കളി അങ്ങനെ മൂത്ത് മൂത്ത് വന്നപ്പോൾ ആണ് ബോളുമായ് ഞങ്ങളുടെ പോസ്റ്റിന് അടുത്തേക്ക് വന്ന എതിർ ടീമിലെ ചെമ്പൻ മുടിക്കാരന്റെ മുന്നിലേക്ക് ഞാൻ കയറി നിന്നത്. ബോൾ ഞാൻ തൊടുന്നതിന് മുമ്പ് വൃത്തിയായി മറ്റൊരാൾക്ക്‌ പാസ്സ് ചെയ്തതിനൊപ്പം തന്നെ അവൻ മറ്റൊരു പണി കൂടി ചെയ്തു. കാൽ മുട്ട് കൊണ്ട് എന്റെ തുടയിൽ ഒരു ചവിട്ട്.. വേദന കൊണ്ട് ഞാൻ താഴെ വീണപ്പോൾ എന്റെ കൂടെ അഭിനയിച്ചു അവനും വീണു. കള്ള താളിയുടെ അഭിനയം. ഗ്രൗണ്ടിൽ ആയിപോയി. വേറെ വല്ലടത്തും ആയിരുന്നേൽ പൂറിമോന്റെ ഷേപ്പ് ഞാൻ അടിച്ചു മാറ്റിയേനെ.. അവന്റെ ഫൗൾ വ്യക്തമായി കണ്ട എന്റെ ടീം ഞങ്ങളുടെ അടുത്തേക്ക് ഓടി വന്നു. രണ്ട് ടീമും അവിടേക്ക് വട്ടം കൂടി വന്നു. അതിനിടയിൽ എന്തോ തർക്കം ഉണ്ടായപ്പോൾ രാഹുൽ അവരുടെ ടീമിലെ ഒരുത്തനെ പിടിച്ചു തള്ളി.. അത് വലിയ വഴക്ക് ആകാതെ ബാക്കിയുള്ളവർ പിടിച്ചു മാറ്റി. ഞാൻ പതിയെ എഴുന്നേറ്റു ചെന്നു അവനെ സമാധാനിപ്പിച്ചു.. എതിർ ടീം ഫൗൾ ആണ് ചെയ്തത്. അതിന് അവന് ഒരു യെല്ലോ കാർഡ് കൂടി കിട്ടി.. രണ്ട് യെല്ലോ ആയപ്പോൾ റെഡ്. കളിയിൽ നിന്നും അവൻ ഔട്ട്‌. എസ് എൻ കോളേജ് ഇപ്പോൾ പത്തു പേരായി ചുരുങ്ങിയിരിക്കുന്നു. ഒരുപക്ഷെ ഇത്രയും നേരത്തെ കളിയിൽ ഞങ്ങൾക്ക് ആകെ കിട്ടിയ ഒരു അഡ്വാൻടേജ് ഇതായിരിക്കും.. ഇനി ഇത് മുതലാക്കണം. എന്നെ ഫൗൾ ചെയ്തതും പിന്നെ ഉണ്ടായ ചെറിയ ഉന്തും തള്ളും ടീമിൽ വാശിയുടെ ഒരു വിത്തും വിതച്ചിരുന്നു..
ഫൗൾ കിട്ടിയ കിക്ക് അമീൻ ആണ് എടുത്തത്. അവൻ അത് വരുണിലേക്കും അവൻ അത് നേരെ എന്റെ നേർക്കും തന്നു. ഞാൻ ഇപ്പോൾ ഞങ്ങളുടെ ഹാഫിൽ തന്നെ ആണ്. ഞാൻ ബോൾ കിട്ടിയ സെക്കൻഡിൽ ഗ്രൗണ്ട് ആകമാനം ഒന്ന് നിരീക്ഷിച്ചു. രാഹുൽ എതിർ വിങ്ങിൽ എനിക്ക് കുറച്ചു മുമ്പിലായി ഓടി തുടങ്ങി. അമീൻ എനിക്ക് സമാന്തരമായി അതേ വശത്തു കൂടി ഓടുന്നു. മുന്നേറ്റം ആണ് ഇപ്പോൾ വേണ്ടത് എങ്കിൽ ബോൾ ഇവർക്ക് ആർക്കെങ്കിലും കൊടുക്കണം.. എന്നാലും അവർ ബോളുമായ് അവിടെ ഓടി ചെല്ലുമ്പോൾ എതിർ ടീം ഡിഫെൻസ് ആ മുന്നേറ്റം പൊളിച്ചിരിക്കും. അത് പലതവണ തെളിഞ്ഞതാണ്.. ഇപ്പോൾ വേണ്ടത് അവർ പ്രതീക്ഷിക്കാത്ത ചടുലമായ ഒരു നീക്കമാണ്.
