Post Views: 5,668
കടുംകെട്ട് – 3 [ Full ]അടിപൊളി
ഞങ്ങൾ യാത്ര തുടങ്ങിയിട്ട് ഏകദേശം മൂന് മണിക്കൂറോളം ആവുന്നു ഞങ്ങൾ ഇപ്പൊ ജില്ല ബോർഡർ ഒക്കെ താണ്ടി പോയി കൊണ്ട് ഇരിക്കുകയാണ്. ചോദിക്കുന്നതിന് ഒക്കെ മുക്കുകേം മൂളുകേം ചെയ്യുന്നത് അല്ലാതെ നന്ദു ഒന്നും പറയുന്നില്ല. അവനെ എന്തോ അലട്ടുണ്ട് എന്ന് വ്യക്തം. ഞാനും ഒരു കാരണം അറിയാത്ത ഒരു അൺഈസിനസ് അനുഭവിക്കുന്നുണ്ട്. ശരിക്കും അത് ഇന്നലെ രാത്രി മുതൽ തുടങ്ങിയത് ആണ്, എന്തോ നെഞ്ചിൽ ഒരു ഭാരം എടുത്തു വെച്ചത് പോലെ ഒരു തോന്നൽ. ഞാൻ ചുമ്മാ പുറത്തേക്ക് നോക്കി ഇരുന്നു. അന്നേരം ആണ് അവിടെ ഉള്ള കടകളിലെ ബോർഡിൽ കണ്ട സ്ഥലപ്പേരുകൾ ഞാൻ ശ്രദ്ധിക്കുന്നതത്.
” ഡാ, ഇവിടെ എവിടെയോ അല്ലേ അവളുടെ ആ കീർത്തനയുടെ വീട്??, സത്യം പറ നമ്മൾ ഇത് എവിടെക്കാ പോണേ?? ” ഞാൻ നന്ദുവിനോഡ് ഇത്തിരി ചൂടായി തന്നെ ചോദിച്ചു.
” അജു കൂൾ ആവു, നമ്മൾ ദാ എത്തി. നിന്റെ എല്ലാ ചോദ്യങ്ങൾക്കും ഉള്ള ഉത്തരം ഇപ്പൊ തന്നെ കിട്ടും ” നന്ദു അത് പറഞ്ഞു കാർ ഒതുക്കി. ഞാൻ വണ്ടിയിൽ നിന്ന് ഇറങ്ങി.
ഒരു മിഡിൽ ക്ലാസ്സ്‌ വീടിന്റെ മുന്നിൽ ആണ് വണ്ടി നിർത്തി ഇട്ടിരിക്കുന്നത്. വലിച്ചു കെട്ടിയ നീല ടർപ്പായും പന്തലും കസേരകളും ആൾക്കൂട്ടവും അകത്തു നിന്ന് ഉയർന്നു കേൾക്കുന്ന നിലവിളിയും ഒക്കെ ഒരു മരണവീട് ആണെന്ന് പറഞ്ഞു തന്നു. ഞാൻ നന്ദുവിന് മതിൽ കെട്ടിന്റെ അകത്തേക്ക് കയറി. ആൾകൂട്ടത്തിൽ പരിചയം ഉള്ള മുഖങ്ങൾ ഞാൻ പരതി, അച്ഛനെ കണ്ടു, രാംഅങ്കിളും ഉണ്ട് അവിടെ ഉള്ള വേറെ ആരെയും എനിക്ക് പരിചയം ഇല്ല. ഇത് ആരുടെ വീട് ആണ്?? ഈ നാട്ടിൽ ഒരു ബന്ധു ഉള്ളതായി കേട്ടു കേൾവി പോലുമില്ല, എന്റെ കണ്ണുകൾ ഉമ്മറത്തേക്ക് പോയി അവിടെ അവളെ ഞാൻ കണ്ടു, അന്ന് അച്ഛന്റെ ഒപ്പം കണ്ട ആ ചെറുക്കനെ കെട്ടിപിടിച്ചു വലിയ വായിൽ കരയുന്ന അവൾ, ഞാൻ തേടി വന്നവൾ കീർത്തന. അവൾക്ക് അരികിൽ അവളെ സമാധാനപ്പെട്ടുത്തികൊണ്ട് അച്ചുവിന്റെ അമ്മ, അച്ചു ആരതി, ജലജ ആന്റി അവർ നാലുപേരും. അങ്ങോട്ട് വന്ന എന്നേയും നന്ദുവിനേം കണ്ട് അവൾ ഒരു നിമിഷം കരച്ചിൽ നിർത്തി.
