ആ പ്രതീക്ഷയിൽ ആണ് ഞാൻ കോളേജിലേക്ക് പോയത്. പക്ഷെ അവളെ അവിടെ ഞാൻ മിസ്സ്‌ ചെയ്തു. അന്ന് അവൾ വന്നതേ ഇല്ല. ഞാൻ ഫോണിൽ ട്രൈ ചെയ്തെങ്കിലും നോ റിപ്ലൈ.. വൈകിട്ട് വെറുതെ അവളുടെ ഷോപ്പിൽ ഒന്ന് പോയി നോക്കിയപ്പോൾ അവിടെയും അവൾ വന്നിട്ടില്ല. എന്നെ അവിടുത്തെ ചേച്ചിക്ക് അറിയാവുന്നത് കൊണ്ട് ഞാൻ അവളെവിടെ എന്ന് സാധാരണ പോലെ തിരക്കി. അവൾ രണ്ട് ദിവസം ലീവ് പറഞ്ഞു എന്നും നാട്ടിൽ പോയി എന്നും അവിടെ നിന്നുമാണ് ഞാൻ അറിഞ്ഞത്. അവളുടെ വീടിന് അടുത്തൂടെ പോയപ്പോൾ അവൾ അവിടെ ഇല്ല എന്ന് തന്നെ എനിക്ക് തോന്നി. എന്നാലും അവൾ പെട്ടന്ന് എന്തിനാണ് നാട്ടിൽ പോയത്..? എന്തെങ്കിലും എമർജൻസി ഉണ്ടായി കാണുമോ..? എനിക്ക് ഒന്നും മനസിലായില്ല
രണ്ട് ദിവസം കഴിഞ്ഞു അവൾ വരുമെന്ന് കരുതി ഞാൻ അഡ്ജസ്റ്റ് ചെയ്തു. എന്നാൽ മൂന്നും നാലും ദിവസം കഴിഞ്ഞിട്ടും അവൾ വന്നില്ല. എനിക്കെന്തോ ഉള്ളിൽ ഒരു പന്തികേട് പോലെ തോന്നി. അവൾ സാധാരണ ഇത്രയും ക്ലാസ്സ്‌ ഒന്നും മിസ്സ്‌ ചെയ്യുന്നതല്ല. റിപ്ലൈ പോലും ഇല്ലാതെ ഇത്രയും ദിവസം ഇരിക്കുകയുമില്ല. ഇന്നൂടെ അവൾ വന്നില്ലേൽ വൈകിട്ട് അവളുടെ നാട്ടിലേക്ക് വച്ചു പിടിക്കും എന്ന് മനസ്സിൽ ഉറപ്പിച്ച അന്ന് അവൾ വന്നു. അവളുടെ ആകെ മൊത്തത്തിൽ ഉള്ള ഫോർമാറ്റിൽ നിന്ന് തന്നെ പുള്ളിക്കാരി അത്ര നല്ല മൂഡിൽ അല്ല എന്ന് എനിക്ക് മനസിലായി. പ്രത്യേകിച്ച് എന്നോട്.. ഞാൻ രണ്ട് മൂന്ന് വട്ടം പോയി അങ്ങോട്ട്‌ മിണ്ടിയിട്ടും അവൾക്ക് ആ മൈൻഡ് തിരിച്ചില്ല.. നല്ലപോലെ ദേഷ്യം വന്നെങ്കിലും ഞാൻ ദേഷ്യം കാണിച്ചില്ല. ഒറ്റയ്ക്ക് മുകളിലെ ആളൊഴിഞ്ഞ റൂമിൽ അവളെ കിട്ടിയപ്പോ ഞാൻ ചോദിച്ചു
‘ഞാൻ നിന്റെ വല്ലതും ചെത്തിക്കൊണ്ട് പോയോ..? നിനക്ക് എന്താ എന്നോട് ഇത്ര ദേഷ്യം..?
‘ദേഷ്യം ഉണ്ടെന്ന് ഞാൻ പറഞ്ഞോ..?
ഒടുവിൽ അങ്ങനെ എങ്കിലും അവൾ ഒന്ന് മര്യാദക്ക് മറുപടി തന്നു
‘പിന്നെ ഇതൊക്കെ എന്താ..? ഞാൻ എത്ര വട്ടം മിണ്ടാൻ വന്നു.. നീ മൈൻഡ് പോലും ചെയ്യുന്നില്ല..’
‘എനിക്ക് ഒട്ടും സുഖമില്ല. അതാണ്..’
അവൾ ഒഴികഴിവ് പറഞ്ഞു
‘എന്ത് സുഖമില്ല..? നീ ഇത്രയും ദിവസം ലീവ് എടുത്തു നാട്ടിൽ പോയത് എന്തിനാ..? അവിടെ എന്തായിരുന്നു..?
