‘അതിപ്പോ പറ്റി പോയില്ലേ.. ഇനി ഏതായാലും നീയിത് ആരോടും പറയണ്ട. നമ്മൾ ആണിത് അടിച്ചു മാറ്റിയത് എന്ന് മൂന്നാമത് ഒരാൾ അറിയാൻ പാടില്ല..’
ഞാൻ വളരെ സ്വാകാര്യം പറയുന്നത് പോലെ അവളോട് ചേർന്നു നിന്ന് പറഞ്ഞു. ആദ്യം അവൾ അത് സീരിയസ് ആയി കേട്ടെങ്കിലും പിന്നെ ആണ് അവൾക്ക് അതിലെ എന്റെ കുരുട്ട് ബുദ്ധി മനസിലായത്..
‘നമ്മളോ..? നീയല്ലേ ഇത് അടിച്ചു മാറ്റിയത്.. ഞാൻ ഒന്നുമില്ല നിന്റെ കൂടെ.. പിന്നെ ഞാൻ എങ്ങനെ പെടും..?
അവൾ ചോദിച്ചു
‘നീയിപ്പോ അറിഞ്ഞില്ലേ.. ഇപ്പോൾ തൊട്ട് നീയും കൂട്ട് പ്രതിയാണ്..’
ഞാൻ തമാശ പറഞ്ഞു
‘ഒന്ന് പോടാ..’
അവൾ തമാശക്ക് എനിക്കൊരു തള്ള് വച്ചു തന്നിട്ട് ഷെൽഫിലെ ബാക്കി പുസ്തകങ്ങൾ പരിശോധിച്ചു..
‘ഇത് പിള്ളേരുടെ ബുക്സ് ഉണ്ടല്ലോ.. ഇതൊക്കെ നീ എന്തിനാ വാങ്ങിച്ചു വെച്ചിരിക്കുന്നെ..?
ഷെൽഫിൽ കൊച്ചു കുട്ടികളുടെ കുറച്ചു ഇംഗ്ലീഷ് കഥകൾ കണ്ടു അവൾ എന്നോട് ചോദിച്ചു
‘എന്റെ പിഞ്ചു മനസ്സല്ലേ.. അതോണ്ട് ഇതൊക്കെ വായിക്കാം..’
‘തമാശ വിടെടാ.. ദേ ഞാൻ അന്ന് പൊതിഞ്ഞു തന്ന ബുക്ക്‌ ആണോ ഇത്. പൊതി പോലും കളയാതെ നീ ഇത് ഇവിടെ വച്ചിരിക്കുവാണോ..? ഞാൻ കരുതി ആർക്കോ ഗിഫ്റ്റ് കൊടുക്കാൻ വാങ്ങിയത് ആണെന്ന്..’
ആദ്യമായ് അവളെ കടയിൽ വച്ച കണ്ട അന്ന് വാങ്ങിയ ബുക്ക്‌ കയ്യിലെടുത്തു കൊണ്ട് അവൾ പറഞ്ഞു
‘ഗിഫ്റ്റ് ഒന്നുമല്ല.. ഞാൻ അത് വെറുതെ ഒരു രസത്തിന് വാങ്ങിയതാണ്..’
ഞാൻ ചെറിയ ഒരു വേദനയോടെ അത് പറഞ്ഞു
‘നിന്റെ ഒരു രസം..’
ഇഷാനിയുടെ പകുതി ശ്രദ്ധ അപ്പോളും ബാക്കി പുസ്തകങ്ങളിൽ ആയിരുന്നു.. അവൾ ഓരോന്നും എടുത്തു നോക്കുന്നതിന് ഇടയിൽ ഒരു ബുക്ക്‌ തുറന്നപ്പോൾ ആണ് അതിൽ ഒരു കടലാസ്സിൽ ഒരു ചിത്രം വരച്ചിരിക്കുന്നത് ശ്രദ്ധിച്ചത്.. ഒരു പെൺകുട്ടിയുടെ ചിത്രം..
മുഖത്തേക്ക് കുറച്ചു മുടി വീണു കിടക്കുന്ന, നീളൻ പിരികം ഉള്ള, വിടർന്ന ചുണ്ടുകൾ ഉള്ള ഒരു പെൺകുട്ടി.. ആ ചിത്രം ഒന്ന് കൂടി സൂക്ഷിച്ചു നോക്കുമ്പോ തന്റെ തന്നെ പ്രതിരൂപം പോലെ അവൾക്ക് തോന്നി..
‘ഇതാരുടെ പടമാ.. എന്നെ പോലെ ഉണ്ടല്ലോ…?
