‘അതിപ്പോ ഞാൻ പറഞ്ഞത് പോലെ പ്രേമിച്ചു പിരിഞ്ഞാലോ..?
പ്രേമിച്ചു പിരിയുന്ന ഉദാഹരണത്തിൽ നിന്ന് അവൾക്ക് ഇപ്പോളും മോചനം കിട്ടിയില്ല എന്നെ തോന്നുന്നു
‘അങ്ങനെ ഒരിക്കലും ഉണ്ടാകില്ല..’
ഞാൻ തറപ്പിച്ചു പറഞ്ഞു
‘അത് നീ എങ്ങനെ ഉറപ്പിച്ചു..?
അവൾ ചോദിച്ചു
‘പീപ്പിൾ ലിങ്ക്ട് ബൈ ഡെസ്റ്റിനി ഈസ്‌ ആൾവൈസ് ഫൈൻഡ് ഈച്ച് അദർ..’
ഇടയ്ക്ക് കണ്ട ‘വിച്ചർ’ സീരിസിലെ ഡയലോഗ് ഞാൻ എടുത്തു കാച്ചി
‘ഇത് നിന്റെ സ്വന്തം അല്ലല്ലോ..?
അവൾ അത് കണ്ടു പിടിച്ചു. ഞാൻ മറുപടി ആയി ഒന്ന് ചിരിക്കുക മാത്രം ചെയ്തു
‘ശരി..’
അവൾ ചിരിച്ചു കൊണ്ട് ബുക്ക്‌ ഒരെണ്ണം കയ്യിലെടുത്തു നെഞ്ചോടു ചേർത്ത് പിടിച്ചു പോകാൻ ഒരുങ്ങി
‘നീ പോവാണോ..? എന്തേലും ഒന്ന് പറഞ്ഞിട്ട് പോ..’
‘എടാ എനിക്ക് ഇപ്പോൾ അങ്ങനെ ഒന്നും നിന്നോട് ഇല്ല.. അഥവാ എനിക്ക് എന്തെങ്കിലും തോന്നിയാൽ ഞാൻ പറയാം അപ്പോൾ. അത് വരെ നമ്മൾ ഫ്രണ്ട്സ് ആയിട്ട് തന്നെ നടന്നാൽ പോരേ..’
ചിരിച്ചു കൊണ്ട് അവൾ ചോദിച്ചു
‘മതി.. നിന്റെ ഇഷ്ടം…’
ഞാൻ പറഞ്ഞു. അവൾ ചിരിച്ചു കൊണ്ട് തിരിഞ്ഞു നടന്നു.. എന്റെ ഉള്ളിൽ എന്തെന്നില്ലാത്ത ഒരു സന്തോഷം അലതല്ലി.. അവൾക്ക് യാതൊരു പ്രശ്നവുമില്ല.. ഒരുപക്ഷെ ഇപ്പോൾ അവൾക്ക് ഉള്ളിൽ ഇഷ്ടം ഉണ്ടായിരിക്കും.. നല്ലൊരു മോമെന്റിൽ അത് പറയാൻ അവൾ നോക്കി ഇരിക്കുക ആയിരിക്കും.. ഞാൻ അവളെ പ്രൊപ്പോസ് ചെയ്തത് ആദ്യം അറിഞ്ഞത് രാഹുലും ആഷിക്കും ആയിരുന്നു..
‘ നീ അവളോട് ഇഷ്ടം ആണെന്ന് പറഞ്ഞു.. അവൾ നിന്നെ ഇഷ്ടം അല്ലെന്ന് പറഞ്ഞു. അതിന് നീ എന്തിനാണ് ഇത്ര സന്തോഷിക്കുന്നത് എന്നെനിക്ക് മനസിലാകുന്നില്ല..?
എന്റെ ഹാപ്പി മൂഡ് കണ്ടു രാഹുൽ അന്ധാളിച്ചു കൊണ്ട് പറഞ്ഞു
‘എടാ അവൾക്ക് ഞാൻ പ്രേമിക്കുന്നതിൽ യാതൊരു പ്രശ്നവും ഇല്ലെന്ന്.. അതിന് അർഥം ചെറിയൊരു ഇഷ്ടം ഉണ്ടെന്നല്ലേ..?
ഞാൻ പറഞ്ഞു
‘അവൾ ഇഷ്ടം തോന്നുമ്പോ പറയാം എന്നല്ലേ പറഞ്ഞത്. അവൾക്ക് ഇപ്പോളെ നിന്നെ ഇഷ്ടം ആണ്. നീ അവളെ നിർബന്ധിക്ക്.. അവൾ പെട്ടന്ന് തന്നെ പറയും ഇഷ്ടം ആണെന്ന്..’
ആഷിക്ക് എന്നെ നിർബന്ധിച്ചു
‘എടാ അത് ശരിയാണോ..? അവളെ നിർബന്ധിച്ചു എങ്ങനാ ഇഷ്ടം ആണെന്ന് പറയിക്കുന്നെ..? മോശം അല്ലേ..?
