2023,
Kambi Kathakal,
Kambi Rajan,
Kambi Stories,
Kambi Story,
Kambikadha,
Mallu Stories,
കമ്പി,
കമ്പികഥകള്,
കമ്പികഥകള്,
മലയാളം കമ്പികഥകള്,
മലയാളം കമ്പികഥകള്
Post Views: 5,738
‘ my girl, ഇത് എന്റെ പെണ്ണാ ‘ ആ വാചകം സത്യത്തിൽ എന്റെ ഉള്ളിൽ കുളിർ കോരി ഇട്ടു. ഈ മനുഷ്യന്റെ വായിൽ നിന്ന് ആദ്യം ആയി ആണ് ഇങ്ങനെ ഒന്ന് കേൾക്കുന്നത്. പക്ഷെ ഉള്ളിൽ ഒരു പേടി ഉണ്ട്. ഇങ്ങേരു ബോക്സർ ആണ്, കോളേജ് വിറപ്പിക്കുന്ന ടീം ആണ്, സീനിയർസിനെ തല്ലിയ കഥകൾ ഒക്കെ കേട്ടിട്ടുണ്ട് പക്ഷെ അപ്പോൾ എല്ലാം നന്ദേട്ടൻ കൂടെ ഉണ്ടായിരുന്നു. ഇപ്പൊ ഇവർ ഏഴുപേരുണ്ട്, ഒറ്റക്ക് എന്ത് ചെയ്യാൻ പറ്റും പോരാത്തതിന് ലീഡർ എന്ന് തോന്നിക്കുന്ന ആ മൊട്ട ഇങ്ങേരുടെ ഇരട്ടി സൈസ് ഉണ്ട്. ഇവിടെ നിന്ന് എങ്ങനെഎങ്കിലും രക്ഷപെട്ട മതി എന്ന ഭാവത്തിൽ ഞാൻ പേടിയോടെ പുള്ളിയെ ഒന്ന് നോക്കി. പക്ഷെ…. അടുത്ത നിമിഷം എന്റെ പേടി ഒക്കെ അസ്ഥാനത്ത് ആയിരുന്നു എന്ന് മനസ്സിലായി. പിന്നെ അവിടെ നടന്നത് ഒക്കെ ഒരുമാതിരി തെലുങ്ക് ഫിലിം കണ്ട ഫീലിംഗ്.
എന്നെ പിടിക്കാൻ വന്നവന്റെ കയ്യിൽ പുള്ളി പിടുത്തം മുറുക്കിയപ്പോൾ അവൻ വിടുവിക്കാൻ നോക്കി. അന്നേരം പുള്ളി അവന്റെ പിന്നിലേക്ക് കയറി അവന്റെ കയ്യ് പിടിച്ചു പുറകിലേക്ക് തിരിച്ചു, ഒരു കയ്യ് അവന്റെ പിൻകഴുത്തിൽ പിടിച്ചു മറു കൈ കൊണ്ട് അവന്റെ കൈ മുകളിലേക്ക് പൊക്കി, അവൻ വേദന കൊണ്ട് കുനിഞ്ഞു. പുള്ളി പിന്നയും അവന്റെ കയ്യ് ഉയർത്തി. ഒരു ശബ്ദത്തോടെ അവന്റെ കയ്യ് ഷോൾഡറിന്റെ അവിടെ വെച്ച് ഒടിഞ്ഞു. അവന്റെ മുഖം ഒക്കെ മാറി വേദന കാരണം വലിയ ശബ്ദത്തിൽ അലറി കരഞ്ഞു. അവന്റെ കരച്ചിൽ കണ്ടു പേടിച്ചു ഞാൻ കണ്ണുകൾ ഇറുക്കി അടച്ചു.
” ഏയ്, കരയല്ലേ മോനുസേ, നിന്റെ കരച്ചിൽ കേട്ട് എന്റെ ആരു മോള് പേടിക്കുന്ന കണ്ടില്ലേ ” അങ്ങേരുടെ ശബ്ദം കേട്ട് ആണ് ഞാൻ കണ്ണ് തുറന്നു നോക്കിയത്. പുള്ളി പുറകിൽ നിന്ന് അവന്റെ കവിളിൽ പിടിച്ചു കൊണ്ട് പറയുകയാണ്. പെട്ടന്ന് അങ്ങേരുടെ ഭാവം മാറി. അവന്റെ പെടലി പിടിച്ചു തിരിച്ചു. അവൻ കരച്ചിൽ നിർത്തി. പുള്ളി പിടുത്തം വിട്ടപ്പോൾ അവൻ നിശ്ചലം ആയി താഴേക്ക് പതിച്ചു. അവൻ മരിച്ചോ എന്ന് ഒരു നിമിഷം ഞാൻ പേടിച്ചു. എന്റെ ഭയം മനസ്സിലായിട്ട് എന്നോളം പുള്ളി അവന്റെ കഴുത്തിൽ വിരൽ വെച്ച് പൾസർ നോക്കിയിട്ട്, മരിച്ചിട്ടില്ല എന്ന് പറയുമ്പോലെ എന്നെ നോക്കി കണ്ണ് അടച്ചു കാണിച്ചു.
