അവൾ ചോദിച്ചു
‘ആ അറിയില്ല. കോസ്റ്റിൻ പേപ്പർ കിട്ടുമ്പോ തോന്നുന്ന പോലെ ചെയ്യാം.. നീ വാ..’
ഞാൻ അവളുടെ കയ്യിൽ പിടിച്ചു പുറത്തേക്ക് ഇറക്കാൻ നോക്കി. ഇപ്പൊ തന്നെ സമയം പോയി
‘നിക്ക്. ഇങ്ങനെ ആണേൽ നീ എക്സാം എഴുതാതെ ഇരിക്കുന്ന ആയിട്ട് എന്താ വ്യത്യാസം..?
‘ഒരു വ്യത്യാസവും ഇല്ല. നീ എക്സാം എഴുതാൻ ആയിട്ട് ഞാൻ നിന്റെ വാശിക്ക് തോറ്റു കൂടെ വരുവാണ്. ദാറ്റ്‌സ് ഇറ്റ്..!
ഞാൻ ഉള്ളത് പറഞ്ഞു
‘അത് പറ്റില്ല.. ഞാൻ വരണം എങ്കിൽ നീ മര്യാദക്ക് എക്സാം എഴുതുമെന്ന് എനിക്ക് ഉറപ്പ് വേണം.. ഇല്ലേൽ നമുക്ക് ഇവിടെ തന്നെ ഇരിക്കാം..’
ഇഷാനി എന്റെ കൈ വിട്ടു കസേരയുടെ അടുത്തേക്ക് നീങ്ങി നിന്നു. അവളുടെ വാശി എന്റെ ക്ഷമയുടെ നെല്ലിപ്പലക തകർത്ത അതേ നിമിഷം ആണ് ദേഷ്യം കൊണ്ട് വാരിയെടുത്തു നിലത്തടിച്ചു അവിടെ കിടന്ന കസേര ഞാനും തകർത്തത്..
‘അങ്ങനെ ആണേൽ നീ ഉണ്ടാക്കേണ്ട.. ഇവിടെ തന്നേ ഇരുന്നോ.. നീ എഴുതിയില്ലേൽ എനിക്ക് എന്താ.. നിന്റെ വാശിക്ക് ഒന്ന് താഴ്ന്നു തന്നപ്പോ തലയിൽ കയറുന്നോ..?
ഞാൻ വളരെ റൂഡ് ആയി ഷൗട്ട് ചെയ്തു. ഞാൻ ഒച്ചയെടുത്തതും കസേര താഴെ എറിഞ്ഞു ഒടിച്ചതും കണ്ടു ഇഷാനി ഷോക്കേറ്റ പോലെ നിന്നു. എനിക്ക് ദേഷ്യം കണ്ട്രോൾ ചെയ്യാൻ പറ്റിയില്ല.. ഞാൻ വീണ്ടും എന്തൊക്കെയോ പറഞ്ഞു കൊണ്ടിരുന്നു
‘എന്തിനാ നീ ഇത്ര ദേഷ്യപ്പെടുന്നേ..?
‘പിന്നെ ദേഷ്യപ്പെടാതെ നിന്നെ പിടിച്ചു ഉമ്മ വെക്കണോ…?
ഞാൻ ദേഷ്യത്തിൽ തന്നെ ചോദിച്ചു. പെട്ടന്ന് ആ ചോദ്യം കേട്ട് അവളെന്നെ വല്ലാതെ ഒന്ന് നോക്കി.
‘നീ എക്സാം നല്ലപോലെ എഴുതാൻ അല്ലേ ഞാൻ പറഞ്ഞുള്ളു. അല്ലാതെ നീ ചുമ്മ എനിക്ക് വേണ്ടി അവിടെ വന്നിരുന്നിട്ട് എന്തിനാ..?
ഇഷാനി നിസ്സഹായതയോടെ ചോദിച്ചു
‘ഞാൻ മാക്സിമം താഴ്ന്നു തന്നതാണ് നിന്റെ മുന്നിൽ.. അതും നീ എക്സാം എഴുതാണ്ട് ഇരിക്കേണ്ട എന്ന് കരുതി. തോറ്റു തരുമ്പോ അപ്പോൾ നീ പിന്നെയും മനുഷ്യനെ ആസ്സാക്കാൻ നോക്കുവാ.. ‘
ഞാൻ പറഞ്ഞു
‘ഞാൻ ഇനി എന്ത് ചെയ്യണം.. നിന്റെ ഈ പിണക്കം മൊത്തത്തിൽ മാറി നീ എക്സാമിന് വരാൻ..?
