2023,
Kambi Kathakal,
Kambi Rajan,
Kambi Stories,
Kambi Story,
Kambikadha,
Mallu Stories,
കമ്പി,
കമ്പികഥകള്‍,
കമ്പികഥകള്‍,
മലയാളം കമ്പികഥകള്‍,
മലയാളം കമ്പികഥകള്‍
Post Views: 5,665
” ഹാ സത്യം, അർജുൻ ഒരുത്തിയെ പ്രണയിക്കുന്നു എന്ന് പറഞ്ഞപ്പോൾ സത്യത്തിൽ എനിക്ക് വിശ്വാസം വന്നില്ല, അവൻ ഒരു സന്യാസി ആവും എന്ന് ആണ് ഞാൻ വിചാരിച്ചത് ” രാജിയേച്ചി.
” അർജുന്റെ തപസ് ഇളക്കിയ അപ്സരസ് ആരാണ് അറിയാൻ ആണ് ഞാൻ നിങ്ങളുടെ കല്യാണത്തിന് വന്നത് പോലും. നേരിൽ കണ്ടപ്പോൾ മനസ്സിലായി ഒരു അപ്സരുതന്നെ ആണെന്ന്, കണ്ണ് കിട്ടണ്ട” രാധികേച്ചി അത് പറഞ്ഞ് എന്റെ മുഖത്ത് ഉഴിഞ്ഞു ഞെട്ടോ ഒടിച്ചു.
” പൊ ചേച്ചി കളിയാകാതെ ” ഞാൻ.
” എല്ലാരും കൂടി പാവം ആരുനേ ഇങ്ങനെ കളിയാക്കല്ലേ. പിന്നെ അത്ര ഭംഗി ഒന്നുമില്ല, ചേട്ടായിയെ വെച്ച് നോക്കുമ്പോൾ ഒരു ആവറേജ് അത്രേ ഉള്ളു ” അഞ്ചു.
” പിന്നെ നിനക്ക് അർജുൻ നിന്നെ മൈൻഡ് ചെയ്യാത്തതിന്റെ കുശുമ്പ് അല്ലേടി ” രാജിയേച്ചി അവളെ കളിയാക്കി. ഞങ്ങൾ എല്ലാരും ചിരിച്ചു.
അപ്പൊ എന്റെ സംശയം ശരി ആണ്, പുള്ളിയും അഞ്ജുവും… ഇവിടെ അച്ചു കഴിഞ്ഞാൽ പുള്ളി സംസാരിക്കുകയെങ്കിലും ചെയ്യുന്നത് അഞ്ചു വിനോട് ആണ്. അവർ തമ്മിൽ ശരിക്കും ഇഷ്ട്ടത്തിൽ ആണോ?? എന്നോട് ഉള്ള പക മൂലം അവളെ ഉപേക്ഷിച്ചു എന്നെ കെട്ടിയത് ആവുമോ?? അതോ പക ആറുമ്പോ എന്നെ ഉപേക്ഷിച്ചു അവളെ ജീവിതത്തിലേക്ക് കൈപിടിച്ചു കയറ്റാം എന്ന് അവൾക്ക് വാക്ക് കൊടുത്തിട്ടുണ്ടോ??
