മിഴി [ Full ] 14അടിപൊളി  

“എന്ത്‌ പറ്റി മോളെ…? ” ചെറിയമ്മയുടെ താടിയില്‍ മെല്ലെതൊട്ടു ആദിയോടെ അവര്‍ അന്വേഷിച്ചു .
ഇതെന്താ കൊഞ്ചിക്കുന്നോ?പിന്നേ!!അമ്മയും മോളും കളിക്കാഞ്ഞിട്ടാണ്‌. ഞാൻ എന്തേലും
മുനങ്ങുന്നതിന്‌ മുന്നേ ആന്റി തന്നെ രണ്ടു നേഴ്‌സ്‌ കുട്ടികളെ വിളിച്ചു പെട്ടന്ന്‌ തന്നെ ചെറിയമ്മയെ
റൂമിലേക്ക്‌ കൊണ്ടുപോയി. പോവുന്ന പോക്കില്‍ ചെറിയമ്മ എന്നെ ഒന്നുകൂടെ നോക്കിയില്ലേ.

തല പെരുത്തു കേറി. വിഷമവും. ഞാങ്കാരണമല്ലെ അവൾക്കിങ്ങനെ പറ്റിയെന്നുള്ള തോന്നൽ.വേഗം
ലിഫ്റ്റില്‍ കേറി നാലാമത്തെ ഫ്ലോറിലേക്ക്‌ ചെന്നു.അവിടെ എല്ലാരുമുണ്ടല്ലോ? എങ്ങനെ ഞാന്‍ പറഞ്ഞു
തുടങ്ങും?

ലിഫ്റ്റില്‍ നിന്ന്‌ ഇറങ്ങുമ്പോ തന്നെ, റൂമിന്‌ പുറത്തെന്തോ പിറുപിറുത്തു കൊണ്ട്‌, ഫോൺ ചെവിയില്‍
വെച്ച്‌ നിക്കുന്ന അമ്മയുണ്ട്‌. ദേഷ്യത്തോടെ ചെവിയില്‍ നിന്നാ ഫോണെടുത്ത്‌ ജനലിലൂടെ പുറത്തേക്ക്‌
നോക്കുന്നുണ്ട്‌. മിക്കവാറും ആ വിളിക്കുന്ന തെന്നെത്തന്നെയാവും. അടുത്തേക്ക്‌ ചെന്നപ്പോ തിരിഞ്ഞ
കൂട്ടത്തിലതെന്നെ കണ്ടു ശ്വാസം വിട്ട്‌ കൂര്‍പ്പിച്ച ഒരു നോട്ടം നോക്കി. ചീത്ത പറയാനുള്ള
പുറപ്പാടായിരിക്കും. പിന്നെ ആ നോട്ടം സംശയമായി. വേറെ ആരും പുറത്തില്ല. ആന്റിമാരോ
അങ്കിള്‍മാരോ ആരും.ണ്ടേലെന്റെ കോലം കണ്ടു നൂറു ചോദ്യങ്കാണും. അതിനെല്ലാം ഉത്തരം പറയാൻ
എന്നെക്കൊണ്ട്‌ വയ്യ!!.

“ന്താന്റെ കുട്ടിക്ക്‌ പറ്റിയത്‌…?” ഉള്ളില്‍ കിടക്കുന്ന സങ്കടമമ്മ കണ്ടു പിടിച്ചു. ആ കണ്ണ്‌ മുഖത്തു പരതി
നടക്കുന്നുണ്ട്‌.

“അനു എവിടെ മോനൂ…?” അതും കൂടെയായപ്പോ ഞാൻ വല്വാതെയായി. ഒരു രക്ഷേക്കെന്നോണം
മുന്നോട്ടാഞ്ഞു ഞാന്‍ അമ്മയെ കെട്ടിപ്പിടിച്ചു. “അമ്മേ….” വിഷമം കൂടിയപ്പോ അറിയാതെ കരഞ്ഞു.

