” സത്യം പറയാല്ലോ ചേട്ടായി, ആ സ്ലട്ട് അവന്റെ പുറകെ കടലിലേക്ക് ചാടിയപ്പോ അവളുടെ ശല്യവും തീർന്നെന്ന ഞാൻ ഓർത്തെ. പക്ഷെ അവൾക്ക് ആയുസിന്റെ ബലം കൂടുതൽ ആണ് ” അഞ്ചു വീണ്ടും പറഞ്ഞു. അന്നേരം പ്രാണൻ കിട്ടാതെ വെള്ളത്തിൽ മുങ്ങി പൊങ്ങുന്ന ആരതിയുടെ മുഖം എന്റെ മനസ്സിലേക്ക് ഓടി വന്നു.
“” പഡേ “”
എന്റെ കൈ അഞ്ചുവിന്റെ കരണത്ത് പതിച്ചു. വേദനയിലും വലിയ ഭാവം വെത്യാസം ഇല്ലാതെ എന്നെ നോക്കി. അവൾക്ക് അല്ല അടി കൊണ്ടത് എന്ന ഭാവം ആയിരുന്നു അവളിൽ..
” ഞാൻ എന്തേലും കടുത്തു ചെയ്യുന്നതിന് മുന്നേ എന്റെ കണ്മുന്നിൽ നിന്ന് പോ, എന്റെ കണ്ണിന്നു മുന്നിൽ നിന്നെ കാണരുത് ” ഞാൻ കടുപ്പിച്ചു പറഞ്ഞു. അന്നേരം അവളുടെ കണ്ണുകൾ ഒന്ന് ചലിച്ചു.
” ചേ… ചേട്ടായി ” അവൾ വിളിച്ചു
” പോ… ” ഞാൻ അലറി. എന്റെ മുഖഭാവവും മറ്റും കണ്ട് അഞ്ചു വല്ലാതെയായി. അവളുടെ കണ്ണിൽ നിന്ന് കണ്ണുനീർ ഒഴുകി. ഒരക്ഷരം മിണ്ടാതെ അവിടെനിന്നും പോയി. ഞാൻ തളർന്നു പൂൾ സൈഡിൽ ഇരുന്നു..
അഞ്ചു… എന്നോട് ഉള്ള ഇഷ്ട്ടം ആ പെണ്ണിനെ വല്ലാതെ മാറ്റിയിരിക്കുന്നു. ഒരു കുഞ്ഞു ജീവൻ ഇല്ലാതെ ആക്കാൻ പോലും അവൾക്ക് മടിയില്ലന്ന് പറയുമ്പോ… എന്റെ കയ്യും കാലും തളരുന്നു. അഞ്ചുവിന് എന്നോട് ഇഷ്ട്ടം ഉണ്ടെന്ന് എനിക്ക് അറിയാമായിരുന്നു എങ്കിലും അത് ഇത്രയും ഭീകരമായിരുന്നു എന്ന് ഞാൻ ഒരിക്കൽ പോലും ചിന്തിച്ചിരുന്നില്ല.
‘ അപ്പച്ചിയോട് പറഞ്ഞ് അവളെ ഒരു കൗൺസിലിംഗ്ന് കൊണ്ടോവണം ‘ ഞാൻ മനസ്സിൽ ഓർത്തു.
” ചേട്ടായി ” ഓരോന്ന് ആലോചിച്ച് ഞാൻ എത്രനേരം അവിടെ ഇരുന്ന് എന്ന് അറിയില്ല, അച്ചുവിന്റെ വിളി കേട്ടാണ് ഞാൻ ആലോചനകളിൽ നിന്ന് ഉണർന്നത്.
” ചേട്ടായി ഇവിടെ ഇരിക്കുവാണോ?? ഞാൻ എവിടെ ഒക്കെ തിരക്കി. അഞ്ചുചേച്ചി പോയി ” അച്ചു എന്റെ അരികിൽ ഇരുന്നോണ്ട് പറഞ്ഞു.
” എവിടേക്ക്??” ഞാൻ അച്ചുനോട് ചോദിച്ചു.
” ചേച്ചിടെ വീട്ടിൽ, കോളേജ് പ്രൊജക്റ്റ്ന്റെ ബ്രേക്ക് നു വന്നതാ, ഇപ്പൊ ഫ്രണ്ട് ആരോ വിളിച്ചിട്ട് പ്രൊജക്റ്റ്ൽ എന്തോ എറർ ഉണ്ടെന്ന് പറഞ്ഞെന്ന്. അത് കൊണ്ട് അവൾക്ക് വേഗം പോണോന്ന് പറഞ്ഞു പോയി. ബസ് സ്റ്റോപ്പിലേക്ക് ആക്കാൻ ചേട്ടായിയെ നോക്കി, കാണാതെ വന്നപ്പോ അച്ഛൻ കൊണ്ട് ചെന്ന് ആക്കി ”
” hmm ” അച്ചു പറഞ്ഞത് കേട്ട് ഞാൻ ഒന്ന് മൂളി. പക്ഷെ എന്റെ മനസ്സ് ഒട്ടും ശാന്തം ആയിരുന്നില്ല.
