‘ഇല്ല.. ഞങ്ങൾ മൂന്ന് പേര് മാത്രം..’
ഞാൻ പറഞ്ഞു കോൾ കട്ട് ചെയ്തു.. രാഹുലും ആഷിക്കും എന്നെ സംശയത്തോടെ നോക്കി
‘എന്താടാ മൈരുകളെ വിശ്വാസം വരുന്നില്ലേ..’
ഞാൻ ഓടി ചെന്നു രണ്ടിനെയും രണ്ട് തൊഴി കൊടുക്കുന്ന കൂട്ടത്തിൽ ചോദിച്ചു. ആ തൊഴിയിൽ അവൻമാർക്ക് എന്നോടുള്ള പിണക്കം മാറി.. ഞങ്ങൾ ടൂർ പോകാൻ റെഡി ആയി. ഇഷാനി ഇല്ലെങ്കിലും പോകാമെന്നു ഞാൻ ഏറ്റെങ്കിലും എനിക്ക് വേണ്ടി ഒന്നൂടെ ട്രൈ ചെയ്യാമെന്ന് അവർ കരുതി.. ശ്രുതിയും ആഷിക്കുമാണ് അവളോട് അത് സംസാരിക്കാൻ ചെന്നത്
‘ഞാൻ വരുന്നില്ലട.. നിന്നോട് ഞാൻ മുന്നേ പറഞ്ഞതല്ലേ ഞാൻ ഇല്ലെന്ന്..’
ഇഷാനി ശ്രുതിയോട് പറഞ്ഞു
‘ഇപ്പോളും നിനക്ക് വേണ്ടി ഒരു സീറ്റ് പറഞ്ഞു വച്ചിട്ടുണ്ട്.. നീ ജസ്റ്റ് ഒരു ഓക്കേ പറഞ്ഞാൽ മാത്രം മതി..’
ആഷിക്ക് പറഞ്ഞു
‘എനിക്ക് താല്പര്യം ഇല്ലാഞ്ഞിട്ടാ.. പ്ലീസ് നിർബന്ധിക്കരുത്.’
ഇഷാനി പറഞ്ഞു
‘അർജുൻ ആയി എന്തോ ഇഷ്യൂ ഉള്ളത് കൊണ്ടാണ് നീ വരാത്തത് എന്നറിയാം.. അതെന്താ എന്ന് ഞങ്ങൾക്ക് അറിയില്ല. അത് പറഞ്ഞു മാറ്റാൻ ഞങ്ങൾ കുറെ ശ്രമിച്ചു.. അത് നടന്നില്ല. ഇപ്പോൾ നീ ടൂറും അത് പറഞ്ഞു വേണ്ടെന്ന് വക്കുന്നു. താല്പര്യം ഇല്ലെന്നൊക്കെ നീ വെറുതെ പറയുവാ..’
ആഷിക്ക് പറഞ്ഞു
‘അവൻ ആണ് പ്രശ്നം എങ്കിൽ അവൻ നിന്റെ അടുത്ത് പോലും വരില്ല. ഞാൻ ഉറപ്പ് തരാം.. ഞാൻ അല്ലേടാ വിളിക്കുന്നെ ഒന്ന് വാടാ..’
ശ്രുതി അവളുടെ കൈ പിടിച്ചു നിർബന്ധിച്ചു
‘അവൻ കാരണം ഒന്നുമല്ല.. എനിക്ക് വരാൻ താല്പര്യം ഇല്ല..’
ഇഷാനി കുറച്ചു പരുക്കൻ ആയി സംസാരിച്ചു
‘എന്തിനാടി കള്ളം പറയുന്നേ.. അവനാണ് റീസൺ എന്ന് എല്ലാവർക്കും അറിയാം.. അവനെ ഒഴിവാക്കാൻ ആണ് നിന്റെ തീരുമാനം എങ്കിൽ അങ്ങനെ ആയിക്കോ,, ഇനി അവന്റെ കാര്യത്തിൽ ഞങ്ങൾ നിന്നെ നിര്ബന്ധിക്കില്ല.. പക്ഷെ ടൂറിന്റെ കാര്യം വരുമ്പോൾ നീ ഒഴിവാക്കുന്നത് ഞങ്ങളെ എല്ലാം അല്ലെ..? ഞങ്ങളും നിന്റെ ഫ്രണ്ട്സ് അല്ലെ..?
