വാതിൽ തള്ളി തുറന്നു അയാൾ അകത്തേക്ക് നടന്നു വന്നു..
‘സാപ്പിട ഏതാവത് വേണമാ…?
നാക്ക് കൊണ്ട് ഒരു അശ്ലീല ആംഗ്യം കാണിച്ചു അയാൾ ചോദിച്ചു
‘വേ.. വേണ്ട..’
വിറച്ചു കൊണ്ട് കൃഷ്ണ പറഞ്ഞു
‘ഏൻ.. പസിക്കിലയ…?
അയാൾ അവളുടെ അടുത്തേക്ക് വന്നു.. കൃഷ്ണ പേടിച്ചു കസേരയിൽ നിന്നും എഴുന്നേറ്റു
‘എന്നെ ഒന്നും ചെയ്യരുത്.. എന്നെ എന്തിനാ ഇവിടെ പിടിച്ചു വെച്ചിരിക്കുന്നെ…?
കൃഷ്ണ കരച്ചിൽ അടക്കി പിടിച്ചു ചോദിച്ചു
‘ഭയപ്പെടാതെ… ഉൻ ആൾ ഉന്നെ കൂട്ടീട്ട് പൊക വന്തിടും.. പ്രച്ചനൈ നാൻകളും അവനുക്കും.. നീ ഇടയിലെ വന്ത് കറക്റ്റ് ആ മാട്ടികിട്ടെ…’
തമിഴൻ പറഞ്ഞു
‘ആര്…? അർജുനോ…?
അയാൾ പറഞ്ഞത് കൃഷ്ണയ്ക്ക് എവിടെയൊക്കെയോ മനസിലായി
‘ആമ.. അർജുൻ സാർ താൻ..’
‘അവനുമായുള്ള കാര്യത്തിന് എന്നെ എന്തിനാ പിടിച്ചു വയ്ക്കുന്നെ..? ഞാനും അവനുമായി യാതൊരു ബന്ധവും ഇല്ല.. ‘
കൃഷ്ണ പറഞ്ഞു
‘പൊയ് സൊല്ലാതെ. അപ്പുറം ഏൻ നീ അങ്കെ വന്തിട്ടെ..?
തമിഴൻ ചോദിച്ചു
‘ അത് ഞാൻ അവനെ കാണാൻ വന്നതാ. ഞങ്ങൾ ഒരു ക്ലാസ്സിലാ പഠിച്ചത്.. അല്ലാതെ ഞാൻ അവന്റെ ആരുമല്ല.. എന്നെ വെറുതെ വിട്..’
കൃഷ്ണ കരഞ്ഞു പറഞ്ഞു. തമിഴൻ ആദ്യം അത് വിശ്വസിച്ചില്ല എങ്കിലും പിന്നെയും പിന്നെയും കൃഷ്ണ അത് ആവർത്തിച്ചപ്പോൾ അയാൾക്ക് ഒരു സംശയം തോന്നി. അയാൾ തന്റെ മുതലാളിയെ വിളിച്ചു
‘അന്ത പൊണ്ണ് സൊല്ലറത് പാത്ത അവനുക്കും അവളുക്കും എന്ന സംബന്ധവും കിടായത്. അപ്പിഡീന്ന അവൻ അന്ത കൊറിയർ നമുക്ക് എക്സ്ചേഞ്ച് പണ്ണ മാട്ടാന്ന് തോന്റ്റിത്..’
അയാൾ പറഞ്ഞു
‘അവൻ തരാം എന്ന് തന്നെ അല്ലേ പറഞ്ഞത്.. നമുക്ക് നോക്കാം. നീ ആ പെണ്ണിന്റെ ഫോട്ടോ ഒന്ന് അയച്ചേ..’
ദേവരാജൻ തമിഴനോട് പറഞ്ഞു. അയാൾ അത് പോലെ കൃഷ്ണയുടെ ഫോട്ടോ ദേവരാജൻ മുതലാളിക്ക് അയച്ചു കൊടുത്തു.