” ഡാ ” എന്നൊരു അലർച്ചയോടെ അന്നേരം രണ്ട് പേര് പുള്ളിയുടെ നേരെ ഓടി വന്നു. പുള്ളി മുന്നേ വന്നവന്റെ ഇടിയിൽ നിന്ന് ഒഴിഞ്ഞു മാറി പുറകെ വന്നവന്റെ അടുത്തേക്ക് ചെന്നു ഇടതുകൈ കൊണ്ട് അവന്റെ ഇടി തടുത്തിട്ട് വലതു കൈ കൊണ്ട് അവന്റെ കഴുത്തിൽ കുത്തി പിടിച്ചു. അനായാസം അവനെ പിടിച്ചുയർത്തി. അന്നേരം ആദ്യം വന്നവൻ വീണ്ടും പുള്ളിയുടെ നേരെ ചീറി അടുത്തു. ചവിട്ടാൻ ആയി ഉയർന്നു ചാടി, പുള്ളി ചാക്ക് കെട്ടു വലിച്ച് എറിയും പോലെ പുള്ളിയുടെ കയ്യിൽ ഉണ്ടായിരുന്ന രണ്ടാമത് വന്നവനെ, ഉയർന്നു ചാടിയവന്റെ മേത്തേക്ക് എറിഞ്ഞു. പുള്ളി കഴുത്തിൽ ഞെക്കിപിടിച്ചപ്പോഴേ അവന്റെ ബോധം പോയിരുന്നു. രണ്ടുപേരും താഴെ വീണു.
” ഏട്ടാ ” ലീഡർ മൊട്ട പുള്ളിക്കാരനെ പുറകിൽ നിന്ന് ചവിട്ടാൻ വരുന്നത് കണ്ടു ഞാൻ വിളിച്ചു. പക്ഷെ ഞാൻ വിളിക്കുന്നതിനുള്ളിൽ മൊട്ട അങ്ങേരെ ചവിട്ടി ഇട്ടിരുന്നു. പുള്ളി വീണു കിടന്ന ഇടത്ത് നിന്ന് എഴുന്നേറ്റു. ഒരു ചിരിയോടെ കയ്യ് നെഞ്ചിൽ കുത്തി വിരലിലെ ഞൊട്ട ഒടിച്ചു. എന്നെ നോക്കി ഒന്ന് കണ്ണ് അടച്ചു കാണിച്ചു, പിന്നെ അവനെ നോക്കി പുഞ്ചിരിച്ചു.
മൊട്ട പുച്ഛഭാവത്തിൽ അങ്ങേരെ നോക്കി ചിരിച്ചു. പിന്നെ കയ്യ് കൊണ്ട് വെല്ലുവിളികും പോലെ വരാൻ പറഞ്ഞു വിളിച്ചു. കണ്ണ് അടച്ചു തുറക്കുന്ന ആ ഒരു നിമിഷമേ എടുത്തുള്ളൂ, അങ്ങേര് അവന്റെ തൊട്ട് പറ്റെ എത്തി, എന്നെപ്പോലെ അവനും ആ സ്പീഡും മൂവ്മെന്റും കണ്ടു അമ്പരന്നു നിൽക്കുകയായിരുന്നു, പുള്ളി ചറ പറാന്ന് അവന്റെ നെഞ്ചിലും വയറ്റിലും മാറി മാറി ഇടിച്ചു. മൊട്ടക്ക് ആ ഇടി ഒക്കെ തടുക്കാൻ പോയിട്ട് ഒന്ന് അനങ്ങാൻ പോലും പറ്റിയില്ല അങ്ങനെ തന്നെ നിന്ന് മുഴുവൻ ഇടിയും കൊണ്ടു. ഒരു മിനിറ്റ് തികച്ച് എടുത്തില്ല മൊട്ട ഇടികൊണ്ടു തളർന്നു, ചോര തുപ്പി പുള്ളിയുടെ മുന്നിൽ മുട്ട് കുത്തി ഇരുന്നു, അവന്റെ ബോധം ഉള്ള ബാക്കി കൂട്ടാളികൾ ഒക്കെ ഇത് കണ്ടു പേടിച്ചിരുന്നു. ഓടണോ വേണ്ട യോ എന്ന ഭാവത്തിൽ അങ്ങേരെ തന്നെ നോക്ക് നിൽക്കുവാണു. ഇത് കണ്ടപ്പോൾ എനിക്ക് ഇത്തിരി അഭിമാനവും സന്തോഷവും ഒക്കെ തോന്നി.
