“അത് കംപ്ലീറ്റ് ചെയ്യാതിരിക്കാൻ മാത്രം എന്താണ് സംഭവിച്ചത്…?” തിടുക്കപ്പെട്ട് ഞാൻ ചോദിച്ചു.
“എന്റെ മാമന് അന്നു പറഞ്ഞ വാക്കുകൾ…..” അവള് പെട്ടന്ന് ദേഷ്യത്തില് പറഞ്ഞിട്ട് നിറഞ്ഞിരുന്ന കണ്ണുകൾ വാശിയോടേ തുടച്ചു. “എന്നെ സ്വന്തം മകളായി കാണേണ്ട ആളല്ലേ എന്റെ മാമൻ…? പക്ഷേ എന്താണ് അയാള് എന്നോട് പറഞ്ഞത്..!!?”
“എന്താണ് അയാള് പറഞ്ഞത്..?” ഞാൻ ടെൻഷനിൽ ചോദിച്ചു.
“‘എന്റെ മക്കള്ക്കായി കൂട്ടി വെക്കേണ്ട കാശൊക്കെ നിനക്കായി ചിലവാക്കിയത് എനിക്ക് പുണ്യം കിട്ടാനും, നീ എന്റെ പെങ്ങളുടെ മകളാണെന്ന സ്നേഹം കൊണ്ടൊന്നുമല്ല. വളര്ന്നു വരുമ്പോ നിന്റെ സുന്ദരിയായ അമ്മയേക്കാളും നീ കൂടുതൽ സുന്ദരിയായി മാറുമെന്ന് അറിയാമായിരുന്നു. നീ പ്രായപൂര്ത്തിയാകുമ്പോ നിന്നെ എന്റെ വെപ്പാട്ടിയാക്കാൻ വേണ്ടി മാത്രമാണ് നിന്നെ ഏറ്റെടുത്ത് ഇത്രയും കാലം പഠിപ്പിച്ച് വളർത്തിയത്.’ എന്ന് അയാളുടെ മനസ്സിലിരിപ്പൊക്കെ വ്യക്തമായി അയാള് എന്നോട് തുറന്ന് പറഞ്ഞപ്പോളുണ്ടായ എന്റെ മാനസികാവസ്ഥ എന്തായിരുന്നുവെന്ന് നിനക്ക് ഊഹിച്ചു നോക്കാൻ കഴിയുമോ ജിനു..?”’ പൊട്ടിക്കരയുന്നതിനിടയ്ക്ക് അവള് അലറുന്നത് പോലെ പറഞ്ഞിട്ട് തല കുനിച്ചിരുന്ന് തെങ്ങി കരഞ്ഞു.
എല്ലാം കേട്ടുകൊണ്ട് ഞാൻ ശെരിക്കും സ്തംഭിച്ചു പോയിരിക്കുകയായിരുന്നു. കുറച് നേരത്തേക്ക് എനിക്കൊന്നും മിണ്ടാനേ കഴിഞ്ഞില്ല.
“അയാള് അങ്ങനെ പറഞ്ഞപ്പോ ധ്വനി എന്താണ് ചെയ്തത്..?” ഒടുവില് എന്റെ നാവ് പൊന്തിയപ്പോ ഞാൻ വെപ്രാളം പിടിച്ച് ചോദിച്ചു.
“അയാളുടെ ആ ആഗ്രഹം നടക്കില്ലെന്ന് ഞാൻ മുഖത്തടിച്ചത് പോലെ പറഞ്ഞു. അപ്പൊ അയാൾ എന്റെ ജീവിതം ഇനി എന്താകുമെന്നും, അയാളുടെ സഹായമില്ലാതെ ഞാൻ തെരുവ് വേശ്യയായി ജീവിക്കേണ്ടി വരുമെന്നും പറഞ്ഞ് എന്നെ ഭയപ്പെടുത്തി. എനിക്ക് ഭയം ഉണ്ടായെങ്കിലും ഞാൻ അപ്പോഴും സമ്മതിച്ചില്ല.