” അമ്മ.. അമ്മ പോയി നന്ദേട്ടാ… ” പിന്നെ അവൾ നന്ദുവിനെ വിളിച്ചു അലറി കരഞ്ഞു. അത് കേട്ട് ഒരു ഞെട്ടലോടെ ഞാൻ നന്ദു വിനെ നോക്കി. അവൻ തല താഴ്ത്തി നിന്നു.
” അമ്മ നോക്ക് അമ്മ, ദേ നന്ദേട്ടൻ വാക്ക് പാലിച്ചു, അമ്മേനെ കാണാൻ ഏട്ടനെ കൊണ്ട് വന്നു. കണ്ണ് തുറന്ന് നോക്ക് അമ്മ ദേ ഏട്ടൻ വന്നിരിക്കുന്നു ”
അവളുടെ കരച്ചിലിന്റെ ശക്തി കൂടി. ഒരു ഇടിത്തീ പോലെ ആണ് ആ വാക്കുകൾ എന്നിൽ പതിച്ചത്. എന്റെ ഭയം സത്യമാവുകയാണോ?? ഞാൻ വിറക്കുന്ന കാൽവെപ്പുകളോടെ വെള്ള പുതപ്പിച്ചു കിടത്തിഇരിക്കുന്ന ആ ശരീരതിന്റെ അടുത്തേക്ക് ചെന്നു. ഒരു നോക്കെ നോക്കിയുള്ളൂ, ഇനി ഒരിക്കലും കാണാൻ ഇടവരരുത് എന്ന് ഞാൻ ആഗ്രഹിച്ച ആ മുഖം ഞാൻ വീണ്ടും കണ്ടു. ചേതന അറ്റ്. എന്റെ അമ്മ. ഞാൻ ഒന്നും മിണ്ടാതെ തിരിഞ്ഞു നടന്നു.
” അജു ” മതിലിന്റെ അടുത്ത് എത്തിയ എന്റെ കയ്യിൽ പിടിച്ചു നിർത്തി കൊണ്ട് നന്ദു വിളിച്ചു.
” പോവരുത് ”
” നിനക്ക് നേരത്തെ അറിയാമായിരുന്നു അല്ലേ?? ” ഞാൻ ചോദിച്ചു. അവൻ ഒന്നും മിണ്ടിയില്ല.
” അറിയാമായിരുന്നോ ” എന്റെ ശബ്ദം ഉയർന്നു. എല്ലാരും ഞങ്ങളെ നോക്കി.
” mm” അവൻ ഒന്ന് മൂളി.
ഞാൻ ദേഷ്യതിൽ മുഷ്ടി ചുരുട്ടി അവന്റെ മുഖം നോക്കി ഇടിക്കാൻ പോയി. അവൻ ഒന്ന് അനങ്ങുക പോലും ചെയ്യാതെ കണ്ണ് ഇറുക്കി അടച്ചു നിന്നു. എന്റെ കൈ അവന്റെ മുഖത്തു തൊട്ടു തൊട്ടില്ല എന്ന ഭാവത്തിൽ നിന്നു. പിന്നെ ഞാൻ തിരിഞ്ഞ് ദേഷ്യതിൽ അവിടെ കിടന്നിരുന്ന കസേരയിൽ ആഞ്ഞു ചവിട്ടി അത് പൊട്ടി.
” എല്ലാം അറിഞ്ഞു വെച്ച് കൊണ്ട് എന്റെ മുന്നിൽ നാടകം കളിക്കുകആയിരുന്നല്ലേ?? അവൾ ആരാണ് എന്ന് അറിയാൻ ഞാൻ നെട്ടോട്ടം ഓടുന്നത് കണ്ട് രസിക്കുക ആയിരുന്നല്ലേ?? ഞാൻ കണ്ട് പിടിച്ച കാര്യങ്ങൾ എല്ലാം വന്നു ഞാൻ നിന്നോട് പറഞ്ഞതല്ലേ അപ്പോഴെല്ലാം, നീ നല്ലത് പോലെ അഭിനയിച്ചു. നിനക്ക് മുന്നിൽ ഞാൻ ഒരു കോമാളി ആവുക ആയിരുന്നു. അതൊക്കെ നീ നല്ലത് പോലെ ആസ്വദിച്ചോ?? ആരൊക്കെ എന്നെ ചതിച്ചാലും നീ… ഒരു വാക്ക് ഒരു വാക്ക് എന്നോട് പറയണം എന്ന് നിനക്ക് തോന്നിയോ?? ” സങ്കടം വന്നു വാക്കുകൾ കിട്ടാഞ്ഞപ്പോഴും ഒരു വിധം ഞാൻ പറഞ്ഞൊപ്പിച്ചു.
