‘എന്ത് പറ്റി മാഡം ഒരു മൗനം..?
അർജുൻ അവളുടെ പെരുമാറ്റം കണ്ട് കാര്യം തിരക്കി
‘നീ എന്താ താമസിച്ചത്…?
അതിന് ഉത്തരം പറയാതെ ഇഷാനി മറ്റൊരു ചോദ്യം അങ്ങോട്ട് ചോദിച്ചു
‘താമസിച്ചോ..? ഞാൻ പെട്ടന്ന് വന്നല്ലോ..’
‘നിന്റെ കൂടെ വേറെ ആരെങ്കിലും ഉണ്ടായിരുന്നോ…?
കയറി വന്നപ്പോൾ അർജുന്റെ കയ്യിലെ രണ്ട് ഹെൽമെറ്റ് ഇഷാനി ശ്രദ്ധിച്ചിരുന്നു
‘വേറെ ആര്..?
‘നിന്റെ കൂടെ ഒരു പെണ്ണിനെ കണ്ടെന്നു എന്നോട് ഒരാൾ പറഞ്ഞു…’
ഇഷാനി അർജുനെ സൂക്ഷിച്ചു നോക്കി കൊണ്ട് പറഞ്ഞു
‘ഓ.. അത് എന്റെ കസിൻ ഇല്ലേ.. അവളെ ഒന്ന് പിക്ക് ചെയ്യാൻ പോയിരുന്നു..’
ഞാൻ ഭാവവ്യത്യാസം ഒന്നും ഇല്ലാതെ പറഞ്ഞു
‘ഏത് കസിൻ..? നിന്നെ ഇടയ്ക്ക് ഇടയ്ക്ക് വിളിക്കുന്ന കസിനോ..?
‘ആ.. അത് തന്നെ.. അല്ല ആരാ എന്നെ കണ്ടെന്നു പറഞ്ഞെ..?
ഞാൻ ചോദിച്ചു
‘അത് ആരും ആയിക്കോട്ടെ.. നീ അവളുടെ അടുത്തേക്ക് ആണ് പോകുന്നത് എന്ന് എന്നോട് പറഞ്ഞില്ലല്ലോ..?
ഇഷാനി ഗൗരവത്തിൽ ചോദിച്ചു
‘ അപ്പോളത്തെ ധൃതിയിൽ അത് ഞാൻ വിട്ട് പോയി..’
ഞാൻ പറഞ്ഞു
‘നുണ പറയണ്ട അർജുൻ.. നീ മനഃപൂർവം പറയാഞ്ഞത് ആണ്..’
‘ഞാൻ എന്തിനാ നുണ പറയുന്നേ…?
‘സപ്പോസ് ഞാൻ ഇത് പോലെ വേറെ ഒരു ആണിന്റെ കൂടെ നിന്നോട് പറയാതെ ബൈക്കിൽ കയറി പോയത് നീ അറിഞ്ഞാൽ എന്ത് ആ നിനക്ക് ഫീൽ ആകുക..?
ഇഷാനി ചോദിച്ചു
‘എടി ഇത് എന്റെ അനിയത്തി അല്ലേ.. അവളൊരു കൊച്ചു കുട്ടി ആണ്..’
ഞാൻ പറഞ്ഞു
‘കൊച്ചു കുട്ടി ഒന്നുമല്ല. അവളെ കണ്ടിട്ട് ഞാൻ ആണെന്ന് കരുതി ആണ് എനിക്ക് കോൾ വന്നത്.. അപ്പോൾ കാണാൻ എന്നെ പോലെ ഒക്കെ കാണുമല്ലോ..’
ഇഷാനി പറഞ്ഞു
‘ശരി. കാണാൻ നിന്നെ പോലെ ഒക്കെ ഉണ്ടാവും. പക്ഷെ എന്റെ അനിയത്തി അല്ലേ എന്തായാലും..?
ഞാൻ ചോദിച്ചു
‘ അവളുടെ ഫോട്ടോ ഉണ്ടോ.. കാണിച്ചെ..’
ഇഷാനി ആവശ്യപ്പെട്ടു
‘ഫോട്ടോ… ഫോട്ടോ ഇപ്പോൾ എന്റെ കയ്യിൽ ഇല്ല..’
ഞാൻ ഫോൺ എടുത്തു കയ്യിൽ പിടിച്ചു ഒന്ന് സംശയത്തോടെ പറഞ്ഞു
‘അനിയത്തി ആയിട്ട് ഫോട്ടോ ഒന്നും കയ്യിൽ ഇല്ലേ…?
