” ന്താടി?? ” ഞാൻ കണ്ണുരുട്ടി
” ഒന്നൂല്ല ” ആ ചിരിയോടെ തന്നെ അവൾ ഓടി അവളുടെ മുറിയിൽ കേറി വാതിൽ അടച്ചു. ഞാൻ പിന്നെ അച്ചുന്റെ പുറകെ പോവാതെ എന്റെ റൂമിൽ കേറി. അവിടെ ആരതി കിടക്കുന്നുണ്ടായിരുന്നു. ഒന്നും അറിയാതെ ഉള്ള അവളുടെ കിടപ്പ് കാണാൻ ഒരു ഭംഗി ഒക്കെ ഉണ്ട്. കൂമ്പി അടഞ്ഞ കണ്ണുകളും, ഫാനിന്റെ കാറ്റിൽ പാറി പറക്കുന്ന മുടി ഇഴകളും ശ്വാസം എടുക്കുന്നത് അനുസരിച്ചു ചെറുതായി വിറക്കുന്ന അവളുടെ ചുവന്ന ചുണ്ടുകാളും എല്ലാം കൊണ്ടും പെണ്ണിന് വല്ലാത്ത ഒരു ചേല് തന്നെയാണ്. ഞാൻ അവളെ നോക്കി വളരെ യാന്ത്രികമായി അവളുടെ അരികിലേക്ക് എത്തി, കട്ടിലിൽ അവളുടെ അരികിൽ ഇരുന്നു. പിന്നെ അവളുടെ മുഖത്തു പാറി കളിച്ചു കൊണ്ട് ഇരുന്ന അനുസരണ ഇല്ലാത്ത അവളുടെ മുടി ഇഴകളെ അവളുടെ ചെവിയുടെ പിറകിലേക്ക് ഒതുക്കി വെച്ചു. അന്നേരം അവൾ ഒന്ന് കുറുകി. അവൾ ഉണർന്ന് എന്ന് ഒരു നിമിഷം പേടിച്ച് ഞാൻ കട്ടിലിൽ നിന്ന് ചാടി എഴുന്നേറ്റു.
‘ god damn it അർജുൻ ‘ ഞാൻ മനസ്സിൽ പറഞ്ഞു. എനിക്ക് എന്താണ് സംഭവിക്കുന്നത്, റൂമിന്റെ അകത്തു കേറി അവളെ കണ്ട നിമിഷം എന്നിക്ക് എന്നെ തന്നെ അടക്കാൻ പറ്റാത്ത പോലെ. സത്യം പറഞ്ഞാൽ ഇത്രനേരം ഞാൻ ഇവളെ എങ്ങനെ ഫേസ് ചെയ്യും എന്ന് ഓർത്ത് ടെൻഷനിൽ ആയിരുന്നു. ഐ മീൻ, ഇത്രേം നാളും ആജന്മ ശത്രുവായിയാണ് ഞാൻ ഇവളെ കണ്ടിരുന്നത്, എന്റെ പക, ഇവളുടെ ജീവിതം തുലക്കാൻ ഉള്ള ത്വര എല്ലാം എല്ലാം വെറും തെറ്റുധാരണയുടെ പുറത്ത് ഉണ്ടായത് ആണെന്ന് അറിഞ്ഞപ്പോൾ ഉള്ള കുറ്റബോധം. അതൊക്ക ഇവളെ എങ്ങനെ ഫേസ് ചെയ്യും എന്ന വലിയ പ്രതിസന്ധിയിൽ എന്നെ എത്തിച്ചിരുന്നു.
പക്ഷെ ഇങ്ങോട്ട് കേറിവന്നപ്പോ നിഷ്കളങ്കമായി കിടക്കുന്ന ആരതിയുടെ മുഖം കണ്ടപ്പോൾ, ഇത്രയും നാളും വെറുപ്പിന്റെ മുഖമൂടിക്ക് ഉള്ളിൽ ഒളിഞ്ഞിരുന്ന മറ്റു പല ചിന്തകളും എന്റെ മുന്നിലേക്ക് വരുകയാണോ??
‘ നന്ദു ഒക്കെ പറഞ്ഞത് പോലെ എനിക്ക് ആരതിയോട് ശരിക്കും പ്രണയമാണോ?? ‘ ഞാൻ ഒരു നിമിഷം എന്നോട് തന്നെ ചോദിച്ചു.
” സ്റ്റുപ്പിഡ് ” ഞാൻ എന്റെ തന്നെ തലക്കിട്ട് ഒരു കൊട്ട് കൊടുത്തു, കൊണ്ട് മനസ്സിൽ വിളിച്ചു.