അയാൾ കണ്ണട എടുത്തു വച്ചു അവളെ സൂക്ഷിച്ചു നോക്കി. ഈ പെണ്ണിനെ ആണ് പലപ്പോഴും അർജുന്റെ കൂടെ കണ്ടിട്ടുള്ളത്. പണ്ടൊരിക്കൽ ബാറിൽ വച്ചു അവന്റെ തോളിൽ തൂങ്ങി കിടന്നത് ഇവളാണ്. അവനു തല്ല് കൊണ്ട് ഹോസ്പിറ്റലിൽ കിടന്നപ്പോളും ഇവൾ ഒപ്പം തന്നെ ഉണ്ടായിരുന്നു. ആ പെണ്ണ് തന്നെ ആണ് ഇത്.. അതോ തനിക്ക് ആൾ മാറിയോ…? ദേവരാജന് ഉള്ളിലൊരു സംശയം ഉടലെടുത്തു
‘മുരുകാ.. ഇങ്ങ് വന്നെ…’
ദേവരാജൻ തന്റെ ജോലിക്കാരനെ അടുത്തേക്ക് വിളിച്ചു..
‘ഈ പെണ്ണിനെ ആണോ അന്ന് നമ്മൾ ഹോസ്പിറ്റലിൽ കണ്ടത്…?
ദേവരാജൻ ഫോൺ ആ താടിക്കാരന് നേരെ നീട്ടി. അയാൾ ആ പിക്കിൽ സൂക്ഷിച്ചു നോക്കി
‘അതെ മുതലാളി.. ആ പെണ്ണ് തന്നെ ആണ് ഇത്…’
അന്ന് ഹോസ്പിറ്റലിൽ അർജുന് പരിക്ക് പറ്റി കിടന്നപ്പോ ദേവരാജന് ഒപ്പം കാണാൻ മുരുകനും ഒപ്പം പോയിരുന്നു. അത് കൊണ്ട് തന്നെ ആ പെൺകുട്ടിയെ അയാളും തിരിച്ചറിഞ്ഞു
‘ ആ സെൽവം പറയുന്നത് എന്നിട്ട് ഇവൾ അവനുമായി പ്രേമം ഒന്നും ഇല്ലെന്ന് ആണല്ലോ..’
ദേവരാജൻ പറഞ്ഞു
‘അത് പിന്നെ ഇപ്പോളത്തെ പിള്ളേർ അല്ലേ.. പ്രേമം ഇല്ലേലും എല്ലാം കാമുകിയും കാമുകനെയും പോലെ ആണ് നടപ്പ്. ചിലപ്പോൾ അതാകും..’
മുരുകൻ പറഞ്ഞു
‘ആവും. എന്തായാലും അവന് വേണ്ടപ്പെട്ട പെണ്ണാണ് ഇത് അല്ലേ..?
‘അതേ. അങ്ങനെ ആണ് എനിക്ക് തോന്നുന്നത്..’
‘അപ്പൊ അവൻ അത് കൊണ്ട് വന്ന് തരും.. അവളുടെ ജീവനെ പേടിച്ചു..’
ദേവരാജൻ അത് മനസിൽ കണ്ട് കൊണ്ട് പറഞ്ഞു
‘അതേ.. ആ പെണ്ണിന് ഒന്നും പറ്റില്ലല്ലോ അല്ലേ…?
മുരുകൻ ചോദിച്ചു
‘അവളെ നമുക്ക് എന്തിനാ.. അവൻ വേറെ വേലകൾ ഒന്നും കാണിച്ചില്ലേ അവൾക്ക് ജീവൻ കിട്ടും..’
അയാൾ പറഞ്ഞു
‘ആ സെൽവം ആളത്ര വെടിപ്പ് അല്ല. അയാളുടെ കൂടെ ഉള്ളോരും.. ആ പെണ്ണിനെ അയാൾ എന്തേലും ചെയ്യുമോ..?
മുരുകൻ ചോദിച്ചു
‘അവനെ എനിക്കറിയാം വർഷങ്ങൾ ആയി… അവന്റെ അടുത്ത് ആ കൊച്ചിനെ ഇടുന്നത് അടുത്ത പണി ഉണ്ടാക്കും.. നീ പറഞ്ഞത് ശരിയാ… നീ ഒരു കാര്യം ചെയ്യ്.. അങ്ങോട്ട് ചെല്ല്.. ഞാൻ പറയാതെ ആ പെണ്ണിനെ ആരും തൊട്ട് പോലും നോക്കരുത്.. അത് നിന്റെ ഉത്തരവാദിത്തം ആണ്..’
ദേവരാജൻ മുരുകനോട് പറഞ്ഞു. അയാൾ തലയാട്ടി അത് സമ്മതിച്ചു..