ഇഷാനി വിഷമത്തോടെ ചോദിച്ചു
‘ഒന്നും ചെയ്യണ്ട.. നിന്നെ വേണേൽ ഞാൻ കോളേജിൽ ഇറക്കാം.. അല്ലേൽ രണ്ട് പേർക്കും വൈകുന്നേരം വരെ ഇവിടെ കുത്തിയിരിക്കാം..’
‘നീ പറഞ്ഞത് എനിക്ക് ഓക്കേ ആണെങ്കിൽ പിണക്കം മാറ്റി എന്റെ കൂടെ എക്സാം എഴുതുമോ..?
‘നീ ആ വിഷയം വിട്.. എനിക്ക് ഓർക്കുമ്പോ പെരുത്ത് കേറുന്നു..’
ഞാൻ ദേഷ്യത്തോടെ പറഞ്ഞു
‘ഇല്ല.. വിടുന്നില്ല.. നീ എന്ത് പറഞ്ഞാലും ഞാൻ കേക്കാം.. എനിക്ക് പൂർണ്ണസമ്മതമാണ് നമ്മുടെ കാര്യത്തിൽ..’
ഇഷാനി ചെറിയൊരു തപ്പി തടവലോടെ പറഞ്ഞു
‘അടുത്ത ഉടായിപ്പ് ആയിരിക്കും..’
ഞാൻ അവളെ നോക്കി സംശയത്തിൽ പറഞ്ഞു
‘അല്ല.. ശരിക്കും..!
‘എക്സാം കഴിഞ്ഞു വാക്ക് മാറ്റില്ലെന്ന് ആര് കണ്ടു..’
ഞാൻ സ്വയം പറഞ്ഞു
‘എന്റെ അച്ഛൻ സത്യം… ഞാൻ ഇനി പറ്റിക്കില്ല.. ശരിക്കും ആണ് പറയുന്നത്..’
അവൾ അച്ഛനെ വച്ചു സത്യം ഇട്ടപ്പോൾ എനിക്ക് കാര്യം സീരിയസ് ആയി പറഞ്ഞതാണ് എന്ന് മനസിലായി..
‘എന്നാൽ അത് ഈ വളച്ചു കെട്ടില്ലാതെ എന്റെ മുഖത്ത് നോക്കി പറ.. എന്നാൽ നമുക്ക് പോകാം..’
എന്റെ സ്വരത്തിൽ നിന്നും ദേഷ്യം എല്ലാം പോയിരുന്നു
‘എന്ത്…?
ഇഷാനി അറിവില്ലാത്ത പോലെ ചോദിച്ചു
‘അറിയില്ലേൽ വേണ്ട.. ഞാൻ ആ വിഷയം വിട്ടു..’
ഞാൻ താല്പര്യം ഇല്ലാത്ത പോലെ തിരിഞ്ഞു ഇരുന്നു..
‘അയ്യോ വേണ്ട.. ഞാൻ പറയാം..’
മുഖം തിരിച്ചു ഇരുന്ന എന്റെ മുഖം തന്റെ നേർക്ക് ചെരിച്ചു പിടിച്ചു കൊണ്ട് അവൾ വിക്കി വിക്കി പറഞ്ഞു
‘ഐ… ഐ ലവ് യു…!
ഇഷാനിയുടെ നാവിൽ നിന്നും അത് കേൾക്കുമെന്ന് ഞാൻ കരുതിയതേ അല്ല.. ഒന്ന് തുള്ളിച്ചാടണം എന്നെനിക്ക് തോന്നി.. എന്നാൽ അത് പറഞ്ഞു കഴിഞ്ഞ ഉടനെ ഇഷാനി പോകാൻ ബഹളം വച്ചു.. സമയം ഇപ്പോൾ തന്നെ ലേറ്റ് ആയി.. ഇനി ഞങ്ങളെ എക്സമിനു കയറ്റുമോ എന്ന് തന്നെ ഡൌട്ട് ആണ്.. ഞങ്ങൾ പെട്ടന്ന് തന്നെ ഇറങ്ങി.. വണ്ടി വേഗത്തിൽ കത്തിച്ചു വിട്ടു ഞങ്ങൾ കോളേജിൽ എത്തി. മൊത്തത്തിൽ ഒരു ശാന്തത ആയിരുന്നു കോളേജിൽ. എക്സാം നടക്കുമ്പോ മൊത്തത്തിൽ ഉണ്ടാകാറുള്ള ഒരു മ്ലാനത.
