‘ഇത് ഞാൻ നിന്നോട് പറയണം എന്ന് വച്ചിട്ട് കുറച്ചായി.. നിന്നെ ആദ്യം കണ്ട അന്ന് തൊട്ട് എനിക്ക് നിന്നോട് ക്രഷ് ഉണ്ടായിരുന്നു. നിന്റെ അടുത്ത് ഞാൻ കമ്പിനി ആയത് പോലും അത് കൊണ്ടാണ്.. ഐയാം സോറി ഫോർ ദാറ്റ്‌.. ‘
‘എനിക്ക് നിന്നെ വിശ്വാസം ഇല്ല..’
ഞാൻ അത്ര ഒക്കെ പറഞ്ഞിട്ടും അവൾക്ക് ഇപ്പോളും അത് പൂർണമായി വിശ്വസിക്കാൻ പ്രയാസം ഉള്ളത് പോലെ..
‘സത്യം.. ആരെ വച്ചു വേണമെങ്കിലും ഞാൻ സത്യം ഇടാം. എനിക്ക് നിന്നെ ശരിക്കും ഇഷ്ടമാ..’
‘ലക്ഷ്മിയെ ഇഷ്ടപ്പെട്ടത് പോലെ ആണോ..? അതോ..?
ഇഷാനി കുറച്ചു ഗൗരവത്തിൽ ചോദിച്ചു.. ആ ചോദ്യം ഞാൻ പ്രതീക്ഷിച്ചതുമാണ്. ഇത്രയും വേഗത്തിൽ പ്രതീക്ഷിച്ചില്ല എന്ന് മാത്രം
‘നോ.. അവളെയെന്നല്ല.. ഒരാളോടും എനിക്ക് നിന്നോട് തോന്നിയ ഇഷ്ടം തോന്നിയിട്ടില്ല.. ആരോടും ഞാൻ ഇങ്ങനെ ഇഷ്ടം പറഞ്ഞിട്ടില്ല..’
‘അവർക്കൊന്നും ഇല്ലാത്ത എന്ത് പ്രത്യേകത ആണ് എനിക്ക് നീ കണ്ടത്..?
ഇഷാനി എന്നോട് ദേഷ്യം തീർക്കുവാണ് എന്ന് എനിക്ക് മനസിലായി. ലച്ചുവുമായി ഉള്ള റിലേഷൻ അവൾക്ക് ഒട്ടും ഇഷ്ടം ആയിരുന്നില്ല.. അത് കൊണ്ട് അവൾ വീണ്ടും വീണ്ടും അത് തന്നെ ചോദിച്ചു കുത്തുന്നു
‘അതെനിക്ക് പറഞ്ഞു തരാൻ അറിയില്ല.. ഞാൻ എപ്പോളും പ്രെസെന്റിൽ മാത്രം ലീവ് ചെയ്ത ഒരാളാണ്. ഇന്നത്തെ കാര്യം മാത്രം ആണ് എന്റെ കൺസേൺ.. നാളെയെ പറ്റി ഫ്യൂച്ചറിനെ പറ്റി ഞാൻ ചിന്തിക്കാറേ ഇല്ലായിരുന്നു.. നിന്നെ കണ്ടു മുട്ടുന്നത് വരെ.. നിന്നെ കണ്ട അന്ന് മുതൽ ഞാൻ സ്വപ്നം കാണാൻ തുടങ്ങി. എനിക്ക് ഒരിക്കൽ നഷ്ടം ആയ പലതും തിരിച്ചു കിട്ടുന്നത് പോലെ തോന്നി.. ഐ ജസ്റ്റ്‌ ഫീൽ ലൈക് യൂ കംപ്ലീറ്റ് മീ…’
ഞാൻ എന്തൊക്കെ ആണ് അവളോട് പറഞ്ഞത് എന്ന് എനിക്ക് തന്നെ നിശ്ചയം ഇല്ല. എന്റെ കൈകൾ വിശ്രമം ഇല്ലാതെ ചലിച്ചു കൊണ്ടിരുന്നു. അതിടയ്ക്ക് വായുവിൽ കറങ്ങുകയും നെറ്റിയിൽ തൊടുകയും തലമുടിയിൽ തഴുകുകയും ഒക്കെ ചെയ്തു.. ഞാൻ അസ്വസ്‌ഥാനണ് എന്ന് സാരം..
‘നീ ഇത് പഠിച്ചു കൊണ്ട് വന്നതാണോ..?
അവൾ ചിരിച്ചു കൊണ്ട് ചോദിച്ചു.. എന്റെ പ്രൊപോസൽ ശോകം ആണെന്നാണോ അവൾ ഉദ്ദേശിച്ചത്
‘അല്ല.. കുറെ ഒക്കെ പ്രാക്ടീസ് ചെയ്തിരുന്നു.. പക്ഷെ ഇവിടെ വന്നപ്പോൾ അതൊന്നും നടന്നില്ല.. ഇതൊക്കെ ശരിക്കും എന്റെ ഉള്ളിൽ നിന്ന് തന്നെ വന്നതാണ്.. എന്താ ചോദിച്ചേ അത്രക്ക് ബോർ ആയിരുന്നോ..?