കഴിഞ്ഞ ദിവസം രാത്രി അങ്ങേരുടെ മുറിയിലേക്ക് കയറിപ്പോയ അവളെ ഞാൻ കണ്ടതാണ്. ഏറെ നേരം കഴിഞ്ഞു തിരികെ വന്നപ്പോ എന്നെ കണ്ട് അവളുടെ പരിങ്ങലും വെപ്രാളവും ഞാൻ ശ്രദ്ധിച്ചതാ. ഇന്നത്തെ സംഭവം ഒഴിച്ചാൽ ഒരിക്കൽ പോലും വേറെ ഒരു അർഥത്തിൽ പുള്ളി എന്റെ ദേഹത്തു നോക്കിയിട്ട് പോലുമില്ല, അത് പുള്ളി അഞ്ചുവിനെ മനസ്സിൽ കൊണ്ട് നടക്കുന്ന കൊണ്ട് ആവുമോ?? ദേവി ഓരോ തവണ ഞാൻ പുള്ളിയോട് മനസ്സ് കൊണ്ട് അടുക്കുമ്പോഴും ഇത് പോലെ പുള്ളി അകന്ന് പോവുകയാണ് അല്ലോ. ഇനിയും എനിക്ക് ഇത് സഹിക്കാൻ വയ്യ…
” ആരതി മോളെ ഉറക്കം വരുന്നുണ്ടോ?? ” വല്യമ്മയുടെ ചോദ്യം ആണ് ആലോചനയിൽ നിന്ന് എന്നെ ഉണർത്തിയത്. ഞാൻ ഉണ്ട് എന്ന അർഥത്തിൽ തല ആട്ടി.
“ഇവിടെത്ത ചടങ്ങുകൾ ഒക്കെ ഏകദേശം തീർന്നു, നിങ്ങൾ പിള്ളേരെയും കൂട്ടി വീട്ടിലേക്ക് പൊയ്ക്കോ ” വല്യമ്മായി എന്നോടും രാജിയേച്ചിയോടും ആയി പറഞ്ഞു. കാവിൽ നിന്ന് വീട്ടിലേക്ക് കുറച്ച് അധികം നടക്കാൻ ഉണ്ട്. രാത്രി ആണ് വല്ല പാമ്പോ മറ്റോ ഉണ്ടാവുമോ എന്ന പേടി ഇല്ലാതെ ഇല്ല. ഞങ്ങൾ മടിച്ചു നിന്നു.
” അജു നീ ഇവരെ കൊണ്ട് ചെന്ന് വീട്ടിൽ ആക്ക് ” ഞങ്ങൾ മടിച്ചു നിൽക്കുന്ന കണ്ട് അച്ഛൻ പുള്ളിയോട് വിളിച്ചു പറഞ്ഞു.
” അവര് പൊക്കോളും എനിക്ക് ഇവിടെ നാളത്തേക്ക് ഉള്ള കളം വരയ്ക്കുന്ന പരുപാടി നോക്കണം ” പുള്ളി
” അതൊക്കെ നോക്കാൻ അനന്ദു ഉണ്ട് നീ പോവാൻ നോക്ക്. അച്ചൂനെ കൂടി കൊണ്ട് പൊയ്ക്കോ” അച്ഛൻ തറപ്പിച്ചു പറഞ്ഞപ്പോ പുള്ളി മനസ്സില്ലാ മനസ്സോടെ സമ്മതിച്ചു.
” അച്ചു എഴുന്നേൽക്ക് വാ വീട്ടിൽ പോവാം ” തുള്ളൽ ഒക്കെ കഴിഞ്ഞു തളർന്നു കിടക്കുന്ന അച്ചു വിനെ പുള്ളി വിളിക്കുകയാണ്.
” ചേട്ടായി എനിക്ക് വയ്യ, എന്നെ എടുക്ക് ” അച്ചു കൊഞ്ചി.
” പിന്നെ എടുക്കാൻ കുഞ്ഞു വാവ അല്ലേ. നടുന്നു വാ പെണ്ണേ ” പുള്ളി കലിപ് ആണ്.
” നല്ല ഷീണം ഉള്ളത് കൊണ്ട് അല്ലേ പ്ലീസ്, എനിക്ക് ഒട്ടും വയ്യ. ശരീരം ഒക്കെ നല്ല വേദന. പ്ലീസ് എന്നെ എടുത്തോണ്ട് പൊ ” അച്ചു വിടാൻ ഉദ്ദേശം ഇല്ല.