ഇഷാനി ആ ചിത്രം അർജുന് നേരെ നീട്ടി.. അവൻ അത് കയ്യിലെടുത്തു നോക്കി
ഈശ്വരാ.. ഇത് പണ്ട് ഇവളുടെ മുഖം എങ്ങനെ ഉണ്ടെന്ന് അറിയാൻ ആഷിക്കിനെ കൊണ്ട് ഞാൻ വരപ്പിച്ച ചിത്രം ആണ്.. ഇതിന് അവളുടെ ഏകദേശ ഛായ ഉണ്ട് താനും.. എന്നാൽ അതിലും ഡോസ് കൂടിയ ഒന്ന് കൂടി അതിനടിയിൽ ഉണ്ടായിരുന്നു. ആദ്യത്തെ കടലാസ് അർജുന് കൊടുത്തപ്പോൾ ആണ് ഇഷാനി രണ്ടാമത്തെ ചിത്രം ശ്രദ്ധിച്ചത്
തലയിൽ ഒരു പൂവും ചൂടി മന്ദഹാസത്തോടെ ഇരിക്കുന്ന ഒരു പെൺകുട്ടി.. ഈ ചിത്രത്തിൽ ഇഷാനിക്ക് സംശയം വേണ്ടി വന്നില്ല. അത് അവൾ തന്നെ ആണെന്ന് അവൾക്ക് ഉറപ്പായിരുന്നു. ചിത്രത്തിൽ അത്രക്ക് വ്യക്തമായി അവളെ വരച്ചിട്ടിട്ടുണ്ട്.. മാത്രം അല്ല ഇത് പണ്ടൊരിക്കൽ അർജുൻ അൺ-എക്സ്പെക്ടഡ് ആയി എടുത്ത തന്റെ ഫോട്ടോ നോക്കി ആരോ വരച്ചതാണ്.. താൻ മനസറിഞ്ഞു ചിരിച്ച കുറച്ചു ഫോട്ടോകളിൽ ഒന്ന് ഇഷാനിക്ക് ഒരിക്കലും മറക്കാൻ കഴിയില്ല.. അതിന്റെ ഡ്രോയിങ് വേർഷൻ ആണ് ഇപ്പോൾ അവളുടെ കയ്യിൽ ഇരിക്കുന്ന ചിത്രം
‘ഇത് ഞാൻ തന്നെ ആണല്ലോ..? നീ ഇത് എങ്ങനെ വരച്ചു.. നീ ആവില്ല.. ആഷി ആണോ ഇത് വരച്ചത്..?
ഇഷാനി സംശയത്തോടെ എന്നോട് ചോദിച്ചു
‘ആ…’
പെട്ടന്ന് എന്റെ മൈൻഡ് ബ്ലാങ്ക് ആയതു ഞാൻ അറിഞ്ഞു.. ആ ബുക്കിൽ അവളുടെ ചിത്രം ഉണ്ടെന്നത് ഞാൻ ഓർത്തില്ല.. അതിലെ ആ രണ്ടാമത്തെ ചിത്രം ആഷിയുടെ ലൈൻ ഞാൻ സെറ്റ് ആക്കി കൊടുത്ത സന്തോഷത്തിൽ അവൻ എനിക്ക് വരച്ചു തന്നതാണ്.. നോക്കി വരച്ചത് കൊണ്ട് അത് ഏറെക്കുറെ പെർഫെക്ട് ആയിരുന്നു..
‘നീയെന്തിനാ എന്റെ പിക് അവനെ കൊണ്ട് വരപ്പിച്ചത്..?
ഇഷാനി വീണ്ടും ചോദിച്ചു
‘ചുമ്മാ..’
കോപ്പ്.. അവളെ വിശ്വസിപ്പിക്കാൻ തക്ക കള്ളം ഒന്നും മനസ്സിൽ വരുന്നില്ല.. എന്തെങ്കിലും പറഞ്ഞു നിന്നില്ലെങ്കിൽ എല്ലാം ഇപ്പോൾ പുറത്ത് വരുമെന്ന് എനിക്ക് തോന്നി
‘ചുമ്മാതോ..? ചുമ്മാതെ എന്തിനാണ് നീ എന്റെ പടം വരപ്പിക്കുന്നത്..?
അവൾ വളരെ സീരിയസ് ആയിട്ടാണ് ചോദിക്കുന്നത്.. പണി പാളിയോ
‘ഞാൻ ഫ്രണ്ട്‌സ് ന്റെ എല്ലാം പടം വരപ്പിച്ചു വാങ്ങാറുണ്ട്..’
നിലവാരം ഉള്ളൊരു കള്ളം ആ സമയത്തു നാക്കിൽ വന്നുമില്ല. വന്നത് ഇത് പോലൊരു ഊളത്തരം
‘എന്നിട്ട് ബാക്കി ഫ്രണ്ട്സിന്റെ ഒക്കെ എവിടെ..?
