‘എടാ കുണ്ണേ….’
എന്നേ കൊല്ലാൻ വടിവാൾ ആയി വന്നവൻ താടിക്കാരന് നേരെ കുതിച്ചു. അവന് പിന്നാലെ ബാക്കി ഉള്ളവരും. എന്റെ പിന്നിൽ എന്നേ ചേർത്ത് കസേരയിൽ ഇരുത്തിയ കൈകൾക്ക് ബലം കുറഞ്ഞത് ഞാൻ അറിഞ്ഞു. പൊടുന്നനെ ഞാൻ കസേരയിൽ നിന്നും ചാടി എഴുന്നേറ്റ് പിന്നിൽ നിന്നവന്റെ മൂക്കിൽ ഇടിച്ചു.. സകല ശക്തിയും എടുത്തു രണ്ടാമത് ഒന്ന് കൂടെ ഇടിച്ചപ്പോൾ അവൻ നിലത്ത് വീണു.. പിന്നിലായ് മറ്റൊരുവൻ കൂടെ നിൽക്കുന്നുണ്ട്. പക്ഷെ അവൻ എന്റെ അടുത്തേക്ക് വരുന്നില്ല.. മാറി തന്നെ നിൽക്കുകയാണ്.. ഞാൻ മറ്റുള്ളവരെ നോക്കി. അവരാ താടിക്കാരന് നേരെ ആണ് പോകുന്നത്.. ഞാൻ അയാളെ സഹായിക്കണോ…? എനിക്ക് ഒരു ചാൻസ് കിട്ടിയത് അയാൾ കാരണം ആണ്. തിരിച്ചു അയാളെ സഹായിക്കാൻ എനിക്ക് തോന്നി
ഞാൻ ഇരുന്ന കസേര എടുത്തു ഏറ്റവും പിന്നിൽ ആയി ഓടുന്നവന്റെ തലയിൽ ആഞ്ഞു അടിച്ചു. അവൻ അടി കൊണ്ട് നിലത്തേക്ക് വീണു.. ആദ്യം ഓടിയെത്തിയവനെ താടിക്കാരൻ തന്നെ നേരിട്ടു. ചുറ്റിക കൊണ്ട് താടിയിൽ അടി കിട്ടി അവൻ വീണു. പക്ഷെ പിന്നാലെ വന്നവന്റെ കത്തി കൊണ്ടുള്ള വീശ് അയാളുടെ കയ്യിൽ കൊണ്ടു. ചുറ്റിക താഴെ വീണു. കയ്യിൽ നിന്നും ചോര ഒഴുകി.. രണ്ടാമത്തെ വീശ് താടിക്കാരന്റെ കഴുത്തു ലക്ഷ്യമാക്കി ആയിരുന്നു.. പക്ഷെ അതിന് മുന്നേ ഞാൻ അവർക്ക് അരികിലേക്ക് ഓടിയടുത്തു.. ദേവരാജനെ കവച്ചു ചാടി അയാൾ ഇരുന്ന കസേര ഞാൻ വെട്ടിയ കത്തിയിലേക്ക് അടിച്ചു. കത്തിയുടെ ലക്ഷ്യം മാറി.. രണ്ടാമത്തെ വെട്ടിൽ നിന്നും താടിക്കാരൻ രക്ഷപെട്ടു. കത്തി പിടിച്ചവന്റെ അടുത്ത ലക്ഷ്യം ഞാൻ ആയിരുന്നു. എനിക്ക് നേരെ അവൻ കത്തി ആഞ്ഞു വീശി. പിന്നോട്ട് വേഗത്തിൽ മാറി ഞാൻ അതിൽ നിന്നും ഒഴിഞ്ഞു.. ഈ സമയം കൊണ്ട് കയ്യിൽ കിട്ടിയ ചെടിച്ചട്ടി എടുത്തു താടിക്കാരൻ അയാളുടെ തലയിൽ അടിച്ചു. ഒരു അലർച്ചയോടെ അയാളും നിലം പതിച്ചു.. അപ്പോളേക്കും കസേരയുടെ അടി കൊണ്ട് വീണവൻ എനിക്ക് നേരെ ഓടി എത്തിയിരുന്നു.. ഞാൻ അവന്റെ അടിയിൽ നിന്നും കുനിഞ്ഞു ഒഴിഞ്ഞു മാറി അവനെ അരയിൽ തൂക്കി എടുത്തു ഡൈനിങ് ടേബിളിലേക്ക് എറിഞ്ഞു.. ഒരു വലിയ ശബ്ദത്തോടെ ഡൈനിങ് ടേബിൾ തകർന്നു വീണു…
