2023,
Kambi Kathakal,
Kambi Rajan,
Kambi Stories,
Kambi Story,
Kambikadha,
Mallu Stories,
കമ്പി,
കമ്പികഥകള്‍,
കമ്പികഥകള്‍,
മലയാളം കമ്പികഥകള്‍,
മലയാളം കമ്പികഥകള്‍
Post Views: 5,664
” ആ പെണ്ണ് ഞാൻ ആണേൽ, എന്റെ ജീവൻ കൊടുത് ആണേലും ഏട്ടനെ ഞാൻ രെക്ഷപെടുത്തും. ഇത് ഞാൻ തരുന്ന ഉറപ്പ് ആണ് ” ഞാൻ ആ അമ്മയുടെ കയ്യിൽ പിടിച്ചു കൊണ്ട് പറഞ്ഞു. സത്യത്തിൽ ആ അമ്മയെ ആശ്വസിപ്പിക്കാൻ വെറുതെ പറഞ്ഞ വാക്കുകൾ ആയിരുന്നോ അത്. അല്ല എന്റെ ഉള്ളിൽ തട്ടി തന്നെ പറഞ്ഞത് ആണ്, എനിക്ക് സമ്മതിക്കാൻ താല്പര്യം ഇല്ലേലും എന്റെ പ്രീയപ്പെട്ടവൻ അത് ഈ മുരടൻ തന്നെ ആണ്. ഞാൻ അങ്ങേരെ ഒന്ന് നോക്കി. പുള്ളി അവിടെ വല്യച്ചന് വെള്ളം കൊടുക്കുന്ന തിരക്കിൽ ആണ്. അവരുടെ വയറ്റിൽ പിറന്നത് അല്ലേൽ കൂടി ഈ അമ്മ ഇയാളെ ഒരുപാട് സ്നേഹിക്കുന്നുണ്ട്. എന്നിട്ടും അത് കാണാൻ ഈ മുരടന് കണ്ണ് ഇല്ലല്ലോ, ഈ അമ്മയുടെ സ്നേഹത്തിന് നേരെ കണ്ണ് അടക്കാൻ ഇയാൾക്ക് എങ്ങനെ സാധിക്കുന്നു?? ഞാൻ അമ്മയുടെ കയ്യിൽ മുറുക്കി പിടിച്ചു അമ്മയെ നോക്കി പുഞ്ചിരിചു.
” ചേച്ചി വാ നമുക്ക് അപ്പുറത്തേക്ക് മാറി ഇരിക്കാം, ആരതി മോളെ നീയും വാ ” അപ്പച്ചി ഞങ്ങളെ രണ്ടുപേരെയും വിളിച്ചു. ഇത്തിരി മാറി കാവിന്റെ പറമ്പിൽ ഒരു ടാർപാ വിരിച്ചിട്ടുണ്ട് പ്രായമായവരും പിള്ളേരും ഒക്കെ അവിടെ ഇരിക്കുകയാണ് ഞങ്ങളും അവിടെ ചെന്ന് ഇരുന്നു.
സമയം പാതിരാ കഴിഞ്ഞു, ചടങ്ങുകൾ ഒക്കെ ഒന്ന് ഒതുങ്ങിതുടങ്ങി. അച്ചു യക്ഷിയമ്മയുടെ ചിത്രകൂടത്തിന്റെ മുന്നിൽ തളർന് ഇരിക്കുകയാണ്. പതിയെ ആടുന്നുണ്ട്. ഒപ്പം വേറെയും ആളുകൾ ഒക്കെ ഉണ്ട്. അപ്പൊ അച്ചു സാരി ഉടുക്കാഞ്ഞത് തുള്ളുന്നത് കൊണ്ട് ആണ്. എന്നാലും എന്നോട് ഒരു വാക്ക് പറയാമായിരുന്നു. എന്റെ അടുത്ത് നിന്ന് അവൾ തുള്ളിയപ്പോൾ സത്യത്തിൽ പേടിച്ചു ഞാൻ വിറച്ചു പോയി. അത് ആണേൽ എന്റെ കെട്ടിയോൻ നല്ലത് പോലെ കണ്ടു, അങ്ങേരുടെ ഒരു ചിരി.