അർജുനെതിരെ ഇട്ട അതെ സൈക്കോളജിക്കൽ മൂവ് ഇഷാനിക്ക് എതിരെയും ആഷിക്ക് പ്രയോഗിച്ചു. പക്ഷെ അത് തിരിച്ചടിച്ചത് മറ്റൊരു വിധത്തിൽ ആയിരുന്നു
‘അവൻ എന്നോട് മിണ്ടുന്ന കൊണ്ടല്ലേ നിങ്ങളും എന്നോട് മിണ്ടി തുടങ്ങിയത്. ഇപ്പോളും ഈ വന്നു നിർബന്ധിക്കുന്നത് എല്ലാം അവനു വേണ്ടി തന്നെ അല്ലെ.. അല്ലാതെ എന്നെ ടൂറിനു കൊണ്ട് വരണം എന്ന് അത്ര ആഗ്രഹം ഉണ്ടായിട്ടാണോ..?
പെട്ടന്ന് വന്ന ഏതോ ഒരു മൂഡിൽ ഇഷാനി അങ്ങനെ പറഞ്ഞു
‘നീ എന്താ ഇങ്ങനെ സംസാരിക്കുന്നെ. അർജുൻ ഇവിടെ വരുന്നതിന് മുമ്പ് ഞാൻ നിന്റെ അടുത്ത് സംസാരിക്കാൻ വന്നിട്ടില്ലേ..? കമ്പിനി ആകാൻ വന്നിട്ടില്ലേ..? അപ്പോളൊക്കെ നീയാണ് അവോയ്ഡ് ചെയ്തത്.. എല്ലാവരുടെയും കൂട്ടത്തിൽ നീ എന്നെ കൂട്ടരുതായിരുന്നു..’
ശ്രുതി വേദനയോടെ പറഞ്ഞു. ശ്രുതി പറഞ്ഞത് സത്യം ആണല്ലോ എന്ന് ഇഷാനി ചിന്തിച്ചു. ആരും തന്നെ മൈൻഡ് ആക്കാതെ ഇരുന്നപ്പോ പോലും ശ്രുതി തന്നോട് അടുത്തിടപഴകാൻ വന്നിട്ടുണ്ട്. ഒരിക്കലും താൻ അവളോട് അങ്ങനെ സംസാരിക്കാൻ പാടില്ലായിരുന്നു.. താൻ വാവിട്ട് പറഞ്ഞു പോയതിനെ ഓർത്തു ഇഷാനിക്ക് കുറ്റബോധം തോന്നി.. ആഷിക്ക് പറഞ്ഞത് അതിന്റെ ഇരട്ടി കുറ്റബോധം അവളിൽ ഉണ്ടാക്കി
‘ശരി.. നീ എന്നെ ഉദ്ദേശിച്ചാണ് അപ്പൊ പറഞ്ഞതെങ്കിൽ അത് സത്യം ആണ്.. അർജുൻ വരുന്നതിന് മുമ്പ് ഞാൻ നിന്നെ മൈൻഡ് ആക്കിയിട്ടില്ല നിന്നെ പറ്റിയുള്ള സ്റ്റോറി ഒക്കെ സത്യം ആണെന്നും വിചാരിച്ചിരുന്നു.. പക്ഷെ നമ്മൾ ഫ്രണ്ട്സ് ആയി കഴിഞ്ഞു എപ്പോളെങ്കിലും ഞാൻ നിന്നോട് ഫേക്ക് ആയതായി നിനക്ക് തോന്നിയിട്ടുണ്ടോ..? അർജുന് നിന്നോട് മുഴുത്ത പ്രേമം ഉള്ളത് കൊണ്ട് മാത്രം ആണ് ഞാൻ നിന്നോട് സംസാരിച്ചിരുന്നതും നിന്റെ ഒപ്പം നടന്നതും എന്നൊക്കെ ആണോ നീ കരുതിയിരുന്നത്.. നീ ഒരിക്കലും ഇങ്ങനെ ഒന്നും സംസാരിക്കുമെന്ന് ഞാൻ കരുതിയില്ല ഇഷാനി.. ‘
ആഷിക്ക് അത് പറഞ്ഞപ്പോ താൻ ഇല്ലാതെ ആയതു പോലെ അവൾക്ക് തോന്നി.. ഇവിടെ അർജുൻ ആയി ഉടക്കി കഴിഞ്ഞും കംഫർട് ആയിരുന്ന കുറച്ചു പേരുടെ സൗഹൃദം കൂടി താൻ നശിപ്പിച്ചിരിക്കുന്നു.. ആർക്ക് വേണ്ടി..? എന്തിന് വേണ്ടി..?
