‘നിനക്ക് പേടി ഉണ്ടല്ലേ അവരോട് കളിക്കാൻ.. നമ്മുടെ ഗ്രൗണ്ടിൽ ആയത് കൊണ്ട് തോറ്റാൽ നിന്റെ ഇമേജ് കൊളം ആകും എന്ന് കരുതി അല്ലേടാ നീ ഇറങ്ങാതെ ഇരിക്കുന്നത്..?
മൈര്..! ഈ കാര്യം ഇവൾ എങ്ങനെ കണ്ടു പിടിച്ചു.. എന്നെ ഏറ്റവും പിറകിലേക്ക് വലിച്ച ചിന്ത ഇത് തന്നെ ആയിരുന്നു. മോശം പെർഫോമൻസ് എങ്ങാനും എന്റെ കയ്യിൽ നിന്ന് വന്നാൽ ഇപ്പോൾ ഉള്ള വില മൂഞ്ചി കിട്ടും
‘പോടീ.. അതൊന്നും അല്ല. എനിക്ക് പേടി ഒന്നും ഇല്ല അവന്മാരെ..’
ഞാൻ പറഞ്ഞു
‘എന്നാൽ നീ വേറെ ഒന്നും ചിന്തിക്കേണ്ട.. പേടി ഇല്ലാത്ത സ്‌ഥിതിക്ക് നീ ഫൈനൽ കളിക്കാൻ ഇറങ്ങും…’
ഇഷാനി വീണ്ടും അധികാരസ്വരത്തിൽ പറഞ്ഞു
‘മ്മ് പിന്നെ.. ഇറങ്ങും ഇറങ്ങും.. അവന്മാർ അത്രയും വട്ടം കിടന്നു പറഞ്ഞിട്ട് ഞാൻ ഇറങ്ങാൻ പോണില്ല. പിന്നെയാ നീ…’
ഞാൻ ഒരു തമാശ രീതിയിൽ അവളെ പുച്ഛിച്ചു പറഞ്ഞതാണ്.. പക്ഷെ അവളുടെ മുഖം വല്ലാതെ ആകുന്നത് ഞാൻ കണ്ടു. ഒറ്റനിമിഷം കൊണ്ട് അവളുടെ മുഖം സങ്കടം കൊണ്ട് വാടി.. ആ കണ്ണുകൾ ചെറുതായ് നിറഞ്ഞു..
‘ഓ.. അവർ പറഞ്ഞിട്ട് പോലും കേട്ടില്ല.. പിന്നെ അല്ലേ ഈ ഞാൻ പറഞ്ഞിട്ട് അല്ലേ..?
മുഖം സങ്കടത്തിൽ ആയിരുന്നെങ്കിലും അവളുടെ സ്വരം ദേഷ്യത്തിൽ ആയിരുന്നു
‘ഞാൻ ഒരു തമാശ പറഞ്ഞതാടി..’
ഞാൻ രംഗം തണുപ്പിക്കാൻ ശ്രമിച്ചു
‘അവരൊക്കെ ആണ് നിനക്ക് എന്നേക്കാൾ വലുതല്ലേ.. അവർ പറഞ്ഞിട്ട് കേൾക്കാത്തത് ആരും അല്ലാത്ത ഞാൻ പറഞ്ഞാൽ കേൾക്കണ്ടല്ലോ..?
ഇഷാനി ഇടറിയ ശബ്ദത്തിൽ അത് പറഞ്ഞിട്ട് ദേഷ്യത്തോടെ എന്റെ അടുത്ത് നിന്നും എണീറ്റ് പോകാൻ ശ്രമിച്ചു
‘അയ്യോ.. പിണങ്ങി പോവല്ലേ.. ഞാൻ അങ്ങനെ ഒന്നും ഉദ്ദേശിച്ചു പറഞ്ഞതല്ല…’
അവൾ എഴുന്നേൽക്കുന്നതിന് മുമ്പ് തന്നെ ഞാൻ അവളുടെ കൈകളിൽ ബലമായി കടന്നു പിടിച്ചിരുന്നു. അവൾ എഴുന്നേൽക്കാൻ കഴിയാതെ അവിടെ തന്നെ ഇരുന്നു..
‘എടി നിനക്ക് ഞങ്ങളുടെ ടീമിനെ പറ്റിയോ കളിയെ പറ്റിയോ ഒന്നും അറിയില്ലല്ലോ.. എല്ലാം അറിയുന്ന അവന്മാർ പറഞ്ഞിട്ട് ഞാൻ കേട്ടില്ല പിന്നെ ആണോ ഒന്നും അറിയാതെ നിർബന്ധിക്കുന്ന എന്ന രീതിയിൽ ആണ് ഞാൻ പറഞ്ഞത്..’