ഞാൻ ചോദിച്ചു
‘ഒരു മോശവും ഇല്ല. നിന്റെ ആവശ്യം അല്ലേ. അപ്പോൾ നീ മെനക്കെടണം..’
രാഹുൽ പറഞ്ഞു
‘അതേ. നീ നിർബന്ധിച്ചാൽ മാത്രമേ ഈ കേസ് നീക്കുപോക്ക് ആകൂ. അവൾ ഇങ്ങോട്ട് വന്നു പറയുന്നത് നോക്കി ഇരുന്നാൽ ഇരിക്കത്തെ ഉള്ളു..’
ആഷിക്ക് വീണ്ടും എന്നെ നിർബന്ധിച്ചു
‘പോടാ നീയൊന്നും പറയുന്ന പോലെ അല്ല..’
അവർ പറയുന്നത് ഞാൻ ചെവിക്കൊണ്ടില്ല
‘ഈ മൊണ്ണ.. എടാ പെണ്ണിന്റെ മനസ്സ് നിനക്ക് അറിയാൻ മേലാഞ്ഞിട്ട് ആണ്..’
ആഷിക്ക് വീണ്ടും എന്നെ ഊക്കി
‘ഡാ കുണ്ണേ.. പെണ്ണിന്റെ മനസ്സ് എനിക്ക് അറിയില്ലെന്നോ..? നിന്നെ പട്ടി വില തന്ന പാത്തുമ്മയേ നിനക്ക് ആരാടാ സെറ്റ് ആക്കി തന്നത്.. ഇന്നലെ പെണ്ണിനോട് മിണ്ടാൻ തുടങ്ങിയ നീ എന്നെ ഈ കാര്യത്തിൽ ഉപദേശിക്കുന്നോ..?
ഞാൻ അവനെ കളിയാക്കി..
‘എടാ നിനക്ക് പെണ്ണിനോട് കമ്പിനി അടിച്ചുള്ള എക്സ്പീരിയൻസ് ഉള്ളു.. പക്ഷെ നിനക്കില്ലാത്ത ഒരു എക്സ്പീരിയൻസ് എനിക്കുണ്ട്.. പ്രേമിച്ചുള്ള എക്സ്പീരിയൻസ്..! കുറച്ചു മാസമേ ആയുള്ളൂ എങ്കിലും ഈ കാര്യത്തിൽ ഞാൻ പറയുന്നതാണ് കറക്റ്റ്.. അവൾ നീ നിർബന്ധിക്കാൻ കാത്തു നിൽക്കുക ആണ്. ഒറ്റയടിക്ക് ഒന്നും അങ്ങനെ ഇഷ്ടം തുറന്നു പറയില്ല അവൾ.. നീ പറയിക്കണം…’
ആഷിക്ക് പറഞ്ഞു
‘അവൻ പറഞ്ഞത് കാര്യം ആട.. സ്വന്തം കാര്യം വരുമ്പോൾ നീ എപ്പോളും പൊട്ടൻ ആണ്. അല്ലാത്തപ്പോ നീ എല്ലാം ചിന്തിച്ചു കറക്റ്റ് കാര്യം പറയുകയും ചെയ്യുകയും ഒക്കെ ചെയ്യും..’
രാഹുലും ആഷിക്ക് പറഞ്ഞതിനെ സപ്പോർട്ട് ചെയ്തു സംസാരിച്ചു
അവർ പറയുന്നതും ശരിയാണ് എന്നെനിക്ക് തോന്നി.. പക്ഷെ ഞാൻ അത് പ്രാക്റ്റിക്കൽ ആക്കാൻ നോക്കിയില്ല. അവളോട് പഴയത് പോലെ മാത്രം ഞാൻ പെരുമാറി.. ഉള്ളിൽ ഇഷ്ടം ഉള്ളത് അധികം പുറത്ത് വരാത്തത് പോലെ തന്നെ പെരുമാറി. അവളുടെ ഇഷ്ടം അവൾക്ക് തോന്നുന്ന അന്ന് പറയട്ടെ.. അത് വരെ അവളെ ശല്യം ചെയ്യാതെ ഞാൻ ശ്രദ്ധിച്ചു..
ദിവസങ്ങൾ കുറച്ചു കൂടി അങ്ങനെ തന്നെ മുന്നോട്ടു പോയി.. യൂണിവേഴ്സിറ്റി ഫുട്ബോൾ മാച്ചിന്റെ ഫൈനൽ ആകാൻ ഇനി കുറച്ചു ദിവസങ്ങൾ കൂടിയേ ഉള്ളു.. കപ്പ് കിട്ടാൻ ഒരു വിദൂര സാധ്യതയെ ഉള്ളെങ്കിലും ഞങ്ങൾ എല്ലാം ഭയങ്കര ത്രില്ലിൽ ആയിരുന്നു. ഫൈനൽ വരെ എങ്കിലും എത്തിയത് കോളേജിന്റെ സമീപകാലത്തെ ഏറ്റവും വലിയ നേട്ടമാണ്.. ഫൈനലിനു ദിവസങ്ങൾ മാത്രം ഉള്ളപ്പോൾ ആണ് അതിന്റെ ഒരു പ്രധാന ദൗത്യം എന്റെ തലയിലേക്ക് വരുന്നത്. ഞാൻ അപ്പോൾ കാന്റീനിൽ രാഹുലിനും ആഷിക്കിനും ഒപ്പം ഇരിക്കുകയായിരുന്നു..
