അവനെ എല്ലാവരും അവസാനമായി കണ്ടോണ്ട് ഇരിക്കുമ്പോ ആണ് കലങ്ങിയ കണ്ണുകളോടെ ക്രിസ്റ്റി അവിടേക്ക് വരുന്നത്. അവളുടെ ഒപ്പം കൃഷ്ണയും ഉണ്ടായിരുന്നു. ഫസ്റ്റ് ഇയർ തൊട്ട് ക്രിസ്റ്റിയുടെ പുറകെ നടന്നതാണ് ടോണി. അവൾക്ക് ഇഷ്ടം ആയിരുന്നില്ല എങ്കിലും അവന് ഇങ്ങനെ ഒരു വിധി ആയതിൽ അവൾക്ക് സങ്കടം ഉണ്ടാവും.. ക്രിസ്റ്റി അവനെ കിടത്തിയ മൊബൈൽ മോർച്ചറിക്ക് അരികിലെത്തി.. അവളുടെ കണ്ണിൽ നിന്ന് ധാര ധാരയായി കണ്ണ് നീർ പൊഴിയാൻ തുടങ്ങി. പൊടുന്നനെ ഞങ്ങളെ എല്ലാവരെയും ഞെട്ടിച്ചു കൊണ്ട് അവൾ മോർച്ചറിയുടെ ഗ്ലാസ്സിലേക്ക് അലറി കരഞ്ഞു കൊണ്ട് വീണു..
ആ കാഴ്ച അവിടെ നിന്ന എല്ലാവരുടെയും നെഞ്ച് പിടച്ചു. പറയാതെ വച്ചിരുന്ന പ്രണയം ആണ് അവളുടെ കരച്ചിലായ് ഇപ്പൊ ഒഴുകുന്നത്. അവൻ അവളുടെ ഉള്ളിലെ സ്നേഹം ഒരിക്കലും അറിഞ്ഞില്ലല്ലോ എന്നോർത്തപ്പോ എനിക്കും വല്ലാണ്ട് സങ്കടം വന്നു. ക്രിസ്റ്റി അവന്റെ പേരെടുത്തു വാവിട്ട് കരയാൻ തുടങ്ങിയപ്പോൾ അവിടെ ചുറ്റും നിന്ന എല്ലാവരും കരയാൻ തുടങ്ങി… ഞാൻ പിന്നെ അധികം നേരം അവിടെ നിന്നില്ല. ഇത്തരം സാഹചര്യങ്ങൾ എന്നെ അനിയുടെയും മോളുടെയും മരണം ഓർമിപ്പിക്കും…
ഇഷാനിയേയും കൂട്ടി ഞാൻ അവിടെ നിന്നും പുറത്തിറങ്ങി. ഇഷാനി നല്ല കരച്ചിൽ ആയിരുന്നു പുറത്തു ഇറങ്ങിയപ്പോൾ. അവൾ മാത്രമല്ല അവിടെ നിന്ന ഒട്ടുമിക്ക പെൺകുട്ടികളും കരഞ്ഞിരുന്നു. ഇഷാനിയെ ഞാൻ ഒരുവിധം ആശ്വസിപ്പിച്ചു റെഡിയാക്കി. ആൾ ഓക്കേ ആയെങ്കിലും അവളുടെ ഉള്ളിൽ എന്തോ ഒരു സങ്കടം കിടപ്പുണ്ടായിരുന്നു.. വീട്ടിൽ വന്നിട്ടും അവളുടെ മൂഡോഫ് മാറിയില്ല എന്നെനിക്ക് തോന്നി. നാളെ അവൾ നാട്ടിലേക്ക് പോകാൻ ഇരുന്നതാണ്.. എക്സാമും പ്രോജക്റ്റും എല്ലാം കഴിഞ്ഞല്ലോ. പക്ഷെ വൈകുന്നേരം അവൾ വീട്ടിൽ വിളിച്ചിട്ട് കുറച്ചു ദിവസം കൂടി കഴിഞ്ഞേ വരുള്ളൂ എന്ന് പടന്നുന്നത് ഞാൻ കേട്ടൂ. എന്നോട് അവൾ അതിനെ കുറിച്ച് ഒന്നും സംസാരിച്ചില്ല.. എനിക്ക് ആണെങ്കിലും അവൾ പോകുന്നത് വിഷമം ഉള്ള കാര്യമാണ്. ഇപ്പൊ അവൾക്കും നാട്ടിൽ പോയി കുറച്ചു ദിവസം മാറി നിൽക്കാൻ വയ്യ എന്ന അവസ്ഥ ആയി..