‘ അവൾ വല്ല കടുംകൈയും?? ‘ വേണ്ടാത്ത ചിന്തകൾ എന്നെ വലച്ചു. ഞാൻ ഫോൺ എടുത്ത് അവളെ വിളിച്ചു.
” ഹലോ, ചേട്ടായി പേടിക്കണ്ട. ഞാൻ വീട്ടിലേക്ക് തന്നാ പോവുന്നെ, അത്ര പെട്ടന്ന് ഒന്നും ഈ ശല്യം ചേട്ടായിയെ വിട്ടിട്ട് പോവില്ല ” ഞാൻ ഫോൺ എടുത്ത് എന്തേലും പറയുന്നതിന് മുന്നേ തന്നെ അവൾ പറഞ്ഞിട്ട് കട്ട് ചെയ്തു.
” എന്താ ചേട്ടായി ” അച്ചു എന്റെ മറ്റും ഭാവവും കണ്ട് ചോദിച്ചു. ഞാൻ ഒന്നുമില്ലന്ന് പറഞ്ഞു.
” ഹാ ചേട്ടായി വാ, ആരുവേച്ചി റെഡിയായി നിൽക്കാൻ തുടങ്ങിയിട്ട് നേരം കുറച്ചായി. അച്ചു പറഞ്ഞപ്പോഴാണ് ആരതിയുടെ വീട്ടിൽ പോണകാര്യം ഞാൻ ഓർത്തത് തന്നെ. ഞങ്ങൾ രണ്ടുപേരും എഴുന്നേറ്റ് അകത്തേക്ക് നടന്നു. ആരതി റെഡിയായി ഹാളിൽ ഇരിക്കുവാണ്. ഒരു green ആൻഡ് yellow കളർ സാരിയാണ് വേഷം. സാരിയിൽ അവളുടെ സൗന്ദര്യം ഒരുപാട് കൂടിയോ?? ഞാൻ ആ മുഖത്തേക്ക് നോക്കി. ഒരു നിമിഷം എന്റെ നെഞ്ച് ഒന്ന് കാളി, ആ മൂക്കിൽ ഒരു വെള്ള കല്ല് വെച്ച മൂക്കുത്തി ഉണ്ടായിരുന്നു, ഞാൻ അന്ന് വാങ്ങിയ മൂക്കുത്തി. ഞാൻ നോക്കുന്നത് കണ്ട് അവളിൽ ഒരു ചിരി വിടർന്നു, ആ ചിരി കൂടി ആയപ്പോ uff.. എനിക്ക് എന്താ സംഭവിക്കുന്നത് എന്ന് പറയാൻ പറ്റുന്നില്ല.
പെട്ടന്ന് എന്റെ അടിവയറ്റിൽ ഒരു കുത്ത് കിട്ടി ഞാൻ സമനില വീണ്ടെടുത്തു. അച്ചു ഒരു കള്ള ചിരിയോടെ നിക്കുവാണ്.
” സ്വന്തം കെട്ടിയോളെ ഇങ്ങനെ വായിനോക്കാൻ നാണം ഇല്ലേ അതും ഹാളിൽ തന്നെ നിന്നോണ്ട്. പ്രായപൂർത്തി ആയ ഒരു പെൺകുട്ടി ഇവിടെ ഉള്ളത് എങ്കിലും ഓർക്കണ്ടേ ” അച്ചു കല്ലചിരിയോടെ കൂട്ടിചേർത്തു. അന്നേരം ഞാൻ അവളുടെ തലക്കിട്ട് ഒരു കൊട്ട് കൊടുത്തിട്ട് ഞാൻ ആരതിയെ മൈന്റ് ചെയ്യാതെ റൂമിലേക്ക് പോയി. വേഗം കുളിച്ചു പുറത്ത് ഇറങ്ങി. ഒരു മുണ്ടും ഇളം മഞ്ഞ നിറമുള്ള ഷർട്ടും എടുത്തിട്ടു.