‘ ദർശുവിന്റെ വീട്ടിൽ ഉണ്ടായിരുന്ന കാലയളവിൽ ഞാൻ വല്ലാതെ മാറിയിരിക്കുന്നു, ഞാൻ ഭയങ്കര സോഫ്റ്റ്‌ ആയിരിക്കുന്നു. ആ പഴയ fighter അർജുൻ എവിടെ??, ആരതിയോട് പ്രണയം, ജസ്റ്റ്‌ ഒരു സിംപതി മാത്രമാണ് ഇത് യു idiot ‘ ഞാൻ എന്നോട് തന്നെ പറഞ്ഞു, പിന്നെ കണ്ണുകൾ അടച്ചു നല്ലത് പോലെ ഒരു ശ്വാസം എടുത്തിട്ട് എന്റെ നെഞ്ച് ഒക്കെ വിരിച്ചു, മൊത്തത്തിൽ എന്നെ ഒന്ന് കൂൾ ആക്കിയിട്ട് ഞാൻ കണ്ണ് തുറന്നു. അന്നേരം ഞാൻ കണ്ട കാഴ്ച… ഒരു കാറ്റ് പോവുന്ന പോലെ എന്റെ വിരിഞ്ഞ നെഞ്ച് ചുരുങ്ങി.
അവൾ ഉറക്കത്തിൽ ഒന്ന് ചരിഞ്ഞു കിടന്നു, അന്നേരം അവളുടെ അയഞ്ഞ ബനിയൻ പൊസിഷൻ മാറി അവളുടെ മനോഹരമായ ആ അണിവയർ പുറത്ത് കണ്ടു, വെളുത്തു വെണ്ണ പോൾ മിനുസമാർന്ന വയറും ചരിഞ്ഞു കിടക്കുന്നത് കൊണ്ട് ഉള്ള ചെറിയ ചുളിവും പിന്നെ അതിനെല്ലാം ഉപരി അവളുടെ പൊക്കിൾചുഴിയും അവിടെ നിന്ന് തുടങ്ങുന്ന സ്വർണരാജികളും. ആ ഒറ്റ സീനിൽ എന്റെ തൊണ്ട വരണ്ടു, ഒറ്റ നിമിഷം കൊണ്ട് അന്ന് തറവാട്ടിൽ വെച്ച് ഒരു മറയും ഇല്ലാതെ അടുത്ത് കണ്ട ഈ പൂവുടലിന്റെ പൂർത്ത രൂപം എന്റെ മനസ്സിലേക്ക് ഓടി എത്തി. എന്റെ കൈകൾ ഞാൻ അറിയാതെ ചലിച്ചു.
പക്ഷെ ആ വയറിൽ എന്റെ കൈ തൊടുന്നതിന് മുന്നേ ഞാൻ സെൽഫ് കണ്ട്രോൾ വീണ്ടെടുത്തു അവളുടെ ബനിയൻ പിടിച്ചു നേരെ ഇട്ടു.
” hoooo ” ഞാൻ ഒന്ന് ശ്വാസം വലിച്ചു വിട്ടു. പിന്നെ ഒരു കുട്ടിയെ പോലെ കിടന്നുറങ്ങുന്ന അവളുടെ മുഖത്തേക്ക് തന്നെ നോക്കിയിരുന്നു. എന്തോ ഒരു കുറവ് ആ മുഖത്തിൽ ഉണ്ടായിരുന്നോ??
മൂക്കുത്തി, അവളുടെ ആ മനോഹരമായ ചുവന്ന കല്ല്വെച്ച മൂക്കുത്തി, അത് അവൾ ഇട്ടിട്ടില്ല. ആ മൂക്കുത്തി പെണ്ണിന് വല്ലാത്ത ഒരു ചേലുതന്നെയായിരുന്നു കൊടുത്തിരുന്നത്. പെട്ടനാണ് ഞാൻ ഒരു കാര്യം ഓർത്തത്, ഞാൻ വേഗം തന്നെ സുധിയുടെ നാട്ടിൽ നിന്ന് ഞാൻ കൊണ്ടുവന്ന എന്റെ ബാഗ് തപ്പി അതിന്റെ സൈഡ് റൂമിൽ നിന്ന് ഞാൻ അന്വേഷിച്ച സാധനം കയ്യിൽ എടുത്തു. ഒരു മൂക്കുത്തി. അന്ന് ഉത്സവത്തിന്റെ അന്ന് വാങ്ങിയത്, അന്ന് പക്ഷെ എന്തിന് വാങ്ങിയത് ആണെന്ന് എനിക്ക് ഉറപ്പ് ഇല്ലായിരുന്നു. ഇപ്പൊ…
” ഏഹ്ഹും ” പെട്ടന്ന് ആണ് പുറകിൽ ഒരു മുരടനക്കം, ഞാൻ ഒന്ന് ഞെട്ടി തിരിഞ്ഞു നോക്കി. ആരതി ഉണർന്ന് ഇരിക്കുന്നു. ഞാൻ പെട്ടന്ന് തന്നെ കയ്യിൽ ഇരുന്ന മൂക്കുത്തി എന്റെ പുറകിലേക്ക് ഒളിപ്പിച്ചു വെച്ചു.
