‘ഇയാൾ ഇപ്പൊ എന്താ ചെയ്യുന്നെ…?
ഇഷാനി ചോദിച്ചു
‘ഞാൻ പ്ലസ് ടു ആണ്.. എക്സാം കഴിഞ്ഞു നിക്കുവാ..’
ശിവാനി പതിയെ ഒരു പേടിയോടെ പറഞ്ഞു
‘ഏതാ എടുത്തെ..?
ഇഷാനി ഒരു സൗഹൃദം ഉണ്ടാക്കാൻ പിന്നെയും ചോദിച്ചു. പക്ഷെ ശിവാനി അപ്പോളും ഒരു പേടിയോടെ ആണ് ഉത്തരം പറഞ്ഞത്
‘ബയോളജി സയൻസ്…’
‘എന്ട്രന്സ് എഴുതാൻ നിക്കുവാ.. ഞാൻ ഹോസ്റ്റലിൽ കൊണ്ട് ആക്കിയത് ആണ്. എന്നാലും അമ്മയെ കാണാൻ എപ്പോളും ഇങ്ങോട്ട് വരും..’
ഞാൻ പറഞ്ഞു
‘ഞാൻ ആരാന്നു അറിയാമോ…?
ഇഷാനി ഒരു കുസൃതി ചിരിയോടെ ചോദിച്ചു.. അവളുടെ വായിൽ നിന്ന് അത് കേൾക്കാൻ ഇഷാനിക്ക് അതിയായ കൊതി ഉണ്ടായി
‘ഇഷാനി ചേച്ചി…’
അവൾ ഒരു മടിയോടെ പറഞ്ഞു
‘ചേച്ചി…’
ഇഷാനി തിരുത്തി കൊടുത്തു.. സ്വന്തം ആയി ഒരു അനിയത്തി ഉണ്ടെന്നും അവൾ തന്നെ ചേച്ചി എന്ന് വിളിക്കുമെന്നും ഇഷാനി ഒരിക്കൽ പോലും കരുതിയിട്ടില്ല.. വാത്സല്യത്തോടെ അവൾ ശിവാനിയുടെ കവിളിൽ തലോടി.. ശിവാനി എന്ത് ചെയ്യണം എന്നറിയാതെ പ്രതിമ കണക്കെ നിന്നു.. ഒരു ആലിംഗനം ഞാൻ പ്രതീക്ഷിച്ചു.. പക്ഷെ അത് ഉണ്ടാകുന്നില്ല.. രണ്ട് പേർക്കും പെട്ടന്ന് സ്നേഹപ്രകടനങ്ങളിൽ വീഴാൻ ഒരു മടി.. ഞാൻ ശിവാനിയുടെ പുറത്ത് ഒരു ഉന്ത് കൊടുത്തു.. അവൾ ഇഷാനിയുടെ മേലേക്ക് വീണു.. ഇഷാനി അവളെ ചേർത്ത് പിടിച്ചു.. കെട്ടിപ്പിടിച്ചപ്പോൾ കൊച്ചു കുട്ടികളെ പോലെ ശിവാനി കരയാൻ തുടങ്ങി.. അർജുൻ പറഞ്ഞത് ശരിയാ.. പൊക്കം ഉണ്ടേലും അവൾ കൊച്ചു കുട്ടി തന്നേ.. ഇഷാനി ഓർത്തു. പിന്നീട് ഞാൻ അവരെ തനിച്ചു വിട്ടു.. ചേച്ചിയും അനിയത്തിയും അവരുടെ സ്വകാര്യതയിൽ സംസാരിക്കട്ടെ എന്ന് ഞാൻ കരുതി.. അതാകുമ്പോ അവർ കുറച്ചു കൂടി പെട്ടന്ന് അടുക്കും..
‘മോൾ എന്നേക്കാൾ നന്നായി മലയാളം പറയുന്നുണ്ടല്ലോ.. ഇവിടെ ആണോ പഠിച്ചത് ഒക്കെ..?
ഇഷാനി അനിയത്തിയോട് ചോദിച്ചു. അവളുടെ അച്ഛനും അമ്മയും മലയാളികൾ അല്ല. എന്നിട്ടും അവൾ നല്ലത് പോലെ മലയാളം പറയുന്നുണ്ട്..
