‘താൻ.. താൻ ഓക്കേ ആണോ…?
ഇഷാനി കൃഷ്ണയുടെ കൈകളിൽ തൊട്ട് കൊണ്ടു ചോദിച്ചു
‘ആടോ.. ഇപ്പൊ ഫുൾ ഓക്കേ ആണ്…’
കൃഷ്ണ ചിരിച്ചു കൊണ്ടു ഇഷാനിയുടെ കൈകളിൽ പിടിച്ചു..
‘എന്നാൽ ഇത് വാങ്ങിക്ക്.. ഞാൻ അന്ന് എന്റെ സൂക്കേടിന്റെ പുറത്തു ഇട്ടോണ്ട് നടന്നതാ. അവന്റെ അടുത്ത് നിന്നും അടിച്ചു മാറ്റിയതാ.. അവൻ അറിഞ്ഞിരുന്നില്ല..’
ഇഷാനി കൃഷ്ണയുടെ മാല അവൾക്ക് നേരെ നീട്ടി
‘അത് വേണ്ട..’
കൃഷ്ണ പറഞ്ഞു
‘വേണം.. കഴുത്തു കാണിക്ക്.. ഇത് ഇവിടെ കിടക്കുന്നത് ആണ് ഏറ്റവും ഭംഗി…’
ഇഷാനി കൃഷ്ണയുടെ കഴുത്തിൽ ആ മാല അണിയിച്ചു കൊണ്ടു പറഞ്ഞു
‘ഞാൻ ഇത് അവന് ഗിഫ്റ്റ് ആയി കൊടുത്തതാ.. ഞാൻ അവന് എന്ത് ഗിഫ്റ്റ് കൊടുത്താലും അവൻ അത് മറിച്ചു വിൽക്കും..’
കൃഷ്ണ തമാശ ആയി ചിരിച്ചു കൊണ്ടു പറഞ്ഞു
‘ദേ നോക്ക്.. ആ കൊരങ്ങൻ ഇട്ടിരിക്കുന്നത് ഞാൻ അർജുന് വാങ്ങിച്ചു കൊടുത്ത ബനിയൻ ആണ്..’
കൃഷ്ണ തിരകളിൽ ചാടി കളിക്കുന്ന രാഹുലിനെ നോക്കി പറഞ്ഞു. അത് കേട്ട് ഇഷാനി ചിരിച്ചു
ഞങ്ങൾ കുളി ഒക്കെ കഴിഞ്ഞു തോർത്തി ഉണങ്ങാൻ വേണ്ടി കാറ്റും കൊണ്ടു നിൽക്കുമ്പോ ആണ് കൃഷ്ണയുടെ കഴുത്തിൽ ഞാൻ ആ മാല കാണുന്നത്. ഇഷാനിയും കൃഷ്ണയും എല്ലാം പറഞ്ഞു കോംപ്ലിമെന്റ് ആക്കിയെന്ന് എനിക്ക് അപ്പോൾ മനസിലായി. എന്റെ മനസ്സ് നിറഞ്ഞു. ഇനി നിറയേണ്ടത് വയർ ആണ്. എന്റെ മാത്രം അല്ല എല്ലാവരുടെയും.. ഞങ്ങൾ എല്ലാം കൂടി ഞാൻ പറഞ്ഞ ഒരു റെസ്റ്റോറന്റ്ലേക്ക് വച്ചു പിടിച്ചു. ബീച്ചിൽ നിന്ന് കുറച്ചു ദൂരമേ അവിടേക്ക് ഉള്ളു..
അവിടുന്ന് നല്ല തട്ട് തട്ടി കൈ കഴുകാൻ പോകുന്നേരം ഞാൻ എന്റെ കാർഡ് രാഹുലിന്റെ കയ്യിൽ കൊടുത്തു. അവൻ കൈ കഴുകി ബില്ല് പേ ചെയ്യാൻ പോയി. കൃഷ്ണയും കൈ കഴുകി അവന്റെ ഒപ്പം ഉണ്ടായിരുന്നു..
‘കള്ളനെ ആണല്ലോ അവൻ കാർഡ് ഏൽപ്പിച്ചത്..’
കൃഷ്ണ രാഹുലിനെ അനക്കി പറഞ്ഞു
‘അത് അവനൊരു മണ്ടൻ ആയത് കൊണ്ടാണ്..’
