കോളേജ് അവധി ഉള്ള ദിവസം ഒക്കെ ഞാൻ ഓഫിസിൽ പോയി ഇരിക്കും. അവിടുത്തെ കാര്യങ്ങളിൽ ഒക്കെ എനിക്ക് കുറച്ചു ഉത്തരവാദിത്തം വന്നു തുടങ്ങി. വൈകി ആണ് അവിടുന്ന് മിക്കപ്പോഴും വീട്ടിൽ വരുന്നതും.. എന്റെ മാറ്റം ഫൈസി ശ്രദ്ധിച്ചിരുന്നു. ഇഷാനി ആയി പിന്നെയും ഉടക്ക് ആയത് ഞാൻ അവനോട് പറഞ്ഞു. അവൻ സ്ട്രോങ്ങ് ആയി ഇരിക്കാൻ കുറെ സംസാരിച്ചു എന്നെ ഓക്കേ ആക്കാൻ ഒക്കെ നോക്കി. പക്ഷെ ഞാൻ ഫുള്ളി ഓക്കേ ആയിരുന്നില്ല..
ഒരു തവണ ഞാൻ കുറച്ചു നേരത്തെ ഇറങ്ങി.. നേരെ പോയത് രേണുവിന്റെ വീട്ടിലേക്കാണ്. അവളോട് മര്യാദക്ക് സംസാരിച്ചിട്ട് കുറെ ആയിരുന്നു. കോളേജിൽ വച്ചു കാണുമെങ്കിലും സംസാരം ഒന്നും നടക്കില്ലായിരുന്നു അവിടെ വച്ചു.. അവളുടെ വീട്ടിലോട്ട് ചെല്ലുന്നതും കുറെ നാൾ കൂടിയാണ്.. ഞാൻ ചെന്നപ്പോ അവിടെ അവളുടെ അമ്മയും ചേച്ചിയും ഉണ്ടായിരുന്നു.. രേണുവിന്റെ ചേച്ചി ഡോക്ടർ ആണ്. രേണു മുകളിൽ മുറിയിൽ ആയിരുന്നു.. ഞാൻ അവിടേക്ക് ചെന്നപ്പോ അവൾ കട്ടിലിൽ കിടന്നു എന്തോ വായിക്കുവായിരുന്നു.. എന്നെ പെട്ടന്ന് കണ്ടപ്പോ അവൾക്ക് അത്ഭുതം തോന്നി
‘എടാ മോനെ.. എന്താ ഈ വഴിയൊക്കെ…?
അവൾ എണീക്കാതെ തന്നെ എന്നോട് ചോദിച്ചു..
‘ചുമ്മാ ഈ വഴി പോയപ്പോ ഇവിടെ ഒന്ന് കേറിയതാ..’
കട്ടിലിന്റെ ഒരു ഓരത്ത് കിടന്നു കൊണ്ട് ഞാൻ പറഞ്ഞു
‘ഈ വഴി നീ എങ്ങോട്ട് പോകാൻ..? ഇങ്ങോട്ട് വന്നതാ എന്ന് സമ്മതിച്ചു താഡാ…’
‘പിന്നെ.. ഈ വഴി നിന്റെ വീട്ടിലേക്ക് മാത്രം ഉള്ളതല്ലേ..’
ഞങ്ങൾ ഒന്നും രണ്ടും പറഞ്ഞു കളിയാക്കാൻ തുടങ്ങി.. അവളുമായി സംസാരിച്ചു മിനിറ്റുകൾക്ക് ഉള്ളിൽ ഞാൻ ഓക്കേ ആയി.. അതങ്ങനെ ആണ്..
അതിനിടയിൽ അവളുടെ അമ്മ ഞങ്ങൾക്ക് കുടിക്കാൻ ഒക്കെ ജ്യൂസ് ഇട്ട് കൊണ്ട് വന്നു തന്നു. അതൊക്കെ കുടിച്ചു ജോളി മൂഡിൽ ഇരുന്നപ്പോ ആണ് ഞാൻ ഇഷാനിയുടെ കാര്യം അവളോട് പറയുന്നത്. ക്രിസ്തുമസ് അവധിക്ക് ഞങ്ങൾക്ക് ഇടയിൽ നടന്നത് അപ്പോളാണ് രേണു അറിയുന്നത്. കഥ ആദ്യം കേട്ട് വന്നപ്പോൾ ഞാനും ഇഷാനിയും സെറ്റ് ആയ സന്തോഷം അവളുടെ മുഖത്ത് എനിക്ക് കാണാൻ കഴിഞ്ഞു. എന്നാൽ കഥ കൃഷ്ണയിൽ എത്തിയപ്പോ അത് മാറി.. ആ കാര്യവും അവൾ ഇപ്പോൾ ആണ് അറിയുന്നത്..’
