നോക്കിക്കോ മനുഷ്യ, നിങ്ങളെ കൊണ്ട് ഞാൻ അമ്മയോട് മിണ്ടിക്കും സ്ത്രീ വിരോധതിന്റെ മുഖമൂടി പറിച്ച് കളയും ഞാൻ ഇവിടെ നിന്ന് പോവുമ്പോൾ നിങ്ങൾ വേറെ ഒരു മനുഷ്യൻ ആയിരിക്കും ഞാൻ കാരണം നിങ്ങൾ അനുഭവിച മാനക്കേട്ന് നമ്മുടെ ബന്ധം അവസാനിക്കുന്നത് മുന്നേ ഞാൻ തിരിചു തരുന്ന ഗിഫ്റ്റ്. പക്ഷെ എങ്ങനെ?? അഹ് എന്റെ മുന്നിൽ ഒന്നര വർഷം ഇല്ലേ ഏതേലും വഴി കാണാതെ ഇരിക്കില്ല.
ന്തായാലും ബിവെയർ, നാളെ മുതൽ ശരിക്ക് ഉള്ള ആരതിയെ നിങ്ങൾ ഫേസ് ചെയ്യാൻ പോകുവാ. ഇതൊക്കെ ഓർത്ത് ഒരു പുഞ്ചിരിയോടെ ഞാൻ ഉറക്കത്തിലേക്ക് വഴുതി വീണു.
__________________________________________
പതിവ് പോലെ എഴുന്നേറ്റ ഉടനെ തപ്പിയത് ഫോൺ ആണ്. സമയം അഞ്ചു മണി ആവുന്നു. ഇന്നലെ ജിമ്മിൽ പോവാൻ ഇറങ്ങിയെങ്കിലും പോയില്ല ഓരോന്ന് ആലോചിച്ച് ആ ബീച്ചിൽ അങ്ങനെ ഇരുന്നു. ഇന്ന് എങ്കിലും പോണം. പക്ഷെ അതിനു മുന്നേ കുറച്ചു മെയിൽ ചെക്ക് ചെയ്യാൻ ഉണ്ട്. ആർട്ട് അക്കാഡമിയിലേക്ക് അയച്ചത്. താങ്ക് ഗോഡ് ഒന്നും നഷ്ടമായിട്ടില്ല എന്റെ ഡ്രീം, ഒരു സെക്കന്റ് ചാൻസ് കിട്ടിയിരിക്കുന്നു. ആദ്യതവണ അത് തുലച്ചു കളഞ്ഞവൾ ദിവാൻകോട്ടിൽ സ്വസ്ഥം ആയി കിടന്ന് ഉറങ്ങുന്നു. എന്നോട് വലിയ അടുപ്പം കാണിക്കുന്നില്ല എങ്കിലും ഇന്നലെ ഒറ്റ ദിവസം കൊണ്ട് അവൾ വീട്ടിൽ ഉള്ളവരെ ഒക്കെ കയ്യിൽ എടുത്തു. ഷീ ഗോട്ട് സോം ട്രിക്സ് അണ്ടർ ഹെർ സ്ലീവ്സ്, ബട്ട് അതും കൊണ്ട് എന്റെ അടുത്ത് വന്നാൽ എന്റെ കയ്യിൽ നിന്ന് നല്ലത് വാങ്ങും.
ഞാൻ എഴുന്നേറ്റു ലാപ് ടോപ് എടുത്തു. അവളെ ശല്യം ചെയ്യാതെ ഒരു കസേരയും മേശയും എടുത്തു മാറ്റി ഇട്ട് അവർ അയച്ച ഡോക്യുമെന്റ് ഒക്കെ ചെക്ക് ചെയ്യാൻ തുടങ്ങി.
” ഗ്ഹും ” ഒരു മുരടനക്കം കേട്ട് ആണ് ഞാൻ തല പൊക്കി നോക്കിയത്. അവൾ ആണ്. ഞാൻ എന്താ എന്ന് ചോദിക്കും പോലെ നോക്കി.
” എനിക്ക് ബാത്റൂമിൽ പോണം ”
” പോണെങ്കിൽ പൊ അതിനു ഞാൻ എന്താ ചെയ്യേണ്ടത്,? ” ഞാൻ മനസ്സിലാവാത്തത് കൊണ്ട് ചോദിച്ചു.
