അവൾ കാര്യങ്ങൾ ഏകദേശം മനസിലാക്കിയിരിക്കുന്നു. ഇനിയും അവളുടെ കണ്ണുകളിൽ നോക്കി നുണ പറയാൻ എനിക്ക് കഴിയുമെന്ന് തോന്നുന്നില്ല. എല്ലാം ഒറ്റയടിക്ക് ഇവിടെ വച്ചു സമ്മതിച്ചു കൊടുത്താലോ.. പക്ഷെ അവളുടെ പ്രതികരണം എന്താകും എന്ന് ഓർത്തപ്പോൾ ഒരു മയത്തിൽ എല്ലാം പറയാം എന്ന് ഞാൻ തീരുമാനിച്ചു
‘ലച്ചു.. നീ വേറെ എന്തൊക്കെയോ ചിന്തിച്ചു കൂട്ടുവാ.. ഞാൻ മാച്ചിന്റെ തിരക്ക് കാരണം ആണ് നിന്റെ അടുത്ത് വരാതെ ഇരുന്നത്. ഇത് വഴി ജസ്റ്റ്‌ പോയപ്പോൾ ഇഷാനിയെ കണ്ടു ഒന്ന് സംസാരിച്ചതാ..’
അത് പറഞ്ഞു തീർന്നതും ഒരടി എന്റെ കവിളിൽ വീണു കഴിഞ്ഞിരുന്നു. സാധാരണ ലച്ചു എനിക്കിട്ട് വീക്കുന്നത് താടിയിൽ ആണ്. അതെനിക്ക് അത്ര വേദനിക്കില്ല. വേദനിക്കാൻ അല്ല അവൾ അങ്ങനെ വീക്കുന്നതും. എനിക്ക് നൊന്തില്ല എങ്കിലും ഇത് പക്ഷെ അവൾ ശരിക്കും എന്നെ തല്ലിയതാണ്.
‘ഞാൻ വന്നിരുന്നെടാ പട്ടി നിന്റെ കളി കാണാൻ…..’
ലച്ചു ഉറക്കെ രോഷത്തോടെ വിളിച്ചു പറഞ്ഞു.
‘നിനക്കൊരു സർപ്രൈസ് ആകട്ടെ എന്ന് കരുതി പറയാതെ വന്നതാണ്. ജയിച്ചു കഴിഞ്ഞു നിന്നെ കാണാൻ വന്നപ്പോളേക്കും നീ എന്തോ ധൃതിക്ക് വണ്ടി എടുത്തു പോകുന്നത് ആണ് കണ്ടത്. ഇത്രയും ദൂരം ഞാൻ നിന്റെ പിന്നിൽ ഉണ്ടായിരുന്നു. ഞാൻ പലതവണ വിളിച്ചിട്ടും നീ അതൊക്കെ ഒഴിവാക്കി. ഇവിടെ നീ അര മണിക്കൂർ നിന്റെ മറ്റവളെ നോക്കി നിന്നപ്പോൾ പോലും ഞാൻ നിന്റെ തൊട്ട് അടുത്ത് നിന്ന് നിന്നെ വിളിച്ചു. അപ്പോൾ എങ്കിലും നീ ഒന്ന് എടുക്കണേ എന്ന് പ്രാർഥിച്ചു. പക്ഷെ എന്റെ പേര് കണ്ടിട്ടും നീ ഫോൺ എടുത്തില്ല. ഇത്രയും ദൂരം നീ വണ്ടി ഓടിച്ചു വന്നത് നിന്റെ ഇഷാനിയെ കാണാൻ അല്ലേ.. കൺ കുളിർക്കേ എന്നിട്ട് എന്റെ മോൻ കണ്ടോ..? രണ്ടും എവിടെ വരെ പോകുമെന്ന് ഇതിൽ ഇരുന്ന് വാച്ച് ചെയ്യണം എന്ന് കരുതിയതാ.. പക്ഷെ എനിക്ക് പറ്റിയില്ല….’
ലച്ചു എനിക്ക് നേരെ പൊട്ടിത്തെറിച്ചു കൊണ്ട് പറഞ്ഞു. അവൾ കളി കാണാൻ വന്നിരുന്നോ…? ഇത്രയും ദൂരം എന്റെ പിന്നാലെ തന്നെ ഉണ്ടായിരുന്നോ..? ഞാൻ അതൊന്നും ശ്രദ്ധിച്ചു കൂടിയില്ല.. മനസ്സിൽ മുഴുവൻ ഇഷാനിയെ കാണാൻ ഉള്ള ആഗ്രഹം ആയിരുന്നു.
‘നിനക്ക് ഒന്നും പറയാൻ ഇല്ലേ..? പുതിയ കള്ളം ഒന്നും കിട്ടുന്നില്ലേ..?