” ഡാ.. അത് ഞാൻ.. ” അവന് എന്തോ എസ്ക്യൂസ്‌ പറയാൻ വന്നു.
” വേണ്ട ഒന്നും പറഞ്ഞു ബുദ്ധിമുട്ടേണ്ട. എനിക്ക് കേൾക്കാൻ താല്പര്യം ഇല്ല. ” ഞാൻ അവനെ തടഞ്ഞു. അവൻ ഒന്നും പറയാതെ തലകുനിച്ചു നിന്നു.
” നീ ഡ്രസ്സ്‌ മാറൂ, ഇന്നലെ രാത്രി ആണ് മരിച്ചത്, ഇനിയും വെച്ചോണ്ട് ഇരിക്കാൻ പറ്റില്ല ” കുറച്ച് നേരത്തെ മൗനതിന് ശേഷം നന്ദു പറഞ്ഞു.
” അവളുടെ കൂടെ ഇരിക്കുന്നവൻ ഇവരുടെ തന്നെ അല്ലേ?? ” എന്റെ ചോദ്യത്തിന് അതേ എന്ന അർഥതിൽ നന്ദു തല ആട്ടി.
” അവൻ ചടങ്ങുകൾ ചെയ്താൽ മതി. ഞാൻ കൊള്ളിവെച്ചാൽ അവർക്ക് മോക്ഷം കിട്ടില്ല. ആത്മാവ് പോലും വെന്ത് ഉരുകി പോവും ” എന്നും പറഞ്ഞു നന്ദുവിന്റെ പോക്കറ്റിൽ നിന്ന് വണ്ടിയുടെ കീയും എടുത്തു ഞാൻ വെളിയിലേക്ക് നടന്നു. നന്ദുവും അച്ഛനും രാം അങ്കിളും ഒക്കെ തടയാൻ നോക്കി എങ്കിലും ഞാൻ നിന്നില്ല. വണ്ടി എടുത്ത് എങ്ങോട്ട് എന്ന് അറിയാതെ വെച്ച് പിടിച്ചു.
ഈ യാത്ര തുടങ്ങി യിട്ട് മണിക്കൂറുകൾ ഒരുപാട് കഴിഞ്ഞിരിക്കുന്നു എവിടെ എത്തി എന്ന് പോലും യാതൊരു പിടിയും ഇല്ല. മനസ്സ് മൊത്തത്തിൽ ബ്ലാങ്ക് ആണ് വല്ലാത്ത വിഷമം, ആരൊക്ക എന്നെ ചതിച്ചാലും ഞാൻ അതൊക്കെ സഹിക്കും പക്ഷെ നന്ദു. എല്ലാം അറിഞ്ഞു വെച്ചു കൊണ്ട് അവൻ എന്നെ ഒരു കോമാളി ആക്കും എന്ന് ഞാൻ ഒരിക്കലും പ്രതീക്ഷിചില്ല. എന്റെ കണ്ണ് ഒക്കെ നിറഞ്ഞ് ഒഴുകുകയാണ് ഇത്രയും നേരം കഴിഞ്ഞിട്ടും കണ്ണീർ വറ്റിയിട്ടില്ല. ഞാൻ ഒരു കൈ കൊണ്ട് കണ്ണ് തുടച്ചു. പെട്ടന്ന് ആണ് വളവു തിരിഞ്ഞ് ഒരു പെണ്ണ് സ്‌കൂട്ടറിൽ വണ്ടിയുടെ മുന്നിൽ വട്ടം ചാടിയത്. ഞാൻ വണ്ടിവെട്ടിച്ചു. വണ്ടി സ്കിഡ് ചെയ്തു സൈഡിൽ ഉള്ള പോസ്റ്റിൽ ചെന്ന് ഇടിച്ചു. ഫ്രണ്ട് എല്ലാം തകർത്തു. വണ്ടി വെട്ടി തിരിഞ്ഞതിന്റെ ഇമ്പാക്റ്റിൽ, സീറ്റ് ബെൽറ്റ് ഇടഞ്ഞ കൊണ്ട് എന്റെ തലയും കയ്യും സൈഡ് ഡോറിന്റെ ഗ്ലാസ്സിൽ ചെന്ന് ഇടിച്ചു. ഗ്ലാസ്‌ തകർത്തു. തലയിൽ കൂടി ചോര ഒഴുകി ഇറങ്ങുന്നത് ഞാൻ അറിഞ്ഞു. ബോധം മറയുന്നതിന് ഇടയിലും സ്കൂട്ടർ നിർത്തി എന്റെ അടുത്തേക്ക് ഓടി വരുന്ന ഒരു പെണ്ണിനെ അവ്യക്തമായി ഞാൻ കണ്ടു.
