അവിടെ വെറുതെ ബൈക്കിൽ അന്തമില്ലാതെ ഓടിച്ചോണ്ട് ഇരിക്കുന്നതിന് ഇടയിൽ ആണ് കൃഷ്ണ വിളിക്കുന്നത്. ക്ലാസ്സിൽ എന്താ വരാഞ്ഞത് എന്ന് ചോദിക്കാൻ ആണ് വിളിച്ചത്. രാവിലെ കാണാഞ്ഞപ്പോൾ അവൾ വിളിച്ചിരുന്നു. ഞാൻ എടുത്തില്ലായിരുന്നു.. ഇപ്പോൾ ഫോൺ എടുത്തു ഞാൻ ടൗണിൽ ഉണ്ട് ബോർ അടിച്ചു ഇരിക്കുവാ എന്ന് പറഞ്ഞു. എന്തിനാ അവളോട് അങ്ങനെ പറഞ്ഞത് എന്നറിയില്ല.. ഞാൻ അങ്ങനെ പറഞ്ഞാൽ അവൾ ഇങ്ങോട്ട് വരുമെന്നും വേറെ എന്തേലും ഒക്കെ സംസാരിച്ചു എന്റെ മനസ്സ് കുറച്ചു നേരത്തേക്ക് ഡിവേർട്ട് ആക്കുമെന്നും എനിക്ക് തോന്നി.. അതങ്ങനെ തന്നെ നടന്നു..
കൃഷ്ണ ഞാൻ ശ്രദ്ധിക്കുക പോലും ചെയ്യാത്ത എന്തൊക്കെയോ വിഷയങ്ങൾ എന്നോട് കലപില പറഞ്ഞു കൊണ്ടിരുന്നു.. ഞാൻ അതെല്ലാം ശ്രദ്ധിക്കുന്ന പോലെ അവളുടെ മുഖത്ത് നോക്കിയിരുന്നു. കുറെ നേരം കഴിഞ്ഞപ്പോ അവൾക്ക് മനസിലായി അവൾ പറയുന്നത് ഒന്നും ഞാൻ കേൾക്കുന്നില്ല, ഞാൻ വേറേതോ ലോകത്താണ് എന്ന്…
‘എന്താ ഇത്ര ആലോചിച്ചു ഇരിക്കുന്നെ..? ഇവിടെ ഒന്നും അല്ലല്ലോ..’
അവൾ ചോദിച്ചു
‘ഹേ.. ഞാൻ വെറുതെ ഓരോന്ന് ഒക്കെ ആലോചിച്ചു ഇരുന്നതാ…’
‘അതെന്താ എന്നാ ചോദിച്ചത്..? ഒരു ശോകം മൂഡ് ആണല്ലോ…?
ഞാൻ അങ്ങനെ ഒന്നുമില്ല എന്ന് പറഞ്ഞെങ്കിലും അവൾക്ക് അത് വിശ്വാസം ആയില്ല. ഒടുവിൽ എന്തോ എന്നെ അലട്ടുന്നുണ്ട് എന്ന് എനിക്ക് സമ്മതിക്കേണ്ടി വന്നു. കമ്പനിയിൽ നടന്ന കാര്യം വ്യക്തമായി പറഞ്ഞില്ല എങ്കിലും അവിടെ ചെറിയ പ്രശ്നങ്ങൾ ഉണ്ടെന്ന് അവൾക്ക് മനസിലായി..
‘അവിടുത്തെ കാര്യം ഓർത്തണോ നിന്റെ ടെൻഷൻ..?
കൃഷ്ണ ചോദിച്ചു
‘ അതേ.. കുറെ പ്രശ്നം ഉണ്ട് അവിടെ.. എനിക്ക് ആണേൽ അതിൽ ഒന്നും ശ്രദ്ധിക്കാനും വയ്യ.. മൊത്തത്തിൽ എന്ത് ചെയ്യണം എന്നറിയില്ല..’
ഞാൻ പറഞ്ഞു
‘ ഫിനാൻഷ്യലി എന്തേലും പ്രശ്നം ആണേൽ ഞാൻ അച്ഛനോട് ചോദിച്ചു….’
