ഇഷാനി ബനിയന്റെ കൈകൾ തെറുത്ത് വച്ചു നിലത്തു ഇരുന്നു
‘സോഫയിൽ കയറി ഇരിക്കാൻ മേലെ.. ഇടി ഒക്കെ ഉള്ളതാ..’
ഞാൻ പറഞ്ഞത് കേൾക്കാതെ അവൾ നിലത്തു തന്നെ ഇരുന്നു. ഞാൻ ഫ്രിഡ്ജിൽ എന്തെങ്കിലും കഴിക്കാൻ ഉണ്ടോന്ന് നോക്കി. ഒരു കോപ്പും ഇല്ല. വിശപ്പ് അത്ര പ്രശ്നം ആയിട്ടില്ല എങ്കിലും മഴയത്ത് എന്തെങ്കിലും കൊറിച്ചോണ്ട് ഇരിക്കുന്ന ശീലം ഉള്ളത് കൊണ്ട് ഒന്നും ഇല്ലാത്തതിന്റെ ഒരു മടുപ്പ് അടിച്ചു
‘ഞാൻ ഒന്ന് ചൂടാവാൻ രണ്ടെണ്ണം അടിക്കുവാ.. നിനക്ക് വേണോ..?
ഫ്രിഡ്ജിൽ നിന്നും ബിയർ ഒരു കുപ്പി എടുത്തു കൊണ്ട് ഞാൻ അവളോട് തമാശക്ക് ചോദിച്ചു
‘എനിക്കൊന്നും വേണ്ട. നീയും അടിക്കേണ്ട. എന്നെ കൊണ്ട് വിടേണ്ടതാ..’
അവൾ എന്നോട് വേണ്ട എന്ന അർഥത്തിൽ പറഞ്ഞു
‘ഞാൻ അടിച്ചു പൂസാകത്തൊന്നും ഇല്ലടി. ഈ തണുപ്പ് ഒന്ന് മാറാൻ..’
ഞാൻ ഗ്ലാസുമായി അവളുടെ എതിരായി നിലത്തു ഇരുന്നു
‘ അത് വേണ്ട.. എനിക്ക് ഇഷ്ടം അല്ല..’
അവൾ പിണക്കത്തിന്റെ സ്വരത്തിൽ പറഞ്ഞു
‘അതിനിത് നീ ഉദ്ദേശിക്കുന്ന ഐറ്റം അല്ല. ഇത് ബിയർ ആണ്. ഇത് വലിയ പ്രശ്നം ഒന്നുമല്ല..’
‘പിന്നേ ആര് പറഞ്ഞു..?
അവൾ വിശ്വാസം വരാതെ ചോദിച്ചു. ഇത് പോലെ ഉള്ള കാര്യത്തിൽ വലിയ പരിജ്ഞാനം ഇല്ലാത്ത കൊണ്ട് ഇവളെ പറ്റിക്കാം
‘നീ അല്ലേൽ നെറ്റിൽ സെർച് ചെയ്തു നോക്ക്. ബിയറിൽ ആൾക്കൊഹോൾ തീരെ കുറവാണ്. ബോഡിക്ക് ഒരു കുഴപ്പവും ഇല്ല..’
ഞാൻ വളരെ ആത്മവിശ്വാസത്തിൽ പറഞ്ഞത് കൊണ്ടാണോ അവൾ അത് വിശ്വസിച്ച പോലെ തോന്നി
‘എന്നാൽ ഒരു ഗ്ലാസ് എനിക്ക് താ..’
അവൾ പെട്ടന്ന് പറഞ്ഞു
‘നിനക്ക് വേണ്ടി ഞാൻ സ്പെഷ്യൽ കോഫി ഇട്ടിട്ടുണ്ട്. നീ അത് കുടിക്കൂ. ഞാൻ ഇത് കുടിക്കാം..’
ഞാൻ പാത്രത്തിൽ നിന്നും കാപ്പി മറ്റൊരു ഗ്ലാസ്സിലേക്ക് ഒഴിച്ചു
‘അത് വേണ്ട. നീ എന്ത് കുടിക്കുന്നോ അത് മതി എനിക്ക്..’
അവൾ നിർബന്ധം പറഞ്ഞു
‘നിനക്ക് ഇതൊന്നും ഇഷ്ടം അല്ലെന്ന് പറഞ്ഞിട്ട്..’
ഞാൻ ചോദിച്ചു
‘ഇഷ്ടം ഉണ്ടായിട്ട് ഒന്നുമല്ല. നീ കുടിക്കുവാണേൽ ഞാനും കുടിക്കും..’
