‘എടാ പട്ടി നിന്റെ അടവ് ആയിരുന്നോ..?
അപ്പോളാണ് ഇഷാനിക്ക് കാര്യം പിടി കിട്ടിയത്. അവൾ പിണങ്ങി ബൈക്കിൽ നിന്നും ഇറങ്ങി. അർജുൻ അവളെ കളിയാക്കി ചിരിക്കാൻ തുടങ്ങി
‘എങ്ങനെ ഉണ്ടായിരുന്നു.. നന്നായി പേടിച്ചോ..?
ഞാൻ കളിയാക്കി ചോദിച്ചു
‘പോ പട്ടി.. എനിക്ക് ഓടി വയർ ഒക്കെ കൊളുത്തി പിടിക്കുന്ന പോലെ.. ഒട്ടും വയ്യാ..’
ഇഷാനി വയറിൽ പിടിച്ചു കൊണ്ട് പറഞ്ഞു
‘വയർ വേണേൽ ഞാൻ തിരുമ്മി തരാം..’
‘പട്ടി.. തെണ്ടി.. നിനക്ക് ഞാൻ തരാം..’
ഇഷാനി ദേഷ്യത്തിൽ അർജുന്റെ മുടി പിടിച്ചു വലിക്കാൻ തുടങ്ങി
‘മുടി വലിക്കല്ലേ വേദനിക്കും.. കുറച്ചു ശരീരം അനങ്ങുന്നത് നല്ലതല്ലേ..’
‘കുറച്ചു മുടി പറിഞ്ഞു പോകുന്നതും നല്ലതാ..’
ഇഷാനി ശരിക്കും മുടി പിടിച്ചു വലിക്കാൻ തുടങ്ങി..
‘അയ്യോ വലിക്കല്ലേ.. ദേ നീ ചോദിച്ച കാര്യം..’
ഞാൻ ജാക്കറ്റിൽ നിന്നും ഒരു പേപ്പർ എടുത്തു അവളുടെ കയ്യിൽ കൊടുത്തു. അവൾ മുടിയിൽ നിന്നും പിടുത്തം വിട്ടു
‘താങ്ക് ഗോഡ്… ഹോ ഇതെങ്ങാനും സാറിന്റെ കയ്യിൽ എത്തിയിരുന്നേൽ നിന്നെ കൊന്നേനെ..’
ഇഷാനി “ഐ ലവ് യൂ ” എന്നെഴുതിയ പേപ്പർ നിവർത്തി നോക്കി കൊണ്ട് പറഞ്ഞു
‘എത്തിയില്ലല്ലോ.. ഇതൊക്കെ നമുക്ക് നിസാര കേസ് അല്ലേ..’
ഞാൻ സ്വയം പൊക്കി അടിച്ചു
‘എന്നാലും നീ എന്ത് പെട്ടന്നാണ് ഇത് എടുത്തു തിരിച്ചു വന്നത്.. ഞാൻ കരുതി കൊറേ നേരം എടുക്കുമെന്ന്..’
‘അതിന് ആര് അകത്തു കയറി ഇതൊക്കെ എടുത്തു…! ഞാൻ ജസ്റ്റ്‌ ഒന്ന് ഉള്ളിൽ ചാടി രണ്ട് മിനിറ്റ് അവിടെ തന്നേ നിന്നിട്ട് തിരിച്ചു ചാടിയതാണ്..’
ഞാൻ പറഞ്ഞു
‘ങേ.. അപ്പോൾ ഈ പേപ്പർ എങ്ങനെ കിട്ടി..?
ഇഷാനി അത്ഭുതത്തോടെ ചോദിച്ചു
‘നീ പറഞ്ഞ ഐഡിയ ഞാൻ നേരത്തെ പ്രയോഗിച്ചു.. രേണുവിനെ കൊണ്ട് നൈസ് ആയി എടുപ്പിച്ചു..’
ഞാൻ ചിരിച്ചു കൊണ്ട് പറഞ്ഞു
‘എടാ ദുഷ്ടാ.. നിനക്ക് അപ്പോൾ ഇത് നേരത്തെ കിട്ടിയോ..? അപ്പോൾ എന്നെ എന്തിനാ ഇത്രയും നേരം പിടിച്ചു നിർത്തി ഇവിടെ എല്ലാം ഇട്ട് ഓടിച്ചത്..?
അവൾ എന്നെ തല്ലാൻ വന്നു കൊണ്ട് ചോദിച്ചു
‘ഞാൻ നിന്നോട് വീട്ടിൽ പൊക്കോളാൻ എപ്പോ തൊട്ട് പറയുന്നു. നീ ആണ് പോകാതെ ഇരുന്നത്. അപ്പോൾ ഞാൻ കരുതി ഒന്ന് ത്രില്ല് അടിപ്പിക്കാമെന്ന്..’