‘നീ കൂടുതൽ ഒന്നും പറയണ്ട. കൈ വിട്.. ഞാൻ പോണു..’
ഇഷാനി കൈ ബലം വച്ചു അഴിക്കാൻ നോക്കി. അത്ര ബലത്തിൽ ഒന്നും അല്ല അവൾ കയ്യഴിക്കാൻ നോക്കിയത് എന്ന് എനിക്ക് മനസിലായി. അപ്പോൾ ചെറുതായി തണുത്തു വരുന്നുണ്ട് അവൾ
‘ദേ പിണങ്ങല്ലേ.. എനിക്ക് നീ പറയുന്നതാണ് വലിയ കാര്യം.. നീ കഴിഞ്ഞേ ഉള്ളു അവരെല്ലാം..’
ഞാൻ അവളുടെ താടിയിൽ പിടിച്ചു എന്റെ നേരെ മുഖം ചെരിച്ചു നോക്കിച്ചു. മുഖത്ത് ഇപ്പോളും ഒരു പിണക്കം ഉണ്ട്. ഞാൻ പറഞ്ഞത് ഇപ്പോളും അവൾക്ക് ശരിക്കും വിശ്വാസം ആയിട്ടില്ല
‘അവരാരും പറഞ്ഞിട്ട് ഞാൻ കേട്ടില്ലല്ലോ.. ദേ നീയിപ്പോ പറഞ്ഞത് കൊണ്ട് മാത്രം ഞാൻ കളിക്കാൻ ഇറങ്ങും.. ഇപ്പോൾ പിണക്കം മാറിയോ..?
ഇഷാനി ചെറുതായ് ഒന്ന് ചിരിക്കാൻ വന്നിട്ട് പെട്ടന്ന് അത് മായ്ച്ചു
‘കളിച്ചാൽ. മാത്രം പോരാ..’
‘പിന്നെ..?
ഞാൻ ചോദിച്ചു
‘കളിച്ചു ജയിക്കണം..’
അവൾ വളരെ നിസാരമായി പറഞ്ഞു
‘അത് നീ എന്നോട് മാത്രം പറഞ്ഞിട്ട് കാര്യമില്ല. എതിർ ടീമിനോട് പോയി തോറ്റു തരണം എന്ന് കൂടി പറഞ്ഞു അവരെ കൊണ്ട് സമ്മതിപ്പിക്കണം..’
‘നീ ഈ മൈൻഡ് വച്ചു കളിക്കാൻ ഇറങ്ങിയാൽ എങ്ങനെ ജയിക്കും..?
അവൾ ദേഷ്യത്തോടെ ചോദിച്ചു
‘എടി ഞാൻ പറഞ്ഞില്ലേ. അവന്മാർ എല്ലാ കൊല്ലവും ഫൈനൽ വരുന്ന ടീമാണ്.. മിക്ക കൊല്ലവും ചാമ്പ്യൻസ്.. നമ്മൾ സെമി ജയിച്ചത് തന്നെ ഒരു ഡസൻ ഭാഗ്യം ഉണ്ടായിരുന്നത് കൊണ്ടാണ്..’
‘സെമിയിൽ ഉണ്ടായിരുന്നേൽ ഫൈനലിലും ഭാഗ്യം ഉണ്ടാകും.. നീ നല്ലവണ്ണം കളിച്ചാൽ മതി..’
‘തോൽക്കാൻ വേണ്ടി ആരും കളിക്കില്ലല്ലോ.. പിന്നെ ഞങ്ങൾക്ക് എല്ലാം തന്നെ അറിയാം അവർക്ക് എതിരെ ഞങ്ങൾക്ക് ചാൻസ് തീരെ കുറവാണെന്നു.. ‘
ഞാൻ പ്രതീക്ഷ ഏതുമില്ലാത്ത ഒരു ഈണത്തിൽ പറഞ്ഞു
‘അത് പോരാ.. നമ്മൾ തന്നെ ജയിക്കണം.. നമ്മുടെ ടീം ജയിച്ചാൽ ഞാൻ നിനക്കൊരു സമ്മാനം തരാം സർപ്രൈസ് ആയിട്ട്..!
അവൾ എന്റെ കയ്യിൽ നിന്നും ഒഴിഞ്ഞ ഗ്ലാസ്സ് വാങ്ങി ഒരു ചിരി ചിരിച്ചു സർബത്ത് കടയിലേക്ക് നടന്നു.. പൈസ കൊടുത്തു തിരിച്ചു വന്നു എന്റെ അടുത്ത് ഇരുന്നപ്പോൾ ആണ് അതെന്താണ് എന്ന് ഞാൻ ചോദിച്ചത്..
‘എന്ത് സർപ്രൈസ് ആണ്..?