” ഇതെന്നാ കെട്ട്യോനും കെട്ട്യോളും മാച്ചിംഗ് മാച്ചിംഗ് കളിക്കുവാണോ?? ” താഴേക്ക് വന്ന എന്നെ കണ്ട് അച്ചു. പെട്ടന്ന് ഉണ്ടായ ഒരു തോന്നലിൽ എടുത്ത് ഇട്ടതാണ്. ബട്ട് വേണ്ടിയിരുന്നില്ല. മാനം പോയി, ഇനിപ്പോ മാറാൻ നിന്നാൽ അതിലും പണിയാകും.
‘ അജു നിനക്ക് ന്താടാ പറ്റിയെ??’ ഞാൻ എന്നോട് തന്നെ ചോദിച്ചതാണ്.
” എന്റെ കാറിന്റെ കീ കണ്ടോ ” ഞാൻ ആരോട് എന്ന് ഇല്ലാതെ ചോദിച്ചു. റൂമിൽ കണ്ടില്ല, സൊ ശരിക്കും ചോദ്യം ആരതിയോട് ആണ്.
” അച്ഛന്റെ കാർ കംപ്ലൈന്റ് ആയോണ്ട്, ചേട്ടായിന്റെ കാരും കൊണ്ടാണ് അച്ഛൻ പോയത് ” അച്ചു.
” അപ്പൊ ഞങ്ങൾ എങ്ങനെ പോവും ”
” ബൈക്കിന് പോ ” അച്ചു അത് പറഞ്ഞപ്പോ ഞാൻ ആരതിയെ നോക്കി അവൾക്ക് വലിയ ഭാവ വെത്യാസം ഒന്നും ഇല്ല. ഞാൻ പിന്നെ ബൈക്കിന്റെ കീയും എടുത്തു പുറത്തേക്ക് ഇറങ്ങി. ഒപ്പം ആരതിയും അച്ചുവും. അച്ചുന്റെ അമ്മയും കീർത്തനയും അവർക്ക് പുറകെ വന്നു. ഞാൻ അച്ചുവിനു ടാറ്റാ കൊടുത്തിട്ട് ബൈക്ക് സ്റ്റാർട്ട് ചെയ്തു, ആരതി എന്റെ പുറകിൽ കേറി. ഞാൻ വണ്ടി വിട്ടപ്പോൾ ഒരു കണ്ണ് അടച്ച് ചിരിയോടെ ആരതിക്ക് നേരെ കൈ കൊണ്ട് ഓക്കേ കാണിക്കുന്ന അച്ചുനെ ഞാൻ ബൈക്കിന്റെ മിററിൽ കണ്ടു.
ഞങ്ങൾ രണ്ടുപേരും ബൈക്ക് ഓടിച്ചു കുറെ ദൂരം പൊന്നു, അന്നത്തെ ആ പാലത്തിന്റെ അടുത്ത് എത്തിയപ്പോൾ ഞാൻ ഒന്ന് സ്ലോ ആയി. അന്ന് സംഭവിച്ച കാര്യങ്ങൾ ഒക്കെ എന്റെ മനസ്സിലേക്ക് വന്നു. പെട്ടന്ന് ആണ് എന്നെ പിടിക്കാതെ സീറ്റ് ഹാൻഡിലിൽ വെച്ചിരുന്ന അവളുടെ കൈ എന്റെ ഷോൾഡറിൽ വെച്ചത്. പിന്നെ അവളുടെ തല എന്റെ തോളിന്റെ അടുത്തേക്ക് കൊണ്ട് വന്നു.
” ബജ്ജി വേണം ”
” എന്ത്?? ” എനിക് പെട്ടന്ന് കിട്ടിയില്ല..
” എനിക് ബജ്ജി വേണോന്ന് ” അവൾ ഒച്ച കൂട്ടി കൊഞ്ചുന്ന പോലെ പറഞ്ഞു. അന്നേരം ആണ് റോഡ് സൈഡിൽ ഒരു ബജ്ജിക്കട ഞാൻ കണ്ടത്. അത് കണ്ടിട്ടാണ് പെണ്ണിന്. ഞാൻ പിന്നെ വലിയ ബലമൊന്നും പിടിക്കാതെ വണ്ടി കടയുടെ അരികിൽ ഒതുക്കി. വണ്ടി നിന്നതും അവൾ ചാടി ഇറങ്ങി രണ്ടു സെറ്റ് ഓഡർ ചെയ്തു. കടക്കാരൻ ചൂടോടെ രണ്ട് പ്ളേറ്റ് ആക്കി തന്ന ബജ്ജി ഞങ്ങൾ കഴിക്കാൻ തുടങ്ങി. അന്നേരം ആണ് എന്റെ ഫോൺ റിങ് ചെയ്തത്. ദർശു. ഞാൻ ഫോൺ എടുത്തു.