രാഹുൽ പറഞ്ഞു
‘അവന്റെ കാർഡ് അവന്റെ ബനിയൻ.. എല്ലാം അടിച്ചു മാറ്റിയല്ലോ..’
കൃഷ്ണ പിന്നെയും അവനെ കളിയാക്കി
‘അവനെ പോലൊരു കിളവന് എന്തിനാ ഈ യൂത്തിന്റെ ഡ്രസ്സ്..? ഇത് എനിക്കാണ് ചേരുന്നത്..’
രാഹുൽ ബനിയനിൽ പിടിച്ചു സ്റ്റൈൽ ആയി പറഞ്ഞു
‘ഒന്ന് പോടാ.. മര്യാദക്ക് അവന് തിരിച്ചു കൊടുത്തോണം..’
കൃഷ്ണ അവന്റെ ബനിയനിൽ പിടിച്ചു വലിച്ചു ഒരു തമാശ ആയി പറഞ്ഞു.. അവര് അപ്പോൾ ബില്ലിംഗ് കൌണ്ടറിന് അടുത്ത് എത്തിയിരുന്നു.. പേ ചെയ്യാൻ കാർഡ് കൊടുത്തതും അവിടെ കൌണ്ടറിൽ ഇരുന്ന പെൺകുട്ടിയെ രാഹുൽ ശ്രദ്ധിച്ചു.. അവന്റെ മുഖം പെട്ടന്ന് വല്ലാതായി.. ആ കുട്ടിയുടെ മുഖവും പെട്ടന്ന് വല്ലാണ്ടായി.. അവൾ കാർഡ് വാങ്ങി സ്വൈപ്പ് ചെയ്തു. അപ്പോളും രണ്ട് പേരും പരസ്പരം ഒന്നും മിണ്ടിയില്ല.. ബില്ല് പേ ചെയ്തു പുറത്തേക്ക് പോകുന്നതിന് മുമ്പ് രണ്ടും കല്പ്പിച്ചു രാഹുൽ ആ കുട്ടിയോട് സംസാരിച്ചു
‘നീ… നീ ഇപ്പൊ ഇവിടെ ആണോ…?
അവൻ ചോദിച്ചു
‘ആ.. ആടാ.. ഞാൻ നാല് മാസം ആയി ഇവിടെ ആണ്…’
അവൾ ഒരു പരുങ്ങലോടെ പറഞ്ഞു.
‘നീ ഹൈദരാബാദ് എവിടെയോ കോഴ്സ് ചെയ്യാൻ പോയി എന്നാണ് ഞാൻ കരുതിയിരുന്നത്…’
രാഹുൽ പറഞ്ഞു
‘ആഹ് അത് കംപ്ലീറ്റ് ചെയ്യാൻ പറ്റിയില്ല.. നീ ഇപ്പൊ എന്ത് ചെയ്യുന്നു…?
അവൾ ചോദിച്ചു
‘ഞാൻ ഡിഗ്രി. തേർഡ് ഇയർ ആണ്.. ക്ലാസ്സ് ഒക്കെ കഴിഞ്ഞു.. ഇനി എക്സാം കൂടെ ഉള്ളു..’
അവൻ പറഞ്ഞു
‘ഓ..’
ആ കുട്ടി ഒന്ന് മൂളിയിട്ട് കൃഷ്ണയെ ഒന്ന് സൂക്ഷിച്ചു നോക്കി. അപ്പോളേക്ക് ഞങ്ങൾ ബാക്കി എല്ലാവരും കൈ കഴുകി അവിടേക്ക് വന്നിരുന്നു
‘എന്റെ കൂടെ പഠിക്കുന്നവരാ.. ക്ലാസ്സ് തീർന്നതിന്റെ ഒരു സെലിബ്രേഷൻ പോലെ ബീച്ചിൽ ഒക്കെ കറങ്ങാൻ വന്നതാ..’
അവൻ പറഞ്ഞു
‘ഓഹ്.. ഓക്കേ. എന്റെ നമ്പർ ചേഞ്ച് ആയിരുന്നു.. നിന്റെ നമ്പർ ഒന്ന് പറയുമോ..?
അവൾ ചോദിച്ചു
‘എന്റെ പഴയ നമ്പർ തന്നെ..’