“ന്റെ കുട്ടിയെ മറന്നോ എല്ലാരും…” സ്റ്റെപ്പിറങ്ങി വരുന്ന ആശാന്റി പറയുന്നത് കേട്ട് ആകാംഷ എനിക്ക്
നല്ലപോലെയുണ്ടായിരുന്നു. ചെറിയ പുഞ്ചിരിയും പനി പിടിച്ചു ഉറക്കാത്ത കണ്ണ് ആയാസപെട്ട് നോക്കി
കൊണ്ട് ആന്റിയുടെ കൂടെ പതിയെയിറങ്ങി വരുന്ന അവളെ നോക്കി ഞങ്ങൾ എല്ലാരും നിന്നുപോയി.
പാറിയ മുടി കഴിയുന്ന പോലെ മാടി കെട്ടി വെച്ചിട്ടുണ്ട്. കൈ കൂട്ടി പിണച്ചാ മാറിന്റെ താഴെ കെട്ടിവെച്ചത്
കണ്ടപ്പോ അവൾക്ക് നല്ലപോലെ തണുക്കുന്നുണ്ടെന്ന് തോന്നി.
.കുശാലാന്വേഷണങ്ങള്ക്ക് അവൾ ചിരിച്ചും ഇടറിയ വാക്കുകൾ കൊണ്ട് പതിയെ പറഞ്ഞും നിന്നപ്പോ.
അറിയാതെ പോലും ഒരു നോട്ടം എന്നിലേക്ക് വന്നില്ലല്ലോന്ന് തോന്നി പോയി. തോന്നല് ആവും!
അങ്ങനെ സമാധാനിച്ചു.
എന്തോ സ്വകാര്യം ചെറിയമ്മയോട് പറഞ്ഞു ഗായത്രി ചിരിക്കുന്നുണ്ട്. അതിന്റെ കൂടെ ചെറുതായി
ചെറിയമ്മയും ചിരിച്ചു. ഗായത്രി രണ്ടു മൂന്നു വട്ടം എന്നെ നോക്കി. ഒരു വട്ടം പതുങ്ങിയും. ഉയഹം കൊണ്ട്
എന്നെപ്പറ്റി പറയാണെന്നുറപ്പ്. എന്നാലും അനു എന്തോ എന്നിൽ നിന്ന് വിട്ട് നിൽക്കുന്നപോലെയുണ്ട്.
ദേഷ്യം കാണും.!!! ഞാൻ അത്രയൊക്കെ ചെയ്തു പോയില്ലേ!!
“അഭി… ഇങ്ങു വാ…” ഇടയില് ആശാന്റി കൈ കൊണ്ട് വരാനാഗ്യം കാട്ടി.അടുത്ത് നിൽക്കുന്ന
ചെറിയമ്മയുടെ തോളിൽ പിടിച്ചാണ് ആ വിളി. അച്ഛനും അമ്മയും ബാക്കിയുള്ളവരെല്ലാം എന്റെ
വരവിനു നോക്കി നില്ക്കുന്ന പോലെയുണ്ട്. എന്നിലേക്ക് നോക്കാതെ എപ്പോഴും നോട്ടം മാറ്റി
നില്ക്കുന്ന ചെറിയമ്മയുടെ അടുത്തേക്ക്,അവളുടെ കൂടെ എന്നെ നിര്ത്തിച്ചുകൊണ്ട് ആന്റിയും
ബാക്കിട്ടുള്ളവരും ഞങ്ങളെ നോക്കി നിന്ന് ചിരിച്ചു.എന്താണെന്ന് മനസിലാവാതെ നിന്ന എനിക്ക്
അമ്മയെ നോക്കിയ മതിയായിരുന്നു. സൈഡില് നിൽക്കുന്ന അതിമുണ്ട് ആക്കിയൊരു ചിരി
.എന്റെയും ചെറിയമ്മയുടെയും കൈകൾ പിടിച്ചു നില്ക്കുന്ന ആശാന്റി. ഞങ്ങള്ക്ക് രണ്ടു പേര്ക്കും
കവിളില് ഓരോ ഉമ്മ തന്നു.പെട്ടന്ന് അമ്മയുടെ മുഖമാണ് ഓർമ വന്നത്. സ്വിച്ച് ഇട്ടപോലെ ഓഫ് ആയി
നില്ക്കുന്നുണ്ടാവും.. മുന്നിൽനിന്ന് ആന്റി മാറിയ തക്കത്തിന് ചിരി വന്ന ചുണ്ടുകള് മടക്കി ഞാൻ
അമ്മയുടെ ഒന്ന് പതുങ്ങി നോക്കി. കണ്ണ് കൂര്പ്പിച്ചു നിനക്ക് ഞാൻ താരാടാ എന്നുള്ള നോട്ടമതിന്.