‘നിനക്ക് എന്താ എന്നെ സംശയം ആണോ..?
ഞാൻ ചിരിച്ചു കൊണ്ട് ചോദിച്ചു
‘എനിക്ക് നിന്നെ സംശയം ഇല്ല. അങ്ങനെ ഒരു പെണ്ണല്ല ഞാൻ. പക്ഷെ നീ ഇപ്പോൾ എന്നോട് എന്തൊക്കെയോ മറച്ചു വച്ചു നടക്കുന്നുണ്ട്.. ഞാൻ എന്റെ എല്ലാ കാര്യങ്ങളും പറഞ്ഞിട്ടും നീ എന്നിൽ നിന്ന് കുറെയൊക്കെ മറയ്ക്കുന്നുണ്ട്..’
ഇഷാനി വിഷമത്തോടെ പറഞ്ഞു.
‘ ഞാൻ നിന്നെ ചതിക്കും എന്ന് നിനക്ക് തോന്നുന്നുണ്ടോ…..?
ഞാൻ അവളുടെ അടുത്തേക്ക് ചെന്നു
‘ഇല്ല.. പക്ഷെ…’
‘പക്ഷെ വേണ്ട. ഞാൻ നിന്നെ പറ്റിക്കുമോ…?
ഞാൻ ചോദിച്ചു
‘ഇല്ല..’
ഇഷാനി പറഞ്ഞു
‘പിന്നെ എന്താ നിനക്ക് ഈ പേടി ഒക്കെ..’
ഞാൻ ചോദിച്ചു
‘എന്നോട് ഒന്നും പറയാത്തത് കൊണ്ട്…’
അവൾ പരിഭവത്തോടെ പറഞ്ഞു
‘എല്ലാം സമയം ആകുമ്പോൾ പറയാം. അത് പോരേ..?
ഞാൻ അവളുടെ കവിളിൽ പിടിച്ചു വലിച്ചു കൊണ്ട് പറഞ്ഞു
‘എന്താ ഇപ്പോൾ പറഞ്ഞാൽ…?
ഇഷാനി ചോദിച്ചു
‘ആദ്യം ഞാൻ അത് പറയാൻ വന്നപ്പോൾ നിനക്ക് അത് കേൾക്കാൻ മനസ്സ് ഇല്ലായിരുന്നു. എന്നാൽ ഇനിയിപ്പോ അതിന്റെ സമയം ആകുമ്പോളേ ഞാൻ പറയുന്നുള്ളു..’
ഞാൻ പറഞ്ഞു
അതെന്ത് കാര്യമാണ് താൻ അറിയണ്ട എന്ന് അർജുനോട് പറഞ്ഞത്..? ഇഷാനി പിന്നിലേക്ക് ചിന്തിച്ചു.. ഒരിക്കൽ തന്റെ പഴയ കാലത്തെ കുറിച്ച് അർജുൻ പറയാൻ വന്നപ്പോൾ താൻ വിലക്കിയിരുന്നു. അവന്റെ പഴയ ഗേൾ ഫ്രണ്ട്സിനെ കുറിച്ച് ഒന്നും അറിയണ്ട എന്ന് താൻ ശാഠ്യം പിടിച്ചിരുന്നു. ഇനി അതാണോ അവൻ ഇപ്പോൾ ഉദ്ദേശിച്ചത്…?
‘അത് ശരിക്കും അനിയത്തിയാ…?
ഇഷാനി മനഃസമാദാനം കിട്ടാൻ ഒന്നൂടെ ചോദിച്ചു
‘ആടോ..’
ഞാൻ അവളെ വട്ടം ചുറ്റി പിടിച്ചു കൊണ്ട് പറഞ്ഞു. അവളുടെ പരിഭവം ഇപ്പോളും മുഴുവൻ ആയി മാറിയിട്ടില്ലായിരുന്നു..
‘വിട്.. ഞാൻ പോട്ടെ.. പണിയുണ്ട്..’
അവൾ പറഞ്ഞു
‘പിണക്കം മാറിയില്ലേ…?
ഞാൻ ചോദിച്ചു
‘ഇല്ല.. ‘
അവൾ എന്റെ ചെവിയിൽ നുള്ളി കൊണ്ട് പറഞ്ഞു
‘പിണക്കം മാറ്റ്..’
ഞാൻ പറഞ്ഞു