പുള്ളി മുട്ട് കുത്തി ഇരുന്ന മൊട്ടയുടെ മുഖത്തു കുത്തിപ്പിടിച്ചു, പിന്നെ ദേഷ്യത്തിൽ തലപിടിച്ചു റോട്ടിൽ ഇട്ടു കുത്തി, അവന്റെ തലപൊട്ടി ചോര ഒഴുകി. അത് കണ്ട് അവന്മാരെ പോലെ എനിക്കും ചെറിയ പേടി തോന്നാതെ ഇരുന്നില്ല. പുള്ളി മൊട്ടയെ വിട്ടിട്ട് എഴുന്നേറ്റു ബാക്കി ഉണ്ടായിരുന്ന നാലു പേരുടേം അടുത്തേക്ക് നടന്നു. അവന്മാർ പേടിച്ചു പുറകിലേക്ക് മാറി.
പെട്ടന്ന് ഞാൻ ആദ്യം കണ്ട ആ മുടിയൻ അവന്റെ ഫസിനോയിൽ നിന്ന് എന്തോ പുറത്ത് എടുത്തു. വാളിന്റെ അത്ര നീട്ടം ഇല്ലാത്ത എന്നാൽ സാധാ കത്തിയേക്കൾ വലിപ്പം ഉള്ള ഒരു കത്തി. അവൻ പുള്ളിയുടെ നേരെ ആ കത്തി വീശി, പുള്ളിക്കാരൻ പെട്ടന്ന് തന്നെ ഒഴിഞ്ഞു മാറി അവന്റെ കയ്യിൽ കയറിപിടിച്ചു. പിന്നെ അവന്റെ കയ്യ് പിടിച്ചു തിരിച്ചു ബലത്തിൽ ആ കത്തി അവനെ കൊണ്ട് അവന്റെ തന്നെ തുടയിൽ കുത്തി ഇറക്കി, അവൻ അലറികരഞ്ഞു. ഞാൻ കണ്ണുകൾ ഇറുക്കി അടച്ചു. കണ്ണ് തുറന്നു നോക്കുമ്പോൾ പുള്ളി അവന്റെ മുടിയിൽ കുത്തി പിടിച്ചു വലിച്ച് ഇഴച്ചു കൊണ്ട് പോവുകയാണ്, ഒരു
ബൈക്കിന്റെ അടുത്ത് എത്തിയപ്പോൾ പുള്ളി അവന്റെ മുടിയിൽ കുത്തിപിടിച്ചു കൊണ്ട് തന്നെ അവനെ ഉയർത്തി, മുഖം പിടിച്ചു ബൈക്കിന്റെ ടാങ്കിൽ ഇടിച്ചു. ഒന്നും രണ്ടും തവണ അല്ല അവനെ അങ്ങനെ ഇടിച്ചു കൊണ്ട് ഇരുന്നു. അവന്റെ വായിൽ നിന്നും മൂക്കിൽ നിന്നും ഒക്കെ ചോര ടാങ്ക്ന്റെ പുറത്തു കൂടി ഒഴുകി. ഞാൻ ചെന്ന് പുള്ളിയുടെ കയ്യിൽ പിടിച്ചു വേണ്ട എന്ന ഭാവത്തിൽ നോക്കി. അന്നേരം പുള്ളി അവനെ വിട്ടു.
” ചാവുന്നതിന് മുന്നേ ഇവന്മാരെ ഒക്കെ ഹോസ്പിറ്റലിൽ കൊണ്ട് പോയി ഇടാൻ നോക്ക് ” ബാക്കി ഉള്ളവരോട് ഇത്രയും പറഞ്ഞിട്ട് പുള്ളി എന്റെ കൈ പിടിച്ചു കാറിന്റെ അടുത്തേക്ക് നടന്നു.
“ആരു വന്നു വണ്ടിയിൽ കയറൂ ” എന്നോട് പറഞ്ഞിട്ട് പുള്ളി വണ്ടിയിൽ കയറി, ഞാനും ഒപ്പം കയറി. പുള്ളി വണ്ടി എടുത്തു. ഞങ്ങൾ ഒന്നും മിണ്ടിയില്ല. ഞാൻ നല്ലത് ഹാപ്പി ആയിരുന്നു, പുള്ളിക്കാരന്റെ ചുണ്ടിലും ഒരു ചെറു പുഞ്ചിരി ഉണ്ടായിരുന്നു. അച്ഛനും നന്ദേട്ടനും ഒക്കെ പറഞ്ഞത് ശരിയാണ്. എന്നോട് ചെറിയ ഇഷ്ടം ഒക്കെ ഉണ്ട്. ഈഗോ കാരണം പുറത്ത് കാണിക്കാത്തതാ മുരടൻ. ഇനി ശരിയാക്കി തരാം ഞാൻ ഒരു പുഞ്ചിരിയോടെ മനസ്സിൽ ഓർത്തു. ഞാൻ പുള്ളിയെ നോക്കി ചിരിക്കുന്നത് പുള്ളി കണ്ടു, അന്നേരം പുള്ളിയുടെ മുഖത്തെ പുഞ്ചിരി മാറി. സ്ഥിരം ഉള്ള ഭാവം വന്നു.