‘ഡാ ചായ മാത്രം ഉള്ളോ.. വേറെ എന്തെങ്കിലും കഴിക്കാൻ പറ..’
ചായ ഓർഡർ ചെയ്ത എന്നോട് ആഷിക്ക് പറഞ്ഞു
‘ ചായയും ഓരോ സുവാരസ് കൂടി ആകാം.. അല്ലേടാ..’
രാഹുൽ എന്നെ ഒന്ന് ആക്കി കൊണ്ട് ചോദിച്ചു
‘ഹഹഹ…. പെട്ടി ബാല്ലൻഡോർ അടിക്കുന്ന കാലത്തുള്ള തമാശ ആണല്ലോ..’
ഞാനും തിരിച്ചു ഊക്കി.. ഞങ്ങളുടെ ഫുട്ബോൾ തൂറിയെറിയലിന്റെ ഇടയിൽ ആണ് ചന്ദു അവിടേക്ക് പെട്ടന്ന് ഓടി പിടച്ചു വരുന്നത്. ചന്തു ആണ് ഇപ്പോളത്തെ ഫുട്ബോൾ ടീം ക്യാപ്റ്റൻ..
‘ഡാ നീയറിഞ്ഞോ.. നമ്മുടെ സൈമണും അജുവും പോയ വണ്ടി ഒന്ന് സ്‌കിഡ് ആയി. അവന്മാർ ട്രിപ്പിൾ വച്ചാണ് പോയത്.. ഇപ്പോൾ ഹോസ്പിറ്റലിൽ ആണ്..’
ചന്തു പറഞ്ഞത് കേട്ട് ഞാൻ പെട്ടന്ന് അവിടെ നിന്നും എഴുന്നേറ്റു.. സൈമണും അജുവും ഞങ്ങളുടെ ടീമിലെ മെയിൻ പ്ലയെര്സ് ആണ്. ഫോർവേഡ് കളിക്കുന്ന അവരാണ് ഞങ്ങളുടെ ടീമിലെ സ്റ്റാർ പ്ലയെര്സ്..
‘എടാ.. എപ്പോ..? എന്നിട്ട് അവന്മാർക്ക് എങ്ങനെ ഉണ്ട്..?
ഞാൻ ആസ്വസ്‌ഥതയോടെ ചോദിച്ചു. ആരെങ്കിലും ആക്‌സിഡന്റ് ആയെന്ന് അറിഞ്ഞാൽ എനിക്ക് വല്ലാതെ ടെൻഷൻ ആകും
‘കുറച്ചു മുന്നേ.. ചെറിയ സ്ക്രാച്ച് ഉള്ളു മൂന്നിനും.. പക്ഷെ ഇപ്പോൾ മിക്കവാറും അവന്മാരുടെ കാല് ഒടിയും. ഫൈസി അവരെ കാണാൻ പോയിട്ടുണ്ട്..’
ചന്തു പറഞ്ഞു
ഫൈനലിനു ദിവസങ്ങൾ മാത്രം ഉള്ളപ്പോൾ ഇങ്ങനെ ശ്രദ്ധയില്ലാതെ കാണിച്ചു അപകടം ഉണ്ടാക്കിയതിന് അവർക്ക് ഫൈസിയുടെ കയ്യിൽ നിന്നും നല്ല തെറി കേൾക്കും എന്ന് ഷുവർ ആണ്. പാസ്സ് ഔട്ട്‌ ആയെങ്കിലും ഫുട്ബോൾ ടീമിൽ ഇപ്പോളും ഫൈസി ഒരു ഭാഗം ആണ്. കളിക്കാൻ പറ്റില്ല എങ്കിലും ബാക്കി എല്ലാ സപ്പോർട്ട് നും അവൻ ഞങ്ങൾക്ക് ഒപ്പം ഉണ്ടായിരുന്നു. ഇത്തവണ കപ്പ് അടിക്കുന്നത് ഏറ്റവും പ്രതീക്ഷിച്ചു ഇരുന്നത് അവനാണ്. അപ്പോൾ ഇങ്ങനെ ഒരു പ്രശ്നം ഉണ്ടാകുമ്പോ അവൻ എത്രമാത്രം വിഷമിക്കും എന്ന് ഊഹിക്കാം. എന്തായാലും പിള്ളേർക്ക് വലിയ പരിക്ക് ഒന്നും ഇല്ലല്ലോ എന്ന് ചിന്തിച്ചപ്പോൾ ശ്വാസം നേരെ വീണു