ഞാൻ ഒരു വിഷമത്തോടെ അവളോട് ചോദിച്ചു
‘ഹേയ് ബോർ ഒന്നും അല്ലായിരുന്നു.. അപ്പോൾ നീ ലക്ഷ്മി പോയ വാശിക്ക് എന്നോട് ഇഷ്ടം ആണെന്ന് പറഞ്ഞതല്ല അല്ലേ..?
അവൾ വിശ്വാസം വരാതെ വീണ്ടും ചോദിച്ചു
‘അല്ല.. ഞങ്ങൾ ബ്രേക്ക് ആകാൻ കാരണം ഞാൻ നിന്നോടുള്ള ഇഷ്ടം അവളോട് പറഞ്ഞത് ആണ്.. പിന്നെ അവളായി സെറ്റ് ആകാൻ കാരണം തന്നെ നിന്റെ അന്നത്തെ കല്യാണം ആലോചന പ്രാങ്ക് ആയിരുന്നു. ആ കള്ളം നീ പറഞ്ഞത് കൊണ്ടാണ് ഞാൻ അവളായി കമ്പിനി ആയത്..’
‘ശരി ശരി.. ഞാൻ വിശ്വസിച്ചു..’
അവൾ ചിരിച്ചു കൊണ്ട് പറഞ്ഞു
‘നിനക്ക് എന്നോട് ദേഷ്യം ഒന്നും ഇല്ലല്ലോ ഞാൻ ഇങ്ങനെ ഓപ്പൺ ആയി പറഞ്ഞത് കൊണ്ട്..?
ഞാൻ ചോദിച്ചു
‘എന്തിന്…?
‘ഞാൻ ഇങ്ങനെ ഫ്രണ്ട്ഷിപ്പിന് ഇടയിൽ ലവ് മറച്ചു വച്ചതിനു.. പിന്നെ ഇങ്ങനെ ഇഷ്ടം ആണെന്ന് പറഞ്ഞതിന്…?
‘അതിന് എന്തിനാ ദേഷ്യപെടുന്നേ.. ഒരാൾക്ക് ഒരാളോട് ഇഷ്ടം തോന്നുന്നത് നല്ല കാര്യം അല്ലേ.. എന്നെ ഒരാൾക്ക് ഇഷ്ടം ഉണ്ടന്ന് അറിഞ്ഞാൽ എനിക്ക് സന്തോഷം ആണ്.. നമ്മുടെ എന്തെങ്കിലും ക്വാളിറ്റി കണ്ടാകുമല്ലോ അവർ ഇഷ്ടപ്പെട്ടിട്ടുള്ളത്..’.
ഇഷാനി പറഞ്ഞു. അവളുടെ ആ ആറ്റിട്യൂട് എനിക്ക് ഇഷ്ടപ്പെട്ടു..
‘മിക്ക ഗേൾസും ഇഷ്ടം ആണെന്ന് പറഞ്ഞാൽ ചാടി കടിക്കാൻ വരും.. അതാ ഞാൻ ചോദിച്ചത് അങ്ങനെ..’
‘മോസ്റ്റ്‌ ഗേൾസ് ആർ ഇടിയറ്റ്സ്…!
ഇഷാനി ഒരു കള്ളച്ചിരിയോടെ പറഞ്ഞു
‘അപ്പോൾ നിനക്ക് പ്രശ്നം ഒന്നും ഇല്ല…’
ഞാനും ഒരു കള്ളച്ചിരിയോടെ ചോദിച്ചു. ദൈവമേ.. ഇത്ര പെട്ടന്ന് റൂട്ട് സെറ്റായോ..?
‘പ്രശ്നം ഇല്ലെന്ന് പറഞ്ഞില്ലെടാ…’
‘അപ്പോൾ എനിക്ക് ഉള്ളത് പോലെ നിനക്ക് ഇങ്ങോട്ട് തിരിച്ചു വല്ല ഫീലിംഗ്സ് ഉണ്ടോ..?
പ്രതീക്ഷയോടെ ഞാൻ ചോദിച്ചു
‘തിരിച്ചു എന്ത് ഉണ്ടോന്ന്..?
അവൾ വീണ്ടും സീരിയസ് ആയി
‘ഇഷ്ടം ഉണ്ടോന്ന്.. എന്നോട്…?
പറയാനുള്ളത് എല്ലാം പറഞ്ഞു കഴിഞ്ഞപ്പോൾ എനിക്ക് കുറച്ചു ധൈര്യം കിട്ടിയിരുന്നു..