‘ ഞാൻ ചെയ്തത് ഒക്കെ അവൾ അറിഞ്ഞിരിക്കുമോ ‘ ഞാൻ ഒരുനിമിഷം ഒന്ന് പേടിച്ചു.
‘ ഏയ് അതിന് സാധ്യത ഇല്ല, അറിഞ്ഞിരുന്നേൽ ഉണ്ടക്കണ്ണി ഭദ്രകാളി തുള്ളിയേനെ ‘ ഞാൻ ആശ്വസിച്ചു, പിന്നെ എപ്പോഴും ഉള്ള എന്റെ ഗൗരവഭാവം വീണ്ടെടുത്തു.
” നിനക്ക് ഇപ്പൊ എങ്ങനെ ഉണ്ട് ” ശബ്ദം കടുപ്പിച്ചു തന്നെ ചോദിച്ചു.
” ചെറിയ ഷീണം ഉണ്ടായിരുന്നു നല്ലൊരു ഉറക്കം കിട്ടിയപ്പോൾ അത് മാറി ” അവളും ഗൗരവത്തിൽ ആണ്, എങ്കിലും ഇടക്ക് എന്റെ പുറകിൽ ഒളിപ്പിച്ച കയ്യിലേക്ക് പാളി നോക്കുന്നുണ്ട്.
” hmmm” ഞാൻ ഒന്ന് മൂളി.
” എന്താണ് കയ്യിൽ ” കുറച്ചു നേരം നീണ്ടു നിന്ന മൗനം മുറിച്ചു കൊണ്ട് അവൾ എന്നോട് ചോദിച്ചു.
” ഹേ…. ” പെട്ടന്ന് അവൾ ചോദിച്ചപ്പോൾ ഞാൻ ഒന്ന് ഞെട്ടി, പിന്നെ വേഗം എന്റെ കയ്യിൽ ഇരുന്ന മൂക്കുത്തി എന്റെ പുറകിൽ ഉണ്ടായിരുന്ന അലമാരിയുടെ തട്ടിൽ അവൾ കാണാതെ വെച്ചു.
” എന്ത്.. എന്റെ കയ്യിൽ എന്ത് ഇരുന്നാ നിനക്ക് എന്താ ” ഞാൻ കലിപ്പിൽ ചോദിച്ചു. അത് കേട്ട് അവൾ കൊഞ്ഞനം കുത്തുന്ന പോലെ ചുണ്ട് കോടി, പിന്നെ സംശയത്തോടെ നോക്കുന്ന ഭാവത്തിൽ എന്നെ തന്നെ നോക്കി ഇരുന്നു. സാധാരണ ഇങ്ങനെ ഒക്കെ കാണുമ്പോ എനിക്ക് ചൊറിഞ്ഞു വരാറാണ് പതിവ്, ബട്ട്‌ ഇന്ന് ഇതൊക്ക എനിക്ക് ക്യൂട്ട് ആയി ആണ് തോന്നുന്നത്.
‘ damn it അജു, നീ ഒരു simp ആയിക്കൊണ്ട് ഇരിക്കുവാണോ?? ‘ ഞാൻ മനസ്സിൽ എന്നോട് ചോദിച്ചു.
” അച്ഛൻ പറഞ്ഞു, നിനക്ക് നിന്റെ വീട്ടിൽ പോണം എന്ന്, കുറച്ചു കഴിയുമ്പോൾ റെഡിയായി നിക്ക്, ഇനീപ്പോ അതായിട്ട് ഒരു കുറവ് വേണ്ട ” ഞാൻ വിഷയം മാറ്റാൻ എന്നോണം അത് പറഞ്ഞിട്ട് വേഗം പുറത്തേക്കു നടന്നു.