“പക്ഷേ എന്നെ എത്ര വേണമെങ്കിലും പഠിപ്പിക്കാം, എനിക്ക് ജോലി പോലും ശെരിയാക്കി ജോലിക്ക് വിടാം, വേണ്ടത്ര സ്വാതന്ത്ര്യവും തരാം…. പക്ഷേ ഞാൻ അയാളുടെ മാത്രം വെപ്പാട്ടിയായി മാറ്റണമെന്ന ഒറ്റ നിബന്ധന മാത്രം ഞാൻ അംഗീകരിക്കണം എന്നായി. എന്നാല് അതിന് പോലും ഞാൻ വീഴുന്നില്ലെന്ന് കണ്ടപ്പോ അയാള് എന്നോട് കെഞ്ചി നോക്കുകയും ചെയ്തു. പക്ഷേ അപ്പോഴും ഞാൻ സമ്മതിച്ചില്ല. ഒടുവില് അയാള് എന്നെ കൊല്ലും എന്നൊക്കെ പറഞ്ഞ് ഭീഷണിപ്പെടുത്തി.
“പക്ഷേ ഞാൻ അയാളെ പുച്ഛിച്ച് ചിരിച്ചു തള്ളി. കാരണം, വെറും പേടിത്തൊണ്ടനായ അയാള്ക്ക് ഒരു ഉറുമ്പിനെ കൊല്ലാനുള്ള ധൈര്യം പോലും ഇല്ലെന്ന് എനിക്ക് നന്നായി അറിയാമായിരുന്നു. പക്ഷേ അയാള്ക്ക് കൊല്ലാൻ പേടിയില്ലെങ്കിലും… എന്നെ കേറി പിടിക്കാനും, എന്റെ ദേഹത്ത് തടവാനും, എന്നെ ഒറ്റക്ക് കിട്ടിയാൽ എന്റെ ഡ്രെസ്സിനകത്ത് പോലും കൈയിട്ട് എന്തെങ്കിലുമൊക്കെ ചെയ്യാനും, പച്ചയ്ക്ക് സംസാരിച്ച് എന്നെ പ്രലോഭിപ്പിക്കാനുമൊക്കെ ഭയങ്കര ധൈര്യം കാണിച്ചിരുന്നു. അതുകൊണ്ട് അയാള് എന്നെ കൊല്ലുമെന്ന് ഭീഷണിപ്പെടുത്തിയപ്പോ അതിലും ഞാൻ വീഴാതെ എന്റെ നിലപാടില് തന്നെ ഉറച്ച് നിന്നു.
“പിന്നേ എന്താണ് സംഭവിച്ചത്..? അയാള് എന്താണ് ചെയ്തത്..?” ആ ജന്തുവിനോട് തോന്നിയ ദേഷ്യം അടക്കാൻ കഴിയാതെ പല്ലുകൾ ഞെരിച്ചു കൊണ്ട് ഞാൻ ചോദിച്ചു.
“അയാള്ക്ക് ഒരു കാര്യം മാത്രമേ ചെയ്യാൻ കഴിയുമായിരുന്നുള്ളു… എന്റെ പഠിത്തം മുടക്കി ഭയപ്പെടുത്തി അയാളുടെ നിയന്ത്രണത്തിൽ എന്നെ കൊണ്ടു വരിക എന്തായിരുന്നു അത്. അതുപോലെ എന്റെ പഠിത്തം അയാള് മുടക്കുകയും ചെയ്തു. ഒരു രൂപ പോലും സ്വന്തമായില്ലാത്ത ഞാൻ എങ്ങനെ ഫീസ് കൊടുക്കാനാണ്. എന്ത് ചെയ്യണമെന്ന് എനിക്കറിയില്ലായിരുന്നു. ഒടുവില്, അയാളുടെ വെപ്പാട്ടിയായി നില്ക്കുന്നത് ഒഴികെ, ഞാൻ ഇവിടെ ഏത് ജോലി വേണമെങ്കിലും ചെയ്യാം, എന്നെ പഠിക്കാൻ അനുവദിക്കണമെന്ന് ഞാൻ അയാളുടെ കാല് പിടിച്ച് കെഞ്ചി നോക്കി.