അവളോട് എല്ലാം സംസാരിച്ചു മാറ്റിയെടുക്കണം എന്ന് അർജുൻ തീരുമാനിച്ചു. അത് ഉറപ്പിച്ചു തന്നെ ആണ് പിറ്റേന്ന് കോളേജിലേക്ക് പോയത്. മാനസികമായി അതിനൊരു തയ്യാറെടുപ്പും അർജുൻ നടത്തിയിരുന്നു.. എന്നാൽ കോളേജിൽ എത്തുന്നതിനു തൊട്ട് മുമ്പാണ് അർജുന് ഓഫിസിൽ നിന്നും ഫോൺ വന്നത്.. വളരെ അർജെന്റ് ആയി ഓഫിസിൽ എത്തണം എന്നായിരുന്നു കോളിൽ. ഫൈസി കൂടി വിളിച്ചു അത് തന്നെ പറഞ്ഞതോടെ എന്തോ സീരിയസ് മാറ്റർ ആണെന്ന് അർജുന് മനസിലായി.
ഓഫിസിൽ എത്തിയപ്പോൾ ആണ് അവിടെ പതിവില്ലാതെ കുറച്ചു വണ്ടികൾ കിടക്കുന്നത് അർജുൻ കണ്ടത്. എക്സൈസ് ന്റെ വണ്ടിയാണ്. അതിന് നമ്മുടെ സ്ഥാപനത്തിൽ എന്ത് റോൾ എന്ന് കരുതി ഓഫിസിലേക്ക് ചെന്ന അർജുനെ എതിരേറ്റത് എക്സൈസ് ന്റെ ഒരു ഉന്നത ഉദ്യോഗസ്ഥൻ ആയിരുന്നു. ജോർജ് എന്ന് പേര് പറഞ്ഞു അയാൾ സ്വയം പരിചയപ്പെടുത്തി..
‘അർജുൻ അല്ലേ…?
അയാൾ അർജുനെ അടിമുടി ഒന്ന് നോക്കി കൊണ്ട് ചോദിച്ചു
‘അതേ.. എന്താ കാര്യം…?
‘പറയാം.. വരൂ…’
ജോർജ് സാർ ഓഫിസിന് ഉള്ളിലേക്ക് എന്തോ അധികാരത്തിൽ നടന്നു..
അയാൾ പറയുന്നതിന് മുമ്പ് തന്നെ എനിക്ക് കാര്യങ്ങൾ ചെറുതായി വ്യക്തമായി തുടങ്ങി.. ഞങ്ങളുടെ ഓഫിസിൽ ചെക്കിങ് നടക്കുന്നതാണ് വിഷയം. എക്സൈസ് ന് ചെക്ക് ചെയ്യാൻ മാത്രം ഇവിടെ എന്ത് ഗുലുമാൽ ആണ് ഉള്ളതെന്ന് ഞാൻ ആലോചിച്ചു. പക്ഷെ കാര്യങ്ങൾ ഞാൻ ആലോചിച്ചതിനേക്കാൾ ഗുരുതരമായിരുന്നു. ഞങ്ങളുടെ ഒട്ടുമിക്ക സ്ഥാപനങ്ങളിലും ഗോഡൗണിലും ഒരേ സമയത്തു ഇൻസ്പെക്ഷൻ നടക്കുന്നുണ്ട്. മഹാൻ വിളിച്ചപ്പോൾ ആണ് എനിക്ക് അത് മനസിലായത്. ഇവരുടെ ഇടയിൽ നിന്ന് അധികം ഫോണിൽ സംസാരിക്കാൻ കഴിയാത്തത് കൊണ്ട് ഞാൻ കൂടുതൽ വിവരങ്ങൾ തിരക്കാൻ പോയില്ല. അച്ഛനെ അറിയിക്കണ്ട എന്ന് മാത്രം മഹാനോട് പറഞ്ഞിട്ട് ഞാൻ കോൾ കട്ട് ചെയ്തു.