കാവും തുള്ളലും ഈ അന്തരീക്ഷവും ഒക്കെ സിനിമയിലും മറ്റും ഒക്കെ കണ്ടിട്ടുണ്ട് എന്ന് അല്ലാതെ ആദ്യമായി ആണ് നേരിൽ കാണുന്നത്, അതിന്റ ആകാംഷയും അമ്പരപ്പും തെല്ല് പേടിയും ഒക്കെ ഉണ്ടായിരുന്നു. അപ്പോഴാ തൊട്ട് പറ്റെ നിന്നവൾ മറ്റൊരാളെ പോലെ ഉറഞ്ഞു തുള്ളാൻ തുടങ്ങിയത്. ആരായാലും പേടിച്ചു പോവില്ലേ. അത്രേയെ ഉണ്ടായുള്ളൂ അതിന് ഇത്ര ചിരിക്കേണ്ട ആവിശ്യം ഒന്നുമില്ല. എന്തായാലും അങ്ങന എങ്കിലും ആ മുരടൻ എന്നെ നോക്കി ഒന്ന് ചിരിച് അല്ലോ hmm
” ആരതി മോളെ അജു കൊറേ നേരമായി നിന്നെ നോക്കി വിഷമിക്കുന്നു. ഒന്ന് അങ്ങ് ചെല്ല് പെണ്ണേ ” രാധികേച്ചിയുടെ ശബ്ദം ആണ് എന്നെ ഓർമ്മയിൽ നിന്ന് ഉണർത്തിയത്. ഞാൻ നോക്കുമ്പോ ചേച്ചിയുടെ ഒപ്പം അവളുമാർ ഒക്കെ എന്നെ കളിയാക്കി ചിരിക്കുകയാണ്. ഞാൻ ചുറ്റും ഒന്ന് നോക്കി, അന്നേരം ഇത്തിരി അങ്ങ് മാറി എന്നെ നോക്കി നിൽക്കുന്ന പുള്ളിയെ ഞാൻ കണ്ടു. ഞാൻ നോക്കിയപ്പോ പെട്ടന്ന് കണ്ണ് വെട്ടിച്ചു. കുറച്ച് നേരം ആയി ശ്രദ്ധിക്കുന്നു പുള്ളി ഇടയ്ക്ക് ഒക്കെ എന്നെ നോക്കുന്നുണ്ട്, ഞാൻ നോക്കുബോൾ മാറി കളയും, ഇതൊക്കെ എന്നെ അങ്ങനെ കണ്ടതിനു ശേഷം ആണ്. ആരും കാണാതെ സൂക്ഷിച്ചു വെച്ച എന്റെ എല്ലാം പുള്ളി കണ്ടു, അയ്യേ ആരതി എന്തൊക്കയാ ആലോചിച്ചു കൂട്ടുന്നെ. അത് ഒരു ആക്സിഡന്റ് അല്ലായിരുന്നോ.
” എന്താണ് ആലോചിക്കുന്നെ??, പെണ്ണിന്റെ മുഖം ഒക്കെ ചുവന്നല്ലോ?? ” വീണ്ടും രാധികേചി.
” ഒന്ന് പൊ ചേച്ചി, കുഞ്ഞൻ ഉറങ്ങിയോ?? ” ഞാൻ വിഷയം മാറ്റാൻ ആയി ചേച്ചിയോട് ചോദിച്ചു.
” ഹാ സമയം ഇത്രയും ആയില്ലേ അവൻ ഉറങ്ങി ” ചേച്ചി തോളിൽ കിടന്നിരുന്ന കുഞ്ഞനെ തട്ടി ഉറക്കി കൊണ്ട് പറഞ്ഞു.
രാധികേച്ചി, പുള്ളിയുടെ ഏട്ടന്റെ ഭാര്യ ആണ്, ഏട്ടൻ സബ് കളക്ടർ ആണ്, എന്നാ ഒരു ias കാരന്റെ ഭാര്യ ആണെന്ന യാതൊരു ജാടയും ചേച്ചിക്ക് ഇല്ല. ഒരു പാവം നാട്ടുമ്പുറത്ത്കാരി ആണ് ചേച്ചി. പ്രേമിച്ചു കെട്ടിയത് ആണ്, പത്തിൽ പഠിക്കുമ്പോൾ തുടങ്ങിയ പ്രണയം ആണ് അത്രേ.