അവൾ ഉറപ്പിച്ചു പറഞ്ഞു
‘എന്നെ കൊണ്ട് കുടിപ്പിക്കാതെ ഇരിക്കാനാണോ അപ്പോൾ.. എന്റെ പൊന്ന് ഇഷാനി ഈ മഴ എന്നെ മൊത്തത്തിൽ നനച്ചു പണ്ടാരം അടക്കി. എനിക്ക് ഒന്ന് ചൂടാകാൻ വേണ്ടിയാ..’
‘എനിക്കും ചൂടാകണം.. ‘
അവൾ വാശി വിടാതെ പറഞ്ഞു
‘ എന്നാൽ ഞാനും അടിക്കുന്നില്ല.. പോരേ..’
ഞാൻ നിരാശയോടെ ബിയർ മാറ്റി വച്ചു
‘ബോഡിക്ക് കുഴപ്പം ഇല്ലല്ലോ.. പിന്നെ എന്താ എനിക്ക് തന്നാൽ..? അപ്പോൾ നീ കള്ളം പറഞ്ഞത് അല്ലേ..’
അവൾ ചോദിച്ചു
‘അല്ല. ബോഡിക്ക് കുഴപ്പം ഇല്ലേലും ഡ്രിങ്കിങ് ലേക്ക് തുടക്കം ബിയർ ഒക്കെ ആണ്. നീ മുന്നേ അടിക്കുന്ന ആളാണെൽ ഞാൻ നിനക്ക് ഒഴിച്ചേനെ. ആദ്യമായിട്ട് ഒരാളും എന്റെ ഗ്ലാസ്സിൽ നിന്ന് കള്ളും കുടിക്കില്ല എന്റെ കയ്യിൽ നിന്ന് വാങ്ങി വലിക്കുകയുമില്ല. ഞാൻ കാരണം ഒരാൾ പിഴക്കണ്ട എന്ന് വച്ചാണ്..’
ഞാൻ പറഞ്ഞു
‘സ്വയം പിഴച്ചാലും മറ്റുള്ളവരുടെ കാര്യത്തിൽ എന്താ ശുഷ്കാന്തി. ഞാൻ വെറുതെ ചോദിച്ചതാ.. നിനക്ക് വേണേൽ നീ കുടിച്ചോ.. ഞാൻ കാപ്പി കുടിച്ചോളാം..’
ഇഷാനി കാപ്പി എടുത്തു ഊതി കൊണ്ട് പറഞ്ഞു
ഞാൻ പിന്നെ അധികം സംസാരിക്കാൻ പോയില്ല. അവൾ സമ്മതിച്ചു തന്നതാണ്. മനസ്സ് മാറുന്നതിനു മുമ്പേ രണ്ടെണ്ണം കീച്ചി. ഞാൻ കുടിക്കുന്നത് അവൾ സൂക്ഷ്മതയോടെ നോക്കിയിരുന്നു
‘ഇത് അടിച്ചിട്ട് എന്താ പ്രയോജനം സത്യത്തിൽ..?
അവൾ സംശയം ചോദിച്ചു
‘ഞാൻ പറഞ്ഞല്ലോ ഈ തണുപ്പ് ഒന്ന് മാറ്റാൻ..’
‘അത് ഇപ്പോൾ അല്ലേ. നീ തണുപ്പത്ത് മാത്രം അല്ലല്ലോ അടിക്കുന്നത്. അതാണ് ചോദിച്ചത്..?
‘അതിപ്പോ ഓരോരുത്തർക്കും ഓരോ റീസൺ അല്ലേ.. ചിലർ ഒരു ഓളത്തിന് കുടിക്കും, ചിലർ എന്തെങ്കിലും മറക്കാൻ കുടിക്കും, ചിലർ ഓർക്കാൻ വേണ്ടി കുടിക്കും.. അങ്ങനെ കുറെ കാരണങ്ങൾ ഉണ്ട്..’
ഞാൻ ഒരു സിപ് എടുത്തു കൊണ്ട് പറഞ്ഞു
‘നീ ഇതിൽ ഏതാ..?
അവൾ ചോദിച്ചു
‘കുടിച്ചു കുടിച്ചു കരളുരുകി ചാവില്ലേ.. അതിന് വേണ്ടിയാ..’
ഞാൻ ചിരിച്ചു കൊണ്ട് പറഞ്ഞു. എന്റെ ആ തമാശ എന്തോ അവൾക്ക് ഇഷ്ടം ആയില്ല. അവൾ ഒന്നും പറയാതെ എന്റെ മുഖത്തു നോക്കി ഇരുന്നു.. പെട്ടന്നാണ് ഞങ്ങൾക്ക് ചുറ്റും ഇരുട്ടിന്റെ ഒരു തിരശീല വീണത്.. കറന്റ് പോയി…
‘പണ്ടാരം.. പെട്ടന്ന് വന്നാൽ മതിയാരുന്നു..എമർജൻസി എവിടാണോ.?