” കെടന്ന് കൊഞ്ചാതെ ” പുള്ളി മുണ്ട് മടക്കി കുത്തി അച്ചുവിനെ കോരി എടുത്തു. അച്ചു രണ്ട് കയ്യും പുള്ളിയുടെ തോളിൽ ഇട്ട് നെഞ്ചിൽ തല ചായ്ച്ചു കിടന്നു. എനിക്ക് ഒരു തെല്ല് അസ്സൂയ തോന്നുന്നുണ്ടോ?? ഏയ് എന്തിന്.
” പോവാം ” പുള്ളി ഞങ്ങളോട് ചോദിച്ചിട്ട് നടന്നു ഞങ്ങൾ പുറകെയും. വീട്ടിൽ ചെന്ന് അച്ചുവിനെ അവളുടെം അഞ്ചുവിന്റേം മുറിയിൽ കിടത്തി, നെറ്റിയിൽ ഒരു ഉമ്മ കൂടി കൊടുത്തിട്ട് ആണ് പുള്ളി പോന്നത്. സ്വന്തം പെങ്ങൾ അല്ലാഞ്ഞിട്ടു കൂടി അച്ചുവിനെ അയാൾ ഒരുപാട് സ്നേഹിക്കുന്നുണ്ട്. എന്നിട്ടും ഇയാൾക്ക് ആ അമ്മയുടെ സ്നേഹം എന്തേയ് കാണാൻ സാധിക്കാത്തത്?? ഞാൻ ആലോചിച്ചു നിന്നപ്പോ എന്നെ മൈൻഡ് ചെയ്യാതെ എന്നെ കടന്ന് പുള്ളി പോയിരുന്നു.
” ഏട്ടത്തി എവിടെയാ കിടക്കുന്നെ?? ” അങ്ങേരുടെ മുറിയിൽ പോണോ വേണ്ടയോ എന്നെ ആലോചിച്ചു നിന്നപ്പോൾ അഥിതി ചോദിച്ചു.
” നമുക്ക് എല്ലാർക്കും കൂടി താഴെ ഹാളിൽ കിടക്കാം വാ ” അച്ചുവിനേം കുത്തിപൊക്കി അഥിതി എന്റെ കയ്യിൽ പിടിച്ചു വലിച്ചു കൊണ്ട് ഹാളിന്റെ അങ്ങോട്ട്‌ പോയി. അവിടെ എല്ലാരും ഉണ്ടായിരുന്നു നിലത്ത് ബെഡ് ഷീറ്റ് ഒക്കെ വിരിച് എല്ലാരും നീണ്ട് കിടക്കുവാ. ഞാനും ജോയിൻ ചെയ്തു.
” കുഞ്ഞിലേ തൊട്ടേ എല്ലാരും വരുമ്പോൾ ഞങ്ങൾ ഇങ്ങനെ ഇവിടെ ആണ് കിടക്കാർ, ഏട്ടന്മാരും കാണും മുത്തശ്ശിയും കൂടും കഥ ഒക്കെ പറഞ്ഞു തരും. നല്ല രസം ആയിരുന്നു. എല്ലാരും വലുതായപ്പോൾ അതൊക്കെ മാറി. ഇപ്പൊ ഇങ്ങനെ കിടക്കുമ്പോ ഒരു നൊസ്റ്റാൾജിയ ” രാജിയേച്ചി.
” അജുവേട്ടനും നിങ്ങളുടെ കൂടെ കൂടുവോ?? ” ആകാംഷ കൊണ്ട് ചോദിച്ചു പോയത് ആണ്. ചിരി ആയിരുന്നു ചേച്ചിയുടെ മറുപടി.