“രണ്ടാളും അടങ്ങി കച്ചറ ഒന്നും ണ്ടാക്കാതെ നിക്കണം മനസ്സിലായോ?….” ആശാന്റിയുടെ ചെറിയ
ഉപദേശം.അതിലെന്തോ പറയാതെ പറയുന്നപോലെയുണ്ടോ? അര്ത്ഥം വെച്ച് ആക്കുന്ന പോലെ.
ചെറിയമ്മ തല കുലുക്കിയത് എന്തിനാണെന്ന് മനസിലായില്ല.
“കേട്ടല്ലോ അഭി…” ആന്റി ഉറപ്പിനെന്നോണം എന്നോട് ഒന്നൂടെ ചോദിച്ചു. അറിയാതെ തല ആ മുഖത്തെ
തേടി പോയി. എന്റെ ഇത്തിരിയുള്ള ചിരി അപ്പൊ തന്നെ മാഞ്ഞില്ലാതെയായി. അനു മനപ്പൂര്വം എന്നെ
നോക്കാതെ നിൽക്കണോ? ആ നോട്ടം ഒരു ദിശയിലേക്ക് തന്നെ പിടിച്ചു വെക്കുകയാണ്. എന്നെ
ഒഴിവാക്കുന്നുണ്ട്. വിഷമവും, ദേഷ്യവും. വല്ായ്മയും പെട്ടന്ന് വന്നു. വാടി തളര്ന്ന എന്റെ മുഖം നോക്കി
നിന്നിരുന്ന അമ്മക്ക് മനസ്സിലായി കാണും. പതിറിയ,അഭിയയിച്ചുണ്ടാക്കുന്ന ചിരി അമ്മയൊരു
അസ്വസ്ഥതയോടെ നോക്കി.
വാതിലും കടന്ന് വരാന്തയും താണ്ടി എല്ലാരും സ്റ്റെ്പുകൾ എണ്ണി മുറ്റത്തേക്ക് നടന്നു. ഇറങ്ങാനായ അമ്മ
ചെറിയമ്മയോട് എന്തോ പറയാന് രണ്ടു മൂന്നു വട്ടം അടുത്തേക്ക് ചെന്നെങ്കിലും അവൾ അടുപ്പിച്ചില്ല.
ആ വിഷമവും മുഖത്തു കെട്ടി വെച്ചാണ് എന്റെയടുത്ത് വന്നത്.
“അവള്ക്കുള്ള കഞ്ഞി അവിടെ വെച്ചിട്ടുണ്ട് നീയൊന്ന് കൊടുത്ത് നോക്ക് ട്ടോ… ഞാന് പറഞ്ഞ അത്
കേള്ക്കില്ലഡാ. വേണ്ടന്ന് പറയണേല് ദോശണ്ട്.. പിന്നെ ഉച്ചക്ക് ഉള്ള ചോറും ണ്ട്. ഞാൻ അപ്പോഴേക്കും
വരാന് നോക്കാട്ടോ…” എല്ലാം പെട്ടന്ന് പറഞ്ഞമ്മ. സൈഡില് വെച്ച ബാഗ് എടുത്ത് തോളിൽ തൂക്കി.