ഞാൻ തല്ലാൻ വന്ന അവളുടെ കൈയിൽ നിന്ന് ഒഴിഞ്ഞു മാറിക്കൊണ്ട് പറഞ്ഞു
‘ടെൻഷൻ കൂട്ടി നീ എനിക്ക് അറ്റാക്ക് വല്ലോം ഉണ്ടാക്കി തന്നേനെ.. ഹോ എനിക്കിപ്പോളും വയ്യ അണച്ചിട്ട്.. എന്റെ ലൈഫിൽ ഞാൻ ഇങ്ങനെ ഓടിയിട്ടില്ല..’
ഇഷാനി പറഞ്ഞു
‘ഒരു ന്യൂ എക്സ്പീരിയൻസ് ആയില്ലേ..?
ഞാൻ അവളെ കളിയാക്കി പറഞ്ഞു
‘ഉവ്വ.. ഇതിനുള്ളത് തരാം.. ‘
ഇഷാനി പറഞ്ഞു കൊണ്ട് കയ്യിൽ ഇരുന്ന പേപ്പർ നോക്കി ആലോചിച്ചു
‘ഇതിനി എന്ത് ചെയ്യണം.. കീറി കളഞ്ഞേക്കട്ടെ..?
അവൾ അത് പറഞ്ഞപ്പോ പെട്ടന്ന് എനിക്ക് അത് ഫീൽ ആയി. അത്രയും നേരം ചിരിച്ചു കളിച്ചു അവൾക്ക് മേൽ ജയിച്ചു നിന്ന എനിക്ക് ഒരു പരാജയം പോലെ തോന്നി അത്. തമാശക്ക് ആണെങ്കിലും ഞാൻ ഇഷ്ടം ആണെന്ന് എഴുതിയ പേപ്പർ ആണ്. അതവൾ വെറുതെ ചുരുട്ടി കളഞ്ഞാൽ അതെനിക്ക് ഫീൽ ആകും.. എന്റെ മുഖം മാറുന്നത് ഇഷാനിയും ശ്രദ്ധിച്ചു.. അവളുടെ മുഖത്ത് ഒരു കള്ളച്ചിരി വിടർന്നു.. എന്നെ കൂടുതൽ വട്ട് പിടിപ്പിക്കാൻ തീരുമാനിച്ചത് പോലെ ആയിരുന്നു ആ ചിരി.. എന്നാൽ അതിനും മുമ്പ് അവളുടെ കയ്യിൽ ഇരുന്ന പേപ്പറിലേക്ക് ഒരു മഴത്തുള്ളി വന്നു പതിച്ചു. വെള്ളം വീണത് കണ്ടു മേലേക്ക് നോക്കിയ ഞങ്ങളുടെ രണ്ടിന്റെയും മുഖത്തു മഴവെള്ളം വീണു.. മഴ ഒരു ട്രെയിൻ വരുന്നത് പോലെ ഒരു ഭാഗത്തു നിന്നും ഇരച്ചു വരുന്നത് ഞങ്ങൾ കേട്ടു
‘മുട്ടൻ മഴ വരുന്നുണ്ട് മോളെ.. വാ തെറിക്കാം..’
ഞാൻ എന്റെ ജാക്കറ്റ് ഊരി അവൾക്ക് ഇടാൻ കൊടുത്തു. ജാക്കറ്റ് ഇടുന്നതിനു മുമ്പ് അവൾ ആ പേപ്പർ സൂക്ഷിച്ചു ബാഗിൽ വയ്ക്കുന്നത് ഞാൻ കണ്ടു.. അപ്പോൾ അവൾക്കത് കളയാൻ ഉദ്ദേശമില്ല.. അത് കണ്ടപ്പോ എനിക്ക് വല്ലാത്ത സന്തോഷം തോന്നി. എന്റെ ഫോണും അവളുടെ ബാഗിൽ ഇട്ടു ഹെൽമെറ്റും അവൾക്ക് കൊടുത്തു ഞാൻ ബൈക്ക് സ്റ്റാർട്ട്‌ ചെയ്തു..