‘എടാ ഞാൻ അത് ഒന്നും ഓർത്തു പറഞ്ഞതല്ല.. എനിക്ക് എന്തോ ദേഷ്യം വന്നപ്പോ പറഞ്ഞു പോയതാ.. നിന്നെ ഞാൻ അങ്ങനെ ഒന്നും അല്ല കണ്ടിരിക്കുന്നത്.. റിയലി അയാം സോറി.. ‘
ആഷിക്ക് അത് കേട്ടിട്ട് തിരിച്ചു നടന്നു. അവൻ നല്ലത് പോലെ ഫീൽ ആയിരുന്നു അവൾ പറഞ്ഞത്. ഇഷാനി പെട്ടന്ന് ഓടി അവന്റെ മുന്നിൽ കയറി നിന്നു..
‘ഡാ പിണങ്ങല്ലേ.. ഞാൻ ഒരു പൊട്ടത്തരം പറഞ്ഞു.. നീയത് ക്ഷമിക്ക്..’
‘ക്ഷമിക്കാം.. നീ ടൂറിനു വരുമോ..?
ആഷിക്ക് അവസാനം ഒരു ഇമോഷണൽ ഗെയിം എന്ന പോലെ കാര്യങ്ങൾ എത്തിച്ചു. ഇപ്പോൾ വരില്ല എന്ന് പറഞ്ഞാൽ അത് ആഷിക്കിന്റെ പിണക്കം കൂട്ടുകയെ ഉള്ളു. അവനോട് എങ്ങനെ നോ പറയും. ഇഷാനി ചിന്തിച്ചു
‘എടാ.. ഞാൻ… ‘
അവൾ എന്ത് പറയും എന്നറിയാതെ കുഴഞ്ഞു
‘വരുമോ…? ഇല്ലയോ…?
ആഷിക്ക് തറപ്പിച്ചു ചോദിച്ചു
‘എടാ നീയെന്നോട് പിണങ്ങല്ല്.. ഞാൻ ഇല്ല..’
അവൾ അവന്റെ കൈ പിടിച്ചു പറഞ്ഞു
‘ഓക്കേ. നിന്റെ തീരുമാനം അങ്ങനെ ആണല്ലോ.. ആയിക്കോട്ടെ.. ഇനി നമ്മൾ തമ്മിൽ പഴയത് പോലെ ഒന്നുമില്ല. ഞാനിനി നിന്റെ മുഖത്ത് നോക്കില്ല.. നിന്നോട് മിണ്ടില്ല.. അതിപ്പോ നീ അർജുനോട് പിണക്കം മാറ്റി കൂട്ടായാലും നീ അവനെ പ്രേമിച്ചാലും എന്ത് തന്നെ ആയാലും ആഷിക്ക് ഇനി നിന്നോട് മിണ്ടില്ല…’
ഒരു ഉഗ്ര ശപഥം പോലെ അത് പറഞ്ഞിട്ട് ഇഷാനിയുടെ കൈ തട്ടി മാറ്റി അവളെ തള്ളി മാറ്റിയിട്ടു ആഷിക്ക് നടന്നു പോയി.. ഇഷാനി പിറകെ ചെന്നെങ്കിലും അവളെ ഒന്ന് നോക്കാൻ പോലും അവൻ കൂട്ടാക്കിയില്ല.. അത്രക്ക് ക്രൂരമായി അവൻ അവളെ അവഗണിച്ചു.. കോളേജിൽ ആയതു കൊണ്ട് മാത്രം ഇഷാനി കരയാതെ പിടിച്ചു നിന്നു.
ഇഷാനി ടൂറിനു വരില്ല എന്ന് എനിക്ക് അതോടെ തീർച്ചയായി. ഇനിയൊരു ചെറിയ പ്രതീക്ഷ പോലും വേണ്ട. അവളില്ലാതെ തന്നെ ടൂർ പോകാൻ ഞാൻ മാനസികമായി തയ്യാറെടുത്തു..
ഒരു വൈകുന്നേരം ആണ് ഞങ്ങൾ ഇവിടെ നിന്നും തിരിച്ചത്. എല്ലാവരും ഒരു മണിക്കൂർ മുമ്പ് തന്നെ കോളേജിനു മുൻ വശത്തു എത്തിയിരുന്നു. അവിടെ റോഡിൽ ആയിരുന്നു ബസ് പാർക്ക്‌ ചെയ്തിരുന്നത്. എല്ലാവരും ടൂറിനെ കുറിച്ചുള്ള എക്സൈറ്റ്മെന്റ്ലായിരുന്നു. ഞാനൊഴിച്ചു.. ഞാൻ അപ്പോളും അവളില്ലാത്തതിന്റെ ഒരു പാതി നിരാശയിൽ ആയിരുന്നു. അത് പുറത്തു കാണിച്ചില്ല എന്ന് മാത്രം..
