” പാതിരാത്രിയോ?? സമയം നോക്ക് മലരേ.. ” അവൻ തിരിച്ചടിച്ചു. ഞാൻ ഫോൺ എടുത്തു നോക്കി മണി അഞ്ചു കഴിയാൻ പോണ്.
” ജിമ്മിലേക്ക് വരുന്നുണ്ടോ?? ” അവൻ
” ഇല്ല എനിക്ക് ഒന്ന് കിടക്കണം ”
” എന്നാ വാ ” കഴിച്ച പത്രം എല്ലാം സിങ്കിൽ ഇട്ടിട്ട് അവൻ റൂമിലേക്ക് നടന്നു. പുറകെ ഞാനും. നന്ദു ബാത്‌റൂമിൽ കയറിയതും ഞാൻ അവന്റെ കട്ടിലിലേക്ക് കേറി കിടന്നു. ഞാൻ ചുമ്മാ ഫോൺ എടുത്തു നോക്കി. ഫോണിൽ കുറെ മിസ് call ഉണ്ടായിരുന്നു, കുറെ ഒക്കെ വീട്ടീന്ന് ആണ് അച്ചുവും അച്ഛനും. ബക്കി ഒക്കെ ദർശുവിന്റെ ആയിരുന്നു.
Wapp ലും അവളുടെ msg ഉണ്ട്. ഞാൻ ഓപ്പൺ ചെയ്തു. ഫോൺ എടുക്കാത്തതിന്റെ കുറെ പരാതികളും ഒന്ന് രണ്ടു ഫോട്ടോസും. ഞാൻ ഫോട്ടോ ഓപ്പൺ ചെയ്തു. പെണ്ണ് മൂക്ക് കുത്തിയതിന്റെ ചിത്രമാണ്. ആ ചിരിയിൽ മൂക്ക് കുത്തിയതിന്റെ നോവും എന്തോ വലിയ കാര്യം സാധിച്ചത് പോലെ ഉള്ള സന്തോഷവും തൃപ്തിയും ഒക്കെ ഒളിഞ്ഞിരിപ്പുണ്ട്. അത് കണ്ടതും എന്നിലും ഒരു ചിരി വിടർന്നു.
പെട്ടന്ന് ഫോൺ ബെൽ അടിച്ചു, ദർശു ആണ്. ഞാൻ msg സീൻ ചെയ്ത് കണ്ട് വിളിക്കുന്നത് ആവും. പെണ്ണിന് ഉറക്കം ഇല്ലേ എന്ന് മനസ്സിൽ ചോദിച് ഒരു ചിരിയോടെ ഫോൺ എടുത്തു.
” ഏട്ടാ… ” അപ്പുറത്തുനിന്ന് ഹലോ എന്ന് പറയുന്നതിന് മുന്നേ തന്നേ അവളുടെ കൊഞ്ചൽ വന്നു.
” യോ ഇന്ന് കാക്ക വല്ലോം മലർന്ന് പറക്കുന്ന ദിവസം ആണോ ദർശു?? ” ഞാൻ തിരിച്ചു ചോദിച്ചു.
” എന്തേതാ അങ്ങനെ ചോദിച്ചെ?? ” അവൾ സംശയം കൂറി.
” അല്ല നീ സൂര്യൻ ഉദിക്കുന്നതിന് മുന്നേ എഴുന്നേറ്റത് കണ്ട് ചോദിച്ചതാ ”
” പോടാ പട്ടി… ”
” ഡി… ഡി.. Ah”
“, eee, ഫോട്ടോ കണ്ടോ??” അവൾ കുസൃതി കലർന്ന ഭാവത്തിൽ ചോദിച്ചു.
” hmmm” ഞാൻ മൂളി
” എങ്ങനെ ഉണ്ട്?? ”
” ഒരു കറുത്ത പൊട്ടും തലയിൽ മല്ലി പൂവും കൂടി ആയാൽ കററ്റ് പാണ്ടി ”
” ചീ … ”
” 🤣🤣🤣🤣”
” കൊള്ളൂല്ലേ?? ” അവൾ ചിണുങ്ങുന്ന പോലെ ചോദിച്ചു. ഒരു വിഷമം ആ ശബ്ദത്തിൽ ഉള്ളത് ഞാൻ ശ്രദ്ധിച്ചു.