‘പൊന്ന് മൈരേ നീ എന്തൊക്കെ ആണ് കാണിച്ചു കൂട്ടിയത്…?
അവൾ വിഷമത്തിലും എന്നെ ശകാരിച്ചു
‘അറിയില്ല.. മനഃപൂർവം അല്ല. പക്ഷെ ഇങ്ങനെ ഒക്കെ ആയിപ്പോയി അവസാനം..’
ഞാൻ പറഞ്ഞു
‘എടാ എന്നാലും കൃഷ്ണ…? ലക്ഷ്മിയുടെ സ്വഭാവം നന്നായി അറിയുന്ന നീ തന്നെ അവളുടെ അടുത്ത് ഉണ്ടാക്കാൻ പോയത് ഓർത്താണ് എനിക്ക്……’
‘സത്യം ആടി ഞാൻ പറഞ്ഞെ.. ഞാൻ നല്ല കിണ്ടി ആയിരുന്നു അടിച്ചിട്ട്.. അങ്ങനെ പറ്റി പോയതാ..’
‘എന്തായാലും കൊള്ളാം.. ഈ കാര്യത്തിൽ ഇഷാനിയെ ഒരിക്കലും കുറ്റം പറയാൻ പറ്റില്ല.. ആർക്കായാലും ഇതൊന്നും സഹിക്കാൻ പറ്റില്ല..’
രേണു പറഞ്ഞു
‘അല്ലേലും അവളുടെ ഭാഗത്തു കുറ്റം ഒന്നുമില്ല. എല്ലാം എന്റെ പ്രശ്നം ആണ്..’
‘ഇതിനിപ്പോ എന്താടാ ഒരു സൊല്യൂഷൻ..? വേറെ എന്തേലും വിഷയം ആയിരുന്നേൽ ഞാൻ പോയി അവളെ കൺവിൻസ് ആക്കിക്കാമായിരുന്നു.. ഇത് പക്ഷെ അങ്ങനെ നടക്കൂല.. നീ തന്നെ അവളോട് സംസാരിച്ചു ക്ലിയർ ആക്കണം…’
‘ഇതിന് സൊല്യൂഷൻ ഒന്നുമില്ല ജിമിക്കി.. അതിനല്ല ഞാൻ നിന്നോട് ഇതെല്ലാം പറഞ്ഞത്. നീ അറിയണം എന്ന് തോന്നി. അത് കൊണ്ട് മാത്രമാണ്.. അവളോട് ഇനി സംസാരിച്ചിട്ട് ഒന്നും കാര്യമില്ല..’
ഞാൻ പറഞ്ഞു
‘അവളെ പോലൊരു പെൺകൊച്ചു ഇതൊക്കെ വലിയ കാര്യമായി തന്നെ എടുക്കും.. പിന്നെ അവളുടെ ഉള്ളിൽ ചെറിയ ഇഷ്ടം എങ്കിലും ബാക്കി ഉണ്ടേൽ നിനക്ക് ഒരു സ്കോപ്പ് ഉണ്ട്..’
‘ഒരു കോപ്പുമില്ല.. അവളെ പോലൊരു കൊച്ചിനെ ഒന്നും ഞാൻ ഡിസേർവ് ചെയ്യുന്നില്ല..’
ഞാൻ ആത്മാർത്ഥമായി പറഞ്ഞു
‘നിനക്ക് അവളെ മറക്കാൻ പറ്റുമോ..? എനിക്ക് തോന്നുന്നില്ല. നീ ഇതിന്റെ നൂറിൽ ഒന്ന് പോലും ആരോടും അറ്റാച്ചിട് ആയി ഞാൻ കണ്ടിട്ടില്ല.. ഇവൾ നിന്റെ മനസ്സിൽ നിന്ന് പോകില്ല.. എനിക്ക് ഉറപ്പാണ്..’