സെക്കന്റ്‌ ഹാഫ് ഇറങ്ങുന്നതിനു തൊട്ട് മുമ്പ് ഫൈസി ആയി സംസാരിച്ചത് ഞാൻ ഓർത്തു. ഫൈസി അവരുടെ ഓരോ നീക്കവും ഒപ്പിയെടുക്കുന്നുണ്ടായിരുന്നു. ഒരു കോച്ചിനെ പോലെ വിറളി പിടിച്ചു ഫൈസി അങ്ങോട്ടും ഇങ്ങോട്ടും നടക്കുന്നത് കളി നടക്കുമ്പോ എല്ലാം കാണാമായിരുന്നു.
‘നമുക്ക് എന്തെങ്കിലും ചാൻസ് ഉണ്ടോ..? എന്ത് ചെയ്താൽ നമുക്കൊരു ചാൻസ് ഉണ്ട്..?
ഞാൻ അവനോട് ചോദിച്ചു
‘സത്യസന്ധമായി പറഞ്ഞാൽ അവർക്കെതിരെ നമുക്ക് ഒരു ചാൻസും ഇല്ല. അവർ എന്തെങ്കിലും മണ്ടത്തരം കാണിക്കുന്നത് വരെ വെയിറ്റ് ചെയ്യുക ആണ് വഴി. ദെയ് ആർ റ്റൂ ഗുഡ്. പിന്നെ ചെയ്യാൻ പറ്റുന്ന ഒരു കാര്യം അവരെ മോക്ക് ചെയ്യുക എന്നതാണ്. അവർ ഈസി ആയി ട്രിഗ്ഗർ ആകുന്നുണ്ട്..’
അവൻ പറഞ്ഞത് അപ്പോൾ എനിക്കൊരു വലിയ ഉപദേശമായി തോന്നിയില്ല. കളി നിരീക്ഷിക്കുന്ന ഏതൊരാൾക്കും അതൊക്കെ മനസിലാകും. എനിക്ക് അപ്പോൾ വേണ്ടത് കുറച്ചു കൂടി വിദഗ്ദമായ ഒരു അഭിപ്രായമോ അല്ലെങ്കിൽ ഒരു ടാക്ടിക്സൊ ആയിരുന്നു. എന്നാൽ ഇപ്പോൾ അവൻ പറഞ്ഞതിന്റെ പൊരുൾ എനിക്ക് പിടികിട്ടി. കാലുകൾ കൊണ്ടു കളിക്കുന്ന കളിക്ക് എനിക്കവരെ കീഴ്പ്പെടുത്താൻ കഴിയില്ല. തല വച്ചു കളിക്കുക.. അവൻ പറഞ്ഞത് പോലെ തന്നെ ഞാൻ ഒന്ന് അവരെ ചൊടിപ്പിച്ചപ്പോൾ അവരിലൊരുത്തൻ എന്നെ കേറി ഫൗൾ ചെയ്തു റെഡ് വാങ്ങി. കളി ഈസി ആയി ജയിക്കുമെന്ന ബോധം അവരിൽ ഉണ്ട്. അത് കൊണ്ട് അവരിപ്പോൾ കുറച്ചു കെയർലെസ്സ് ആണ്.. ഞാൻ അവരുടെ ഗോളിയുടെ സ്‌ഥാനം നോക്കി. അയാൾ കുറച്ചു മുന്നോട്ടു കേറി വന്നാണ് നിക്കുന്നത്. ഫൗൾ നടന്നു അടിയായപ്പോൾ അയാൾ ഇവിടേക്ക് ഓടി വന്നതാണ്. തിരിച്ചു മെല്ലെ ആണ് പോയത്. ഇപ്പോളും പോസ്റ്റിൽ എത്തിയിട്ടില്ല.. ഫൈസി പറഞ്ഞ, അവർ കാണിച്ച മണ്ടത്തരം – ഇതാണ് ഇപ്പോൾ ഉപയോഗിക്കേണ്ടത്.
ബോൾ കുറച്ചു കൂടി മുന്നിലേക്ക് നീട്ടി ഇട്ടാൽ രാഹുലിന് അത് ഓടി എടുക്കാൻ കഴിയും. പിന്നെ അവന് മുമ്പിൽ ഗോളി മാത്രമേ ഉള്ളു. എന്നാൽ അവനിലും മുമ്പിൽ ഡിഫെൻസ് ആ ബോൾ ഓടി ക്ലിയർ ചെയ്താൽ പണി പാളി. അല്ലെങ്കിൽ ഗോളി തന്നെ ചാൻസ് നോക്കാതെ മുന്നോട്ടു ഓടി വന്നു ബോൾ എടുത്താൽ അപ്പോളും പാളി.. ബോൾ എന്റെ കാലിലേക്ക് വന്ന നിമിഷത്തിൽ ഇത്രയധികം ചിന്തകൾ എന്റെ ഉള്ളിലൂടെ കടന്നു പോയി..