ഞാൻ ചോദിച്ചു
‘ഒന്നുമില്ല. വെറുതെ പോയി..’
അവൾ താല്പര്യം ഇല്ലാത്ത പോലെ പറഞ്ഞു
‘പറയാൻ പറ്റാത്തത് ആണേൽ പറയണ്ട..’
അതിനവൾ മറുപടി ഒന്നും പറഞ്ഞില്ല.. ഞാൻ വീണ്ടും ഓരോന്ന് ചോദിക്കും എന്നറിയാവുന്ന കൊണ്ട് അവൾ അവിടെ നിന്ന് പോകുവാൻ എഴുന്നേറ്റു
‘അന്ന് അങ്ങനെ ഒക്കെ പറഞ്ഞു പോയത് കൊണ്ടാണോ നിനക്ക് എന്നോട് മിണ്ടാൻ പ്രയാസം..?
അവളെ കൊണ്ട് സീരിയസ് ആയി എന്തെങ്കിലും സംസാരിപ്പിക്കാതെ എനിക്ക് മനസമാധാനം കിട്ടില്ല. പക്ഷെ ഞാൻ ചോദിച്ചതിന് ഒരു നോട്ടം മാത്രം നൽകി അവൾ നടന്നു നീങ്ങി
‘ഞാൻ അതൊന്നും കാര്യമായി എടുത്തിട്ടില്ല.. ഫിറ്റ്‌ ആയപ്പോൾ വരുന്ന ലൂസ് ടോക്ക് പോലെയേ കണ്ടിട്ടുള്ളു…’
ഞാൻ വീണ്ടും ശ്രമിച്ചു. ഇത്തവണ അവൾ കേൾക്കാത്ത രീതിയിൽ നടന്നു പോയി. എന്റെ വാശി ഇരട്ടിയായി. ഇവളെ കൊണ്ട് മിണ്ടിച്ചിട്ട് തന്നെ ബാക്കി കാര്യം
‘പക്ഷെ ആ കിസ്സ്… അത് ഞാൻ ശരിക്കും സീരിയസ് ആയാണ് എടുത്തത്…’
ഞാൻ ഒരു വഷളൻ രീതിയിൽ പറഞ്ഞു. പെട്ടന്ന് ബ്രേക്ക് ഇട്ടത് പോലെ ഇഷാനി നിശ്ചലയായി. എന്താണ് പറഞ്ഞത് എന്നുള്ള ഭാവത്തിൽ അവൾ ഒരല്പം സീരിയസ് ആയിട്ട് എന്നെ നോക്കി
‘ദാറ്റ്‌ വാസ് ഗുഡ്..’
ഞാൻ പിന്നെയും ചൊറിയാൻ ശ്രമിച്ചു
‘എന്താ നീ ഉദ്ദേശിക്കുന്നത്..?
ഇഷാനി മുഖം കുറച്ചു കൂടെ ഗൗരവത്തിൽ ആക്കി എന്റെ അടുത്തേക്ക് വന്നു
‘ഇന്നലത്തെ കാര്യം തന്നെ.. അത് മറന്നു പോകാനുള്ള കിക്കൊന്നും നിനക്ക് ഇല്ലായിരുന്നു എന്ന് എനിക്ക് ഉറപ്പുണ്ട്..’
‘ഇന്നലത്തെ എന്ത് കാര്യം..?
അവൾ വീണ്ടും ഗൗരവത്തിൽ ശബ്ദം ഉയർത്തി ചോദിച്ചു
‘ഉമ്മ വച്ചത് മറന്നോ..? അതും നീ നിർബന്ധിച്ചിട്ടാണ്.. എന്റെ ഭാഗത്തു നിന്നല്ല വന്നത്..’
ഞാൻ ഒരു ചെറിയ ചിരിയോടെ പറഞ്ഞു
‘അർജുൻ… നീ വെറുതെ ഇല്ലാത്തത് പറഞ്ഞു ഉണ്ടാക്കരുത്..’
ഇഷാനി എനിക്ക് നേരെ കൈ ചൂണ്ടി സംസാരിച്ചു
‘ഇല്ലാത്തതോ..? നിനക്ക് അത് നല്ല ഓർമ ഉണ്ടെന്ന് എനിക്ക് അറിയാം.. നിന്റെ ഈഗോ കാരണം സമ്മതിച്ചു തരാത്തത് ആണ്..’