പെട്ടന്ന് തന്നെ ഞാൻ നിലത്ത് കിടന്ന ചുറ്റിക എടുത്തു കയ്യിൽ പിടിച്ചു. ദൂരെ പിന്നിൽ നിൽക്കുന്ന ഗുണ്ട ഇപ്പോളും ഞങ്ങളുടെ അടുത്തേക്ക് വരുന്നില്ല. അയാൾ കയ്യിൽ ഒരു കത്തിയും മുറുക്കെ പിടിച്ചു എന്നെയും താടിക്കാരനെയും മാറി മാറി നോക്കുകയാണ്.. ആ സമയം എന്റെ ആദ്യത്തെ ഇടി കൊണ്ടവൻ പതിയെ എഴുന്നേറ്റ് വന്നു. ഞാൻ ഓടി അവന്റെ അടുത്ത് ചെന്നു ചുറ്റിക കൊണ്ട് മൂക്കിൽ പിന്നയും ഒരിടി കൊടുത്തു. താഴെ വീഴുന്നതിന് മുന്നേ അവന്റെ മൂക്കിൽ രണ്ടെണ്ണം കൂടി ഞാൻ കൊടുത്തു.. ഇത് കണ്ട് കൊണ്ടാവണം ദൂരെ മാറി നിന്നവൻ ഞങ്ങളെ ഉപേക്ഷിച്ചു ഓടി രക്ഷപെടാൻ ശ്രമിച്ചു. അവൻ ഓടി വാതിലിന് അടുത്ത് എത്താറായപ്പോളേക്കും ഞാൻ കയ്യിലിരുന്ന ചുറ്റിക വായുവിൽ കറക്കി കയ്യിൽ പിടിച്ചു അയാളുടെ തല ലക്ഷ്യമാക്കി ഒരേർ എറിഞ്ഞു.. വാതിൽ കടന്നു വെളിയിലേക്ക് പോകുന്നതിന് മുമ്പ് തന്നെ ചുറ്റിക അയാളുടെ തലയ്ക്കു പിന്നിൽ ശക്തിയായി വന്നടിച്ചു. വാതിൽപ്പടിയിൽ അവൻ കുഴഞ്ഞു വീണു.. വീണിട്ടും നിരങ്ങി പുറത്തേക്ക് പോകാൻ അയാൾ ശ്രമിച്ചു..
അപ്പോളാണ് മുറ്റത്ത് ഒരു വണ്ടി വന്നലച്ചു നിൽക്കുന്ന ശബ്ദം ഞാൻ കേട്ടത്.. ഇവരുടെ ആളുകൾ ആയിരിക്കും. ഞാൻ നിലത്തു ആയുധത്തിനായി പരതി. താഴെ വീണു കിടക്കുന്ന വടിവാൾ എന്റെ ശ്രദ്ധയിൽ പെട്ടു. ഞാൻ അതെടുത്തു കയ്യിൽ മുറുക്കെ പിടിച്ചു. കൂടെ നിന്ന താടിക്കാരനെ ഞാൻ നോക്കി. അയാൾ കയ്യിൽ നിന്ന് വരുന്ന ചോര പൊത്തി നിൽക്കുകയാണ്. തമ്മിൽ ഒന്നും പറഞ്ഞില്ല എങ്കിൽ അയാൾ എന്റെ ശത്രു അല്ല എന്ന് എനിക്ക് മനസിലായിരുന്നു..
വണ്ടിയിൽ നിന്നും ആളുകൾ ഇറങ്ങി അകത്തേക്ക് വരാൻ തുടങ്ങി. പുറത്തേക്ക് ഇഴഞ്ഞു പോയ ഗുണ്ട പെട്ടന്ന് പിന്നിലേക്ക് തിരിച്ചു ഇഴയാൻ തുടങ്ങി. എന്തോ കണ്ട് പേടിച്ചിട്ടെന്ന പോലെ.. ആരാണ് വന്നിരിക്കുന്നത്..? ഞാൻ വടിവാളിൽ മുറുക്കെ പിടിച്ചു വാതിൽക്കലേക്ക് നോക്കി. താഴെ കിടന്ന ഗുണ്ടയുടെ മുഖത്ത് മരണഭയം ഉണ്ട്.. അയാളുടെ അടുത്തേക്ക് ഒരു കറുത്ത മുണ്ട് ഉടുത്ത മെലിഞ്ഞ ആൾ നടന്നു വന്നത് ഞാൻ കണ്ടു.. കാറിൽ വന്നത് മറ്റാരും അല്ല.. മഹാനാണ്….