ഞാൻ ഇരുന്നിടത്ത് നിന്ന് എണീറ്റു എമർജൻസി തപ്പി പോയി. അടുക്കളയിൽ ആണ് വച്ചതായി ഓർമ. ഓർമ ശരിയായിരുന്നു. അതവിടെ തന്നേ ഉണ്ടായിരുന്നു. ഞാൻ എമർജൻസി ആയി ഹാളിലേക്ക് വന്നപ്പോൾ ആണ് ഇഷാനി ഓക്കാനിക്കുന്ന ശബ്ദം കേട്ടത്..
‘അയ്യേ.. ഇരുട്ടത്ത് ഗ്ലാസ് മാറി.. ഏ…’
ഞാൻ വെട്ടമായി വന്നപ്പോൾ കണ്ടത് എന്റെ ബിയർ കയ്യിൽ പിടിച്ചോണ്ട് ഇരിക്കുന്ന അവളെ ആണ്
‘വെട്ടം വരുന്നതിന് മുന്നേ എടുത്തു കേറ്റാൻ ആര് പറഞ്ഞു. മണം പോലും കിട്ടിയില്ലേ നിനക്ക്..?
‘ഞാൻ പെട്ടന്ന് എടുത്തു വായിൽ വച്ചതാ.. കുറച്ചു വായിൽ പോയി..’
ഇഷാനി കയ്പ്പ് മുഖത്ത് വരുത്തി പറഞ്ഞു
‘ആ കുറച്ചു അല്ലേ കുഴപ്പമില്ല.. എന്തായാലും രുചി കിട്ടിയില്ലേ ബിയറിന്റെ..’
‘രുചിയോ.. എന്ത് ചൊവയാടാ.. നിങ്ങൾ ആണുങ്ങൾ ഇതെങ്ങനെ കുടിക്കുന്നോ..?
ഇഷാനി പറഞ്ഞു
‘ആണുങ്ങൾ മാത്രം അല്ല പെണ്ണുങ്ങളും ഇതൊക്കെ അടിക്കും. നിനക്ക് അറിയാൻ മേലാഞ്ഞിട്ടാ..’
‘അയ്യേ.. എനിക്ക് ഇഷ്ടം അല്ല..’
അവൾ പറഞ്ഞു
‘എനിക്ക് ഇഷ്ടം ആണ്.. ഒരുമിച്ച് ഇരുന്നു അടിക്കാമല്ലോ.. വൈബ് ആണ് കമ്പിനി കൂടുന്നത്..’
ഞാൻ ചുമ്മ പറഞ്ഞു
‘നിന്റെ ലച്ചു കമ്പിനി തരുമായിരുന്നോ..?
ഇഷാനി പൊടുന്നനെ ആ ചോദ്യം എനിക്ക് മുന്നിൽ ഇട്ടു. അവൾ ബനിയനിൽ ഒന്ന് തൊട്ട് നോക്കി കൊണ്ടാണ് ചോദിച്ചത്. ബനിയൻ ആരുടെ ആണെന്ന് അവൾക്ക് ഞാൻ പറയാതെ തന്നെ മനസിലായി.
‘യെസ്..’
ഞാൻ പതിയെ പറഞ്ഞു. ലച്ചു ഞങ്ങളുടെ ഇടയിൽ ഇപ്പോൾ വല്ലപ്പോഴും മാത്രം വരുന്ന ടോപ്പിക് ആണ്.
‘അവൾ എങ്ങനാ നല്ല വൈബ് ആയിരുന്നോ…?
ഇഷാനി വീണ്ടും ചോദിച്ചു. ഇവൾ എന്തിനാണ് വീണ്ടും ലച്ചുവിലേക്ക് പോകുന്നത് എന്ന് എനിക്ക് മനസിലായില്ല..
‘മ്മ്..’
ഞാൻ അതേ എന്ന അർഥത്തിൽ ഒന്ന് മൂളുക മാത്രം ചെയ്തു
‘ആഹാ കൊള്ളാല്ലോ..’
അത് പറഞ്ഞു തന്റെ മുന്നിൽ ഇരുന്ന ബിയർ നിറച്ച ഗ്ലാസ്സ് ഇഷാനി വായിലേക്ക് കമിഴ്ത്തി. മുഴുവൻ ഇറക്കി കഴിഞ്ഞു കയ്പ്പ് രുചിച്ചത് പോലെ അവളുടെ മുഖം മാറി