‘നോ.. നോ… നോ…’
ഇഷാനി പൊട്ടിത്തെറിച്ചത് പോലെ അലറി
‘നീ പൊട്ടിത്തെറിച്ചിട്ട് ഒന്നും കാര്യമില്ല. അത് നടന്നതാണ്.. നിനക്ക് അത് ഓർമയും ഉണ്ട്..’
ഞാൻ കുറച്ചു സീരിയസ് ആയി പറഞ്ഞു
‘ഇനഫ്.. നീ ഇനി മേലാൽ എന്നോട് സംസാരിക്കാൻ വരരുത്..’
ഇഷാനിയുടെ കണ്ണുകൾ ഒക്കെ ചുവന്നു
‘ഓ ഇപ്പോൾ അങ്ങനെ ആയോ.. നീ തന്നെ കുറെ കെഞ്ചിയിട്ടാണ് ഉമ്മ കിട്ടിയത്.. അതും നീ ആയിരുന്നു എന്നെ ബലമായി പിടിച്ചു ഉമ്മ വച്ചത്.. അത് പറയുമ്പോ എന്നോട് ചാടി കടിക്കാൻ വരുന്നത് എന്തിനാ..?
ഞാൻ ചിരിച്ചു കൊണ്ടാണ് അത് ചോദിച്ചത്. പക്ഷെ അവളുടെ മനസ്സിൽ എന്താണ് സംഭവിക്കുന്നത് എന്ന് ഊഹിക്കാൻ എനിക്ക് കഴിഞ്ഞില്ല. അതിന് മറുപടിയായി ‘നോ’ എന്നലറിയതിനൊപ്പം അവളുടെ കൈകൾ എന്റെ കവിളിൽ പതിഞ്ഞു.. വേദനിച്ചോ എന്ന് ചോദിച്ചാൽ ഇല്ല.. പക്ഷെ അവളുടെ ആ പ്രതികരണത്തിന്റെ രീതി എന്നെ വേദനിപ്പിച്ചു
‘ഇപ്പോൾ എന്ത് ചെയ്തിട്ടാണ് എന്നെ തല്ലിയത് എന്ന് പറയാമോ..?
തല്ലിയിട്ട് തിരികെ പോകാൻ തുടങ്ങിയ അവളെ ഞാൻ തടഞ്ഞു നിർത്തി ചോദിച്ചു. ഉത്തരം നൽകാതെ പോകാനാവില്ല എന്ന് തോന്നിയപ്പോൾ അവൾ പറഞ്ഞു
‘നീ ഒരു വൃത്തികെട്ടവൻ ആണ്.. നീ പറയുന്നത് കള്ളമാണ്.. ഇനി എന്നെക്കുറിച്ച് നീ സംസാരിക്കരുത്..’
‘ഓ ഇപ്പോൾ ഞാൻ വൃത്തികെട്ടവൻ ആയോ..? ഞാൻ ബലം പിടിച്ചില്ലായിരുന്നു എങ്കിൽ ഇന്നലെ എനിക്ക് മുമ്പിൽ തുണി അഴിച്ചേനെ നീ.. എന്നിട്ട് നീ വലിയ പതിവ്രത കളിക്കുന്നോ..?
എനിക്കും ദേഷ്യം വന്നു. എന്റെ മനസിൽ വന്നത് ബുദ്ധി കൊണ്ട് എഡിറ്റ്‌ ചെയ്യാതെ ഞാൻ വിളിച്ചു പറഞ്ഞു. അതിനവൾ എങ്ങനെ പ്രതികരിക്കും എന്ന് എനിക്ക് അറിയാമായിരുന്നു.. അവളുടെ കൈകൾ ഉയർന്നപ്പോൾ തന്നെ എനിക്ക് അത് തടയാമായിരുന്നു.. ഞാനത് ചെയ്തില്ല. രണ്ടാം തവണ അവളുടെ കൈകൾ എനിക്ക് മേൽ പതിഞ്ഞു.. ഇത്തവണ എനിക്ക് വേദനിക്കുകയല്ല, അരിശം കയറുകയാണ് ഉണ്ടായത്. എന്നിൽ നിന്നും പോവാൻ തുടങ്ങിയ ഇഷാനിയെ ഞാൻ ബലമായി ചുറ്റിപ്പിടിച്ചു
‘രണ്ട് തവണയും നീയെന്നെ കൈ നീട്ടി അടിച്ചപ്പോ അനങ്ങാതെ നിന്നത് എന്റെ ഭാഗത്തു തെറ്റ് ഉള്ളത് കൊണ്ടോ, ഞാൻ ഒരു ഉണ്ണാക്കൻ ആയത് കൊണ്ടോ അല്ല.. നിന്നോട് ഇഷ്ടം ഉള്ളത് കൊണ്ടാണ്..’