ഇങ്ങേർക്ക് മൊത്തത്തിൽ നാല് കസിൻ ഏട്ടന്മാര് ആണ് മൂത്ത ഡോക്ടർ ആണ്, രണ്ടാമത്തെയും നാലാമത്തെയും ഏട്ടന്മാർ എൻജിനിയർസ്, പിന്നെ ഒരു ചേച്ചി ഉള്ളത് രാജി MA LLM അഡ്വക്കേറ്റ് ആണ്, അഞ്ചുന്റെ ചേച്ചി. പുള്ളികാരത്തിയുടെ ഭർത്താവ് ജോർജ് IPS, ACP ആണ്. ഇന്റർകാസ്റ്റ് മാരേജ് ആ, ഏതോ കേസിൽ പുള്ളിക്ക് എതിരെ വാദിച്ചത് ആണ് ചേച്ചി. അവസാനം വാദിഭാഗം വക്കീലും പോലീസും കയറി അങ്ങ് പ്രേമിച്ചു, ചേച്ചി കഷ്ട്ടപെട്ടു ഒരുവിധം വീട്ടുകാരെ പറഞ്ഞത് സമ്മതിപ്പിച്ചു. ചേച്ചി തന്നെ പറഞ്ഞത് ആണ്. പിന്നെ അഞ്ചു, അഥിതി, സഞ്ജന, അച്ചു, ചാന്ദിനി, അരുണിമ ആറു പെങ്ങന്മാർ, എല്ലാരും നല്ലത് പോലെ പഠിക്കും, അച്ചുവും അഞ്ചുവും എഞ്ചിനിയറിങ്ങ് ആണ് പഠിക്കുന്നത്, അഞ്ചു ചെന്നൈ IIT ൽ ആണ് പഠിക്കുന്നത് ടോപ് റാങ്കർ ആവും എന്നൊക്ക ആണ് പറയുന്നത്. അഥിതി മെഡിസിന് പോവാൻ ആണ് താല്പര്യപ്പെടുന്നത്. ബാക്കി ഉള്ളവരും നല്ല ലക്ഷ്യ ബോധം ഉള്ള കൂട്ടത്തിൽ ആണ്. ആര് ആവണം എന്ന് എപ്പോഴേ എല്ലാർക്കും ബോധ്യം ഉണ്ട്. മൊത്തത്തിൽ പറഞ്ഞാൽ കൂട്ടത്തിൽ ഒരു ഡിഗ്രി പോലും ഇല്ലാതെ കാള കളിച്ചു നടക്കുന്ന ഒരു വ്യക്‌തിയെ ഉള്ളു. എന്റെ മഹാനായ കെട്ടിയോൻ. എല്ലാ കുടുംബത്തിലും കാണുമല്ലോ ഇങ്ങനെ ഒരെണ്ണം.
മുത്തശ്ശി, അച്ഛൻ, അമ്മ, വല്യച്ഛൻ, വല്യമ്മ, ഇളയച്ഛൻ, എളേമ്മ, അപ്പച്ചിയമ്മാർ, കസിൻ പെങ്ങന്മാർ, ഏട്ടന്മാർ ഏട്ടത്തിമാർ അവരുടെ പിള്ളേർ ഈ വലിയ കുടുംബം, അവരുടെ സ്നേഹം ഇതൊക്കെ എനിക്ക് ആദ്യത്തെ അനുഭവം ആണ്. എന്റെ മുത്തശ്ശന്റേം മുത്തശ്ശിയുടേം പേര് പോലും എനിക്ക് അറിയില്ല, അമ്മയുടെ അച്ഛന്റെ പേര് ചന്ദ്രശേഖൻ എന്ന് ആണെന്ന് അച്ഛൻ തമാശക്ക് അമ്മയുടെ അച്ഛന് വിളിക്കുന്ന കേട്ട് അറിയാം എന്ന് അല്ലാതെ കൂടുതൽ ഒന്നും അറിയില്ല. അവരുടെ കാര്യം പറയുമ്പോഴേ അച്ഛനും അമ്മയ്ക്കും സങ്കടം വരും അത് കൊണ്ട് ഞങ്ങൾ രണ്ടുപേരും അതിനെ കുറിച്ച് ചോദിക്കാറില്ല.
ഇയാൾ എന്ത് ഭാഗ്യവാൻ ആണ്, എത്ര പേര് ആണ് ഇയാളെ സ്നേഹിക്കാൻ ചുറ്റും ഉള്ളത് പക്ഷെ ഒരാളെ പോലും മനസ്സിലാക്കാൻ പുള്ളി ശ്രമിക്കുന്നു പോലുമില്ല. ആരെയും ചോദിച്ചാൽ മറുപടി പറയും എന്ന് അല്ലാതെ മുത്തശ്ശിയോട് പോലും മരിയാതക്ക് സംസാരിക്കുന്നത് പോലും ഞാൻ കണ്ടിട്ടില്ല. പെങ്ങമാരിൽ രാജിയേച്ചിയും അഞ്ചുവും മാത്രേ പുള്ളിയോട് സംസാരിക്കാൻ പോലും നിന്നുള്ളൂ, ബാക്കി എല്ലാർക്കും പുള്ളിയെ പേടി ആണ്. അഥിതി ഒക്കെ അടുത്തേക്ക് പോലും പോവുന്നില്ല. ശരിക്കും ഒരു മുരടൻ തന്നെ.
” എന്നാലും ആരതി നീ എങ്ങെനെ അവനെ വളച്ചു??” രാധികേച്ചി, അത് ചോദിച്ചപ്പോൾ ഞാൻ വെറുതെ ഒന്ന് ചിരിച്ചു കാണിച്ചു.