‘പാവം ആ പയ്യൻ ഒരിക്കലും അറിയില്ല അല്ലേ അവൾക്ക് അവനോട് തിരിച്ചു ഇഷ്ടം ഉണ്ടായിരുന്നു എന്ന്…?
രാത്രി കിടക്കുമ്പോളും ഇഷാനി അവരുടെ കാര്യം തന്നെ പറഞ്ഞോണ്ട് ഇരുന്നു
‘ഇല്ല.. എനിക്ക് അത് ആലോചിച്ചപ്പോൾ വിഷമം തോന്നി..’
‘ അവൾ ഇതെങ്ങനെ സഹിക്കും..? എനിക്ക് ഓർക്കാൻ കൂടി വയ്യ..’
ക്രിസ്റ്റിയേ കുറിച്ച് ഓർത്തപ്പോ ഇഷാനിക്ക് സങ്കടം വന്നു. ക്രിസ്റ്റി ഒക്കെ കൃഷ്ണയുടെ കൂടെ നിന്ന് ഇഷാനിയെ ഒരുപാട് പണിഞ്ഞിട്ട് ഉള്ളതാണ്. പക്ഷെ ഇപ്പൊ ഇഷാനി അതൊന്നും ഓർക്കുന്നു പോലും ഉണ്ടാവില്ല
‘അവൾ ഇപ്പൊ ഇത്തിരി ഓക്കേ ആണ്.. ഞാൻ കൃഷ്ണയെ വിളിച്ചിരുന്നു..’
ഞാൻ പറഞ്ഞു
‘അവൾ ഓക്കേ ആവില്ല.. എനിക്ക് അറിയാം.. അവൾക്ക് ഇത് ഒരിക്കലും മറക്കാൻ പറ്റില്ല..’
ഇഷാനി പറഞ്ഞു
‘മറക്കാൻ പറ്റില്ല. പക്ഷെ അവൾ എല്ലാം ഓവർകം ചെയ്യും.. നീ അത് ആലോചിച്ചു ടെൻഷൻ അടിക്കാതെ…’
ഞാൻ അവളോട് പറഞ്ഞു
‘അങ്ങനെ ഓവർകം ചെയ്യാൻ പറ്റുമോ…?
അവൾ എന്നോട് ചോദിച്ചു
‘നമുക്ക് രണ്ട് പേർക്കും പലതും ഓവർകം ചെയ്യാൻ പറ്റിയില്ലേ..? നമ്മൾക്ക് രണ്ട് പേർക്കും അതിലെല്ലാം ഇപ്പോളും വിഷമം ഉണ്ട്. പക്ഷെ അത് മനസ്സിൽ വച്ചു പിന്നെ വരുന്ന സന്തോഷം നമ്മൾ അറിയുന്നില്ലേ…? അത് പോലെ അവളും ഓക്കേ ആകും..’
ഞാൻ പറഞ്ഞു
‘അതേ.. പക്ഷെ പ്രണയിക്കുന്ന ആൾ നഷ്ടം ആകുന്നത് നല്ല പെയിൻഫുൾ അല്ലേ..? അതും ഇഷ്ടം ഒന്ന് പറയാൻ പോലും പറ്റിയില്ല..’
ഇഷാനി സങ്കടത്തോടെ പറഞ്ഞു
‘അത് അവളുടെ മിസ്റ്റേക്ക് ആണ്.. ഞാൻ തന്നെ അവളോട് ഇവന്റെ കാര്യം ഒക്കെ സംസാരിച്ചിട്ടുണ്ട്. അവൾ താല്പര്യം ഇല്ലാത്ത പോലെയാണ് അന്നൊക്കെ റിപ്ലൈ തന്നത്. ഇഷ്ടം ഉണ്ടേൽ അത് പ്രകടിപ്പിക്കണം.. അല്ലാതെ മൂടി വച്ചിട്ടും മാറ്റി വച്ചിട്ടും ഒന്നും കാര്യമില്ല.. ഇനിയിപ്പോ ഈ റിഗ്രറ്റ് മനസിൽ ഇട്ടു അവൾ ജീവിക്കണം.. കഷ്ടമാണ്. പക്ഷെ എന്ത് ചെയ്യാൻ പറ്റും…’
ഞാൻ പറഞ്ഞു