അവൾ വീണ്ടും സീരിയസ് ടോണിൽ തന്നെ ആണ്.. ഞാൻ വെറുതെ ബുക്ക്കളുടെ താളുകൾ കുടഞ്ഞു അവയ്ക്കിടയിൽ എന്തോ തിരയുന്നത് പോലെ അഭിനയിച്ചു
‘നിനക്ക് എന്താ പറ്റിയത്.. ആകെ കിടന്നു വിയർക്കുന്നു.. പറയുന്നത് ഒന്നും അത്രക്ക് ക്ലിയർ ആകുന്നുമില്ല.. ഞാൻ അവനെ തന്നെ വിളിച്ചു ചോദിച്ചോളാം..’
ഇഷാനി ഫോൺ എടുത്തു. എന്നാൽ അവൾ ആഷിയെ വിളിക്കുന്നതിന്‌ മുമ്പ് തന്നെ ഞാൻ അവളുടെ ഫോൺ തട്ടിപ്പറിച്ചു.. അവൾ എനിക്കെന്താ പറ്റിയതെന്ന് മനസിലാകാതെ പകച്ചു എന്നെ നോക്കി
‘എന്താടാ.. അവനെ വിളിച്ചാൽ എന്താ.. നീ എന്താ ഒളിക്കാൻ ശ്രമിക്കുന്നത്..?
അവൾ ചോദിച്ചു
‘നിനക്കും അറിയാമല്ലോ..? അതിനി അറിഞ്ഞൂടാത്തത് പോലെ നീയും അഭിനയിക്കണ്ട..’
എന്നായാലും ഒരുപക്ഷെ അവൾ ഇത് അറിയേണ്ടത് ആണ്.. ഇനിയിപ്പോ കള്ളത്തരം പറഞ്ഞു അവളെ പറ്റിക്കാൻ എനിക്ക് പറ്റില്ല. രണ്ടും കല്പ്പിച്ചു തുറന്നു പറയാൻ തന്നെ ഞാൻ തീരുമാനിച്ചു
‘എനിക്ക് എന്ത് അറിയാമെന്നു..? ഞാൻ എന്താ അഭിനയിച്ചത്..? നീ കാര്യം തെളിച്ചു പറ..’
ഇഷാനി കാര്യം മനസിലാകാത്തത് പോലെ ചോദിച്ചു
‘നമ്മുടെ കാര്യം..’
അവളോട് ഇഷ്ടം പച്ചക്ക് പറയാൻ ഇപ്പോളും ഉള്ളിൽ എന്തോ ഒരു പേടി…
‘നമ്മുടെ.. എന്ത് കാര്യം..?
അവൾക്ക് കാര്യം മനസിലായി എന്ന് എനിക്ക് മനസിലായി. അവളുടെ ശബ്ദത്തിലെ പതറിച്ചയിൽ തന്നെ അതുണ്ടായിരുന്നു..
‘ എനിക്ക് നിന്നോട് ഫ്രണ്ട്ഷിപ്പിന് പുറമെ ഒരു ഫീലിംഗ്സ് ഉണ്ട്.. ഞാൻ അത് പറയാതെ തന്നെ നിനക്ക് അറിയാം.. പറയണോ വേണ്ടയോ എന്ന് ഞാൻ ഒരുപാട് ആലോചിച്ചത് ആണ്.. മേ ബീ ദിസ്‌ ഈസ്‌ റൈറ്റ് ടൈം ഫോർ ഇറ്റ്..’
പെട്ടന്ന് വന്ന ഒരു ഒഴുക്കിൽ ഞാൻ അത് പറഞ്ഞു ഒപ്പിച്ചു. മനസ്സിൽ ചിറകിട്ട് അടിച്ചു കൊണ്ടിരുന്ന ഒരു പ്രാവ് പറന്നു പോയ സുഖം അത് പറഞ്ഞൊഴിഞ്ഞപ്പോൾ എനിക്ക് അനുഭവപ്പെട്ടു.. ആ തുറന്ന് പറച്ചിൽ എനിക്കൊരു ആശ്വാസം തന്നെങ്കിൽ അവൾക്ക് അത് തിരിച്ചായിരുന്നു അനുഭപ്പെട്ടത്.. എന്റെ ഉള്ളിൽ നിന്നും പറന്നു പോയ പ്രാവ് ഒരുപക്ഷെ അവളുടെ ഉള്ളിൽ ചേക്കേറി കാണും.. ഉള്ളിൽ കിടന്നു വീർപ്പു മുട്ടി അത് ചിറകിട്ട് അടിക്കാൻ തുടങ്ങിയപ്പോൾ അവൾ അസ്വസ്‌ഥയാകാൻ തുടങ്ങി..