‘ഹേയ് അതൊന്നും അല്ല.. അതല്ല പ്രശ്നം.. വേറെ കുറച്ചു ലീഗൽ പ്രോബ്ലംസ് ആണ്.. ക്യാഷ് ഒന്നുമല്ല..’
അവൾ പറഞ്ഞു മുഴുവപ്പിക്കുന്നതിന് മുമ്പ് ഞാൻ കയറി പറഞ്ഞു
‘ നീ ആദ്യമായി ആണ് കമ്പിനിയിലെ കാര്യം ഒക്കെ സംസാരിക്കുന്നത് കേൾക്കുന്നേ.. അപ്പോൾ എന്തേലും സീരിയസ് കാര്യം ആവണമല്ലോ.. അത് റെഡി ആകും എന്തായാലും..’
അവൾ എന്റെ കയ്യിൽ പിടിച്ചു ആശ്വസിപ്പിക്കാൻ പറഞ്ഞു
‘ആഹ് ആവണം..’
‘ആവും.. നീ മനസ്സ് വച്ചാൽ എല്ലാം ഓക്കേ ആകും..’
അവൾ പറഞ്ഞു
‘അതാണ് പ്രശ്നം.. എനിക്ക് മനസ്സ് വയ്ക്കാൻ തോന്നാറില്ല..’
‘അതെന്താ..?
അവൾ ചോദിച്ചു
‘നീ പറഞ്ഞില്ലേ ഞാൻ കമ്പിനിയിലെ കാര്യം ഒന്നും സംസാരിക്കാറില്ല എന്ന്.. അത് സത്യം ആണ്.. കാര്യം അത് ഞങ്ങളുടെ കമ്പിനി ആണേലും എനിക്ക് അവിടെ യാതൊരു അറ്റാച്മെന്റും ഇല്ല..’
‘നിന്റെ അച്ഛന്റെ കമ്പിനി അല്ലേ..? നിനക്ക് അപ്പോൾ സ്വന്തം പോലെ അല്ലേ..?
അവൾക്ക് എന്റെ ചിന്തകൾ മനസിലായില്ല. അവൾക്കും ചേച്ചിമാർക്കും അവരുടെ സ്ഥാപനങ്ങളോട് ഉള്ള ഇഷ്ടം എനിക്ക് നന്നായി അറിയാവുന്നത് ആണ്. അപ്പോൾ അവൾക്ക് ഞാൻ ഇങ്ങനെ പറഞ്ഞത് ഒട്ടും പിടികിട്ടില്ല
‘നിനക്ക് ഇതിന്റെ ഒന്നും ചരിത്രം ശരിക്കും അറിയാഞ്ഞിട്ടാണ്.. ഞങ്ങളുടെ ഫാമിലി ഹിസ്റ്ററി ഒക്കെ വളരെ മോശമാണ്.. സത്യത്തിൽ ഒരു ക്രിമിനൽ ബാക്ക്ഗ്രൗണ്ട് ഉള്ള ആളാണ് എന്റെ അച്ഛൻ.. ഇപ്പോൾ അത് പോലെ അല്കുലുത്ത് പണികൾ ഒന്നും ഇല്ലേലും ഞങ്ങൾ ഈ ഉണ്ടാക്കിയതെല്ലാം ആ രീതിയിൽ ഒക്കെ ആണ്.. അത് കൊണ്ട് തന്നേ എനിക്ക് അച്ഛന്റെ കാശിനോട് ഒരിക്കലും ആർത്തി തോന്നിയിട്ടില്ല..’
‘ചില സ്റ്റോറീസ് ഒക്കെ ഞാൻ കേട്ടിട്ടുണ്ട്. നിനക്ക് ദേഷ്യം ആകുമെന്ന് കരുതി അതൊന്നും ചോദിച്ചിട്ടില്ല..’
അവൾ പറഞ്ഞു
‘ദേഷ്യം അല്ല. എനിക്ക് അതൊക്കെ ഒരു തരം ഇറിറ്റേഷൻ ആണ്.. നിന്റെ അപ്പക്ക് ഒക്കെ അറിയാമായിരിക്കും നന്നായി കഥകൾ ഒക്കെ.. ചോദിക്കാൻ ഒന്നും പോകണ്ട കേട്ടോ…’