കുറച്ചു വൈകി എങ്കിലും ഒരു കള്ളം പറഞ്ഞു വിശ്വസിപ്പിച്ചു ഞങ്ങൾ എക്സാം എഴുതാൻ കയറി. എക്സാം ഹാളിലേക്ക് ഞങ്ങൾ ഒരുമിച്ച് കയറിയപ്പോ പലരും സംശയത്തോടെ ഞങ്ങളെ നോക്കുന്നത് ഞാൻ ശ്രദ്ധിച്ചു. കൃഷ്ണ വളരെ കൂർമതയോടെ ഞങ്ങളെ നോക്കുന്നുണ്ടായിരുന്നു. ഞാൻ അവളുടെ നോട്ടം കാണാത്തത് പോലെ ഇരുന്നു. പരീക്ഷക്ക് വലുതായി ഒന്നും പഠിച്ചില്ലായിരുന്നു. എന്നാലും ക്ലാസ്സിൽ വച്ചു അത്യാവശ്യം മനസിലാക്കിയത് വച്ചു ഒരുവിധം ഞാൻ ഒപ്പിച്ചു വച്ചു. ജയിക്കാനുള്ളത് ആയിട്ടുണ്ട്..
പുറത്തിറങ്ങി ഇഷാനിയെ വെയിറ്റ് ചെയ്യുമ്പോ ആണ് കൃഷ്ണയേ കണ്ടത്. ഞാൻ ഒന്നും ഇല്ലാത്തത് പോലെ ഹായ് പറഞ്ഞു
‘ഇന്നലെ എന്താ എക്സാം ഉണ്ടായിട്ട് വരാഞ്ഞേ..?
‘ഓ അത് എനിക്ക് തീരെ വയ്യായിരുന്നു..’
ഞാൻ കള്ളം പറഞ്ഞു
‘നിനക്ക് എപ്പോളും ഒരു വയ്യായ്ക.. ഞാൻ വിളിച്ചിട്ട് ഒന്നും എടുത്തില്ലല്ലോ ഇന്നലെ..?
കൃഷ്ണ വീണ്ടും സംശയത്തോടെ ചോദിച്ചു
‘വയ്യാഞ്ഞത് കൊണ്ടാടി എടുക്കാഞ്ഞത്..’
‘നിങ്ങൾ ഒരുമിച്ചാണോ വന്നത്.. രണ്ട് പേരും ഒരെ സമയത്ത് ലേറ്റ് ആയി വന്നു..?
വീണ്ടും കൃഷ്ണ ചോദിച്ചു ചോദിച്ചു കയറി പോകുകയാണ്
‘അല്ല. ഞാൻ ഇവിടെ വന്നപ്പോൾ ആണ് അവളെ കണ്ടത്. പിന്നെ ക്ലാസ്സിൽ കേറാൻ ഒരുമിച്ച് ഒരു കള്ളം പറഞ്ഞു എന്നെ ഉള്ളു..’
കൃഷ്ണയുടെ ചോദ്യങ്ങൾക്ക് ഒന്നും പിടി കൊടുക്കാതെ ഞാൻ തന്ത്രപരമായി രക്ഷപെട്ടു. ഞാൻ പറയുന്നത് അവൾക്ക് പൂർണ്ണ വിശ്വാസം ആകാഞ്ഞത് പോലെ തോന്നി. എന്തോ ഇഷ്ടക്കുറവ് മുഖത്ത് ഉണ്ടായിരുന്നു. അത് കൊണ്ട് തന്നെ പിന്നെ അധികം മിണ്ടാൻ നിക്കാതെ അവൾ എന്റെ അടുത്ത് നിന്നും പോയി.. ഇഷാനി ഏറ്റവും ഒടുവിൽ ആണ് എക്സാം ഹോളിൽ നിന്നും പുറത്ത് വന്നത്. താമസിച്ചത് കൊണ്ട് അവൾക്ക് പരീക്ഷ എഴുതാൻ സമയം തികഞ്ഞോ എന്ന് എനിക്ക് സംശയം ഉണ്ടായിരുന്നു..
‘എങ്ങനെ ഉണ്ടായിരുന്നു.. ടൈം കിട്ടിയോ..?
ഞാൻ ചോദിച്ചു
‘കുഴപ്പം ഇല്ലായിരുന്നു.. സമയം ഒരു വിധത്തിൽ ഒപ്പിച്ചു…’
അവൾ ഒരു യുദ്ധം കഴിഞ്ഞ പ്രതീതിയിൽ സംസാരിച്ചു
‘ഞാൻ പേടിച്ചു ഇനി നിനക്ക് സമയം കിട്ടാതെ പോകുമോ എന്നോർത്ത്..’
‘നീ എന്താ നേരത്തെ ഇറങ്ങിയത്..? ഒന്നും എഴുതി ഇല്ലേ..?