” പിന്നെ ഞാൻ ചുമ്മാ പറഞ്ഞതെല്ലേ. എന്റെ ദർശു സുന്ദരി അല്ലേ, ആ മൂക്കുത്തി കൂടി ആയപ്പോ ആ ഭംഗി അങ്ങ് കൂടി ” ഞാൻ പറഞ്ഞു. അത് കേട്ടപ്പോൾ അവളുടെ മുഖം വിടരുന്നത് എനിക്ക് എന്റെ മുന്നിൽ എന്നത് പോലെ കാണാം. എന്നിൽ ഒരു ചിരി വിടർന്നു.
” ശരിക്കും?? ”
” ശരിക്കും!!”
” love you umma”
” വരവ് വെച്ച് ”
” പിന്നെ എട്ടാ ഞങ്ങൾ ഇന്ന് ഏട്ടന്റെ നാട്ടിൽ വരുന്നുണ്ട് ”
” ആഹാ എന്താ പരുപാടി?? “
” അത് അമ്മ അവിടെ ഏതോ ഒരു ക്ഷേത്രത്തിൽ വഴിപാട് നേർന്നു. അത് ചെയ്യാനാ. ഞാനും സുധിഏട്ടനും അമ്മയും ഇന്ന് രാവിലെ അങ്ങോട്ട്‌ വരും പൂജ ഒക്കെ കഴിഞ്ഞു നാളെയേ പോവുന്നുള്ളു ”
” oh അതാണ് തമ്പ്രാട്ടി നേരത്തെ എഴുന്നേറ്റത് അല്ലേ?? ”
” yup eh” അവൾ ചിരിച്ചു.
” അപ്പൊ സ്റ്റേ എവിടാ?? ” ഞാൻ ചോദിച്ചു
” അത് ഹോട്ടൽ ബുക്ക്‌ ചെയ്യാം എന്നൊക്ക ഏട്ടൻ പറയുന്നത് കേട്ടു ”
” അതെന്തിനാ നിങ്ങൾ ഇങ്ങോട്ട് വാ എന്റെ വീട്ടിൽ കൂടാം ”
” ഞാനും പറഞ്ഞതാ, രാത്രിയും വെളുപ്പിനും ഒക്കെ പൂജ ഉണ്ട് അമ്പലത്തിന്റെ അരികിൽ തന്നെ സ്റ്റേ നോക്കിയാ മതി എന്ന് അമ്മ പറഞ്ഞു. ”
” oh.. ”
” പക്ഷെ പൂജ കഴിഞ്ഞാൽ നേരെ ഞങ്ങൾ വീട്ടിലേക്ക് വരും, എല്ലാരേം കാണാൻ ”
” അതിന് എന്താ നീ ഇങ്ങ് പോര്, ഇവിടെ എല്ലാർക്കും ഹാപ്പി ആവും. നീ എന്റെ അച്ചൂനേം അച്ഛനേം ഒന്നും പരിചയപ്പെട്ടിട്ടില്ലല്ലോ. എല്ലാരേം പരിചയപ്പെടുത്താം, അച്ഛനേം അച്ചൂനേം.. ആര…. തി!! ” അവിടെ വെച്ച് ഞാൻ ഒന്ന് സ്റ്റക്ക് ആയി. ആരതി അവളെ ആര് ആണെന്ന് പറഞ്ഞു ഞാൻ ദർശുവിനെ പരിചയപ്പെടുത്തും?? എന്റെ ഭാര്യ??
” എട്ടാ അമ്മ റെഡി ആവാൻ പറഞ്ഞു വിളിക്കുന്നുണ്ട്. ഞാൻ പോട്ടെ bie ” അവൾ അത് പറഞ്ഞു ഫോൺ കട്ട്‌ ചെയ്തു. ഞാൻ സ്റ്റക്ക് ആയി അങ്ങനെ ഇരിക്കുവാണ്.