“ന്താ മോനൂത്‌..കരയെൊ? “ആ ശബ്ദമൊന്നു വിറച്ചു.
“അമ്മേ… അനു അവൾക്ക്‌….” പറയാന്‍ വാക്കുകൾ തൊണ്ടയിൽ കുടുങ്ങിയെങ്കിലും.അത്‌ വരെ
പറഞ്ഞു.കെട്ടി പിടിച്ചു തഴുകുന്ന അമ്മ ഞെട്ടി മാറിയെന്നെ നോക്കി…

“രേവതി ആന്റിയുടെ അടുത്തുണ്ട്‌…” എങ്ങനെയോ പറഞ്ഞൊപ്പിച്ചു. ആ മുഖം കണ്ടപ്പോ നല്ല പേടി
തോന്നി. എത്ര ആയാലും അവൾ അമ്മക്ക്‌ മോളെപ്പോലെയാണ്‌. ഞാൻ ഇനി അതുകൂടെയവളെ
ചെയ്തുന്ന്‌ പറഞ്ഞ എന്താവും. അമ്മയൊന്നും പറഞ്ഞില്ല. ആദ്യമുണ്ടായ ഞെട്ടലൊഴിച്ചാ പേടിയൊന്നും
ആ മുഖത്തു കണ്ടില്ല.

ഒരുമിച്ചാണ്‌ രേവതിയാന്റിയുടെ റൂമിനടുത്ത്‌ വരെ പോയത്‌. എന്നാ എനിക്കുളളില്‍ കേറാന്‍ തോന്നീല്ല.
ഇത്ര ഞാന്‍ വിഷമിപ്പിച്ചിട്ടും അനുവെന്നോട്‌ കാണിക്കുന്ന സ്നേഹം നെഞ്ചു തകര്‍ക്കാണ്‌. എനിക്ക്‌
തരുന്ന ചിരിയിലെല്വാം ഉള്ളുരുകി ഒലിക്കുന്നപോലെയുണ്ട്‌. അവളെ മുന്നിലേക്കെങ്ങനെയാണ്‌ ഞാൻ
പോവ്വാ?. കാര്യം അറിഞ്ഞു കഴിയുമ്പോ വേദനിക്കുന്നമ്മയുടെ മുഖങ്കൂടെ കാണാന്‍ വയ്യ!.

പുറത്തെ ചെയറില്‍ ഒഴിഞ്ഞ മനസ്സുമായിരുന്നു.ഒന്നുരണ്ടു മിനുട്ട്‌ മാത്രം. പിന്നെയും ചിന്തിച്ച്‌ ചിന്തിച്ചു
അവള്‍ക്ക്‌ എങ്ങനെയുണ്ടെന്നു അറിയാതെ നിക്കപ്പൊറുതിയില്ലന്ന അവസ്ഥയായി. എഴുനേറ്റ്‌

റൂമിനടുത്തേക്ക്‌ രണ്ടുവട്ടം നടന്നു. പിന്നെ തോന്നും വേണ്ടന്ന്‌. അവസാനം വരുന്നത്‌ വരട്ടേന്നുകരുതി
ഡോര്‍ തള്ളി.

“എനിക്കാരുടേയു-മാവശ്യന്നുല്. എനിക്കെന്ത്‌ വന്നാലു നിങ്ങക്കെന്താ…?” തലയുള്ളിലേക്കിട്ട്‌ കേറാമെന്ന്‌
മനസ്സില്‍ കണ്ടതെയുള്ളൂ, അതിനു മുന്നേ ഇത്തിരി തളളിയ ഡോറിലൂടെ വന്ന ചെറിയമ്മയുടെ
ഈറയിട്ടുള്ള പറച്ചില്‍..ഇതിപ്പരോടാ?

“മോളെ നിന്റെ ചേച്ചിയല്ലേ…?” തലമെല്ലെ ഉള്ളിലേക്കിട്ട്‌ ഞാനാ ദൃശ്യമൊന്ന്‌ കണ്ടതും രേവതി ആന്റി
ആശ്വസിപ്പിക്കുന്ന സ്വരത്തില്‍ ചെറിയമ്മയെ നോക്കി. നെറ്റിയിൽ കൈ വെച്ച്‌ ബെഡിൽ കിടക്കുന്ന
ചെറിയമ്മയുടെ അടുത്ത്‌ ആന്റിയുണ്ട്‌.അമ്മ അവരുടെ അടുത്ത്‌ നിന്ന്‌ കുറച്ചു വിട്ടുനിന്ന്‌ കൈ കെട്ടി,
ചെറിയമ്മ കിടക്കുന്നതും നോക്കി നിൽക്കുന്നുണ്ട്‌. ഓഹ്‌ ചേച്ചിയും അനിയത്തിയുമിപ്പോ കടിച്ചു കീറാൻ
നിക്കുന്നയവസ്ഥയാന്ന്‌ മറന്നിരുന്നു. അമ്മയുടെയാ ഒന്നും മിണ്ടാതെയുള്ള നിൽപ്പ്‌ കണ്ടിട്ട്‌ പാവം
തോന്നി.

Updated: November 16, 2026 — 6:44 pm

Leave a Reply

Your email address will not be published. Required fields are marked *