അവരുടെ ഇൻസ്പെക്ഷൻ മണിക്കൂറുകൾ നീണ്ടു. അത്രയും നേരം ഞാൻ ഓഫിസിൽ തന്നെ ആയിരുന്നു. ഫൈസിയും മാനേജർ സജീവും ഒപ്പം ഉണ്ടായിരുന്നു. അവസാനം പരിശോധനക്ക് ഫലം കാണുന്നില്ല എന്നായപ്പോൾ അവര് അത് അവസാനിപ്പിച്ചു. ജോർജ് സാർ എന്നെ തനിച്ചു സംസാരിക്കാൻ വേണ്ടി എന്റെ ക്യാബിനിലേക്ക് വന്നു.. ഇത്രയും നേരം ബുദ്ധിമുട്ടിച്ചതിന് ഒരു ക്ഷമാപണം ആയിരുന്നു ഞാൻ പ്രതീക്ഷിച്ചത്. പക്ഷെ അതുണ്ടായില്ല..
‘അർജുൻ ഇപ്പോൾ കോളേജിൽ പോകുന്നുണ്ടോ..? അങ്ങനെ ആണ് കേട്ടത്..’
ജോർജ് സാർ എനിക്ക് മുന്നിലായ് ഇരുന്നു കൊണ്ട് ചോദിച്ചു
‘യെസ്..’
ആ ചോദ്യം എനിക്ക് അധികം ഇഷ്ടം ആയില്ല. അതൊക്കെ എന്റെ പേർസണൽ കാര്യങ്ങൾ അല്ലേ. അതിലൊക്കെ ഇയാൾ എന്തിനാ തലയിടുന്നെ.. പക്ഷെ അയാൾക്ക് അതിലൊക്കെ എന്തോ താല്പര്യം ഉള്ളത് പോലെ തോന്നി. കോളേജിനെ കുറിച്ചും ഇപ്പൊ അങ്ങനെ പഠിക്കാൻ തോന്നാനുള്ള സാഹചര്യത്തെ കുറിച്ചും ഒക്കെ അയാൾ കിള്ളി കിള്ളി ചോദിച്ചു കൊണ്ടിരുന്നു
‘നിങ്ങടെ കോളേജിൽ പിള്ളേർക്കിടയിൽ ഡ്രഗ്സ് നല്ല പോലെ സപ്ലൈ ആകുന്നുണ്ടല്ലോ.. നമുക്ക് ഭയങ്കര തലവേദന ആണ് നിങ്ങളുടെ കോളേജ് കൊണ്ട്..’
അങ്ങേര് ഒരു അർഥം വച്ചെന്ന പോലെ പറഞ്ഞു
‘ആഹ്…’
അയാളുടെ സംസാരം എങ്ങോട്ടാണ് പോകുന്നത് എന്ന് മനസിലാകാഞ്ഞത് കൊണ്ട് ഞാൻ ഒരു ആഹ് മാത്രം റിപ്ലൈ കൊടുത്തു
‘അർജുന് ഇതിനെ കുറിച്ച് എന്തെങ്കിലും അറിയാമോ..? പറഞ്ഞാൽ ഞങ്ങൾക്ക് ഒരു ഹെല്പ് ആയേനെ..’
ഞാൻ ഒരല്പം പതറി. പക്ഷെ അത് പുറത്തു കാണിച്ചില്ല. കോളേജിൽ അത്യാവശ്യം ഡ്രഗ് ഡീലിങ്ങ്സ് നടക്കുന്നത് ഒക്കെ എനിക്ക് അറിയാം. അവരിൽ പലരെയും അറിയുകയും ചെയ്യാം. അതിൽ ഒരുത്തന്റെ കയ്യിൽ നിന്ന് ഒരു തവണ ഒരു പൊതി വാങ്ങിയിട്ടുമുണ്ട്.. എന്നാലും ഞാൻ ഒന്നും അറിയാത്തത് പോലെ മറുപടി കൊടുത്തു
‘ഹേ.. എനിക്ക് അവിടെ അങ്ങനെ വലിയ കണക്ഷൻ ഒന്നുമില്ല. ക്ലാസ്സിൽ കുറച്ചു സുഹൃത്തുക്കൾ ഉണ്ട്.. അത്ര മാത്രം..’
ഞാൻ ഒരു നുണ പറഞ്ഞു.