ഞാൻ ഇപ്പോൾ എന്തൊക്കെ ചെയ്യുമെന്ന് ഈ നിമിഷങ്ങൾക്ക് ഉള്ളിൽ തന്നെ അവരും ചിന്തിച്ചിട്ട് ഉണ്ടാകുമെന്ന് എനിക്ക് തോന്നി. അങ്ങനെ ആണല്ലോ അവർ ഞങ്ങളുടെ മേലെ ആധിപത്യം സ്‌ഥാപിച്ചത്. അവർക്കൊരിക്കലും ചിന്തിക്കാൻ കഴിയാത്ത രീതിയിൽ വേണം ഇനി ഞാൻ പ്രവർത്തിക്കാൻ.. എസ് എൻ കോളേജിലെ മിടുക്കൻ പിള്ളേരുടെ അത്രയും പ്രതിഭയോ വേഗതയോ എനിക്കില്ല. എന്നാൽ എനിക്ക് കരുത്തുണ്ട്.. ആ കരുത്തിനെ എന്റെ വലതു കാലിലേക്ക് ആവാഹിച്ചു അമ്പത് വാര അകലെ നിന്ന് ഞാൻ ബോൾ ആഞ്ഞു അടിച്ചു. രാഹുലിനും അല്ല അമീനുമല്ല.. നേരെ ഗോൾ പോസ്റ്റിലേക്ക്.. ഞാൻ നിക്കുന്ന ദൂരത്തു നിന്ന് അതൊരു സാധ്യത ഇല്ലാത്ത ഷോട്ട് ആണ്. എന്നാൽ കൃത്യ പൊസിഷനിൽ ഗോളി ഇല്ലെന്ന കാര്യം പരിഗണിച്ചാൽ ചെറിയൊരു ചാൻസ് ഉണ്ട്..
ബോൾ വായുവിൽ ഉയർന്നു പൊങ്ങി. ഞാൻ എന്താണ് കാണിച്ചതെന്ന് ഓർത്തു രണ്ട് ടീമിലെയും കളിക്കാർ അന്തം വിട്ടു ആകാശത്തേക്ക് പറക്കുന്ന ബോളിൽ നോക്കി ഓടി. കൂടിയിരിക്കുന്ന കാണികൾക്കും ഞാൻ എന്താണ് ചെയ്തത് എന്ന ഭാവം ആയിരുന്നു. അവരുടെ ഗോളി മാത്രം അപകടം തിരിച്ചറിഞ്ഞു. അയാൾ ബോളിൽ നിന്ന് കണ്ണെടുക്കാതെ പോസ്റ്റിലേക്ക് പിന്നോട്ട് ഓടി. ഒരു മഴവില്ല് പോലെ വളഞ്ഞു ക്രോസ്സ് ബാറിൽ ഉരഞ്ഞു പോസ്റ്റിന് ഉള്ളിലേക്കു കടന്ന പന്തിനെ പിടിക്കാൻ ഓടി വന്ന ഗോളിക്ക് സാധിച്ചില്ല. ഞാൻ കോളേജിന്റെ മെയിൻ ബിൽഡിങ്ൽ സ്‌ഥാപിച്ച വലിയ ക്ളോക്കിൽ നോക്കി സമയം കണക്ക് കൂട്ടി.. എഴുപത്തൊന്നാം മിനിറ്റിൽ ഞങ്ങളുടെ ആദ്യ ഗോൾ എന്റെ വലതു കാലിൽ നിന്നും വീണിരിക്കുന്നു.
പെട്ടന്നൊരു ബോംബ് പൊട്ടിയത് പോലെ ഗാലറിയിൽ ആരവം ഉയർന്നു. ആ ഇളകുന്ന ആൽക്കൂട്ടത്തിന് ഇടയിൽ എനിക്ക് ഇഷാനിയെ കാണാൻ കഴിഞ്ഞില്ല. ഗാലറിയിൽ മുന്നിലായ് കളർ വാരിയെറിഞ്ഞു ചിയർ ഗേൾ കണക്ക് ഡാൻസ് കളിക്കുന്ന കൃഷ്ണയെയും കൂട്ടരെയും ഞാൻ കണ്ടു. അവൾ പറഞ്ഞത് പോലെ തന്നെ സംഭവിച്ചു. എന്റെ ഗോളിന് അവൾ ആടുന്നു. ഈ ഗോൾ ആഘോഷിക്കണോ വേണ്ടയോ എന്ന അവസ്‌ഥയിൽ ആയിരുന്നു എന്റെ ടീം. തോറ്റു എന്ന് കരുതിയത്ത് നിന്നൊരു അത്ഭുത ഗോൾ. എന്തായാലും ഈ ഗോളിന് സെലെബ്രെറ്റ് ചെയ്തു സമയം കളയാനില്ല എന്ന് ഞാൻ തീരുമാനിച്ചു. സമയം ആണ് വലുത്.. ഞാൻ ബോൾ ഓടി ചെന്നു അവരുടെ വലയിൽ നിന്നും എടുത്തു