‘അത് പറഞ്ഞാൽ സർപ്രൈസ് പോയില്ലേടാ പൊട്ടാ…’
‘വല്ലോ ചോക്ലേറ്റൊ ഐസ്ക്രീമോ ഒക്കെ ആവും..’
ഞാൻ അതെന്താണ് എന്ന് അവളെ കൊണ്ട് പറയിപ്പിക്കാൻ നോക്കി..
‘അതൊന്നും അല്ല..’
‘എന്താണെന്ന് പറ.. ചുമ്മാ ഒരു ഊഹവും ഇല്ലാത്ത ഒരു കാര്യത്തിൽ എനിക്ക് ഒരു ത്രില്ല് കിട്ടില്ല.. എന്താണെന്ന് പറഞ്ഞാൽ അത് കിട്ടും എന്നോർത്ത് ഇരിക്കാമല്ലോ..’
ഞാൻ തട്ടി വിട്ടു
‘അങ്ങനെ ഇപ്പോൾ നോക്കി ഇരിക്കണ്ട.. ജയിച്ചു കഴിയുമ്പോ മോൻ മനസിലാക്കിയാൽ മതി..’
അവൾ എനിക്ക് പിടി തരുന്നില്ല
‘ഓ അങ്ങനെ ആണേൽ ഞാൻ ഒരിക്കലും അത് എന്താണെന്ന് അറിയാൻ പോണില്ല..’
ഞാൻ പ്രതീക്ഷ ഇല്ലാത്തത് പോലെ പറഞ്ഞു. അതവളെ ചൊടിപ്പിച്ചു
‘ മര്യാദക്ക് കളിച്ചു ജയിക്ക്.. അപ്പോൾ അറിയാം..’
‘ ആ ഭാഗ്യം ഉണ്ടേൽ അറിയാം..’
ഞാൻ ഒരു ഒഴുക്കൻ മട്ടിൽ പറഞ്ഞു
‘ ഒരു ക്ലൂ തരാം.. നിനക്ക് ഒരുപാട് ഇഷ്ടം ഉള്ളൊരു കാര്യമാണ്.. ‘
അവൾ എനിക്ക് വീണ്ടും പ്രതീക്ഷ തരാൻ ശ്രമിച്ചു
‘എനിക്ക് ഇഷ്ടം ഉള്ള കാര്യമോ..? എനിക്ക് കുറെ കാര്യങ്ങൾ ഇഷ്ടം ഉണ്ട്..’
ഞാൻ ക്ലൂ കുറച്ചു കൂടി വിശദമാക്കാൻ അങ്ങനെ പറഞ്ഞു
‘എന്നാലും നിനക്ക് ഏറ്റവും ഇഷ്ടം ഉള്ള ഒരു കാര്യം.. നീ ഇപ്പോൾ ഏറ്റവും ആഗ്രഹിക്കുന്ന കാര്യം എന്താണോ അത്..’
‘അത് നീ തരാൻ ചാൻസ് ഇല്ല..’
ഞാൻ അവളോട് പറഞ്ഞു
‘നീ എന്താ ഉദ്ദേശിച്ചത്…?
അവൾ ചോദിച്ചു
‘പറഞ്ഞാൽ എന്നെ തല്ലരുത്…’
ഞാൻ മുൻ‌കൂർ ജാമ്യം എടുത്തു
‘ഇല്ല.. പറ..’
‘എനിക്ക് ഏറ്റവും ഇഷ്ടം ഉള്ള കാര്യം എന്താണ് എന്ന് വച്ചാൽ…… ‘കിസ്സ് ‘ ആണോ..?
ഞാൻ ഒരു കള്ളച്ചിരിയോടെ ചോദിച്ചു
‘ഫ…!
ഇഷാനി തമാശയ്ക്ക് ഒരു ആട്ട് തന്നിട്ട് എന്റെ ചെവിയിൽ പിടിച്ചു കിഴുക്കി
‘തോന്ന്യാസം പറയുന്നോ..?
‘പിന്നെ എന്താണ് എന്ന് നീ പറ.. സിനിമയിൽ ഒക്കെ സാധാരണ ഇങ്ങനെ തരുന്നത് ഉമ്മയാണ്.. അതാണ് ഞാൻ അത് ഉദ്ദേശിച്ചത്..’
‘നീ കുറെ വൃത്തികെട്ട സിനിമ കാണുന്നുണ്ട്…’
‘എന്നാൽ നീ പറ.. പ്ലീസ് എന്താന്ന് പറ..’
ചെവിയിൽ കിഴുക്കിയ കൈ എടുത്തു മാറ്റി എന്റെ കൈവെള്ളയിൽ വച്ചോണ്ട് ഞാൻ വീണ്ടും ചോദിച്ചു