‘എനിക്ക് നിന്നെ ഇഷ്ടം ആണ്.. ഒരു ഫ്രണ്ട് ആയിട്ട്..’
ആ ഊമ്പി കെടക്കണ്.. മനക്കോട്ട കെട്ടിയത് ഒക്കെ വെറുതെ ആയി..
‘നിനക്ക് ഒരിക്കൽ പോലും എന്നോട് അങ്ങനെ ഒന്നും തോന്നിയിട്ടില്ല..? ഫ്രണ്ട് എന്നതിൽ ഉപരി എന്നെ നീ ഒരിക്കലും കണ്ടിട്ടില്ല…? സത്യം പറയണം..’
ഞാൻ അവളുടെ കണ്ണിൽ നോക്കി ചോദിച്ചു. എന്റെ കണ്ണിൽ നോക്കി തന്നെ അവൾ പറഞ്ഞു
‘ഞാൻ പറഞ്ഞല്ലോ എനിക്ക് നീ എന്റെ ബെസ്റ്റ് ഫ്രണ്ട് ആണെന്ന്.. അത് പോരേ..?
‘അത്രേയുള്ളൂ…?
ഞാൻ നിരാശയോടെ ചോദിച്ചു
‘നമുക്ക് ഇപ്പോൾ ഉള്ള ഫ്രണ്ട്ഷിപ് പോരേടാ… ലവ് ഒക്കെ ഇടയിൽ വന്നാൽ വലിയ തൊല്ല ആയിരിക്കും..’
ഇഷാനി പറഞ്ഞു
‘അതെന്താ നീ അങ്ങനെ പറഞ്ഞത്..?
‘നമ്മൾ ഇപ്പോൾ നല്ല ക്ലോസ് അല്ലേ.. ലവേഴ്‌സ് ആയാലും നമ്മൾ ഇങ്ങനെ ഒക്കെ തന്നെ അല്ലേ. എപ്പോളും ഒരുമിച്ചു നടക്കും, എന്ത് ഉണ്ടേലും പറയും.. ബൈക്കിൽ കേറി കറങ്ങാൻ പോകും.. ഫുഡ്‌ വാങ്ങിച്ചു തരും.. ഇതൊക്കെ അല്ലേ.. ഇതൊക്കെ ഇപ്പോളെ നമ്മൾ ചെയ്യുന്നുണ്ട്.. പിന്നെ പ്രേമത്തിൽ ആയാൽ ഉള്ള പ്രശ്നം ഇതിനിടയ്ക്ക് നല്ല അടി ഉണ്ടാകും എന്നതാണ്.. നമ്മൾ ഇപ്പോൾ ചെറിയ രീതിയിൽ അടി വയ്ക്കുന്ന പോലെയല്ല. ശരിക്കും ഉള്ള അടി ഉണ്ടാകും. രണ്ട് പേരുടെയും സമാധാനം പോകും.. അപ്പോൾ അതിലും നല്ലത് ഫ്രണ്ട്ഷിപ് അല്ലേ..?.
അവൾ എന്റെ മുഖത്ത് നോക്കി പറഞ്ഞു.
ഫുഡ്‌ അടിയും കറങ്ങലും മാത്രം അല്ല മൈരേ പ്രേമം.. അതെനിക്ക് അവളോട് പറയണം എന്നുണ്ടായിരുന്നു. പക്ഷെ കൂടുതൽ വിശദീകരിക്കാൻ പോയാൽ പണിയാകും..
‘പ്രേമിക്കുന്നത് ഇതിന് വേണ്ടി ഒന്നും അല്ലല്ലോ.. ഈ അടി എല്ലാം കഴിഞ്ഞു കല്യാണം എന്നൊരു പോയിന്റ്ലേക്ക് അല്ലേ പ്രേമിക്കുന്നത്..?
ഞാൻ അത് വളരെ മാന്യമായി പറഞ്ഞു
‘അതൊക്കെ അത് വരെ പോയാൽ അല്ലേ.. ചിലപ്പോൾ നമ്മൾ അടിയുണ്ടാക്കി ഇവിടെ വച്ചു തന്നെ പിരിഞ്ഞാലോ..? അതിലും നല്ലത് ഫ്രണ്ട് ആയി സ്നേഹത്തിൽ എന്നും ഇരിക്കുന്നത് ആണ്.. ‘
‘നമ്മൾ എത്ര ഫ്രണ്ട്സ് ആണേലും കോളേജ് കഴിയുമ്പോ നമ്മൾ പിരിയും. ആദ്യം കുറച്ചു നാൾ ഫോൺ വിളി കാണും. പിന്നെ ചാറ്റ് കാണും. പക്ഷെ പതിയെ പതിയെ നമ്മൾ രണ്ട് ദിശയിലേക്ക് പോകും.. എനിക്ക് അങ്ങനെ ഒരിക്കലും നിന്നെ മിസ്സ്‌ ചെയ്യണ്ട..’