‘ഞാൻ ഇവിടെ ആ ജനിച്ചത്.. പഠിച്ചതും എല്ലാം ഇവിടെ തന്നേ..’
ശിവാനി പറഞ്ഞു
‘അച്ഛൻ….?
ഇഷാനി മടിയോടെ ആണേലും ചോദിച്ചു
‘അച്ഛൻ എനിക്ക് അഞ്ചു വയസുള്ളപ്പോൾ മരിച്ചു.. ഡെങ്കിപ്പനി ആയിരുന്നു..’
അവൾ പറഞ്ഞു
‘ ചേച്ചിയെ പറ്റി നിനക്ക് അറിയാമായിരുന്നോ…?
ഇഷാനി ചോദിച്ചു
‘അറിയാം.. അമ്മ എന്നോട് കൊച്ചിലെ തന്നെ പറഞ്ഞിട്ടുണ്ട് ഇങ്ങനെ ഒരു ചേച്ചി ഉണ്ടെന്ന്…’
ശിവാനി പറഞ്ഞു
‘ശരിക്കും…?
ഇഷാനി വിശ്വാസം വരാതെ ചോദിച്ചു
‘അതേ.. ഞാൻ എന്റെ ഫ്രണ്ട്സിനോട് എല്ലാം ഞങ്ങൾ രണ്ട് പേരാണ് ചേച്ചി ഉണ്ടെന്ന് ഒക്കെ ആണ് പറഞ്ഞിട്ടുള്ളെ..’
തനിക്ക് പക്ഷെ ഇങ്ങനെ ഒരു അനിയത്തി ഉള്ളത് അറിയില്ലായിരുന്നല്ലോ എന്ന് ഇഷാനി ഓർത്തു. അറിഞ്ഞു കഴിഞ്ഞപ്പോളും അവൾ തന്റെ ആരുമല്ല എന്നാണ് താൻ പറഞ്ഞതും.. ഇഷാനിക്ക് അപ്പോൾ പറഞ്ഞത് ഓർത്തു വിഷമം ആയി
‘എന്നെ കണ്ടിട്ടുണ്ടോ ഇതിന് മുന്നേ..?
ഇഷാനിക്ക് ഒരുപാട് ചോദ്യങ്ങൾ ഉണ്ടായിരുന്നു
‘പിന്നെ.. കുറെ തവണ.. ചേച്ചിയുടെ ഫോട്ടോ ഒക്കെ ആയിരുന്നു ആദ്യം എനിക്ക് കാണിച്ചു തന്നെ..’
അവൾ പറഞ്ഞു
‘എന്റെ ഫോട്ടോയോ..? ഏത് വയസ്സിലെ..?
ഇഷാനി ചോദിച്ചു
‘കുറെയുണ്ട്.. ചേച്ചിയുടെ അച്ചന്റെ ചേട്ടൻ ഇല്ലേ…?
‘രവിയച്ഛനോ..?
ഇഷാനി ചോദിച്ചു
‘ആ.. ആ അച്ഛൻ അയച്ചു തരുന്നത് ആണ്.. കുറെ ഫോട്ടോസ് ഉണ്ട് അമ്മയുടെ അടുത്ത്..’
ശിവാനി പറഞ്ഞു
‘രവിയച്ഛൻ എന്റെ ഫോട്ടോസ് അമ്മയ്ക്ക് അയച്ചു കൊടുത്തോ..?
ഇഷാനിക്ക് അത് വിശ്വാസം ആയില്ല
‘അതേ.. എന്റെ അമ്മയും അച്ഛനും ഒരു തവണ ചേച്ചിയെ കൊണ്ട് പോകാൻ നിങ്ങളുടെ നാട്ടിൽ വന്നിട്ടുണ്ട്..’
‘എന്നെ കൊണ്ട് പോകാനോ..? ഞാനത് കേട്ടിട്ടില്ലല്ലോ…’
അങ്ങനെ ഒന്നു സംഭവിച്ചിരുന്നു എങ്കിൽ താനത് ആരിൽ നിന്നെങ്കിലും കേട്ടേനെ എന്ന് ഇഷാനിക്ക് അറിയാമായിരുന്നു