മഴയെ തോൽപ്പിക്കാൻ എന്ന വട്ടം ഞാൻ വേഗത്തിൽ ബൈക്ക് ഓടിച്ചു. ഇനിയും കുറച്ചു ദൂരം കൂടെയുണ്ട് അവളുടെ വീട്ടിലേക്ക്.. അത് എത്തുന്നതിനു മുമ്പ് തന്നേ മഴ ഞങ്ങളെ കീഴടക്കി പിന്തള്ളി മുമ്പോട്ട് പോയിരുന്നു.. എന്റെ ദേഹം മുഴുവൻ നനഞ്ഞു.. ഷർട്ടിനു ഉള്ളിലേക്ക് വീഴുന്ന വെള്ളം വരെ ഷഡിക്ക് ഉള്ളിലേക്ക് ഒലിച്ചു ഇറങ്ങുന്നു. എന്താ ഇപ്പോൾ പറയുക “ഇങ്കെ സൊല്ലാത ഇടം കൂടെ കുളിരിനട്രതെ.. ”
പക്ഷെ ഇവിടെ പെയ്തെത് പുതുവെള്ളൈ മഴ ഒന്നും അല്ലായിരുന്നു. നല്ല ഒന്നാന്തരം പേ പിടിച്ച മഴ ആയിരുന്നു. മഴത്തുള്ളിക്ക് ഒക്കെ അര ഗ്രാം വെയിറ്റ് ഉള്ളത് പോലെ തോന്നി. ഹെൽമെറ്റ്‌ ഇല്ലാത്തത് കൊണ്ട് മോന്തക്ക് വെള്ളം വീഴുമ്പോൾ ചെപ്പക്ക് അടി കിട്ടുന്നത് പോലെയാണ്.. ഞാൻ പിന്നിലേക്ക് നോക്കിയപ്പോൾ അവളും നനയുന്നുണ്ട്. ജാക്കറ്റ് ഉണ്ടെങ്കിലും ഈ മഴയിൽ അതൊന്നും വിലപ്പോവില്ല.. ഞാൻ വണ്ടി അടുത്ത് കണ്ട ഒരു വെയിറ്റിങ് ഷെഡിനടുത്തു നിർത്തി ഞങ്ങൾ രണ്ടും അവിടേക്ക് ഓടി കയറി. ഇഷാനിയേ എന്റെ മഞ്ഞ ജാക്കറ്റിൽ “ഡാർക്ക്‌” ലെ മാർത്തയേ പോലെ തോന്നി
ഞങ്ങൾ രണ്ടും ആ വെയിറ്റിങ് ഷെഡിൽ മഴ കൊള്ളാതിരിക്കാൻ കയറി നിന്നു. പക്ഷെ അത് കൊണ്ട് വലിയ പ്രയോജനം ഒന്നും ഇല്ലായിരുന്നു എന്ന് മാത്രം. ഏതോ എം പി പുണ്ട പൈസ അടിക്കാൻ വേണ്ടി ചെയ്തു വച്ചത് പോലെ ഒരു വെയിറ്റിങ് ഷെഡ്. ശരിക്കും ഒരു കിളിക്കൂട് അത്രയേ വലിപ്പം ഉള്ളു. ഇരിക്കാൻ ഒരു സീറ്റ് പോലും ഉണ്ടാക്കിയിട്ടില്ല. മഴയും വെയിലും ഒക്കെ കൊള്ളാതെ ഇരിക്കാൻ ഇതിനകത്ത് കയറിയാൽ ഊമ്പത്തെ ഉള്ളു. മഴ കൊലതുള്ളി പെയ്യുന്നത് കൊണ്ട് ഞാൻ ഇഷാനിയുടെ മുന്നിൽ കയറി നിന്നു. ഇപ്പോൾ ചാറ്റൽ അടിക്കുന്നത് എന്റെ പുറത്താണ് അധികവും വീഴുന്നത്. ഞാൻ മുന്നിൽ നിൽക്കുന്ന കൊണ്ട് അവളുടെ ദേഹത്ത് അധികം വീഴുന്നില്ല..
‘തല തോർത്ത്‌..’
എന്റെ ദേഹം മുഴുവൻ മഴ കൊണ്ട് നനഞ്ഞിരിക്കുവാണ്. എന്റെ തലയിൽ നിന്ന് വെള്ളം ഒലിച്ചോണ്ട് ഇരിക്കുവാണ്. തോർത്തി ഇല്ലേൽ പനി വരുമെന്ന് പറഞ്ഞു ഇഷാനി ജാക്കറ്റ് മുന്നിൽ ഓപ്പൺ ചെയ്തു അവളുടെ അധികം നനയാത്ത ഹൂഡി കൊണ്ട് എന്റെ തല തോർത്തി തന്നു. ഞാൻ കുനിഞ്ഞു നിന്ന് അവൾക്ക് തോർത്താൻ നിന്ന് കൊടുത്തു. തോർത്തുന്നതിന് ഇടയിൽ ഞാൻ കണ്ണ് അവളുടെ വയറിലേക്ക് ഒന്ന് നോക്കി. കുനിഞ്ഞു നിൽക്കുന്ന എന്റെ നോട്ടം അവൾ കാണില്ല. പക്ഷെ അവളുടെ വയറെനിക്ക് കാണാൻ കഴിഞ്ഞില്ല. ഹൂഡിയുടെ അടിയിൽ അവൾ മറ്റൊരു ബനിയൻ കൂടി ധരിച്ചിരുന്നു.