എന്നെ കളിയാക്കി ഒരു പുച്ഛഭാവത്തിൽ അവൾ ചോദിച്ചു
‘അയാം സോറി.. ലച്ചു.. ഇത് ഇങ്ങനെ ഒരു മൊമെന്റിലേക്ക് വരരുത് എന്ന് ഞാൻ ആഗ്രഹിച്ചിരുന്നു.. ബട്ട്‌…. അയാം സോറി.. റിയലി…’
ഞാൻ തല കുനിച്ചു കൊണ്ട് പറഞ്ഞു
‘എന്ത്.. നിന്റെ കള്ളപ്രേമം ഞാൻ പിടിക്കുന്നത് വരെ വരരുത് എന്നോ..?
ലച്ചു വീണ്ടും പുച്ഛത്തിൽ ചോദിച്ചു
‘അതേ.. നിന്നോട് അത് എങ്ങനെ പറയും എന്ന് എനിക്ക് അറിയില്ലായിരുന്നു. അത് എന്റെ മിസ്റ്റേക്ക് ആണ്..’
ഞാൻ തലയുയർത്തി ലച്ചുവിനെ നോക്കി പറഞ്ഞു. അത്രയും നേരം അവളിൽ ഉണ്ടായിരുന്ന ക്രോധം പെട്ടന്ന് ഇല്ലാതായത് പോലെ തോന്നി. ഇഷാനിയോടുള്ള പ്രണയം ഞാൻ സമ്മതിച്ചു കൊടുത്തപ്പോൾ ഒരു നിമിഷം അവൾ ഉലയുന്നത് ഞാൻ കണ്ടു
‘അവളായിരുന്നു നിന്റെ റിയൽ എങ്കിൽ ഞാൻ ആരായിരുന്നു.. നിന്റെ കീപ്പോ…?
അവളുടെ ശബ്ദം ഇടറാൻ തുടങ്ങിയിരുന്നു.. അവൾ കരയും എന്ന് എനിക്ക് തോന്നി.
‘അങ്ങനെ ഒന്നും അല്ല ലച്ചു ഞാൻ നിന്നെ കണ്ടത്.. ആക്ച്വലി ഇഷാനിയെ ഞാൻ മറക്കാൻ പലവട്ടം ശ്രമിച്ചതാണ്. പക്ഷെ ഒരു ലിമിറ്റ് കഴിഞ്ഞപ്പോൾ എനിക്ക് അതിനൊട്ടും പറ്റാതെ ആയി.. അവളെ മനസ്സിൽ വച്ചു കൊണ്ട് നിന്നെ ചീറ്റ് ചെയ്യാനും എനിക്ക് കഴിഞ്ഞില്ല. സോ ഞാൻ പലതും പറഞ്ഞു നിന്റെ അടുക്കൽ നിന്നും ഒഴിഞ്ഞു മാറി.. നമ്മുടെ ഈ റിലേഷൻ നിർത്തണം എന്ന് എനിക്ക് നിന്നോട് നേരിട്ട് പറയാമായിരുന്നു. ശരിയാണ്.. പക്ഷെ നമ്മൾക്ക് രണ്ട് പേർക്കും അറിയാം നീ അത് സമ്മതിക്കാൻ പോണില്ല എന്ന്. പിന്നെ എന്ത് ചെയ്യണം എന്ന് എനിക്കൊരു പിടുത്തവും ഇല്ലായിരുന്നു..’
ഞാൻ അത് പറഞ്ഞതും അണ പൊട്ടി വന്ന കണ്ണുനീർ ലച്ചു പെട്ടന്ന് പിടിച്ചു വച്ചത് പോലെ എനിക്ക് തോന്നി.
‘ഓഹ്.. നീ അങ്ങനെ ഒക്കെ ആണോ കരുതിയിരിക്കുന്നത്.. നീ നിർത്താം എന്ന് പറഞ്ഞാൽ അതിന് സമ്മതിക്കാതെ ഞാൻ നിന്റെ വാലിൽ തൂങ്ങി പിടിച്ചു കിടക്കും എന്നോ..? ഫക്ക് യൂ അർജുൻ.. ഫക്ക് യൂ…’
ലച്ചു അവളുടെ നടുവിരൽ എനിക്ക് നേരെ ഉയർത്തി കാണിച്ചു. അവൾക്ക് എന്നോട് എത്രത്തോളം വെറുപ്പും ദേഷ്യവും ഉണ്ടെന്ന് അവളുടെ മുഖം ഇപ്പോൾ കാണുമ്പോൾ വ്യക്തമായ് അറിയാം
‘നീയായിട്ട് വേണ്ടെന്ന് വയ്ക്കണ്ട.. ഞാൻ തന്നെ പറയാം.. ഡൺ… വീ ആർ ഡൺ.. ഇനി നീ നിന്റെ ഷോർട് ഹെയർ ബിച്ചുമായി എന്ത് വേണേൽ ആയിക്കോ.. ഐ ഡോണ്ട് കേയർ.. ആന്റ് ഫക്ക് യൂ……’
