് ചോദിച്ചു.
“നിന്റെ BPT കംപ്ലീറ്റ് ചെയ്യാൻ നിനക്ക് ആഗ്രഹമുണ്ടോ..?” പുഞ്ചിരിയോടെ ഞാൻ ചോദിച്ചു.
അവൾ അപ്പൊ അവിശ്വസനീയമായി എന്നെ നോക്കി.
“എന്താ, താൽപര്യമില്ലേ..?” ഞാൻ നിരാശ അഭിനയിച്ച് ചോദിച്ചു.
“താൽപര്യമുണ്ട്.” അവൾ വെപ്രാളത്തിൽ പറഞ്ഞു. “പക്ഷേ —”
“ഫീസും കാര്യങ്ങളും ഞാൻ നോക്കിക്കോളാം. നിന്റെ സകല ചിലവുകളും ഞാൻ വഹിച്ചോളാം.”
“ആയോ ജിനു, അത്—”
“ധ്വനി, നീ വെറുതെ എല്ലാത്തിനും ഇങ്ങനെ തടസ്സം നില്ക്കരുത്. നിനക്ക് വേണ്ടതൊക്കെയാണ് ഞാൻ ചെയ്യുന്നത്, അല്ലാതെ അനാവശ്യമായി ഒന്നും ഞാൻ ചെയ്യുന്നില്ല. കാശിന്റെ കാര്യമൊന്നും വിചാരിച്ച് നീ പേടിക്കേണ്ട. ഞാൻ നോക്കിക്കോളാം. നിനക്ക് പഠിക്കാൻ താൽപര്യം ഉണ്ടോ ഇല്ലയോന്ന് മാത്രം പറ..?” അല്പ്പം ദേഷ്യത്തില് തന്നെ ഞാൻ അവളോട് സംസാരിച്ചു.
“ഞാൻ പഠിക്കാം.” ഞാൻ ദേഷ്യപ്പെട്ടതിൽ അവള്ക്ക് പെട്ടെന്ന് സങ്കടം വന്നെങ്കിലും ധ്വനി തിടുക്കത്തിൽ മറുപടി പറഞ്ഞു.
“ഹ്മ്, നല്ലത്.” ഞാൻ ദേഷ്യ ഭാവം മാറ്റി പുഞ്ചിരിച്ചു.
“ജിനു, നീയും മൂന്ന് വര്ഷം പഠിച്ചതല്ലേ, കംപ്ലീറ്റ് ചെയ്യാൻ നിനക്ക് താൽപര്യം ഉണ്ടെന്നല്ലേ പറഞ്ഞത്. അപ്പൊ എങ്ങനെയെങ്കിലും നീ സമയം കണ്ടെത്ത് ജിനു, നമുക്ക് ഒരുമിച്ച് പഠിച്ച് കംപ്ലീറ്റ് ചെയ്യാം.” അവള് പറഞ്ഞു.
“ഇല്ല, ഇപ്പോഴത്തെ സാഹചര്യത്തിൽ എനിക്ക് സമയം കിട്ടില്ല.” ഞാൻ തലയാട്ടി പറഞ്ഞു.
“ഓക്കെ..,” നിരാശയിൽ അവൾ പറഞ്ഞു. “ഞാൻ പഠിച്ചു കഴിഞ്ഞാല് ഉടനെ എനിക്ക് കേരളത്തിൽ തന്നെ എവിടെയെങ്കിലും ജോലി കിട്ടുമോ…?” അവള് ആകാംഷയോടെ എന്നെ നോക്കി.
“ജോലിയൊക്കെ കിട്ടും. പക്ഷേ നിന്നെ എങ്ങോട്ടെങ്കിലും ജോലിക്ക് വിടാനല്ല എന്റെ പ്ലാൻ.”
“ആണോ..? അപ്പൊ എന്താണ് നിന്റെ പ്ലാൻ..?” ഒന്നും മനസ്സിലാവാതെ അവള് ചോദിച്ചു.
“PT (ഫിസിയോതെറപ്പി) ബിസിനസ്സ് തുടങ്ങാനുള്ള തയാറെടുപ്പുകൾ ഉടനെ ഞാൻ തുടങ്ങാൻ പോകുകയാണ്. പണ്ട് എനിക്ക് PT ബിസിനസ്സ് തുടങ്ങണമെന്ന പ്ലാൻ ഉണ്ടായിരുന്നത് കൊണ്ട് അതിന് വേണ്ട ബില്ഡിങ്ങ് ഓക്കെ ഞാൻ കെട്ടിയിട്ടിട്ടുണ്ട്. എക്യുപ്മെന്റ്സ് മാത്രം വാങ്ങിയാൽ മതി. നിന്റെ പഠിത്തം കഴിഞ്ഞതും നിന്നെ കൊണ്ട് തന്നെ ഉത്ഘാടനം ചെയ്യിച്ച് ബിസിനസ്സ് തുടങ്ങാനാണ് ഇപ്പോഴത്തെ എന്റെ പ്ലാൻ. ബിസിനസ്സ് നടത്തിപ്പിന്റെ ഉത്തരവാദിത്തം നിനക്കായിരിക്കും. സമയമാകുമ്പോ നിനക്ക് വേണ്ട സ്റ്റാഫ്സും ഞാൻ ഏര്പ്പാടാക്കി തന്നേക്കാം. പിന്നെ നിന്റെ സാലറിയുടെ കാര്യം, എന്റെ ആ ബിസിനസ്സ് നടത്താനായി നീ ന്യായമായി ചോദിക്കുന്നത് തന്നെയായിരിക്കും നിന്റെ സാലറി.”
അതുകേട്ട് ധ്വനി ശെരിക്കും ഞെട്ടി പോയി. ഒരുപാട് നേരത്തേക്ക് എന്തൊക്കെയോ സംസാരിക്കാൻ വായ തുറന്നെങ്കിലും അവള്ക്ക് ഒന്നും സംസാരിക്കാനേ കഴിഞ്ഞില്ല. എന്നെ അന്തംവിട്ട് നോക്കി ഇരിക്കുക മാത്രമാണ് ചെയ്തത്. അവളുടെ കണ്ണുകൾ നിറഞ്ഞു നില്ക്കുകയും ചെയ്തു.