” ഇവിടെന്ന് ഒന്ന് മാറി തന്നം ” പെണ്ണ് കലിപ്പിൽ ആണ്. അന്നേരം ആണ് ഞാൻ ശ്രദ്ധിച്ചത്, ഞാൻ ഇരിക്കുന്നത് ബാത്റൂമിലേക്ക് പോണ വഴിക്ക് ആണ്, ഞാൻ മാറിയാലേ അവൾക്ക് ബാത്റൂമിൽ കയറാൻ പറ്റൂ.
” അഹ് ഞാൻ ഇത്തിരി ബിസി ആണ് ഇത് തീർന്നു കഴിഞ്ഞു മാറി തരാം ” അങ്ങനെ ഇപ്പൊ നീ പോണ്ട.
” അങ്ങനെ വെയിറ്റ് ചെയ്യാൻ പറ്റിയ അവസ്ഥയിൽ അല്ല ഞാൻ മാറൂ ” ദേഷ്യം കൊണ്ട് വിറക്കുവാണ് അവൾ. അത് എനിക്ക് അത്ര പിടിച്ചില്ല.
” പോടീ പോടീ ” ഞാനും വിട്ടില്ല.
” ഇനിയും മാറി തന്നില്ലേൽ ഞാൻ ഇവിടെ മുള്ളും ”
” അതായിരിക്കും നല്ലത് ” ഞാൻ ഒന്ന് ചൊടിപ്പിച്ചു.
” ന്നാ ശരി ” എന്നും പറഞ്ഞ് അവൾ അവളുടെ മിഡി പിടിച്ചുയർത്താൻ പോയി. ഞാൻ ഞെട്ടി എഴുന്നേറ്റു. ആ ഗ്യാപ്പി അവൾ ഓടി ബാത്റൂമിൽ കയറി. വാതിലിന്റ പുറത്ത് തല ഇട്ടിട്ടു അവൾ എന്നെ കൊഞ്ഞനം കുത്തി കാണിച്ചു. അത് കണ്ടപ്പോ എനിക്ക് വിറഞ്ഞു ഞാൻ ഓടി ചെന്നപ്പോ അവൾ വാതിൽ അടച്ചു കളഞ്ഞു.
” ഡീ വാതിൽ തുറക്ക്, തുറക്കാൻ ” ഞാൻ കൊട്ടി വിളിച്ചു.
” ഇല്ല തുറക്കൂ ല്ല ”
” ഡീ, എനിക്ക് ജിമ്മിൽ പോണം ഇപ്പോഴേ വൈകി നീ വാതിൽ തുറന്നെ ” ഞാൻ പിന്നേം കൊട്ടി വിളിച്ചു.
” എന്നെ ഈ കോലത്തിൽ കാണാൻ ആഗ്രഹം ഉണ്ടേൽ അങ്ങ് പറഞ്ഞാ പോരെ എന്റെ കെട്ടിയോനെ ഞാൻ വാതിൽ തുറന്നു തരൂല്ലേ? ” കളിയാക്കുന്ന ടോണിൽ അങ്ങനെ അവൾ പറഞ്ഞു. പിന്നെ വാതലിന്റെ ലോക്ക് എടുക്കുന്ന ശബ്ദം കേട്ടു.
” തുറന്നിട്ടുണ്ട് കാണണം എങ്കിൽ വാ ” അവൾ അകത്തു നിന്ന് പറഞ്ഞു.
“എന്റെ പട്ടിക്ക് കാണണം ” എന്നും പറഞ്ഞ് കൊണ്ട് വാലു മുറിഞ്ഞ ദേഷ്യത്തിൽ ഒരു ട്രാക് സൂട്ടും ഇട്ടോണ്ട് ഞാൻ പുറത്തേക്ക് ഇറങ്ങി. ഇവൾക്ക് ഇത് എന്താ പറ്റിയെ?? ഇന്നലെ വരെ കണ്ട പെണ്ണെ അല്ല.
അവളോട് ഉള്ള ദേഷ്യം കൂടി ജിമ്മിലെ പഞ്ചിങ് ബാഗിനോട് തീർത്തു.
” ഇന്ന് ഫുൾ ഫയർഡ് അപ്പ് ആണല്ലോ? ” നന്ദു. മറുപടി ഒന്നും കൊടുത്തില്ല, അവന്റെ തോളിൽ കിടന്ന ടർക്കി എടുത്തു വിയർപ്പ് തുടച്ചു.