മൂന്നും നാലും തവണ അവളുടെ നടുവിരൽ എനിക്ക് നേരെ ഉയർന്നു. അവളെ തണുപ്പിക്കാൻ ഞാൻ ഒരു ശ്രമം നടത്തി എങ്കിലും അത് ഒന്നും ഏറ്റില്ല. ഡോർ വലിച്ചടച്ചു കാർ വീശിയെടുത്തു കൊണ്ട് അവൾ പാഞ്ഞു പോയി. അവളുടെ പോക്ക് കണ്ടു എനിക്ക് വല്ലാതെ പേടിയായി. അവളെങ്ങോട്ടാണ് പോകുന്നത് എന്നോർത്ത് മാത്രം അല്ല അവളുടെ സ്പീഡിൽ ഉള്ള പോക്ക് തന്നെ കണ്ടിട്ട് ഒരു പന്തികേട് ആയിരുന്നു. ഞാൻ ബൈക്ക് എടുത്തു അവളുടെ പുറകെ വിട്ടു. എന്നെ കണ്ടതും അവൾ കാറിന്റെ ആക്സിലേറ്റർ ചവിട്ടി വണ്ടി പിന്നെയും സ്പീഡിൽ കത്തിച്ചു വിട്ടു. കാർ അവളുടെ വീട്ടിൽ സുരക്ഷിതമായി എത്തിയപ്പോൾ ആണ് എന്റെ ശ്വാസം നേരെ വീണത്. എന്നോടുള്ള ദേഷ്യത്തിൽ അവൾ വല്ല ഏടാകൂടത്തിലും ചാടുമോ എന്ന ഭയം എന്തായാലും വേണ്ടല്ലോ..
അന്നത്തെ ദിവസം അവളെ വിളിച്ചിട്ട് കാര്യം ഒന്നും ഇല്ല എന്ന് എനിക്ക് അറിയാമായിരുന്നു. അത് കൊണ്ട് അതിന് ഞാൻ മുതിർന്നില്ല. പിറ്റേന്ന് വിളിച്ചപ്പോൾ ആണ് കാര്യം ഞാൻ മനസിലാക്കിയത്. എന്റെ നമ്പർ അവൾ ബ്ലോക്ക് ചെയ്തിരിക്കുന്നു. വാട്ട്‌സാപ്പ്, ടെലിഗ്രാം, ഇൻസ്റ്റാഗ്രാം.. അങ്ങനെ ഞാൻ അവളെ കോൺടാക്ട് ചെയ്യാൻ സാധ്യത ഉള്ള എല്ലാ ഇടത്തു നിന്നും അവൾ എന്നെ ബ്ലോക്ക് ചെയ്തിരിക്കുന്നു. അപ്പോൾ അവൾ ഇന്നലെ എല്ലാം ഉദ്ദേശിച്ചു തന്നെ പറഞ്ഞതാണ്. അവളെ വേദനിപ്പിച്ചതിൽ വിഷമം തോന്നിയെങ്കിലും ഇനി മനസ്സ് പറയുന്നത് പോലെ പ്രവർത്തിക്കാമല്ലോ എന്നോർത്തപ്പോൾ ഒരു ആശ്വാസം തോന്നി..
കൃഷ്ണയോട് നൈസ് ആയി ലച്ചുവിനെ പറ്റി തിരക്കാം എന്ന് കരുതി എങ്കിലും പിന്നെ അത് വേണ്ടെന്ന് വച്ചു. ലച്ചു നല്ല വാശി ഉള്ള കൂട്ടത്തിൽ ആണ്. ഒരുപക്ഷെ അവൾ മൂവ് ഓൺ ആയി കാണും.. ഞാനും അപ്പോൾ അത് തന്നെ ആലോചിച്ചു ഇരിക്കേണ്ട കാര്യം ഒന്നുമില്ല. കുറച്ചു പ്രയാസത്തോടെ ആണെങ്കിലും ലച്ചുവിനെ ലൈഫിൽ നിന്ന് ഞാൻ പറിച്ചു മാറ്റി. ഒരു സെക്സ് പാർട്ട്‌ണർ എന്നതിൽ ഉപരി ഉള്ള ബന്ധം ആയിരുന്നു എനിക്ക് ലച്ചുവിനോട്. അവൾ ഉള്ളപ്പോൾ എനിക്ക് ആരൊക്കെയോ ഉള്ള ഒരു ഫീൽ ഉണ്ടായിരുന്നു. എപ്പോളും വിളിക്കും.. എന്ത് ഉണ്ടെങ്കിലും പറയും.. എല്ലാത്തിനും കൂടെ നിൽക്കും.. അവളെ പൂർണമായി ഒഴിവാക്കി ലൈഫ് മുന്നോട്ടു പോയപ്പോൾ സത്യത്തിൽ ഒരു ഏകാന്തത തോന്നി തുടങ്ങി. അത് നല്ലൊരു പരിധി വരെ മാറിയത് കോളേജിൽ ഇഷാനി ഒത്തുള്ള നിമിഷങ്ങളിൽ ആയിരുന്നു