അവിടെ വെച്ച് ആരെങ്കിലും ഒക്കെ വീട്ടുകാരെ പറ്റി ചോദിക്കുമ്പോൾ ഞാൻ ആ തള്ളയുടെ കാര്യം ഓർത്ത് ഇറിറ്റേറ്റ് ആവും. അത്കൊണ്ട് തന്നെ ആരും എന്റെ ഫാമിലിയേ പറ്റി ചോദിച്ചിരുന്നില്ല. ഞാൻ ഒട്ടു പറഞ്ഞിട്ടും ഇല്ലാ. So ആർക്കും എന്റെ വിവാഹം കഴിഞ്ഞത് ഒന്നും അറിയില്ല. അല്ല ഞാൻ എന്തിനാണ് ദർശുവിനോട് എന്റെ വിവാഹകാര്യം പറയാൻ ഭയപ്പെടുന്നത്?? ആരതിയേ ഭാര്യ എന്ന് പരിചയപ്പെടുത്താൻ ഭയക്കുന്നത്?? ആ രണ്ടു ചോദ്യങ്ങൾ എന്നെ വല്ലാതെ ഉലച്ചു.
” ആരായിരുന്നെടാ?? ” പെട്ടന്ന് ആ ചോദ്യം കേട്ട് ഞാൻ ഞെട്ടി തല ഉയർത്തി നോക്കി. നന്ദു. ഞാൻ മറുപടി ഒന്നും പറയാതെ അവനെ നോക്കി എന്തോ ആലോചനയിൽ എന്നോണം ഇരുന്നു. അവൻ കുളി കഴിഞ്ഞു തല തോർത്തുവാണ്.
” ആരു ആയിരുന്നോ?? ” അവൻ വീണ്ടും.
” ആരതി… അവളോ.. നീ എന്താ അങ്ങനെ ചോദിച്ചത് ” ഞാൻ അത്ഭുതം കൂറി.
” അല്ല നിന്റെ എക്സ്പ്രഷൻ ഒക്കെ കണ്ടിട്ട് lover നോട്‌ സംസാരിക്കുന്നത് പോലെ തോന്നി. ആ മുഖത്തെ കള്ള ചിരിയും കളിയും ഒക്കെ കണ്ടപ്പോൾ …. ആരു അല്ലാതെ വേറെ ആരാ നിനക്ക് അങ്ങനെ സംസാരിക്കാൻ ഉള്ളേ. ” അവൻ ഒരു ആക്കിയ ചിരിയോടെ എന്നോട് ചോദിച്ചു.
” lover നോട്‌ സംസാരിക്കുന്നത് പോലെ യോ?? നിനക്ക് ശരിക്കും അങ്ങനെ ആണോ തോന്നിയെ??” ഞാൻ ഒരു വെള്ളിടി വെട്ടിയ പോലെ അവനോട് തിരികെ ചോദിച്ചു. എന്റെ ചോദ്യം കേട്ട് അവനും ഒന്ന് ഞെട്ടി.
” അതേ.. എന്താണ് മോനെ കലിപ്പന് കാന്താരിയോട് പ്രേമം തോന്നി തുടങ്ങിയോ ” അവൻ വീണ്ടും എന്നെ കളിയാക്കാൻ തുടങ്ങി. പക്ഷെ അപ്പൊ എന്റെ മനസ്സിൽ മൂക്കുത്തി കുത്തിയ വേദനയിൽ ചിരിച്ചോണ്ട് നിന്നിരുന്ന ദർശുവിന്റെ മുഖം ആയിരുന്നു.
‘ എനിക്ക് ദർശുവിനോട് പ്രണയം ആണോ??’ ഞാൻ എന്നോട് തന്നെ ചോദിച്ചു
” എനിക്ക് ദർശുനോട്‌ പ്രണയമോ?? No way ” ഞാൻ എന്റെ തല നല്ലത് പോലെ ഒന്ന് ഷേക്ക് ചെയ്തു.
” ഡാ, നീ വരുന്നില്ലല്ലോ അല്ലേ?? ” നന്ദു ജിമ്മിൽ പോവാൻ റെഡിയായിട്ട് എന്നോട് വീണ്ടും ചോദിച്ചു. ഞാൻ ഇല്ല എന്ന് പറയുംപോലെ തല വെട്ടിച്ചു.