” ഏയ്.. ഇല്ല, അവൻ പണ്ട് തൊട്ടേ വേറെ ലോകത്ത് ആണ്, ഞങ്ങളുടെ കൂടെ അങ്ങനെ കൂട്ട് കൂടാറൊന്നുമില്ല. അവന്റെ റൂമും കൊറേ ബുക്ക്സും മുത്തശ്ശനും. അതായിരുന്നു അവൻ ഇഷ്ട്ടപ്പെട്ടിരുന്നത്. സത്യഅമ്മാമ വഴക്ക് ഒക്കെ പറഞ്ഞ് കൊണ്ട്വന്നു കിടത്തും എങ്കിലും ഇടക്ക് എപ്പോഴെക്കെങ്കിലും അവൻ എഴുന്നേറ്റു പോവും. അതാണ് ശീലം. ” ചേച്ചി ഒരു ചിരിയോടെ പറഞ്ഞു. അപ്പൊ പണ്ട് തൊട്ടേ ഇത് തന്നെ ആണ് സ്വഭാവം അല്ലേ. ഞങ്ങൾ പിന്നെയും കുട്ടികാലത്തെ ഓരോ കഥകൾ കേട്ടും പറഞ്ഞും അങ്ങനെ കിടന്നു. നേരം വെളുക്കാൻ ആയപ്പോ ആണ് ഞങ്ങൾ ഒന്ന് മയങ്ങിയത്. ഒരുപാട് സന്തോഷം തോന്നിയ ഒരു ദിവസം. എനിക്ക് അവരോടു പറയാൻ എന്റെ അച്ഛനും അമ്മയും ആതുവും അടങ്ങുന്ന കൊച്ചു കുടുംബത്തിന്റെ ഓർമ്മകൾ മാത്രേ ഉണ്ടായിരുന്നുള്ളൂ.
ഒരു വലിയ കൂട്ട് കുടുംബം, ചെറിയചെറിയ നൊമ്പരങ്ങളും സന്തോഷങ്ങളും ഒക്കെ പങ്കുവെക്കാൻ ഒരുപാട് ആളുകൾ. അത് ഒരു സുഖം തന്നെ ആണ്. എന്നാ ഈ സുഖം ആസ്വദിക്കാൻ ഒരുപാട് നേരം എനിക്ക് ആയില്ല പിറ്റേന്നത്തെ പൂർണ കളം കൂടി കഴിഞ്ഞു ഞങ്ങൾ തിരികെ നാട്ടിലേക്ക് പോന്നു. ഞങ്ങൾ പോന്നപ്പോൾ മുത്തശ്ശി ഒക്കെ കരഞ്ഞില്ലന്നേ ഉള്ളു, കുറഞ്ഞ സമയം കൊണ്ട് ഞാൻ അവരോടു ഒക്കെ ഒരുപാട് അടുത്തു. എന്റെ സ്വന്തം മുത്തശ്ശിയെ കേട്ടു പരിചയം പോലുമില്ല, അത് കൊണ്ട് തന്നെ ഈ മുത്തശ്ശിയെ ഞാൻ സ്വന്തം മുത്തശ്ശിയായി കണ്ട് തന്നെ സ്നേഹിച്ചു. ഏട്ടത്തി മാരെയും ഒക്കെ മിസ്സ്‌ ചെയ്യും, അവരുടെ എല്ലാം നമ്പർ ഒക്കെ വാങ്ങിയിട്ട് ദിവസവും വിളിക്കണം എന്ന്ഒക്കെ പറഞ്ഞാണ് എല്ലരും എന്നെ വിട്ടത്. രണ്ട് ദിവസം കൊണ്ട് അവർ എല്ലരും എന്റെ ഹൃദയത്തോട് ചേർന്ന് കഴിഞ്ഞു. ഇങ്ങേർ എന്റെ കഴുത്തിൽ താലി കെട്ടിയ കൊണ്ട് എനിക്ക് കിട്ടിയ ഏറ്റവും വിലമതിക്കുന്ന സ്വത്തുകളിൽ ഒന്ന് ആണ് ഈ കുടുംബം. ഒന്ന് ഓർത്ത ഇവരുമായി ഇത്രയും അടുക്കേണ്ടി ഇരുന്നില്ല. ഇനി ഞാൻ എങ്ങനെ ഈ താലി അറുത്ത് മറ്റും. അല്ലേൽ ഇയാൾ അത് പൊട്ടിച്ച് എറിയുമ്പോൾ എന്റെ കണ്ണ് എങ്ങനെ നനയാതെ ഇരിക്കും??
